龍如酒家

營業中

休息中

又去流浮山食海鮮啦😎今次都係買海鮮拎去加工😆食左蒸鮑魚，蒜蓉粉絲蒸帶子，炒蟶子，炸生蠔，薑蔥炒蟹，蒸班頭腩，香炸班頭腩整體上菜有序👍🏻食完一道再上另一道，火候控制得好，有鑊氣😆侍應態度有禮, 會主動換碟😆

公司週年紀念食靚海鮮🦞🦀❤️最中意到元朗流浮山😜一去到流浮山去海邊行下睇日落🌄當天天氣好睇住日落心情愉快🫶🏻再去食海鮮選擇到食開個間～ ～油鹽焗奄仔蟹 🔺每次都必食，正呀😘 ～龍躉兩味 🔺龍躉炒翠玉瓜正常發揮👍🏻 🔺炸龍躉好驚喜，入口即溶超好味🤩 ～蒜茸粉絲蒸扇貝 🔺保持水準😜 ～薑蔥蠔 🔺個人覺得好普普通通😂 ～芝士龍蝦伊麵 🔺另一出色之作😉 ～椒絲腐乳通菜 🔺有鑊氣嘅🙃

母親節一於帶媽咪嚟好耐冇去嘅流浮山食海鮮！本身都住大西北 揸車嚟15分鐘左右出面就有停車場 都好方便👍🏻呢間龍如就喺大街嘅中間4個人叫咗7樣海鮮+1碟炒菜1. 豉汁聖子聖子好爽 一啲都唔腥😻豉汁炒到好香 2. 龍躉球平時唔食魚嘅我 都覺得炒得好好食魚肉好鬆化 唔實 最重要唔腥！3. 椒鹽賴尿蝦冇得彈🥹啲蝦殼炸到好香口 加埋啲蒜直頭想連個殼都食咗🤣賴尿蝦唔算好大隻，但唔會話好瘦，隻度都厚肉👍🏻4. 鹽焗花甲成晚覺得最普通係呢樣 硬係覺得呢啲要豉汁炒但因為老細見我地聖子已經豉汁 所以叫我地轉呢種食法 花甲ok嘅 冇沙 可能個人覺得太重薑味所以扣左啲分5. 蒜蓉蒜貴妃蚌估唔到除咗元貝之外 咁樣整貴妃蚌都一樣好食😋每隻都俾勁多蒜同粉絲一齊蒸 好正😍個蚌唔係好大隻（不過貴妃蚌本身好似都唔大） 唔會蒸到好un 食落爽口6. 花蟹花雕蒸蛋白隻蟹好鮮甜😋蟹鉗蟹身都多肉食蛋白略嫌唔夠花雕味7. 辣酒煮花螺個汁唔算辣 好惹味😚花螺夠晒入味 牙簽一撩就出嚟 唔會話好難撩到總結嚟講覺得算抵食人均$700👍🏻會有下次

今日難得朋友揸車去流浮山，帶我哋去食海鮮，去咗呢一間正大街嘅龍如酒家加工，我哋買咗南非鮑魚花竹蝦同埋龍蝦去加工 由於我哋訂咗位，去到走唔駛等直接入去 比較推介嘅，係蒜蓉蒸花竹蝦一嚟到嘅時候已經有好香嘅蒜蓉味，賣相非常吸引清甜既花竹蝦配搭上香噴噴的蒜蓉和豉油，配上粉絲，十分好味，粉絲吸收晒啲精華，非常鮮味西澳嘅龍蝦本身非常新鮮，去到嘅時候仲係扎扎跳 呢個芝士焗龍蝦真係一流，龍蝦肉爽口彈牙，再配埋濃厚嘅芝士味，配搭上真係一流 龍蝦處理上亦都唔會有太過熟嘅情況，火候控制得宜 陳皮蒸鮑魚都隻隻肉質鮮甜，令我非常喜出望外反而豉椒炒蟶子，就有少少過老，有兩三隻都唔係好咬得開

1年前與女友去過，味道好，價錢合理。我們今次再去，叫同樣的菜式 (龍蝦，瀨尿蝦，花螺，蟶子)，要兩倍價錢，完全不合理，欺騙食客嘅信任。兩隻瀨尿蝦 (見圖) 要520蚊，未計加工費，自己諗喇

龍如海鮮酒家.龍蝦：好食。其他：見人見智。流浮山條海鮮街後d嘅酒家 質素無返咁上下都真係生存唔到 仲要唔洗+1 都真係幾癲 本身同女朋友行嘅時候都幾驚俾人劏，但係發覺門口個阿姐都幾好人 比d指引我地買幾多 兩個人食幾多份量 講返個龍蝦 煎過係幾好食 香口又唔膩 配埋芝士伊麵認真唔錯 食到無停口 食過返尋味 連殼都lam乾淨lol其實仲叫左蟶子同炸蠔 一個就一般水準 一個直頭連蠔味都無 最多可以叫佢炸粉.是但啦 埋單9百幾蚊 算唔錯體驗 但係除左龍蝦蟶子encore 其他無下次-.-

年廿八晚飯，諗住去食餐好啲去流浮山食海鮮餐，我哋兩個冇訂枱，經過龍如門口啲夥計又好親切，餐廳門口又有好多海鮮可以揀，我哋就決定揀呢間喇，一坐低夥計就俾咗兩碗魚湯我哋先，其實海鮮只要新鮮基本上都係好食嘅，咁梗係要開返一支白酒啦。龍蝦一大隻🦞，我哋叫上湯龍蝦配煎米粉底，其實真係好好味，唔使每次都係用芝士底太漏又食唔落其他嘢。油鹽水蝴蝶蚌，好似過火咗少少，少韌。椒鹽賴尿蝦兩隻，肥美有糕😋蒜蓉粉絲蒸象拔蚌仔四隻。其實入去流浮山食海鮮，都預咗係貴，冇諗過原來門口買嗰啲海鮮係要另外再俾加工費，但係成餐飯嘅招呼都係一流，所以就算俾多少少都係順氣嘅！

🍴龍如酒家 @流浮山🍴 流浮山出名食海鮮就係人都知架啦！小編住大西北咁近就梗係會入去試下食啦！其實係呢間都食過幾次，係友人介紹，覺得味道唔錯價錢又唔會太貴。首先去到門口自己揀左海鮮先，之後同店員講想點煮就得架啦！呢餐平均人頭食左400幾蚊。------------------------------🟠蟶子煎米粉呢碟係小編至愛呀😍蟶子煮得岩岩好，唔會好韌，口感好好。而個汁既味道好惹味。小編係呢度先知有煎米粉呢個小菜，煎完好香口有少少脆，食唔停呀！🔵油鹽焗奄仔蟹平時好少食奄仔蟹，覺得有少少似食大閘蟹，因為佢都係有好多黃黃既膏。之前食過都好爆膏，今日可能隻蟹無咁靚相對就唔多膏。🟢上湯龍蝦伊麵底呢個龍蝦大大隻啖啖肉呀，味道鮮甜，都係每次必叫之選。上湯都幾濃味同埋結身，伊麵吸哂D味，要食返兩碗先得！🟣椒鹽鮮魷呢道菜有驚喜！小編原本唔太鍾意食魷魚，覺得好難咬。估唔到呢度D 魷魚好滑好易咬，味道唔錯。🔴豉油皇海蝦呢道菜相比之下就失色左少少，豉油味夠，蝦都鮮甜大隻既，不過就唔算好特別既款式。

我們跟團食團體餐，但想吃多一些東西，於是點多碟豉椒炒蜆 ，侍應說我們八位，兩斤才夠吃，所以我們要了一碟炒蜆再加多碟豉油王炒麵，餸菜上嚟之後，那碟蜆有頗多未開和有殼沒有肉的，碟炒麵就正常，隨後侍應就給我張單，一睇之下，共收$560，碟炒麵$120,即係碟蜆要440蚊，明細看返，來料代烹$164，海鮮代收$276，即係話一斤蜆$138，我們要了兩斤就$276，但為何我在這裡落單要有來料代烹的收費呢，侍應和我說這裡全條街都是如此，因我落單前沒有問清楚，當下唯有做羊牯，結帳了事，所以在這裏提提大家要留意

趁假日一行四人去流浮山旅行, 行到五點零鐘去搵嘢食, 龍如酒家門口職員話免加一, 見到酒家門口好多明星相, 所以貢咗入去試下, 門口揀海鮮整個過程也沒有什麼問題, 食物水準一般, 但見張餐廳價目表話蕎頭收15蚊茶錢各樣, 埋呢張單大數每人維到大約接近七百蚊, 但覺得奇怪係上星期啱啱去完三聖村, 人哋啲帳目號分明, 點樣收費好清楚, 但呢度問職員一個大數, 覺得好奇怪十分不透明, 我哋見慣世面, 出慣黎食嘢,所以沒有再追問, 但心目中已經將佢哋列入黑名單, 希望在此提醒需要清楚帳目嘅人, 避免再中招！

第五波疫情完結，21/4晚市重開，市民紛紛外出吃好西，這是小編第二次約老朋友飯局吹水。已經最少有3年時間沒踏足流浮山食海鮮了，近年多數去西貢。今日班老朋友趁51假期，遊覽濕地公園，隨後順路來到流浮山的龍如酒家吃海鮮。一行八位，點菜目標明確。上湯龍蝦米粉煎底，幾咀刁架！比慣常的芝士配伊麵底，米粉是較清淡不糊口，冇咁漏，食客下次不妨一試。今次揀了澳龍3斤幾重，一味價過千了，是今晚主角，總算不負眾望。龍躉兩食，西芹炒球和脆炸頭腩骨，個人喜歡香口煮法，香脆好味道。酥炸生蠔，不過不失啦！如果有隻一點，再Juice一點，就更佳。奄仔蟹，流浮山興用油鹽焗煮法，新鮮有膏，但一隻要110元，價錢貴了些啊！每人食半隻，未夠喉囉！粉絲蒸貴妃蚌，麻麻地，似蒜蓉蒸粉絲，蚌肉細到似蜆肉。椒鹽鮑魚，幾爽口彈牙，好食過陳皮蒸。炒通菜，正常野。例湯，椰汁糕和生果都是送嘅！查實咪打埋入菜價。招呼又吾錯喎！侍應當然是同胞級阿姐啦！但勝在夠落力和態度都親切。整體上，食物質素不錯，夠鑊氣。街坊酒家的裝潢和衞生水平，價錢可能因為復市不久，加少少價都情有可原的，加上有消費券支持，大眾市民都樂於消費的。吃到美味的海鮮，不得不讚嘆上主

之前朋友帶嚟食過一次之後，再一家人嚟提早做節，基本上都係跟朋友之前推介叫餸，4個人叫咗8個餸除咗龍蝦應該唔會有下次之後其他都好正，整體材料夠新鮮，味道雖然係偏濃但都唔影響海鮮口感！如果特別係當中兩款重口味人氣之選豉椒蟶子同炆班腩都好惹味👍👍原本見到隔離枱 碟炒飯都好想叫埋嚟試，但真係冇辦法再叫多一樣🤣🤣

秋風起陪屋企人入流浮山行吓順便買吓嘢，行到過咗午飯時間（兩點幾近3點），幾間酒樓都落咗場，呢間無落場時間。佢喺係門口買海鮮（料錢），再入內加工（加工費）。三人行要咗：椒鹽瀨尿蝦（2隻開二）蝦肉鮮甜蒸蟶子王6隻（每人兩隻）超鮮味白灼花螺（1斤）個人略嫌稍un（$200，性價比低）椒鹽魷魚 普通到不得了（$130，出面比心偕是，唔駛入嚟食）買完海鮮逐樣秤佢會問你點煮？我哋大概每個餸75蚊加工費，椒鹽豉椒蒸都係個幾款啦～寫好單後會送豆腐魚湯，食完哂埋單有橙同椰汁糕料錢7xx + 加工費225 + 椒鹽鮮魷130 +花生蕎頭60 埋單

第一次見冇膏的油鹽焗奄仔蟹見仲係農曆8月，點了兩只奄仔蟹。在樓下檔口問咗兩次係咪一定有膏，拍心口話有，ok ! 你揀我pay冇問題。上到枱，一只係半黃膏，另一只可以講係冇膏。咩叫奄仔蟹？我相信大家都應該心裡面有個譜。我唔係話要黃油蟹，但最少都有D黃膏睇吓！我問佢，佢話係我自己揀，唔係嘛！你叫佢翻睇一下CCTV？一百幾十，其實冇所謂！但打開門做生意，信譽口碑好重要，做壞咗個名，貼多多明星相都冇用啦⋯⋯ 埋單我帶埋只蟹比佢睇，唔好話我呃佢。

今日特意走入流浮山買金蠔，順便去食海鮮。原本諗住去海灣試吓，點知無開門，所以就揀咗去對面間龍如。入去時見唔太多人，心諗唔知點唔點，但勝在地方非常乾淨，而且枱與枱之間亦闊落，都坐得幾舒服。去門口揀咗幾款海鮮，伙記即時送去廚房煮，不到15分鐘就已經逐樣上枱，較率幾高。餐前還送兩碗海鮮湯，個人覺得送得不夠大方，流浮山亦食過幾家飯店，一般送海鮮湯係會一大湯碗上，但呢家只送兩小碗，感覺有點吝嗇。豉油王蝦 : 炸得香脆，但不會蓋過蝦嘅鮮味，食落口帶有微微脆香。豉椒蟶子皇 : 肉嫰多汁，不會煮得過老，味道剛好，不太鹹。炆斑腩 : 伙記話係得獎名菜，推薦我們一試。一般炆斑腩都會用到支竹火腩去炆，但呢度師傅做法係先微炸再炆煮，醬汁濃而不會失咗魚嘅鮮味，果然名不虛傳。砵酒焗蠔 : 味道雖然可以，但實在食落有點膩，可能兩個人份量實在太多。油鹽水浸菜芯 : 呢個反而係全餐最唔好食，有點過鹹。飯後還有免費水果及甜點。