麥當勞 (已搬遷) 新店位置

尋日放工返到火車站岩岩好8點半...諗緊食咩好個陣先醒起而家m記麥樂雞餐有優惠...咁就唔洗煩去左食喇....唔知係唔係放工時間....所以d薯條好新鮮....係熱到一陣先食得....好耐都冇食過d咁新鮮ge薯條....所以真係值得一讚!

受完氣再入麥記同男朋友食野~~叫左20蚊O既巨無霸同埋今日優惠8蚊魚柳飽~薯條好短...巨無霸冇乜特別..都係好多油~最勁;乜原來魚柳包塊芝士得1半架炸咩???!最衰肚餓冇影相!!我仲拎去問個經理;個經理都話係得半塊~~8蚊特價就得半塊芝士??邊可以咁做生意架??

呢頭睇完廣告, 轉頭就有得試新野 ^^ (1月6日)麻辣麥槳雞: 有d好似辣脆圈零食既辣味, 仲少左包醬XD 男友極度唔推介麻辣豬柳漢堡: 呢個都唔深印象雙層魚柳包: 最好味係呢個~^0^ 比想像中大塊喎2塊魚柳~^^依家出面食飯愈來愈貴, 相對麥記又抵食左

快到農曆新年，麥當勞又推出板燒雞腿包同扭扭薯條。今年的包更加入了麻辣的口味。除左有麻辣板燒雞腿包外，亦有麻辣板燒雞腿扭扭粉、麻辣麥樂雞，一於辣起個農曆新年。今次試麻辣板燒雞腿包，外盒既賣相很令。其中盛裝著扭扭薯條既盒旁更有靚靚既生肖圖案，若果唔係用黎裝左薯條，我一定會收藏起黎。雖然是外賣番黎，但包和薯條仍然係暖暖的。一打開包裝紙,麻辣醬汁就成紙都係，加上包的賣相整得不好，成塊雞扒飛出黎，生菜亦搭得不好，散開的。拎起包時配料經常跌出黎，食既時候十分狼狽。說回味道，麻辣醬的確有辣味，而且會愈食愈辣，但對我來說辣既程度依然是可以接受。不過麻既感覺就欠奉了，只有辣味係口腔徘回。所以正確來說這個是辣味板燒雞腿包。雞扒大大塊而且肉質滑滑的，食落啖啖肉十分好口感，不過可能麻辣醬味太過濃烈，原全食不到雞扒是經過燒烤的。不過整體既感覺還是滿意的，只係個包夾得唔好，成日食食下跌材料。薯條是扭扭薯條來，外形像以前哈迪斯既脆薯圈，彎彎曲曲的。炸得干身不會太油，味道比上年的沒有咁咸，較為好食。不過始終認為普通既薯條較為好味，所以試完一次便算了。總括而言味道OK，我還有興趣試試麻辣板燒雞腿扭扭粉。期望下年可以再出

今日咁岩工程0係呢頭進行，第一次來到呢個商場嘆冷氣﹗來到食左個中薯仔拼番杯中可樂，發現呢期麥記個飲品杯好靚﹗都唔洗點讚，食得麥記都係求穩陣，一齊也很快很好，反而要讚一些傷健的員工工作好落力，不停行來行去睇下有咩可以做﹗呢個真係值得表揚﹗之前睇咩周刊話而家麥記上網有得免費廿分鐘﹗所以羅番HtC手機出來上下，點知上極都上唔到﹗唔知又有咩出錯了﹗

其實出了很久，不過一直無機會試，今晚終於吃到。要了一個包 + 一杯汽水 (都要 about $25，都不便宜)。個包即叫即整所以都要等 5 min，一打開都未個厲害，但一吃就知足三兩的牛肉真的不是講笑。個包夠熱、牛肉夠厚、亦不會乾 (不過可以多些茄汁酸瓜更好)，我覺得都不錯。不過份量實在太多，我最後都吃剩三分一，(罪過罪過)。好彩沒有要餐...相比之下，下次都是要黑椒漢堡，更香口，又不會太多。

七月十日(星期四)原來芝麻新地供應到七月廿三日ja!好快d食喇!放左工番屋企既途中要食一食!芝麻醬好濃味!加埋d雪糕勁match呀!!第次食要叫佢地多醬先!!^^

今日落大埔去到M記.....有d口光...就決定飲士多啤利奶惜去到....我坐低左...問果到d人可唔可以幫我買...佢地都好熱心話可以...=)之後飲發覺口感不錯...希望下次去M記飲都可以有e個水準啦

呢間m記如果大家係買外賣的話就要小心d啦因為佢地好多時會留野所以你出門前記得點清楚你買的野整唔整有時佢地的薯條少得離譜中薯條好似細薯條咁多到有次我杯氣水係冇味因為佢地唔記得加味落去= =!

其實個扭扭粉都唔差,形狀特別,又比其他通心粉款類彈牙.因為本身不喜歡煙肉,所以加$1轉做豬柳.感覺不錯呢!豬柳有點咸,加上扭扭粉就一流.但就嫌那些蔬菜太普通及好諗...好難食而煎蛋跟這個扭扭粉也是怪怪的...

傻鬼星期六陪我去大埔做野, 做完野咪去麥記食shake shake fries. 嘻嘻我地share一個mcnuggets combo, 要左泡菜shake shake粉. 嘩..個粉都幾辣不過又幾香口...

麥當勞早餐可以加$5要多杯粟米好適合現在推行的「生果蔬菜,2+3」的活動有益又美味~

實在覺得麥當勞很過份記得小時的魚柳包的魚柳是很大份的但不知從何時開始就縮水．．．

見到個廣告就好想試於是就去了買這個餐因為喜歡雞肉的關係,所以覺得不錯雞扒也很滑而脆薯皇卻有點遜色竟然是凍的!但也很合我的口味,淋淋地,點茄醬也很好~喜歡凍啡不加糖,但味道不夠濃~