鴻發牛什魚蛋專家

營業中

休息中

大埔食牛腩，呢間性價比都幾高。牛腩仔分兩級，一就是普通牛腩，二就是崩沙腩。做法是清湯腩做法，火候掌握得唔錯，林得嚟有少少趙口，唔會太淋，亦都唔會黐牙。唯一缺點是崩沙腩越嚟越貴，話說多年前是沒有分崩沙腩或普通牛腩，後來蔡瀾喺度影嗰張相又多咗人食。最初崩沙腩只是加五元，一年半載後就變咗加八蚊，近兩年就比普通牛腩加15蚊一碗，$34 vs $49都相差幾大。今次食的是崩沙腩麵加凍啡，一共$56。雖然崩沙腩貴唔少，但係真係貨真價實，今次稍稍細件有9件，件件都有厚厚根膜，再帶點油香，肉質微彈，有啲咬口，計落都真係唔貴，唔怕肥/邪惡一定 like. 湯有牛骨香，有少許肥/油脂，微甜，唯一比不上群x就係個湯。麵質中規中矩，略去梘不足，有待改進。跟一大塊魚皮，不是骨皮，鬆脆，質素好。凍啡唔錯，有茶記水準，比一般麵檔好。整體中上，值得長期幫襯。

牛腩米粉中學果陣成日食，今次返黎尋味。牛腩仍舊大大舊好抵食，仲有送魚皮，呢間既魚皮先最精彩，超級香口，香中帶淋，個人黎講呢間真係數一數二魚皮最正我叫左杯杏霜，相對正常。

入到大埔，好多朋友都話好多好野食，平靚正一定去熟食市場。今日一於去試試大家口中的美食，逼完過馬路，再遇上所謂的議員叫街坊簽名，之後坐完電梯到熟食市場，基本上一直都人山人海。行左一陣見到鴻發有位，都無考慮就坐低啦。望下個menu,老世同伙記都叫做俾足時間大家睇，只係等位的客人會比較心急，企定定係大家背後望實。望完都無花多眼亂，都係凍熱飲都加七蚊，叫做合情合理。咖央西多士，誠意推薦。牛腩河叫做好食，可惜。。。。真系衛生情況好一般

數數手指，大大話話，呢間鴻發係我印象中，已經開咗超過15年，從新街市剛剛落成到而家。呢間鴻發朝頭早去食嘅話，仍然都係要等位，好在佢開多間分店喺隔離，變相等位嘅時間唔需要等太耐。由中學食到而家。老闆娘可以話由細睇到我大。因為我每一次都係同家母去食嘅關係。而我家母亦都係家中嘅大家姐。所以老闆娘每一次都好親切咁叫我媽做大家姐。好啦講返食物嘅重點。我最鍾意食佢嘅就係片頭。同埋炸魚皮。炸魚皮炸得非常之脆卜卜。一定係等佢上枱嘅第一時間就要即刻擺落口。如果唔係就會變淋架喇。然後佢個湯底亦都好好食。米粉唔會話煮得太淋。可以話去新街市必食嘅舖頭。

有一段長時間冇入大埔，今日舊地重遊，要學人懷舊一下，去些之前成日去地方，食些之前成日食食物。 大埔墟街市熟食市場真的唔陌生，假日又撞正午市時間去到仍然人頭湧湧，等了一陣位先有得坐。 耐冇來連規矩都唔知，依家係食物一上到枱即付錢。 不過咁都好，可以吃飽即走，唔使等理單。 今日碟炸魚皮好似比之前細份，不過味道仍然十分鬆脆。 好在那碗牛什河丶牛腩米份量仍十足，絕對大大碗吃到飽，最緊要就係唔覺得有味精。 咁多年食物質素也保持得咁好，真抵讚。

之前來這個大型熟食市場，都沒有什麼意見，看不出哪一間比較正點，因為人流非常多， 十分擠擁的環境，基本上每一間餐廳門口都坐滿乘客。但由於我吃過東記雲吞麵，據聞那兒的豬扒以及雞翼，還有上海麵非常著名，但是吃過之後，就覺得不怎了了，豬扒毫無特別，甚至毛又乾又不是即炸，強差人意。之後幾次便去其他店一試，由於平日也經常飲茶，因此點心也可以不理了 ；上次試過一間餐室的奶茶以及下午茶，有只屬普通。這次到了友人家父最喜愛的牛雜粉麵。這家鴻發牛雜粉麵，中間又加插了另一間點心店，因為原來鴻發除了牛雜粉麵，令一邊還有做普通茶餐廳的炒粉麵飯以及常餐早餐等等。那麼我就試試這兒的牛腩，看見很多人都吃河粉，但我還是點了個幼麵。由於店面起碼都有30-40場客人在進食，因此等候時間也比較久。但是牛腩麵一端來，我就發覺份量非常之多，牛腩應該超過10件，我叫了多荵，匙羹上面的青蔥，份量也的確非常多。幼麵有少許痴着一團，但是撥開了，就沒有這個問題，面料的份量也非常之多，亦都不算煮到溶溶爛爛完全軟掉，亦都保持少許彈力；湯底的味道有少許清甜，帶有輕微鹹香，還算不錯。吃了一件牛腩，感覺上它的切割、質地、以及質感，和東涌吃慣的金銘牛

今日早左起身 距離番都時間尚早可以坐低靜靜甘嘆下早餐 迎接一個good morning 😂😂大埔出名多好野食 但要數性價比高一定非大埔墟熟食中心莫屬😍今日又黎到鴻發 係朋友介紹過黎試下佢開係成個中心最入既位置 未必好多人會留意到佢 但性價比確實高今日叫左早餐B $30雪菜肉絲米線配雞翼同埋腸仔另外仲有厚切牛油多士 再加熱飲呢到冷，熱飲係同價 成個街市得佢係甘😂份量黎講一個女仔食晤晒😂 只係$30蚊有甘既份量好扺味道中規中矩 晤會係天仙味道 醫飽肚先係main point嘛😊順帶一提 呢到早餐過十一點後 加一蚊都可以叫即係$31就可以解決到lunch 價錢合理👍

今日又黎到大埔墟街市開餐食下午飯😆😆😆鴻發開係成個街市最入既鋪位但午餐相對黎講就係超級無敵扺食😍基本上每一日既lunch menu都晤同今日有8款選擇，由35蚊至39蚊不等仲要包冷熱野飲 真係好抵今日叫左A餐 乾炒牛肉河 走洋蔥配可樂一大枝😍😍😍😍值得一提，呢到可樂都竟然晤需要加錢成個餐只係35蚊😵😵😵抵到爛講翻碟乾炒牛肉河先牛肉都有成十舊 肉質好淋 但無乜肉味炒河有少少過油 河粉炒得好爽身 無一pat pat總括黎講，係呢個百物騰貴既社會，呢到真心好抵食，食物質素亦都晤差，選擇都有好多，值得大家試

在街市裏面覓食，誤撞 一家不好吃， 來找另一家， 食肆層的店舖前全都是熱熱鬧鬧的， 靠香味來尋找美食也不錯選擇，反正都在另一家吃了一點，來碗湯粉麵。 不吃粉面也可以點一碗淨餸， 魚皮脆卜卜， 魚蛋質感彈牙， 紫菜蒜粒，還可以嗌多蔥，令整碗味道極香口。 還有水吧檔，餐後點一杯凍檸茶食到飽飽。服務態度正面親切，了解需要。

常聽說大埔街市有很多隱世好食肆，這天來到立即試試這間友人大讚的鴻發牛什！這個熟食市場還算乾淨企理，但是人很多，就算一個人等位都需要一點時間。周遭是很懷舊的感覺，膠椅子、木圓摺枱，每枱都有不鏽鋼的筷子桶～每個街坊看似都很熟悉環境，一坐下就立即點單，幾乎都不用想。店員雖然很忙，但是很親切，也很熟手！牛肚河連可樂$35，這價錢對一般魚蛋粉來說很相宜呢！原來店家在每一碗粉麵都會附送一塊魚皮，我趁魚皮未有浸到完全軟腍就吃了。魚皮香脆有少許膠質的感覺，但不會超熱氣，吃完不會覺得鼻子想冒煙。牛肚很爽很有彈性，整體來說很乾淨。遺憾就是覺得湯底少了什麼，可能是腩汁？還是平時吃慣太多味精呢？覺得略嫌不夠濃味，整體來說是整碗麵的扣分點。

初四諗住上街市食個開年晏午餐（1點幾2點），結果勁多間都無開，好彩仲有鴻發！本身打算食常餐，點知老細話假期期間唔做⋯🤦🏼‍♀️好啦，牛什河+油菜有啦掛⋯sorry，牛什都唔做，連油菜都無得揀，只得生菜⋯最後叫咗牛腩河連凍奶茶$49。最嬲係本身話等15分鐘左右，都合理。結果等咗半個鐘，連隔離枱遲過我叫嘅都食完走人，我碗河粉都仲未到！咁梗係問一問姐姐啦，（生面口）姐姐「未得等夠30分鐘唔好催喎！」忍唔住反佢枱⋯「早過隔離枱阿叔叫架，佢都食完啦，我仲未有得食，洗唔洗等一個鐘啊？」。個姐姐先死死氣去問廚房，先發現佢出錯單，將我碗河粉畀咗隔離枱⋯🙄🙄🙄不過鴻發牛腩係無得頂嘅，價錢又合理。所以發洩完佢啲服務態度差後，都係會繼續幫襯。新春期間人多出錯明嘅，但無啦啦等多半粒鐘感覺唔良好

其實好多年前喺度食過，因為人哋介紹所以expectation比較高，嗰時印象一般般。好多年冇黎食今次食係因為附近有啲嘢都閂晒過年冇乜選擇就過咗嚟食啦。熟食市場地方當然冇咁乾淨，人比較多同比較嘈，呢人係無可避免嘅。望吓餐牌見種類繁多,價錢亦都合理。因為過年所以好差唔買套餐冇得賣，加菜呢淨係可以單價單價但叫因為過年所以好差唔買套餐冇得賣，加菜淨係可以單叫貴好多。貴好多。本來加$9變咗加$16。好快叫咗崩沙腩問佢可唔可以要爽腩果部份,佢話可以，加蝶菜幾個人分。點知一等等左半個鐘都未到，雖然我知人多但係佢哋好明顯係唔記得咗我哋個order。所以再叫一叫佢再等多10分鐘後到啦。個清湯腩啲清湯幾好飲，但係啲牛腩煮得太老所以有啲失望。個菜OK啦冇乜特別。總括而言，我諗我淨係會嚟飲個湯啲腩就可能唔會再食㗎啦。

超好食既$28 蚊粉麵 嚟到大埔必食！今次食左炸魚片頭+雲吞麵 魚片爽口彈牙厚身 好耐未試過係出面食到咁厚身既魚片 雲吞大大粒有兩粒蝦 麵勁爽唔淋！$28 蚊有呢個質素 性格比高

今日黎到大埔街市想食魚蛋粉，於是去左鴻發，一去都好多人食。不過，佢有兩個鋪位，我地行到最入，就唔需要等位。我地叫左兩碗麵，一碗係墨魚丸紫菜麵，一個係牛腩麵，另外加左$12要多個炸魚皮因為其他麵檔一定要食魚蛋麵，碗野先加炸魚皮。點知兩碗麵到左，兩碗都有送炸魚皮，有點喜出望外😊墨魚丸都好爽口彈牙，需牛腩都整得好好食，因為都好入味，炆得好‘冧’。加左$12要多個炸魚皮，原本以為會好細碟，但黎到之後，一d都唔少，都埋到好多。總體黎講，呢度又經濟又實惠

大埔墟街市食材新鮮、種類多、價錢平，相信很多大埔，以至很多新界人都知道，而市政大樓裡的熟食中心，都有不少又平又好食的食檔，今日去的叫鴻發牛什魚蛋專家，星期六、日的午膳時間一定滿座，就可知道它的受歡迎程度，去到必點的粉麵是魚蛋粉，它的魚蛋富魚味，又彈牙，份量又多，三十元一碗簡直超值，最讚莫過於每碗都送上一片炸魚皮，雖然不算什麼東西，但總有一種錦上添花的滿足感。另外，今次又點了紫菜牛腩河，牛腩很軟腍入味，紫菜鬆化，都是一個不錯的選擇。