重慶燒燒烤專門店 (已結業)

o個日我地幾個同事諗住去食宵夜, 有同事提議去食燒烤, 初時都唔係好想去, 覺得D燒烤無咩特別, 但後來同事們都無咩反對, 於是就一齊去, 去到呢間重慶燒餐廳, 原來係食重慶燒烤! 首先同事們叫左豬, 羊, 雞, 牛串燒...食落都好好食, 不過除左羊肉外, 其他都分唔清係D咩肉, 總之都幾好食啦...跟住又黎左D燒鱔, 同埋海鮮類, 味道唔錯, 我最鍾意食燒鱔, 燒到d皮脆卜卜, 最後再黎菠蘿, 韮菜, 菜心等...食完後各同事均抱住個肚走, 埋單都係三百幾蚊, 個伙計重送左三張$50贈券留返我地下次用, 嘩, 咁下次食三百蚊咪淨係俾百五, 又真係幾抵食喎, 下次一定再黎食過...

今次已是第二次幫襯, 是晚天氣寒冷, 去食串燒就啱喇.一坐落, 店方推介辣蟹, 仲講咗好幾次可以拎隻蟹比我地睇咗決定. 最後叫一碟小辣炒蟹, 只係 $88味道真係掂, 蟹肉新鮮, 只係比我想像中的"小辣" 厲害咗, 用咗好多隻不同辣椒仔來炒. 好惹味呀, 仲有好多青瓜片配住炒, 可惜我唔食青瓜.我地仲叫咗蒜蓉焗蠔 x 2, 蟶子皇 x 2, 鐵板原味炒蜆, 清酒煮元貝, 燒菠蘿, 檸汁燒雞翼, 燒冬菇, 燒南瓜等等等我地未去過渡般角果間, 但呢間都 ok 喎.

今日一大班同學來呢間試下,佢新開冇耐既.........我地有六個同學揀西冷牛扒飯,一個揀豬扒飯,一個揀雞扒飯~佢汁有蒜蓉汁,黑椒汁,燒肉汁同鰻魚汁揀...有個同學話黑椒汁超辣..........食唔到辣既人就唔好揀喇~蒜蓉汁丟都覺得幾好味,但係原來燒汁先係最正架!!!!!d飯一來到,佢真係會比勁多汁你,呢度一流呀,唔洗叫佢多汁都夠汁~我個西冷牛扒有d um呀,但有個同學個西冷牛扒就lum,咁係我唔好彩啦豬扒都好正呀!一定係lum既~雞扒我就未試過,同學話都好正呀佢d肉全部都係好有bbq味道,真係好正呀~好好味呀!!!我想下次試豬扒呀...咁就一定唔怕um啦d肉仲有,佢初初會送個湯比你,係麵噌湯,好好飲呀我覺得,不過可能係我鍾意姐$30唔洗加一~我覺得價格合理,地方舒服,服務亦都okay~一定會有下次呀!!!

呢間野新開,,,唸住黎試下,,點左金茹肥牛卷-食落好怪,好太陣孜然粉味豬頸肉 - 可以, 味道Ok燒茄子-燒得太燶,,根本食唔到燒粟米-ok芝士焗帆立貝-唔夠芝士,,焗到出晒水燒大海蝦-冇蝦味= ="只有孜然粉味雞軟骨-呢個ok檸檬汁雞翼:等左好耐,,,,唸住取消佢話等多幾分鐘好多分鍾過左,,,都味有,,真係唔等啦叫埋單取消左佢,,,先啦啦林囉黎埋單4個人:240元唔算貴但唔值

聽聞佐敦有四川燒烤, 我地啱啱响成都返嚟, 好想回味一下四川燒烤, 就去咗光顧重慶燒。 串燒唔好expect一叫完就上得菜, 要有一定耐性等等等.... 先嚟一串羊肉($10), 羊味OK, 不過好韌; 再嚟牛肉串($10), 都有肉汁, 但係又係韌得滯, 攪乜呀! 之後仲食咗韮菜($9)、土豆($9)、雞翼($10)、豬頸肉($10)、尖椒 ($7 超激辣!)、 雞泡魚乾($22)。 我想話蔬菜嘅價錢定得太高, 肉類就相對抵食d, 不過都唔好expect一串嘅份量好多, 好似豬頸肉咁就切得一少塊一少塊咁都幾寒酸。 呢餐只可以話好失望, 不單只搵唔到四川風味, 仲覺得物非所值, 一定唔會有下次。

昨晚專誠到白加士街新鋪試食, 其實都抱有好大期望, 因為和男友都愛香口, 惹味的燒烤. 但我們二人不太接受孜然味道. 我們吃了:-酸辣粉 - 一般, 不熱, 微溫雞翼 -熱辣辣, 好味道, 豬頸肉 - 可以, 有肉汁, 味道Ok燒鱔 - 肉太硬燒茄子 - 好味道, 但有點油, 蒜頭太多韭菜 - 好乾, 菜心 - 太油燒羊架 - 不錯, 但肥了些, 師傅忘記放鹽香辣蟹 - 唔... 好香, 好味..下次會想再去試吓香辣蝦, 蜆... 雖然食物有待改善, 但服務態度算是不錯

今次同d同事去試老闆講嘅招牌菜~~香辣螌~~好味ar!!香口ar!!喜歡辣嘅朋友一定要試la~~波蘿一定要食,好甜!我每次都會叫好多~~如果鐘意食海鮮就要試一試元貝好鮮味!同燒魚好鮮甜!大家可以試一試燒菜好特別真係與別不同!原來老闆將營業時間致為下午12:00pm-5:00am係有午市新菜,方便係番工人士去食添!!

有新菜~~香口,好食,好抵食~~香辣蟹~~香辣蝦~~酸辣粉~~麻辣煱真係抵食到振呀!!都係$88一碟~~麻辣煱有好多配料,做到一人一鍋,一個人去食都得呀!酸辣粉好有酸辣味,有大碗細碗!!一定要試南瓜串燒同焼茄子,真係好香味!!新店地方大有兩層又乾淨!老闆仲將現加營業時間致為下午12:00-早上6:00今日同屋企人去食,媽咪唔食蝦都話下次要再食呀!!勁好味~~不過老闆話過左中秋會有香辣蟹,我一定會去試!!

之前去開渡船街食,知道佢開左新分店,就試下,因為舊店部冷氣唔夠,又唔換...新店o既款式多左,雖然唔記得舊店價錢,但感覺上好似加左少少價.唔緊要,最緊要好食...但發覺質素完全唔掂,除左帶子仲叫keep到,其他真係差晒...尤其燒魚,雞亦,又唔乾身,皮又唔脆...羊又鞋...我已經忍唔住同經理講,呢d咁o既質素,真係唔會再去.當然,我會比多次機會舊店.

麥文記隔離開了這間重慶燒分店,試試吧!此店有兩層,地方清潔寬敞,即叫即燒,價錢也合理,起碼比漆咸道的”川燒”平!推介的:燒雞軟骨串(10蚊串)--很爽口彈牙,口感一流,佐酒必選!!燒豬頸肉串(10蚊串)—,外脆內軟,肉嫩多汁,有肉味!!鐵版原味蜆(29蚊份),份量不小, 肉不算嫩,但清甜可口,!!其他較一般的:燒雞中翼(10蚊串),普普通通,肉實味不夠,因不經醃製!!燒白鱔(20蚊串),肉太實太韌!燒尖椒(7蚊串), 油太多,尖椒水份全失!!最失敗的:燒雞皮(10蚊串),有些像纸一張,一咬即碎;有些過韌,食不出燒雞皮的肥美甘香,煙韌可人,不合格!!燒銀杏(8蚊串), 霉霉地,一咬即散,不吃也罷,材料不好吧!! 燒大海蝦(13蚊串),肉霉得很,蝦大隻但無肉的雪藏貨!!總結,價錢合理,燒功味道可以,材料很參疵,服務很需要改善,當日6時左右,看見很多無訂枱的客人進來光顧,枱是有很多但都是給人訂了,客人再問2樓有位嗎?他們回覆是未夠鐘開,簡直係趕客,結果被趕走的Walk In客起碼有5班!!!

昨晚與女友去舊店，剛好滿座，本來諗住等一等時，店員建議我倆到白加士街新店試一試，地方較大兼有位，我叫店員幫忙打電話到新店確認有位及預留位置才到白加士街新店。約十多分鐘後到達新店，向門口知客姐姐講舊店店員已代留座，一查之下...無記錄 幸好地方頗大，等了數分鐘樓上雅座便有位了。點了啤酒、雞翼、雞肝、粟米、羊架、鴨胸等等；可能新店剛開業罷？整體上感覺較混亂，啤酒先到，但數分鐘後杯才到，和我們一同搭枱的一對拖友，吃到第三輪時，第一輪的食物仍未到齊。我們的食物陸續送上，除鴨胸外，全燒至十分乾身(粟米乾到連汁都無滴)，火喉比舊店差多了。可能是地方較大，傳菜的路程較遠，沒有了舊店送上食物時那種熱辣辣的感覺...本來想比個喊公仔，但新店剛開業總要些許時間磨合，所以暫時 OK 住先~

上星期相約幾位愛嚐辣的食友到麻辣媽媽掃餐牌，順路經過澳牛時，發現重慶燒的新分店正在試業期中，眾人大感興趣下，決定到新店踩一踩場，溝一溝貨。相比位於渡船街的老店，這間第一分店環境的確給人煥然一新的感覺。樓高兩層不單令空間感大增，更設有卡位雅座，加上開「行」冷氣，環境十分舒適。地方大，點菜方法也因此轉變，以「剔紙仔」形式落單，本應更有效率，可惜紙上指示並不清晰，可供選擇的有「小辣」、「走辣」、「走孜然粉」、「全走」、「蜜糖」及「備註」，奇就奇在竟然沒有中辣及大辣，由於不明所以，我們只好所需食物格填上數量就算，沒有理會這些選擇。隔了一會，店員拿了電腦印單過來，一看發現差不多所有食物都是走辣，最離奇是牛舌，明明三串牛舌都揀了小辣的，單上卻是一串小辣、兩串走辣，實在令人摸不著頭腦，唯有立即叫店員幫幫手，全部食物都要上小辣就好了。不知是不是下單時的誤會令製作時間廷長，足足等了近二十分鐘，手上的 Hoegaarden 已乾了大半，終於等到半打美國焗蠔送上。生蠔以蔥蒜焗製，不大不小的份量剛好一口吃，味道雖算不上鮮甜，但質感絲毫不韌，算是不錯。接著出場是燒牛舌，上檯時仍舊是錯誤的一小辣、兩走辣，無奈得令