食口福 (已結業)

食口福A local old school fast food restaurant hidden among the residential area in Kwai Chung with long serving the neighbourhood for 50 year. You can surely find what you want from their extensive menu and experience local HK culture back in 1980s!Tried the best HK style afternoon tea set: deep fried chicken leg + red bean fleecy! This combo can’t go wrong. Very generous piece with reasonable price $53. Their signature chicken leg is freshly fried, flavourful and tasted pretty good! The crinkle fr

睇到網上面話食口福就嚟執笠(T ^ T)非常感嘆😩好似香港嘅懷舊嘢越嚟越少😔今次食咗炸雞脾加薯條加紅豆冰$57炸雞脾個皮好香脆雞肉好嫩滑非常多汁！好可惜1月19號就會執笠😢香港嘅懷舊餐廳，又會少咗一間

早幾日係網上睇到有推介餐廳位置非常之近公司所以喺下一個工作日中午嘅時間就一定嚟試一試 《食口福》餐廳除左 門面同內部設計都非常懷舊而且落單方式都係食客係門口落單後 有一張手寫飛食客自行交到廚房 後等出餐係十分懷舊的運作流程黎今次為主要係食炸雞髀首先炸雞髀非常大隻而且厚肉估計都係先整熟一部份收到訂單是再炸香外皮雞髀外皮香脆 內裡雞肉嬌嫩即使好好好厚肉但最深入的肉 依然嫩滑沒有overcook 雞髀上碟用最簡單嘅淮鹽調味已經好出色！另外再落咗一個肉絲炒麵因為我好鍾意呢種脆脆嘅炒麵見一個要食一個雙層肉絲銀牙係正常發揮麵底炸得非常之脆餐廳好細心知道炸麵炸完之後會成舊捆綁埋一舊特登用鉸剪喺中間剪咗幾刀夾起嘅時候容易分散容易夾非常好👍🏻

讚1.通常懷舊快餐店都係伏多，但呢間又出乎意料地唔錯，雞髀皮脆肉滑，有少少椒鹽香，茄汁唔係好假果種，係真係有好多番茄同洋葱係入面，飯底都煮得唔錯，乾爽，整體都有水準2.環境以同類快餐店黎講，係keep得超級好，我無係第二間見過有假花做裝飾，同埋超乾淨3.服務好熱誠，姐姐唔會只理熟客，同埋會叫老人家小心風口位彈1.凍奶茶就真係有啲淡身

細個長沙灣住就食開食口福，不過好可惜個間執左，今日專登去葵涌唯一既食口福去食個早餐，叫左個特別餐炸魚柳腸蛋。炸魚柳係即炸既，都好香口同夠魚肉。價錢都合理，31蚊。除左茄汁炸豬扒飯外，魚柳同埋炸雞髀都值得推介過黎食。唯一既不足只係地方唔太就腳。希望小店能夠經營落去！

工作關係，嚟到石籬呢附近，據我表妹推介，佢話呢間餐廳嘅炸雞髀飯好有驚喜，所以就特登入咗嚟試。餐廳唔算難揾，佢係一間開係路邊嘅舖頭，亦係一間比較舊式嘅自助型快餐店。當我見到店員拎出嚟嘅炸雞髀，真係俾佢嚇一嚇，原來真係好大隻！仲要炸到好金黃，睇見就想食！拎到返埋位品嘗嘅時候，發覺雞髀嘅皮好脆，入邊啲雞俾肉仲要好滑！餐後感：估唔到呢一間店仔竟然有咁好食嘅炸雞髀！價錢仲要幾實惠，大概$50左右就包埋湯同飲品，當然佢仲有其他嘢食啦，不過我相信下次嚟到都係會叫返呢個炸雞髀餐。

要離開多年的工作環境，除了不捨得一班好同事外，其中一個不捨得的是這個老區的小店！要數葵涌石籬區的名物，除了粉仔和蛋撻，生炸雞脾應該都不為過炸雞脾飯（可配咖喱汁/黑椒汁/粟米汁/茄汁）連例湯及熱飲 $49淨炸雞脾 $30從小到大都是吃豉油脾，人生第一隻炸脾就是光顧吃這裡的出品！老闆每天早上都把雞脾生炸至8至9成熟，待下單時再將雞脾炸熟曬上淮鹽這個動作不可少，熱辣辣炸脾即時呈現在面前每隻炸脾都大如人臉，還可以按喜好配搭喜歡的醬汁，個人覺得喜歡粟米汁，因為雞脾偏鹹，配甜甜的醬汁一鹹一甜就是絕配順提一帶，例湯每天由老闆娘親自主理的無味精湯，配料非常充足，每次定必喝光光漢堡包餐 配薯條/沙律 飲品可選可樂或熱好立克 $39淨漢堡包 $30近年很多小店售賣傳統或帶有個人特色的漢堡包店，但個人更喜歡這種港式漢堡這裡的漢堡包即叫即做，麵包塗上牛油後放鐵板輕煎牛肉漢堡全人手製作，肉質柔軟又不失肉汁，老闆會即時煎至剛好熟透，搭配沙律醬，比連鎖快餐店好吃太多！薯條炸好曬上淮鹽，味道一般不算差以這個價錢吃到如此高質素的港式漢堡，實在非常超值這裡是每逢周日及公眾假期都會休息關門啊~ 而農曆新年假期更是由年廿八、

讚1.以呢類舊式快餐店（我估點都有三四十年），呢間係好企理，檯櫈地下都好乾淨，有人話污糟既應該去大角嘴灣仔九龍灣果幾間名店望下，包你連入去都頂唔順2.炸雞翼薯條餐係即炸，雞翼皮脆肉滑，灑左啲鹽咁，幾惹味，同埋炸得唔乾身，涼粉冰都好多涼粉，坦白講食呢類店都係情懷行先，而呢間叫好過大部份同類既快餐店彈1.價錢就唔懷舊啦，茶餐差唔多三十，雞髀飯要近六十，係就係唔算貴，但呢度一街都係公公婆婆，同埋唔少黑人同南亞人，甚至講唔上工廈區蹯，真係做得住？

環境：差!D枱凳鐵架生晒銹．搞到我D褲黑晒．周圍都係勁大冷氣風位．吹死！周圍都失驚冇神冷氣滴水．食物很危險！建議外賣！----------------------hamburger: good，好味.但超勁死！第一次見包都可以似滾水甘熱！fries: ok炸牛丸:一串三粒大牛丸．勁難食！炸雞肶：好大件．但冇味．no good.炸雞翼:一樣冇味．siZe ok.服務:收銀係咁吹你問你食乜（但我只係睇緊門口D menu）

嚟到食口福，就梗係要試吓D煎扒飯啦，我叫咗個黑椒什扒飯(有豬扒、牛扒、腸仔、火腿)盛惠$53元(配飲品需另+$6元，凍熱同價)，講味道係可以，但豬扒比較薄身和肉質比較嚡，牛扒味道偏淡，但肉質軟嫰易咬，腸仔係用廚師腸，火腿係一般三文治用嘅火腿片，黑椒汁夠辣，食到黑椒碎及好濃嘅黑椒味，可惜個汁比較偏甜，如果可以鹹番少少就認真ok，飯粒軟硬適中，整體食物質素算唔錯，但價錢偏貴，一個飯餐差唔多要$60元，而且話明係什扒，但又還欠雞扒，所以唔算正宗什扒，不過一次半次就冇咩所謂啦，下次再嚟都係叫香煎雞扒飯比較好

呢間野好多時經過都唔會入去食，因為食過佢啲飯餐，唔太掂。正因為上次食完時新漢堡包之後先諗住試下呢間同時新類近既港式快餐店既漢堡包。去試之前咁就上嚟openrice望下啲人點評個漢堡先走嚟試喇，望食評有人話好食，點知一試就中伏。如果你食過時新就知咩叫好食喇，不過本身冇話好大期望，所以冇咩點失望。包：普通一般既包，微暖唔熱。漢堡扒：冇咩肉汁，肉質鬆散，偏乾身，冇咩牛肉味，只係比m記好少少咁大把。醬：普通沙律醬，大路野。薯條：好普通既薯條，一般茶記用開個種，無咩特別。成個包得醬同肉就咩都冇，好簡單。

其實最初對佢啲食物冇乜期望，純粹鐘意佢仲係好似廿幾年前嘅快餐店咁，買飛俾飛等拎嘢食，成個格局都係史前風格咁好正😂不過最出名啲炸雞髀個價錢就好與時並進，都要成廿八蚊隻幾貴下，不過份量真心大隻，可以遮哂我成塊面咁滯，而佢大隻得嚟係啖啖肉，唔係靠炸粉增加面積，同埋神奇地個咁大隻炸完肉質唔會硬😌不過比起雞髀，我對佢個漢堡包更加高評價，標準港式漢堡，漢堡扒超腍煎得又夠香，而且都幾厚下，仲有個包都有輕輕煎過，勁鬆軟同時個邊又脆脆地，再加上佢響塊扒上下都加咗沙律醬，超掂囉，下午茶時間連埋薯條嘢飲都係三十幾蚊，夠哂抵食😍

哩間係出名賣炸脾，大大隻，睇見都流口水，店內透明廚櫃疊起超多隻炸脾，千祈唔好以為有咁多一定賣唔晒，都唔知擺左幾耐，其實佢每日都清得晒，認真犀利，每隻炸脾價錢都唔平。

悠閒既星期日到左葵涌走走，見到一間睇落30年冇裝修過既快餐店，餐牌仲係手寫既膠掛牌、出餐位頭上既圖片燈箱、員工既制服、再加上膠凳，完完全全係80年代既裝修！好正呀！而家呢類既快餐應該五隻手指數得哂！一於試下食唔食到香港風味先。要試香港風味緊係要食炸脾薯條配紅豆冰，好可惜6點去到紅豆冰已經賣哂，唯有轉涼粉冰啦盛惠50蚊，係有小小貴既... 唔夠十分鐘已經有得食，拎餐係自助型式，要自己去出餐位拎嫁。隻脾好大隻，熱辣辣，個皮好脆，入面juicy唔會老，仲有淮鹽係面，咸咸香香好好味☺️ 真係有香港快餐既味道！ 薯條唔洗講緊係粗身嫁啦，開頭以為佢係炸好一大盤會凍，點知有驚喜，連薯條都係即炸嫁，好有誠意！裡面滿滿既薯仔，好滿足。杯涼粉冰唔太甜又多涼粉，涼粉係有涼粉草味既！其實唔差，只係我想飲紅豆冰多d😗大家快d黎支持下呢類有香港特色既小店，希望可以保留到呢d懷舊快餐啦！

以前住附近成日黎食，相隔三、四年今日再去食。店內陳設完全無變，keep住以前港式茶餐廳風味！叫了常餐，唔洗等即刻有得食。最驚喜係加3蚊已經有紅豆冰，雖然紅豆冰味道較淡，但粒粒紅豆都好大粒、又香，加上以3蚊呢個價錢，乜都抵返！仲有其他特飲都係加3蚊，例如有雜果賓治！講返碟炸雞脾意粉，雞脾絕對係XL size，比起連鎖快餐廳的下午茶雞脾大好多。食落唔會覺得好油好肥，炸得啱啱好！而意粉就無乜特別。總括黎講，以四十幾蚊黎講算係唔錯，得閒黎下呢d懷舊小店👍🏻