雪花餐廳 (已結業)

     今晚同朋友去慶祝生日,去左筲箕灣東大街果頭,見到E間雪花餐廳門面裝修幾靚,所以打算入去試下.     入到去,侍應好有禮貌招呼我地坐低,間餐廳格調幾好,又令人覺得舒適.見到個餐牌都有幾多野食揀,我地叫左個餐廳推介ge安格斯西冷和卡邦尼意粉同餐湯.     安格斯西冷牛扒7成熟岩岩好,價格都算合理,貨真價實.份量亦足夠,配菜有薯仔粒,都好好味! 卡邦尼意粉ge白汁好好食,好濃芝士味,意粉份量都吾少,好抵食,值得推介!餐湯係蟹柳粟米忌廉湯,好好味.E度都幾適合悠閑用餐,侍應服務周到,好值得一讚!由於食物一上檯,香氣四溢,令人食指大動,色香味俱全.所以忘記左相機食先啦!     值得下次再尼! 推介!!!!!

今日1點幾去到呢頭，見佢有outdoor seat，諗住入去試吓，叫咗個蜆肉炒意粉同rib eye steak，等得吾算耐，嚟到賣相吾差，但味道就...先講個蜆肉意粉，意粉over cook咗，淋得濟，啲蜆肉細粒過頭，吾落芝士粉真系無咩味道可言.到個rib eye steak，叫咗五成，嚟到七成，硬咗啲，面頭都系罐頭汁...整體嚟講，餐廳格調與食物質素不符，尚有進空間

今日叫左個二人餐, 有餐湯, 蒜蓉包, 凱撒雞絲沙律, 焗田螺, 卡邦尼扁意粉, 安格斯西冷同餐飲。餐湯係蟹柳粟米忌廉湯, 冇咩特別, 較淡。蒜蓉包聞落都ok, 但食落冇咩蒜蓉味, 加上唔夠脆口, 有點失色。相反凱撒雞絲沙律一來到個賣相唔太吸引, 好似冇咩特別咁, 但食落口酸酸地, 有檸檬味, 感覺好fresh, 沙律菜亦算新鮮, 夠爽脆。再來個焗田螺都好正, 好香香草味, 個盤又靚, 的的骰骰咁到左主菜la, 卡邦尼扁意粉好creamy, 白汁夠多又香, 但洋葱唔夠多, 如果多返點洋葱應該會更加好食。安格斯西冷肉味濃, 但有點韌, 相反配菜有驚喜, 配薯菜並唔係一般薯條或焗薯塊, 係大大塊的甜蕃薯,蕃薯外層應該有用焦糖焗, 有點似拔絲個個味道但又唔會太甜。總括來講頭盤同配菜較主食出色。下次有機會會再試埋佢個pizza 先 

想食個late lunch，點半鐘至入餐廳，所以唔使等位。是日午餐有：炒扁意粉、焗飯、牛排或豬排。小妹揀咗菠菜海鮮焗飯。先嚟個熱辣辣嘅羅宋湯，仲有兩塊香口嘅蒜蓉牛油焗法包。個湯熱到辣咀，好有誠意，仲好味到不得了。焗飯亦熱辣辣，面層佈滿芝士同白汁，海鮮有：小墨魚、魚塊同蟹柳。入口有少少淡，不過食落都好好味。後來聽到隔離枱嘅熟客話；啲排好得！下次會試吓！另外見到有一圍十個嘅客人，個個order嘅牛排都有唔同嘅生、熟程度；的確係一間誠意小店。比後面對正東大街嗰間，平成二十蚊，真係可以多試。

今日去左東大街搵朋食野,又咁岩好食西餐喎，加埋佢話D野食無加味精，而我們又想啖D,又想健康D~~見佢價錢唔貴,所以同朋友就入試試佢喇！ 佢都有幾個lunch set揀，有一個主菜同餐湯,野飲就要再另外加錢,咁岩又有羅宋湯飲,湯底夠哂濃，不過太酸喇，唔鍾意,蕃茄都應該落得多,雖然自己唔鍾意,不個朋友話好正。之後就係一個卡邦尼意粉,個白汁好好味,芝士味夠哂濃，份量十足,非常飽肚,而朋友就揀左豬排配薯菜,佢話豬排太林，不過味道唔錯,肥左少少,而個菜睇落普普通通,不過食落原來好好食,依間野食清清地我同朋友都好鍾意,下次有機會既,等我同朋友試埋其他。

大年初一唔想食中餐諗住落食街筲箕灣食吓其他嘢！點知無乜鋪頭有開！！行行吓比我地係後街見到有間雪花！見佢無乜人就入去試吓喇！！！地方一般但食品Ok!!!南瓜蟹肉湯 足料、無骨燒春雞 正、厚切豬 爽同西冷扒都好好味！！我覺得配菜煮得好好、全店食品都係無加味精 但可惜無甜品！！！

要講一講D員工服務，真系有禮同細心，抵讚！雖然舖位細細，情調都唔錯，又唔趕人，食物慢工出細貨，是傾計吹水的好地方！老闆笑容滿臉，還推介食物比我地，仲不厭其煩的替我們拍大合照，一共影了3張！

大年初二，唔想又食D乜糕物糕，所以落左東大街搵野食。見哩間開張無耐既西餐廳，D lunch set都係$6x~7x，仲要免加一，所以就黎試試喇！佢有4個lunch set，包一個main course同是日餐湯，野飲就再另加錢。今日既餐湯係羅宋湯（無影相），湯底好濃，酸度偏高，D茄膏應該落得幾重手，幸好尚算足料。火腿煙肉卡邦尼意粉($60)：個白汁好杰身，芝士味好濃，但又唔會太肥膩；意粉就較港式，比較淋身；成碟野既份量比一般西餐廳較多，都幾飽肚！豬排配薯菜($72)：豬排好淋，但就比較多肥膏；反而個薯菜做得好出色，薯條炸到好脆身，又唔會好油，份量又夠多，唔錯！可能係新開張，加上新年，所以唔算多客，服務幾周到，又會講解下D菜式，又會不停幫客人加水，不過杯水都幾酸，真係似餐茶杯熱檸水咁！同埋佢鋪面寫住D野食無加味精，所以D食物的確係偏淡，但就健康D~~