豆豆麵包西餅 (已結業)

而家非連鎖嘅麵包店已經愈黎愈少嚕，想買隻好食啲嘅蛋撻都難，用10蚊買到飽肚嘅麵包就更難。雖然豆豆啲麵包都係普普通通大路野，味道賣相都唔係突出，但係就係細個食果啲麵包，夠踏實，夠實惠。其實我都覺得幾好食架，最鍾意買芝士條加蛋糕，夾埋都係7.5蚊，仲要夠飽，都幾滿足架。今次淨係買左蛋撻，曲奇皮尚算鬆脆，蛋漿唔死甜，都仲有啲啲蛋味，微溫。3.5蚊我覺得算好好，而家搵間麵包小店都難，仲咁平又算唔差。有八過下其他食評話職員態度好差，但我買左咁多次都覺得好好。我之前拎ecowrap去買，啲姨姨仲會問係咩野黎，吹左幾句水。

豆豆麵包西餅是每逢星期一至五是我的早餐首選。因為平同唔駛諗，一定有款熱騰騰新鮮出爐的麵包，今日就試左麥方包同雙色蛋糕。天氣開始凍❄️，早餐梗係要熱辣辣啦🔥大家都gogogo🏃 試試豆豆麵包，美好的早餐由DoDo Cake開始…

今朝去買一個$5.5的芝士沙律火腿包,比錢既時候,收銀好大聲喝唔收1,2毫,態度惡劣,非常趕客!如果唔係趕時間的話,我就唔會購買~而且味道一般,麵包膠袋亦沾滿沙律醬,令雙手亦沾到,不太衛生,今時今日甘樣既服務態度,實在唔要得!!以後唔會再幫襯此店!還會告訴朋友不要幫襯!

自從屋企附近某間餅店不再賣十字餅後，每每經過舊式餅店時，我偶爾也會入去看看有沒有賣十字餅…… 哈哈！我對十字餅真的有種情意結剛好約了友人到荃灣供膳，路過豆豆，比我發現了提子十字餅！一袋3個，只售$8. 一點也不貴.十字餅感覺似英式鬆餅scone, 內裡並沒有餡料，質感較一般麵包實淨，但食落鬆化，帶有牛油和蛋香味. 食完一個其實都幾飽肚，可惜提子極少，每個只有一兩粒提子而己. 

    去皮方包 $8 / 8片價錢雖然唔係特別平,但新鮮出爐後個方包包裝袋唔會封口,比方包散熱氣,真不錯!因去皮的關係,一片的size唔會好大,雪白+軟綿綿~good 但service就麻麻地,唔係太有禮貌!其他港式麵包size幾大個,價錢合理的

  去皮方包 $8 / 8片價錢雖然唔係特別平,但新鮮出爐後個方包包裝袋唔會封口,比方包散熱氣,真不錯!因去皮的關係,一片的size唔會好大,雪白+軟綿綿~good 但service就麻麻地,唔係太有禮貌!其他港式麵包size幾大個,價錢合理的

今日(11-2-2012 Sat)中午買完餸後,買啲麵包畀自己當lunch先,o黎到呢o度睇,見有豆沙燒餅同蛋撻,我行入去睇,夾一個$3.00o既咸芝麻卷,然後叫女店員幫我包起$2.05o既豆沙燒餅同$.00o既蛋撻各一件.畀完錢走人,裝住豆沙燒餅同蛋撻o既袋有水蒸汽,坐車時都嗅到啲蛋撻香,返到屋企影埋相就食喇,先食蛋撻,佢係曲奇皮,已經唔太脆,但蛋漿好有蛋香味同好滑,呢個唔錯.然後係豆沙燒餅,反轉睇睇,嘩!好少豆沙餡,面積大概同一個五蚊銀大,食落,燒餅皮煙韌,豆沙餡甜度適中,但真係太少喇!最後係咸芝麻卷,呢個正常咸咸香香咁,冇乜問題啦.服務:店員同收銀對顧客o既態度依然係毫無熱誠.

呢間麵包店真係幾過份,因為家人曾經見到職員在店內雖然手扲一大盤聲稱新鮮出爐香噴噴麵包,但買返去睇下個麵包底部係有一個似係翻焗過o既嗨黑色圈狀,加上麵包口感很硬… 即係麵包店的麵包賣唔去,又扮晒野扲返入去廚房翻焗過後扲出去,聲稱新鮮出爐香噴噴麵包 實在可惡極了今日去豆豆麵包店,為了訂生日蛋糕~其實只有黑森林, 忌廉雜果及栗子的口味,因之前同朋友慶祝生日食過黑森林蛋糕很棒,所以照樣訂左黑森林蛋糕1磅--$90之後買左1份合桃蛋糕 $12雖然蛋糕係好大盤,但係表面略為燶,相信又係翻焗的原因吃起上來便得知果然又係翻焗過 蛋糕過份的硬….哼!直到取生日蛋糕的當日,黑森林蛋糕的生果雖然充足,但賣相不及以前那麼美,而當時向職員查詢如果加生日牌,個生日牌係點o既樣,而佢俾左1個根本係1張細形紙牌囉….勁無奈…仲話要加8蚊????佢扲左出黎俾我睇後,我話唔要,佢勁無禮貌黑面囉 我都知呢間鋪頭的職員一向態度不好,但家陣咩態度呀????而黑森林蛋糕的朱古力只係過甜的朱古力only??切開來吃才知道,蛋糕與忌廉的比例..竟然係1比4….. 而家食忌廉定係食蛋糕呀??????可惡極了!!!!!齋睇個蛋

尋日(25-2-2011 Fri)放工後,要去買麥方包返屋企,作為今朝同男友整三文治之用,行到o黎呢o度睇睇,剩返一包$8.00有8片o既麥方包,就買o左佢啦.到今朝整好晒,用o左4片做2件三文治,用o左後至影相同鎊一鎊,發覺4片都有半磅重,即係8片有一磅啦.而麥粉其實唔係好多,不過間間都係咁o架啦.一打開有好香麥味,而口感梗係唔會滑,不過鬆軟.

以前住荃灣常常光臨這店, 多是選吞拿魚, 剛巧到來便要買個麵飽, 六時多, 店內很少人, 我沒想其他, 見圓圓的吞拿魚便選了, 看到價錢牌是四元, 記得五, 六年前都是四元, 竟然沒加價 , 店內格局跟以前沒太大分別, 飽是暖暖的, 飽質依然鬆軟 , 吞拿魚好像沒以前那麼好吃, 但都不錯

芝士沙律腸仔包$4.5, 賣相是腸仔在包面上, 鋪上沙律醬, 再加芝士焗, 包好飽滿, 好靚.味道方案, 熔了的芝士很香口, 腸仔彈牙, 沙律醬作點綴, 酸酸甜甜, 好味道.

我見到吞拿魚包岩岩新鮮出爐,仲好香tim,熱騰騰~所以決定買呀 吞拿魚包 $4雖然個麵包皮好似軟身左少少,應該係軟熟的~扲回家後無幾耐.見佢萎縮左…到底係咪有少少谷住個包,所以d蒸氣出唔到黎…搞到個包變到皺晒皮呢?有咩方法可以預防…??因為我扲返屋企唔係即食的~呢次真係萎縮得好勁…. 左邊係 (笠) 陷左落去,右邊仲係巢左皮tim…  吞拿魚真係幾多,不過乾身左d….

熱騰騰新鮮出爐的蛋撻, D蛋少少甜, 奶和蛋配合得十分好, 很滑很好味. 牛油曲奇皮, 好香牛油味, 水準不錯. 價錢$2.5, 十分抵食.

始終覺得此麵包店的服務態度麻麻地笑容真係好少...呢間麵包店歷史悠久,我諗有13年以上左右~所以麵包的質素都不錯~幾好味圖中右邊的是提子包~2.5元,大大個口感很好~提子又唔會好甜,推薦!!!左下角的是~ 2.5元幾軟<林林> ,個皮幾脆~賣相很好!! 很好味的 左上角的是麥糠包 2.5元雖然食落口,係乾左少少~口感仍是很好的~

2.5元的 芝麻卷~ 真係幾新鮮呀,試過用手指<du>下,都會反彈~而且幾軟熟tim呀~口感又好好~平平凡凡的芝麻卷,淡淡的芝麻香味同埋咸味~但真係好好味呀<好像是>12元 的合桃蛋糕真係幾大個呀~而且成家人一齊分享就最好不過呀,差不多16cm左右吧~無真正量度過,haha!不過間唔中d蛋糕會有蛋殼 是真的~但蛋糕幾<實鄭>~ 中間有合桃蛋味道所在呀,還有細細粒的合桃tim,而表面的合桃大大粒~約6大粒左右~真係好味的~焗後更加入味呀服務態度一般~..一向如是...keke環境都係一般吧~