香港洋務工會(香港遊樂部) (已結業)

自從洋務食堂重開後，不經不覺"她 " 已成為我與同事o既飯堂了。始終食堂價錢實惠，無味精，有住家餸 feel，菜式每日更新，總有一款o岩食。當日我本身想食蒸飯，可惜是日17/5/2018只有冬瓜粒湯飯，冇蒸飯，我又唔想只食冬瓜咁dry同咁齋，惟有都係食番兩餸套飯。今次兩餸套飯我就揀左支竹豆腐炆肉排同叉燒蒸雞蛋。我同事就揀左支竹豆腐炆肉排同香芧炸雞中翼。支竹豆腐炆肉排: 支竹就似山竹牛肉果種腐竹，超好味，好爽口，可惜太少得一片。肉排即排骨粒，醃得入味，配以炸豆腐，豆腐吸收晒啲肉汁，餸絶對係偷飯首選。叉燒蒸雞蛋:  星期一菜單 (即14/5/2018) 同事食過瑤柱肉鬆蒸雞蛋話雞蛋蒸得好滑，豉油份量剛好，就吸引左我今次揀叉燒蒸雞蛋了。由於我o既飯大部份被支竹豆腐炆肉排偷去，所以食呢味餸時都近乎淨食餸了。叉燒主要以瘦肉為主，唔覺有肥羔。靈魂中心為蒸水蛋，正如同事所推介，確實蒸得好滑，火喉剛剛好。雖落左豉油，但落o既份量唔多，淨食呢個餸都唔會覺得咸，好有兒時媽媽的味道。香茅炸雞中翼: 我雖然冇食，但同事也讚不絶口雞翼炸得好香，尤其係剛剛炸好，鬆脆可口。每隻雞翼都炸得熟透，雞皮亦唔會炸到好燶，同

都係有啲姐姐派傳單先知，公司附近新開左間樓上飯堂，費時又要大排長龍等太興，就同同事上去試下好唔好食。環境算係企理，幾衛生，一定好過樓下馬路賣雙餸飯個檔，感覺比較污糟。當日有六款菜式，自選兩種，揀左馬蹄肉餅同炒菜心，分量唔少，女仔食叫少飯會合適啲，當日仲有個好似係大廚既人，猛咁叫盛餸啲姐姐夾多幾條菜，加左啲印象分。味道合理，正正常常，唔會過咸，有啲住家菜味道，肉餅幾好食，食得出有「揵」過，唔會太淋身有啲口感。湯都不過不失，味道偏淡，但起碼無味精，不過呢度得紙包飲品，如果有埋即沖咖啡奶茶仲好，夏天中午飲杯凍飲爽好多。最後都希望提一提餐廳可以轉用可清洗碗碟，堂食都用即棄膠盒，太浪費啦。

一個月前已聽過爸講過，香港洋務工會中環食堂會重開。此食堂對我黎講，提供既健康又經濟實惠的食堂，濶別多年，也使我懷勉以前成日黎開飯o既回憶。食堂剛剛好16/4/2018重開，食堂裝修、枱椅擺設同多年前一樣，所謂景物依舊，人面全非。餐單雖同以前差不多，但貴左好多了。以前$28一份，宜家要$43，當然物價已經唔同了。收銀由以前係二樓，宜家係埋三樓食堂內，一個負責收錢，一個寫選擇明細。呢度始終係食堂，選擇唔算多，除是日兩餸飯外，只有是日蒸飯同海南雞飯。飲品也只可選擇例湯或紙包飲品。可以係簡簡單單又一餐，點都可以揀到o既。可能食堂剛剛重開，食客不多，中午12點半黎到都係得幾枱堂食客，我買左兩餸飯，本身選擇o既土魷馬蹄蒸肉餅剛賣晒，我排隊揀餸時仍在製作中，唔想咁耐咪惟有轉食另一個餸。負責配食餸o既阿姐唔熟餐單明細，成日都要睇番啲選擇係邊種?! 我相信多啲食客同時間耐啲，食堂就可以預到人流同份量，連啲阿姐亦會對餐單都熟啲。我結果就揀左南瓜炆雞件肉及鮮炸咸水魚，是日例湯 - 粉葛赤小豆豬骨湯。同行o既同事同我唔同o既，只有豆豉鯪魚炒油麥菜。啲餸食落似屋企餸，冇味精，真材實料，但餸o既份量就比較少。南瓜

是晚蛇宴,成個2樓包左場,大約8枱,每枱12人......個場其實有d似員工飯堂每枱有兩大窩仲有一個臘味糯米飯,但炒得不太好,似蒸多d.味道不是很出眾,但勝在份量多到食唔晒,而且食到有d膩口,有少食多滋味的感覺. 一年一度就夠了.蛇宴包兩大支汽水,6罐啤酒同三蛇酒一支,食完成個人暖笠笠,今個冬天不是太冷者...

若不是爐兄提一提, 小弟係中環中心上班幾年, 從來只知布革新會一間平民食堂. 爐兄叫我有空經過時, 留意下另一條樓梯, 會同不時見到人拿著飯盒, 上上落落, 而這就是租庇利街的另一個平民飯堂. 香港洋務工會(香港遊樂部) 既食堂.地方佔兩層, 2樓買票, 3樓取食, 喜歡的3樓坐, 不喜歡的2樓坐也行. 人流, 非常之多人, 原來呢D咁既中環上樓食店, 說隠世冇人知, 其實淨做班熟客仔, 都夠哂數.第一次來, 當然唔知架部, 先去2樓買左飛, 原來呢度行會員制, 旁邊阿叔亦有張類似飯票既物體, 食一次, 吸一個印. 而我是非會員, 就$21一個飯. 買了票...就跟....跟人上3樓攞野食....食物counter分四條龍, 今天四個餐, 就四條隊, 我成個傻仔咁, 企左係梅菜肉餅飯面前, 所以我今日食的, 就是梅菜肉餅飯. (本想食葡國雞的), 所以切記, 不要排錯隊.一人份量的肉餅, 梅菜都幾多下. 肉餅味道鮮, 沒有msg, 再加上幾條菜. 呢D飯堂, 雖是簡陋, 就是這樣的簡陋, 簡單的家庭式味道, 吸引不少打工仔, 食個簡單健康溫暖既午餐. 而且價錢廉美. 周圍look一lo