靠得住粥麵小館 (克街)

營業中

休息中

是日下雨天，Lunch時間唔想行太遠，見到附近既「靠得住」有位，就呢間啦。不過夏天真係唔太想食粥～就叫左「招牌雲呑麵」同鎮店三寶之一「靠得住鹹肉粽」先食個粽，唔知係咪食得太多新款既粽，呢隻粽係好傳統制法。雖然用料都足，味道都唔錯，不過講到「鎮店之寶」真心覺得冇特別再食雲吞麵，麵彈牙！有旦香，冇䶨水味，雲吞足五粒，每粒剛好一口大細～用料新鮮！值得一讚👍👍係湯底䶢左少少總結：其實味道環境都唔錯，不過叫米芝蓮就有啲失望，仲有價錢有啲貴

Honey喺雜誌上睇到名粥舖「靠得住粥麵小館」剛推出咗幾款以蝦做主材o既迎夏新菜，話好想去試，跟得男友當然係順從她意 ，擇日試食。行到去餐店門外，先知原來「靠得住」已連續五年成為米芝蓮推介食肆。Honey收得工黎都差不多八點，當時粥舖六、七成滿左右，我地二人入到去即被安排入座近門口o既四人枱。近牆半梳化式座位原本都OK好坐，無奈每當玻璃趟門一開，熱氣隨即向內吹正小肥 ，一邊食熱粥，一邊吹熱風，極之難頂！女友口乾，方才發現桌上茶都冇杯，當要求食水時，嬸嬸雖然外表並不兇惡，但居然送上滾燙熱水兩杯，熱上加熱，真係唔知佢有心定無意囉！既然係為嚐蝦而來，當然係要先叫碗蝦粥黎食啦！ 木桶蝦球豬肉鬆粥（$78）：如餐牌所示，蝦粥以木桶承載，另跟油炸鬼、豬肉鬆及花生。蝦粥內含三隻中蝦，已去殼及去腸，蝦身爽脆白滑，配埋豬肉鬆食用，蝦粥分外香甜濃郁。 七味炸蝦球（$78/四件）：蝦球實物外形不及相片精巧，但勝在咬落爽口，惹味非常。 豬軟骨麵（$38）：一早知單食一桶粥係唔會夠飽，所以都叫咗碗麵黎分。豬軟骨尚算軟腍，麵條亦好彈牙，唯一湯底偏油同咸。 爽脆鯇魚皮（$48）：Honey話鯇魚皮屬「正

從前，每次黎灣仔都會黎食碗粥( 未開分店前）. 今日又黎到灣仔，特登走黎呢度食粥晚飯. 我叫左豬潤帶子粥. 一碗粥都要60幾. 帶子有兩粒，不像以前的細細粒，算係進步. 豬潤就數片，唔老岩岩好. 可惜粥好水，未食到一半己變晒水. 食後仲好口渴， 我想是師傅的功勞.靠得住己靠不得⋯⋯

2014年大除夕最後一日lunch就捉同事一齊出去食，當中有同事唔C服於是就去左食粥，聽講佢好好食、聽講佢係米芝蓮、聽講佢靠得住.....我地叫左......1) 手撕雞加豬潤手撕雞 : 係好有鮮雞味，佢唔會鞋豬潤 : 厚切、應該有那過，唔係點會咁滑呢? 但佢係比出面既粥舖好食既...真心講粥底 : 棉、而且見到有雞油，粥入面都有雞味，只係以成50蚊黎講真係好細碗呀 2) 拆肉泥鯭泥鯭 : 個人黎講，拆肉係好方便，但我會想成舊肉由條骨都了出黎食，感覺會大舊D嘛~粥底 : 棉、都有小小泥鯭同果皮味...3) 油炸鬼 : 佢話係即炸，所以要等，佢係好脆，但相對個粉漿好厚，同埋好油、好油同好油4) 混醬腸粉 : 佢勁多漿，係好多漿，但我怕咸所以食左好小，但佢個摺位好多，所以佢D粉皮應該係做得好薄5) 鎮店鹹肉粽 : 用料足、有個大咸蛋王，D糯米飯好有口感，用料比例係做得幾唔錯，整體佢係好味本身我係可以比『笑』，可惜食完個lunch之後我地幾個都勁口渴，飲左好多水都止唔到，都最後要飲可樂先解到毒，可想而之，佢有無加味精呢??? 

天氣寒冷要食一些暖胃食物就想起了粥.  附近就有一間粥舖, 聽友人說以前好好味, 但巳大不如前. 無論怎樣, 想食就去食.黄沙豬潤粥, 粥底綿, 覺得有味精, 因食完後要飲大量水.  至於豬潤就好爽脆, 但一點黄沙都沒有, 豬潤味又不夠重, 比較失望.回想起友人的意見是對的

於2011年至2015年連續入選為米芝蓮車胎人推介食肆的靠得住灣仔本店，第一次是因為要去伊館去看表演而偶然光顧，在這兒吃過少有的泥鯭粥以及號稱全港最正的鹹肉糉，味道確實不錯，對此店留下深刻的印象。後來靠得住的分店越開越多，連屯門市廣場也有分店，光顧過一次，發現沒有灣仔本店的水準，之後也沒有再去。今次適逢又去伊館看SHOW，即管再給靠得住一次機會，看看是水準下降，還是分店的水準參次。因為其他地方不易吃到，所以我再次點這兒的泥鯭粥，不過魚的份量好像沒有以前多，是因為成本上漲得太厲害嗎？不過味道還是不錯的。老公被牆上POSTER介紹的豬軟骨撈麵吸引住，聽說味道OK。鹹肉糉是有水準的，米、綠豆和餡料的份量及質感都恰到好處，但是否全港最正我又唔敢講，因為我們平日食開屯門新墟坤記的鹹肉糉其實也很不錯。今次打算也試試其他小吃，選了我一向都喜歡的牛栢葉，牛栢葉很爽脆，新鮮的果然吃起來跟平日在酒樓吃到的不同，不過價錢也一點也不便宜。另再加一碟油菜，不知原因，在街吃到的生菜好像總是特別鮮甜。總括來說，靠得住灣仔本店的水準比起之前來好像已差了一點，不過，始終要找到有泥鯭粥賣的店難求，當我想要吃泥鯭粥的話，靠

天氣凍去食粥暖胃, lunch time嚟到, 剛剛好有一張吉檯唔使等位,叫左"必食推介" 鱔球豬膶粥, 因為我中意食白鱔, 同埋想食豬膶補充下鐵質,血氣好d 個人之前冇咁凍啦碗粥有好多好大片嘅豬膶,d豬膶好滑又唔腥, 個粥都好綿, 唔錯不過! 說好的鱔球呢?!!!!!我摷勻成碗粥, 只係搵到兩三粒細細片的鱔片, 一匙羹都筆得晒, 使唔使少成咁?鱔球豬膶粥盛惠$68如果我叫個黃沙豬膶粥都只係$36即係兩三粒白鱔值$32?!!! 呢個必食推介都好搵笨喎~以後要食, 都係食實惠d嘅set lunch好過...p.s.或者咁睇, 白鱔球粥要$58, 依家加10蚊就有咁多豬膶, 真係抵到爛 :0)

近期吃粥麵的機會，確實是少了很多，甚至可說是沒有機會。不過今天約定了親愛的，而且已經是三時多。雖然過了午飯時間，但是卻又想吃個粥麵和糉，於是到一間粥麵店。很久以前也曾到過靠得住，今次再來，想重溫一下這裡的粥麵，但是在下沒點來麵食，卻點來了其他呢。打開餐牌，確實有不少選擇，粥麵不在話下，還有各款油器和飲品等供應，粥品以海鮮為主，而麵食則為大路。淨雲吞。既然不吃麵，就來一個淨食。雲吞相對比預期中細，不過不打緊，只是吃落就沒有那麼的彈牙，蝦仁也較細了一點。鹹肉粽。這是在下久未吃過的粽了，而且又是今天想吃的。粽子以綠豆及糯米以七比三的比例製作，故此綠豆有其豆香，糯米也是軟腍，當中的饀料以肥豬肉和鹹蛋黃為主。老實說，肥肉不是在下的杯中茶，所以不吃蛋黃不是想像的油脂豐富，但仍不乏鹹香味道。混醬腸粉。在下與親愛的是喜歡吃腸粉的，是因為腸粉夠淜麻，這裡的腸粉也是夠淜，皮薄，加上自製的花生醬甜醬香醬油，使口腔內有著不同的層次，加上辣醬，就多了一層辛辣的味道。牛肉粥。是在下點來給親愛的，親愛的女友喜歡吃牛肉，故不加思索便點來。親愛的也舀了一小碗給在下。這粥綿綿的，加上牛肉的嫰滑，不靭也很好吃。雖然是簡簡單

傷風鼻塞流鼻水~想食粥,便想起屋企附近上次第一次試的好味魚腩豬膶粥~十一點多都好多人,要了魚腩粥自取,$40.外賣碗好似譚仔個d size,所以量多~有3-4塊大魚腩,但是今次偏瘦,冇上次甘肥美. 定鼻塞,都冇上次甘香,但都好吃.~

今日想食D啖口D既野,就黎左依到食粥,估唔到咁好食一黎到就叫左野食喇,好快就有得食,賣相好吸引,好似好多雞絲係個粥到,見到都流口水,粥底又夠靚,綿得黎仲見到米既形狀,不過食落又好軟,唔會硬,粥既本身已經有少少既鹹味加埋佢個雞絲味,岩哂,另外仲有叫個雲吞麵,一黎到當然要試下佢個湯, 入口都覺得都出面個D味道好唔同,不過都唔錯,清甜得黎又唔會無味,味道好強好濃,夾埋雲吞一齊食都唔錯,鮮味出哂黎,至於雲吞方面,雲吞皮夠哂薄,差不多睇到裹面,蝦就夠哂爽口但唔係急凍個隻，豬肉都好好味好香口,不過豬肉可以多番少少,但樣口感就仲正,最後食粥當然要叫埋炒麵,份量唔算太多,但我地就覺得岩岩好,雜菜唔算太多,但咁樣反而食到多D麵既味道,依個炒麵好夠火候,唔係分開D料黎炒個種,好味道。

Weekend總是食得十分豐富，過後的星期一中午想食清淡小小， 在灣仔區行來行去，不想食連鎖粥店， 找到這間看似略有名氣粥店 米芝蓮推介粥店。店內裝修環境新式企理， 不是傳統舊式街坊路線。我點了手撕雞皇粥 $36，原因好似一般在粥店食唔到，通常都是叫皮旦瘦，及弟，魚片那些。粥的米， 軟綿適中， 不會過爛， 溶哂。雞絲一般， 不算是足料， 亦不嫩， 有點老，你可以話係有咬口。粥水十分夠味，現在邊食邊想邊寫， 一陣間會否極度口渴?另加錢 $12， 可要小食， 我要油炸鬼， 係即炸， 熱辣辣， 外面夠脆， 但口感偏厚， 不是我杯茶。一條是一孖的， 最終下場係食唔哂。會機會的話有想食粥， 會想試埋佢既黃沙豬潤粥， 就知仲有冇第3次。寫到呢度, 我要去倒杯水飲飲~

魚粥在，味不再，真心回味要等待由舊舗已戀上佢地既魚粥，曾經佢地搬遷，唔知新店地址，冇得食，好失落。後來冇意中撞返新店，非常開心，除咗招牌泥鯭粥，手撕雞粥，佢地既豬膶粥，魚標粥，田雞粥，帶子粥……全部都好鍾意，雖然價錢係一般廣東粥店既部數，都一來再來，無他，用料靚，鮮味十足，係我最鍾意既粥店。有時唔舒服，冇胃口，來食碗粥，病都好返，還經常向友人推介，同我來過既朋友都讚不絕口。近一兩年，可能較忙，或者無唔舒服，無來一段時間，近日心思思，專程lunch由中環來灣仔食粥。一入去，説不出既感覺，有一點點不同，後來睇清楚，發現本來已是茶餐廳隔局，中間d枱放迫咗，迫既程度係，落單、上枱只能單向行走，無他，想賺多d啫。再睇menu，吓，套餐！？艇仔粥！？艇仔就硬係唔係你平時食果d價。好在套餐有招牌泥鯭粥+粽，就叫呢個，粽先來，號稱最好味，每日限量供應，味道ok，但一向都唔認同，店家吹虛得咁勁。是正常，好吃的。再來泥鯭粥，明顯很少魚肉，食落，都是鮮味好吃，也是説不出既感覺，只可以講大不如前，是一碗好吃的粥，但不是以前那碗令你想一吃再吃，專程來吃的粥，相信只有店家先知原因。作為一個為食既人，可以忍你遠d，

途經此地，見到之前電視介紹過黃沙豬潤好出名，就坐底試下拉。點了招牌鱔球豬潤粥，粥底甜，但食唔出係食材煲出來的甜，似是人工提練的，鳝球好爽，咬落夠彈，值得一贊，可惜只得3件，豬潤有筋，幾乎件件都有，與期待有出入。另外叫了魚腩粥，粥底不夠鮮甜，與上環出名魚腩粥店相去甚遠，而且魚腩不夠新鮮，晨早來食，魚肉還是「鞋」的。相信不會再叫魚腩粥了！另外薑䓤珍珠蠔，好多蠔売，要小心食。收費貴，質素普通，比起一D傳統粥店也不及，灣仔這美食多羅羅的地方，下次會試第二間。

年初三, 想食清一點, 平時食開間粥店還末啓市, 有朋友推介靠得住, 下午去試試. 點了粥和糭, 粥底唔掂, 好像加了豆粉水, 末食到尾就水汪汪. 魚腩粥跟碟豉油, 身為米芝蓮推介, 應該跟碟姜葱豉油. 隻糭啲綠豆還末夠火候, 所以一粒粒, 話係招牌菜, 有點言過其實. 回家後很口喝, 係有味精 嗰隻.

今天身體有點不舒服，快到午餐時間，便向同事提議不如吃粥品。找了一找就決定嚐試一下擁有米之蓮美譽的靠得住靚粥。幸好當時還沒有太多人，一行三人更可以坐在卡位中。翻了菜單，發現店內食物都頗貴，價錢大約三十多至六十多。我便點了粥品，同事則點了麵食。我恐防不夠填肚，於是同事便點了套餐。我研究了一下，發現若以撈麵類再加小食，小食便會是較便宜之選。不消一會，手撕雞皇粥端上。滿是雞絲沈澱在粥碗內即使我原本沒什麼胃口，也突然涶涏三尺粥品綿密，並非像坊間有些粥品般，熬製非常稀。相反，此粥品還會見到些米粒型狀，但是卻又非常軟爛。粥本身已經帶有少許鹹味，再配合雞香味重的雞絲！非常對味！這絕對是病人的恩物同事點了雲吞撈麵，我試了一粒雲吞，雲吞皮薄，鮮蝦非常爽口，豬肉也味美，不過略嫌有點不平衡，皆因豬肉比例很小。同事試了一口我的粥，也不禁大讚，的確是粥品好味點！再說小食，小食是雜菜炒麵。份量比較少，雖然雜菜比較少，但炒麵明顯夠火候，因為炒麵中帶有濃烈炒菇味。雖然今天身體不舒服，但吃到一間不錯的粥店，把我的不適減低了，也不錯