更多
2015-10-08
1815 瀏覽
平時食韓燒唔係尖沙嘴就係旺角或者銅鑼灣,今次就近近地去左荃灣食!第一次食韓燒係用APP點餐,幾有趣,不過部分特飲同新MENU既食物仲未UPDATE落部機到!鮮鮑魚(兩隻HK$88)我地加左牛油再放落燒,因為好少燒海鮮又無返轉隻鮑魚,所以過熟了,好傷心飲品方面,簡左熱情小兵(HK$48)、草莓疏打!肉類方面,簡左豬豬盛盤(HK$298),有原味豬頸肉、原味梅豬扒、味噌豬頸肉同埋豬肋骨!爐邊有滿滿既芝士粟米蛋槳豬腩肉,唔油膩,油脂分佈平均,軟軟既口感,用菜包黎食又爽口!記得燒每一款肉之前,要用店員一開始提供既肥豬肉黎抹爐,否則就好似我地咁,D肉黑曬,店員見到哩個程況即刻幫我地燒同抹爐!豬肋骨,條骨比較大,無乜肉而且有D辣,因為我食唔到辣所以只食左一舊!一開始本來無打算叫牛胸油,但店員推介真係好食,所以我地就試下,雖然外表好白唔太討好,但味道方面好驚喜!食落完全唔覺得肥,仲好爽口!韓版豬皮(HK$88),一共有4大塊平時食韓燒燒豬皮都唔會有野蓋住,佢地唔想係燒既過程中,豬皮周圍彈,所以諗左哩個方法,好貼心啊!店員仲幫我地燒到D豬皮好香口又脆卜卜!
張貼