貴記荳品 (已結業)

自小學開始,不經意地幫趁超過一百次以上,仍舊屹立不倒,價錢更是死硬派,平得要命,跟太太想來個下午茶,先上兩杯自製豆漿,豆味濃郁,是乜乜晶開水點都比唔上,再來滷水豆腐拚蘿蔔,畢竟前後是鋪,但凡豆製品出產幾十年,除外觀麻麻之外,滷得並不過火,肉質仍是嫩白,蘿蔔入口無渣,鮮甜可口,菜肉雲吞是一早灼熟,有客order再滾下,可惜淥得過火,皮散肉碎,加點牛腩汁也幫不上忙.埋單$22,仲可以想點?

今天在這裡食lunch叫左鍋貼, 菜肉雲吞麵, 蘿蔔麵同豆漿個人意見, 鍋貼同菜肉雲吞都好食, 但唔係太特出豆漿o既味道好好, 甜味適中, 飲完一杯真係想叫多杯蘿蔔幾甜都幾爽可能生意都幾好, 所以有時侍應會漏左我o既order

上晝蛇王，十一點起身，返工途中嚟食返個brunch先。天氣熱，剩係叫咗碗菜肉雲吞同凍豆漿。近年啲豆漿冇細個飲嗰陣嗰啲咁凍，比起公和嗰啲亦輸晒豆味。阿姐俾咗菜肉雲吞麵，有四粒雲吞，唔知剩雲吞會唔會多啲嘅呢。啲麵都唔差，幼麵冇一般上海麵咁粗同食到成口粉咁。雲吞皮略薄，好快散晒。咁嘅價錢，食味道加感情加風味，真係抵到爛。

從食評中得知此店,又此店離新公司不遠,遂於午飯前往一試.試了牛肉飽和豆漿,牛肉飽頗多牛肉且又香又多汁,飽也好吃,豆漿有豆味,而且甜味適中,美中不足是不太濃.但價錢便宜,牛肉飽和豆漿都只$3,可謂超值.店舖略陳舊,想必有一定歷史,風味不錯.店員服務不錯,估計應是家庭式經營.

真係由細飲到大，睇住煮嘢個肥仔變咗肥佬，夥記變晒老夥記。小學放學行過習慣飲返杯豆漿，當時仲係一蚊杯，部機上面貼住張紙「有錢飲杯先」，我哋幫襯時成日都接多句「冇錢係咁先」。啲豆漿凍到一飲個頭都痛埋，但係細個覺得好正。咁多年嚟親都係食鍋貼、豬皮、豆腐，加杯豆漿，都係十幾蚊找數。鍋貼啲皮厚到加埋多過肉，但係我自己就鍾意佢啲滷水汁。仲有，豆瓣醬一定要多。講開豆瓣醬，廿幾年後都仲係用嗰隻膠杯裝住，同埋嗰隻隔離麥當勞攞返嚟嘅膠匙。真係見到都feel like home。老實講，呢啲舖除咗平之外，真係食感情。要乾淨企理、服務好，咁就咪鬼幫襯呢啲街坊舖啦。

聽人講七十幾個笑面, 路過試下, 點知環境太差, 食具唔乾淨，牛楠有小小蟲, 有幾隻腳D 小蟲睇番食評先知間食肆的生狀況都真係咁差......衛生太差既話, 真係唔係咁好

這陳年老舖，座落在土瓜灣這種老區內，形神俱似，但回來後細意回味所拍的照片，才發覺這種味道在當時入形入格的環境是感受不到的，襯這種老舖還堅持在，早點幫襯吧，不要像天星碼頭一樣，失去才珍惜…，另一樣當然是身邊人啊！另外這裡絕對沒驚為天人的美食，但有像細水長流的感情，每每走過，放下三數銀錢，嘵咀又好，填肚又好，總有得著，無任歡迎，當然她未必一定是最好！是日汛步渡到來，陽春麵、豆漿、煎餃牛肉煎包各一，十七大洋的價錢絕對令你橕著肚皮離開。陽春麵沒舍特別，但加上大量上海辣醬後味道感覺馬上提昇、煎餃及牛肉包剛煎出來，食味不賴，況且牛肉包內的肉汁豐厚，一口咬下有漿爆場面，可想而知。環境不要計較吧，就算大美人都有遲暮的一天；服務反而不錯，街坊老舖的另外好處。當然這帶你會看到不小Jennifer Hawkins的美艷動人的宣傳照，再回想，三十年後的她又是怎樣呢？

想當年經常同大表哥嚟食tea --- 窩貼及豬皮魚蛋加荳漿係指定動作。屈指數數已有差不多十年冇嚟過...琴晚路過，心血來潮買咗窩貼及牛肉飽做早餐...size依然大得嚇人(印象記得以前係冇咁大隻)，個牛肉飽嘅直徑我相信有成5-6cm ...皮依然係好似棉被咁厚，成口都係粉...只是吃情懷而已...

20.10.2006今日同個朋友去做完義工，難得去到土瓜灣咁多食肆的地方，都去搵下有冇好野食﹗行好耐都唔知去邊好，就呢個時候行經貴記，見到都好多人幫襯，應該都會唔錯卦......一於呢間﹗入到黎點兩杯豆漿($6)<好飲>、兩隻鍋胋($6)<皮厚、都係鍾意皮薄>、蔥油餅($3)<鹹同厚>、牛肉包($3)<ok>、蘿蔔豆腐($6)<ok>同牛肚($10)<最好味、又淋又入味>，因為本身都鍾意去舊式地方食野，本來都好滿足﹗好可惜，當大家食飽飽之後，眼前有一黑影掠過......心知不妙，但係佢好似做show咁再我面前行多次貓步......果真係一隻好似貓咁大的老鼠，嚇到我同我朋友即閃......睇番食評先知間食肆的生狀況都真係幾差......建議都係外賣啦﹗眼不見為乾淨......

住係土瓜灣~ 阿媽又係上海人~~所以自己特別鍾意食d 上海點心~貴記最好味既, 我首推窩貼~~!!真係超好味...個皮係厚, 但厚得黎有咬感~絕對冇食緊麵粉既感覺~而且個底煎到黃金色如果岩岩整好買黎食真係極品3 蚊一隻大大件~ 非常非常滿足~另外蔥油餅都好正~ 但都係新鮮熱剌岩岩整好買就最最最正個皮仲係脆既~ 非常滿足~豆漿平得黎好有豆香最緊要甜得岩岩好, 唔肥嘛~~~~不過本人不太好豆漿~^^"如果路過見佢岩岩出爐就一定要買啦!!真係好正~~~~~ (只是堂食環境實在..... =_=")

之前小弟貴記個食評打得求其,見近日也吃得幾密,補會一個Re-master版的食評吧.一面到七十幾個笑面零喊麵,點樣好大家已心中有數,以小弟光顧數年,差不多咩都食暈.其實除左在舖面開放式廚房,做出的荵油餅,窩貼,花卷,菜肉飽,牛肉餅成為打包熱賣之外,貴記的擔擔麵,味道也不錯的.明顯係折衷街坊口味,土瓜灣並不多大圈幫同四川幫的,所以辣度係去到近乎平易近人.湯底花生醬味濃厚,麵條非用蛋麵,用質感更厚更煙齦的陽春麵,兩者在湯碗上遇上,令到碗變種的擔擔麵,產生種微妙的化學作用.如果少辣也不行的話,索性叫碗$10的陽春麵吧,什麼也沒有,簡而清.寡過頭的話,加件炸荳腐吧.所有點心,一律$3件,點心最愛都係窩貼,皮係厚,但唔算齦,底部煎得夠焦,岩我口味.餡料並不乾巴巴,有濃甜的肉汁流出.其他菜肉包,牛肉餅,每樣點一件,所費無幾已能享受大堆頭的快感.相比之下,小食如豬皮豬紅蘿蔔就略略比下去,蘿蔔唔夠甜,豬皮豬紅比較普通,外面隨處也吃得到.$3一杯豆漿,應該平通全港九,之前豆漿味道略啖,呢排再去,已回復昔日的水準.如果大家能在港九新界可搵到比貴記更平,更香濃的豆漿,請告之.打咁多隻字,無非都係想借頭借路,

是日無聊到土瓜灣逛一轉，第一站就決定在貴記。叫了一杯凍豆漿及牛肉包一個。豆漿，完全為呢個夏日帶黎冰涼，有豆味，甜度適中。牛肉包，感覺有如生煎包，脆脆的，包餡好好味。題外話:跟朋友說到貴記荳品食早餐中，朋友問，是否如其名一樣好貴架?平到你唔信，一個豆漿加牛肉包才6元!可惜環境太差，有小強陪伴共同用餐

在土瓜灣工作，所以都有到過貴記，環境雖然不理想，可是食物質素一流，最喜歡她的擔擔麵，擔擔麵醬一流有花生味，麵條應是貴記自做軟硬適中，另外她的豬紅、蘿白、牛楠也很好吃，非常入味，吃完沒有口渴的感覺。夏天嘆杯涷豆漿一流!

早前落開土瓜灣，想起這間食店的食評幾好，便走過來試試。店鋪唔算太大，但都算幾乾淨；再看看餐牌，價錢真係比想象中平。我們最後叫了荳腐麵、鍋貼和荳漿。荳腐麵- 初初以為是滑荳腐，來到後才知是炸荳腐，有點失望添，荳腐偏硬身，外皮又太厚，好在都幾有荳腐味；麵質幾特別，雖然偏腍但有點咬口，可能是自家製做的麵條吧。鍋貼- 外皮又硬又厚，完全食唔落口，內部的肉質，都算幾鮮，可以不要。荳漿- 少少荳香味，但都幾淡口，相信都加了唔少水，好在唔會太甜。價錢就真係好平，還想要求有幾高，一試無妨啦！

終於試了這間土瓜灣評價最高的食店.一入內..感覺像回到二十年前..整間店的裝修是舊舊的. 食物的價錢都很平宜.我們兩個人, 點了一碗擔擔麵, 只是$10..有充足的花生醬, 雖然不是撈得好平均, 但都幾好吃. 另外有$3 涷豆漿, $3個牛肉飽, 菜肉飽, 那些飽幾好吃.另外還點了豬皮魚蛋..普普通通啦...如果想懷舊的話, 真是要去看看. 而價錢真的很平. 食物就不過不失啦.