鴻發牛什魚蛋專家

營業中

休息中

同鄰居準備買嘢燒烤，大家都未食嘢就話不如去街市食。本來食我平時食開嗰間茶餐廳，但係鄰居話有間粉麵好好食，咁就不妨試吓。點知黎到嘅時候，係上次我自己嚟食嗰間。跟住我話有啲伏喎，但係佢哋堅持話呢間好好食，又夠大碗，尤其是啲魚皮特別好食。咁我就俾多次機會佢啦⋯⋯今次有三個人，所以嗌咗一包魚皮，係幾好食嘅上次跟麵都有送一塊，我都覺得係有驚喜嘅。上次食腸腩河，今次食牛三寶，但係本身自己唔算好好牛肚，但係又想食牛筋咁就索性嗌呢個。今次個湯底好似好咗喎，雖然上次都係食腸腩河，基本上都係腩汁底，但係今次個感覺完全唔同。啲牛筋都好腍滑，究竟係佢啲嘢改善咗定係我上次唔好彩呢？

第一次嚟大埔熟食中心，1點半，全場座無虛席。見有張空枱就坐底，同朋友各自買咗啲嘢食。食到一半有個孭腰包嘅中年男負責人行埋嚟，見我地唔係食緊佢啲嘢，問我朋友碗麵喺邊買，幾多錢。然後話佢地都有賣，話我朋友唔識食 囧隔咗冇幾耐又行埋嚟話張枱係佢買，俾說話我地聽，叫我地嗌杯嘢飲。我地話唔洗，食埋少少好快就走。佢又行埋嚟問我隔離位同我地係咪一齊，我地話係。(隔離嘅朋友有買佢地啲嘢食)轉個頭又埋嚟問係咪真係識嫁，唔識我就請佢地走，我地唔驚冇生意做 囧哇我真係未見過咁冇禮貌嘅人 囧 成個黑社會陀地咁，係咁威脅我地，俾說話我地聽。連埋佢啲伙記姐姐，嚟講咗六、七次，話佢老細好不爽，叫我地不如買杯嘢飲。講到我地成枱人都怕咗佢，連再隔離啲佢地嘅其他客人都為我地抱不平，話佢三番四次過嚟好擾民。係，我見佢帶緊位，有4個客，咁就算我地2個走咗都唔夠位坐。望一望周圍，都仲有張2人位空。作為遊客第一次嚟點會知熟食中心有分區域坐，個地方咁大，坐位又咁密，點知邊張枱屬於邊間舖。我建議 貴店咁驚嘅話，應該喺每張枱貼番張 貴店舖名嘅貼紙，避免我地啲無知遊客白撞。如果朋友冇幫襯佢地，我諗我地真係會俾佢請離開，拎住啲碗碟唔知去邊

突然間買餸之前好想食河粉。之前經過已經嘗試去嘅魚蛋粉，但係始終坐低嘅時候都係叫咗腸腩河。落單姐姐好好問我要粉腸定係大腸，我話有啲咩分別。佢就話粉腸瘦啲，大腸肥啲。如果唔講明嘅話佢就會當牛雜咁樣，收嘅價錢會相對貴啲。本分未到嘅時候滿滿的，份量都好多，上面又有免皮。慣性第一口試左湯頭，係冇味㗎，相當失望。不過面底同埋餸嘅份量相對嚟講係超值嘅。如果個湯底佢會龍返少少嘅話咁性價比就相當高啦，既然唔夠味就試埋佢個辣椒油啦，又再一次浪費咗個quota。下次會再試吓佢款魚蛋粉，睇吓會唔會有不一樣嘅感覺。題外話，凍檸茶啲檸檬片數好多，但係完全冇味。

超大雲吞麵拼魚蛋，雲吞的內餡豐富，包括蝦肉、豬肉和香料，這些材料相互融合，營造出美味的口感。而且，配送少量魚皮， 10分不錯。然而，我對麵條的處理有些不滿意。它們的鹼水味道太濃，這種鹼水味在整個湯底中佔據主導地位，稍微掩蓋了其他食材的風味。我希望麵條的處理能更加平衡，讓湯底的口感更加協調。牛肚墨魚丸可：牛肚的質地柔軟，墨魚丸尚算可以。這碗牛肚墨魚丸可給我留下了深刻的印象，它是整體菜品中最出色的部分。

今午來鴻發，唔叫牛腩麵。叫午餐：胡椒豬肚雞湯飯+凍奶茶。($48, 冷熱飲品同價)份量不少，但胡椒味很輕，我喜歡香和濃既胡椒味。凍奶茶，都是一般茶記水準。好一餐，唔好又一餐。

星期六去完慈山寺，返到大埔墟已經係五點，由於朝早只係食咗早餐，所以已經10分肚餓，於是上大埔墟熟食中心睇下有乜食。呢段時間唔三唔四，晚飯又未到，下午茶又完，好多餐廳一係準備晚飯市，一係就收檔，只見這茶檔坐滿大半，上前一看，仍有下午茶餐（至5點半），便坐下！太后點了一客雪菜肉絲炆米$40，包冷熱飲品，而我就單點了一份西多士$21。過了10分鐘，炆米送上，熱辣辣！應該是即炒的！肉絲唔算多，但味道都不錯！油份唔算多！有8/10分！等了15分鐘，西多亦送到，可是，有一大條毛or頭髮痴左係件西多上，好嘔心！於是，我同丫叔講，丫叔即刻話叫過另一樣野，因為我想食西多，所以就叫佢整過第二份。其實都知道佢吾會整嗰份，可能拎走咗條毛，再炸多次！不過太后話炸多次都好既，殺下啲菌😅😅😅再過多10分鐘，西多再送上（唔知係咪同一份🤣)喱到既西多用左煉奶，而唔係用糖漿，少咗份傳統！入邊夾左花生醬！十分邪惡！我估一份有700卡😈😈 7/10分凍檸茶就正正常常，冇乜特別！整體嚟講，食物唔算特別，以大排檔黎講，價錢吾算平，一般貨仔，有選擇都唔會再揀😅😅

☘️一直想嚟大埔試呢個牛腩，因為好幾個朋友都話佢好好食，所以呢日咁啱入到去大埔，就特登走上去大埔墟街市探店，我哋因為時間比較晏，成七點幾先入到去，仲怕佢已經休息添，好彩佢仲有開。☘️眼見好多只做日間嘅檔都關咗，剩返嘅都係做晚飯小炒嘅，只有鴻發牛什仲開住，不過都已經只有一兩枱，眼見大部份都係買外賣多！我哋錯有錯著，大把位任坐唔駛同人迫😜☘️我叫咗牛腩牛肚雙併米，朋友叫牛腩墨丸雙併河，加個油菜同炸魚皮！嘩，碗米粉嘅份量都唔少，牛腩個樣好靚，味道當然係好入味，但唔會太淋，好有咬勁😋 牛肚都好好味！ 個魚皮係成大包上，大大塊好香脆唔會好油。 我哋食唔哂就成包拎走，好方便😜☘️價錢當然係好實惠，下次再嚟大埔一於再嚟食過😜

之前見屹位大埔多年的裙記青湯腩宣布結業，有大埔友留言聲稱此市政大廈的牛腩牛雜有過之無不及，另外始終覺得市政的餐枱椅沒裙記那麼逼迫，帶着觀望態度來試試。4月中時來這裏買食材，特意在熟食中心繞圈見還是死氣沉沉，在放寬8人一枱下，現在終於「活化」，朝早9點，幾乎每檔熟食已經坐滿，沿電梯上去，行至後排，左轉至接近盡頭，在曲髮姐姐笑容熱情招待下，找到個難得搭枱有隔板位坐下。因想試其崩沙腩且有點餓，決定來碗雙拼牛腸多青河。崩沙腩排列整齋，粗中有細，伴隨數片附送魚皮，不腥。崩沙腩每件嚼起在口中都發出咯滋咯滋聲，腍得來有嚼口，不介意是新鮮是冰鮮雪藏，但調味來得有點淡，似煮得不夠時間。牛腸是粉腸實非我所好，丁點失望，唯有照吃，湯底偏清，沒感到熬製甚麼肉湯骨湯味。

好少去大埔，第一次黎大埔熟食中心鴻發唔止有麵食仲有飯食。見到午市套餐有朵椒蒸鯇魚飯，沙薑雞飯唔錯就叫左，都係43蚊包熱凍飲超抵。我見隔離枱叫 肉絲炒麵好大碟。好正。

鴻發牛什： 我個人覺得有些少過分吹捧。第一：我覺得佢唔係用新鮮牛做牛腩，都係用冰鮮、肉質上已經有分別，就算你嘅醬汁各樣點樣天花龍鳳咬落去一絲絲同新鮮牛腩鬆化係兩回事，你叫爽腩、崩沙都係差唔多咁嘅效果，始終係有分別嘅第二： 佢一樣唔係用新鮮牛雜，同中環水記比較完全係大人同細路踢足球，而且品種唔多，譬如牛腸：水記每日堅持用新鮮牛什，牛腸凌晨徹底清洗，確保沒有怪味，相反鴻發牛雜除咗牛肚（冰鮮）全部都有異味，真正做到食神那渣麵嘅「啲大腸入邊仲有屎㗎喂」效果，客觀分析有人鍾意這種味道的，只不過不是我杯茶第三：價錢絕不貼地，收咁嘅價錢毫不猶豫我會去同區嘅群記

崩沙腩河$51.本身諗住去食群記，但點知收咗爐🤦🏽‍♂️行咗去大埔街市搵食最後揀咗鴻發食我最鍾意嘅崩沙腩.見到啲人食河粉好似唔錯，所以都叫咗河粉黎試吓，上到嚟幾靚，而且仲俾咗兩舊魚皮，但係真係好腍，我諗係整完之後冇即刻出所以先會甘，但係覺得ok，因為腍魚皮都係我飛彿😎.崩沙腩除左靚仲要好食，咬落去小肥，有筋位係煙韌口感，又唔會韌，有肉香，個size 切得岩岩好，呢間不得了！😌.湯底我覺得比較清淡。飲咗一兩啖湯開始覺得冇乜味，要落醋同辣椒油，河粉就正正常常，下次都係會叫返米粉.CP值及夠飽價錢唔貴，份量ok🙂.翻啅一定會再返嚟買，崩沙腩米記得要等我🥺🥺

上網見到有人介紹大埔墟街市熟食中心全層樓有好多唔同嘅檔口，好多嘢食今日特登去睇下，順便買餸😆雖然全層地方好大，不過真係好多人😅我哋行咗一圈之後，都等咗一陣先有位淨食崩沙牛腩牛味濃，牛腩唔會炆到爛晒散哂中間亦都有少少跟，夠晒爽彈湯底亦都夠味之餘唔會好鹹另外亦都嗌咗個咖咉多士多士都烘得夠脆不過就普普通通冇乜特別建議留肚食其他嘢好啲單點嘅凍奶茶有驚喜老公飲咗一啖之後大讚茶未夠濃，亦都夠滑唔會飲完脷都鞋另外都嗌咗附近嘅豬油撈麵麵幾彈牙，不過豬油就唔夠香反而附送嘅辣椒油好好食但問過店家冇得就咁買😅由於我哋坐嘅唔係面舖嘅枱麵舖伙記講明食完要還返啲碗碟俾佢我覺得無乜所謂，可以食唔同舖頭嘅嘢食又唔會撈亂啲碗碟，大家都好丫眼闊肚窄飽到暈全餐最好食係崩沙腩真係值得嚟試下👍🏻👍🏻

裝修前每週末都吃，因為裝修將近一年沒去了，久別重逢，這平凡的味道依舊讓人回味無窮。普通的墨魚丸河附送炸魚皮，脆卜卜的魚皮浸在白雪雪的湯，淋左都咁好食。墨魚丸彈牙又滑，贊！唔知湯有冇味精，我勁唔鐘意味精野，但每次都可以飲唒碗湯。呢度既河粉係我最鍾意個款，幼滑又夠淋。追加左個咖咉多士，唔記得影相。細細份$15 。有啲偏甜但都可接受。裝修前試過手打魚丸，但個人口味，都係鐘意墨魚丸多啲。下次想試吓豬手。呢間小店大埔人必吃之選。

大埔墟街市熟食中心，平日都人山人海，選擇多！繞場一周，都係呢檔魚旦粉最合心意…剛好有吉枱，姐姐招呼周到！比杯熱水我地浸筷子用，然後至慢慢揀午餐…炸魚片頭牛筋米線配央走（$51），炸魚片頭雲吞河配啡走（$39）。央走香滑夠wat，炸魚片頭魚味濃厚，牛筋份量係屋企附近食開果檔嘅兩倍…軟淋入味！仲有塊脆炸魚皮附上。加埋惹味辣椒油，轉眼KO！老友的炸魚片頭雲吞河配啡走亦好評，只係塊魚皮細咗d…雖係舊式街市熟食檔，天氣焗熱的日子，仍覺得冷氣充足，吾駛食到汗流夾背！讚！

早上8時到達大埔墟街市，不用等位又沒太多人。我們從九龍揸車過去，停車場$13 半個鐘。我們坐在另一間餐廳位置，所以買魚蛋魚片生麵時就要比$10按金，食完還返個碗就拿回$10。麵質彈牙，竟然生麵沒有鹼水味，記得試吓，不是度度的生麵都沒有鹼水味，這裏便找到！仲有竟然有魚皮在面上，幾可會見到餐廳買魚蛋麵送埋魚皮呢？