香辣屋 (已結業)

環境好正好舒服，我地五個人仲有梳化位坐，但係我個坐果個位天花頂滴冷氣機水。食物ok，但唔係特別好食，個人認為只是普通泰國菜而已。最出名的咖哩麵包雞除左個型意d 之外，我覺得d 香茅味太重，唔多好食。價錢都唔係好貴，在尖沙咀區差不多啦，但絕對是一個和三五知己傾計的好地方。

去過三四次，頭一兩次去覺得環境好正，又唔係貴，去得多就唔覺得有咩特別，最特別就是得個咖哩麵包雞，而其他就同普通的星馬泰越菜差唔多，佢勝在與同街的食肆平，所以較多人。如果去諾士佛台的食同等價錢的話，我寧願去格離的“天與地”。

星期六一行四人去食lunch, 佢地一樣有set lunch 由$48-$68 共大概八款,頭盤+ 飯或麵+ 甜品,o個碟飯都幾大碟,好食又抵. 最好就係叫2 個set + 其他炒菜,就最低又多選擇. 我地埋單都係$280,仲要係咁舒服的環境下,正!

Lift門一打開，柔和的燈光，大大張的滕椅，有點像金鐘的格局好舒服。 <br> <br>坐下來睇Menu，好意外，只係九龍城價錢。 <br> <br>推介：豬頸肉，燒得好香，D汁好正！

兩女一男o黎，點o左五(食送)一湯：<br>「酸辣海鮮湯」–碗湯睇落好清，但又帶點酸、又帶點辣，但又無冬陰咁油膩，正！<br>「越式春卷包」-- 碎豬肉餡料略鹹，o的菜又得o個5塊，唔夠包料。其他(食送)又未o黎，搞到d 料要就咁食…<br>「泰式紫衣肉卷」-- 味道OK，吃時紫色o既花瓣滲出淡淡好似香竽咁o既味，幾特別~ 而內餡就係o的碎豬肉，同包春卷o個o的差唔多，無乜特別。<br>「香葉辣椒炒海螺」-- 入面大約有螺肉三大個，一片片切好(好似無成個食咁過隱喎~) 可惜係有香葉o既香味，但就無辣味(一o的都食唔出…)<br>「青咖哩雞」-- 無乜味、o的咖哩淡到好似水一樣(經已加辣)；雞肉o鞋口，不知所謂！<br>「泰式蛋包炒貴刁」-- 味道本應酸酸甜甜，幾開胃o個隻，但係唔知係咪失手，整到碟貴刁甜得滯(絕對唔洗撈旁邊d砂糖呀！)。<br>甜點「椰子大菜糕」幾好味，既爽口又好香椰青味~<br>「南瓜布甸」、「芒果西米糕x2」同「椰汁黑糯米糕x2」就麻

佢地o既環境真係好舒服~雖然我無咩機會去試食晚飯(次次都係去食lunch),但我相信佢o既水準一定保持得住,中午時段都有多種選擇,如一人set $68 (有七款套餐- 頭盤配主菜跟湯跟飯)或二人set $168 (有七款)<br>食物方面有傳統味道配新穎特設服務很滿意,頭盤記得食炸南瓜餅- 好香口主菜記得食青咖喱雞- 好清新不太辣配飯同吃,可吃得飽飽, 帶有酸酸辣辣味好開胃唯一我好好好想想想試係麵飽咖喱雞, 中午時候我實在吃不下了, 我會嚐試晚上光顧,不過大家要記住預早訂位較好,因價錢中等較多客人光顧~~~~~~