譚仔雲南米線

營業中

休息中

本身食開都係10少，但今次竟然鼓起勇氣跟朋友首次嘗試重慶三小辣過橋。誰不知竟然比我想像中更加容易接受，並沒有辣到不能接受的感覺。反而還越吃越滋味，湯、麵，餸嘅配合程度依舊，繼續encore.

本人極度喜歡食魚🐟眼見譚仔雲南米線嘅脆肉鯇木瓜魚湯米線推出咗一段時間，於是近日終於有時間去試一試，剩 脆肉鯇木瓜魚湯米線唔加飲品一碗43蚊，對於一個女仔嚟食份量係足夠嘅，目測魚湯呈奶白色，碗內脆肉鯇有8件左右，木瓜兩至三薄片，賣相OK , 份量都足夠。首先即刻飲一啖魚湯，嘩………出事呀🙈說好的木瓜魚湯底呢🤔🤔🤔個湯底完全就係普通清湯嗰啲湯底，只不過碗面加咗啲脆肉鯇同埋幾片木瓜咁就當係魚湯米線🤣🤣以前食開譚仔都覺佢d米線湯底不嬲都係好鹹，食完之後返去要飲好多水🤣所以有好一段時間冇幫襯佢，最近見佢推出呢個脆肉鯇木瓜魚湯米線，咪諗住再畀多次機會佢，點知都係中伏出事🤦‍♀️魚湯底淨係得個鹹字，完全冇魚湯嘅鮮甜味，木瓜味亦都飲唔出，碗裏面得兩至三塊薄切木瓜，仲要係完全唔諗，仲有少少生生地😑不過值得 一讚嘅係脆肉鯇👍個爽脆度真係冇得頂，名副其實既脆👍👍👍但係就切到好薄，無乜魚肉可以食，好小家🤣總括嚟講賣相吸引👍但食完就係另一回事，可能本人唔鐘意食得太鹹既關係🤣🤣🤣

今日星期六見到確診數字只得六宗，咁咪諗住叫foodpanda外賣嘅！叫咗龍門客棧食淮揚菜，點不知8分鐘之後通知餐廳沒有接order，幸好原來foodpanda自動取消了信用卡過數，不過要打上銀行check先知。然後用咗uber eat又叫返譚仔雲南米線食，除咗好食之外，因為佢有勾魂的味道，如果只係好食係唔會掛住的！土匪雞翼係用焗爐焗嘅，低脂好多，麻辣嘅湯冇紅油亦都低脂好多，食咗冇罪惡感！不過因為飲品外賣包裝太差，阿爸話剩返一啖嘅熱菜蜜好好飲，我覺得剩返半杯嘅凍檸茶少甜都好好飲，每位消費$75！最衰套餐唔可以唔叫嘢飲！我已經打咗電話上客戶服務部投訴，已經超過六個月了！居然完全沒有改善！充耳不聞！哼！例如禾輋商場間漁樂係用台式奶茶包裝機包裝飲品的，唔插支筒落去係唔會有漏洞，我搭的士返屋企定左幾轉都唔會打瀉！聽電話嗰個客戶服務員態度冷冰，連多謝我一聲也慳返！

每次來譚仔雲南米線都必點過橋米線套餐，這樣一來可以吃到好多材料，二來可以與朋友一起分享吃，不會怕浪費也節省金錢可以點其他食物，如果是點套餐我是建議點清湯比較入味，反而蕃茄湯味會變得比較淡，單點配蕃茄湯簡直絕配(對於我不能吃辣的人來說) ，蕃茄底湯還放左幾粒蕃茄，另外超級喜歡吃炸菜及肉醬，太好味了新鮮油菜有生菜、韭菜及芽菜，但我個人喜歡吃生菜，生菜新鮮爽口，好好味。小食還點了重慶口水雞翼，口水雞翼不算很入味，汁是麻辣，不能吃辣的我是可以接受的，味道不錯，我也點過好幾次來吃。單是一碗過橋米線套餐已經很飽了，如果兩個人不想吃太多可以考慮點套餐。地方環境不錯，清理潔淨，服務員也是很友善，我也吃過好多次。

今日，我去沙田附近睇中醫，因為喜歡譚仔的關係，所以來試試。我吃的時候只是12時，所以人客不是太多，我可以慢慢品嚐米線。米線和餸菜（墨丸、炸醬）的味道屬一貫水準，推介推介。

譚仔小食好似好耐無出新菜式，今日去食見到有新野，燒豬大腸（唔記得全名）。以試新野既心態點菜，無乜期望，佢上菜時覺得有d細碟，有8塊左右，但試左覺得幾好味！poster介紹佢係譚仔味道既豬大腸，都形容得幾好，酸酸辣辣咁，燒得乾身味道入味，又唔會好油或者咬唔斷，有85分～

一個人食咩好？緊係食米線啦收工去到沙田，想食少少野先返屋企譚仔係最好既選擇，因為近d搭車嘛平時食開麻辣小辣既我今日唔想食太辣，想食d開胃d既野最後揀左普通既酸辣湯+炸醬呢個湯清清地又帶點辣，岩哂我碗炸醬十分大碗，其實有時覺得叫一個餸既份量同叫2個餸差唔多，叫兩個餸個炸醬可能得返呢度既一半或者三份一所以聽過d人講如果2個人食就叫一人叫一個餸就最抵啦😂😂😂炸醬酸酸甜甜，配埋微辣既酸辣湯非常開胃除左米線之外，土匪雞翼係我既至愛個皮脆卜卜又熱辣辣，調味又食食，加埋芝麻十分香口👍🏻所以一個人食米線係最好既選擇✌🏻但係呢度既衛生要改善下，有飛蟲成日係面前飛來飛去，仲停左係我d雞翼骨度好難趕走，好彩唔係係我隻雞翼上面咋

今日晏晝約左朋友係沙田聚下舊,下午1點...係沙田真係人山人海@@ 企係火車站對出等朋友就見周圍都係人...lunch time都預左好多人,就行去沙田中心好運果邊,見到譚仔同朋友都話好耐無食就禁飛仔等位好多人大概等左20分鐘,一人一碗加個大土匪,米線先到,我食腩肉4小走9牙,腩肉少得可憐@@雞翼今次好快就到 熱辣辣勁香口,好食凍華田好夠味唔記得左偉華地下都有一間,我平時會去偉華分店,因為有卡位無咁迫,而且餸既份量會比較多

唔明白點解服務態度可以咁差，副店長以極不佳既服務態度服務顧客，明明未坐滿但係半個鐘都未出到碗米線會唔會過分左呢？唔同換左老闆員工就換過曬嗎？我覺得未必既，其他分店都未試過呢d情況出現，希望可以改善下

平時都食開三哥，今日因為已經到左沙田席場果邊，唔想得黎行去，所以就去左譚仔食。好難得7點半左右冇人排隊，即刻有得入座，但係其實入面都幾full。我同朋友叫左我地例排食嘅套餐同細土匪，加多杯凍0茶。我地覺得上菜有啲慢，因為朋友唔食牛，所以碗麵一黎到我就會揀左啲牛肉走，點知我揀左粒牛丸之後，就搵極都搵唔到啲牛肉片。跟住我地都好鍾意食竹笙，以往碗麵都有2片，我地一人食一片岩岩好，今次我又係先食左一片，點知之後我個fd搵黎搵去都搵唔到，原來呢碗麵入面得一片竹笙！不過入面都幾足料嘅土匪雞翼好好食！我其實都好難講得出同三哥有咩分別

呢間平日都好多人(+好多自由行),但D呀姐她懶懶閒,叫"唔該"等成10分鐘都無人落單,連叫你等陣都費事~有個直情話我唔落得單wo(?!)轉左大股東之後,譚仔好多都差左,縮水,呢間叫外賣特別少tim,同埋好似無咁辣而家,又唔麻......D位安排坐好逼(禮拜又多喼&BB車),叫人背脊對走廊,成日畀撞~~

打電話叫外賣，原本唸住打去希爾頓樓下果間，點知打錯左去呢間，我叫芽菜，竹笙中辣，點知拎到翻了屋企份量少的可憐，而且湯底一睇就知唔係中辣，真係差，所以下次叫外賣一定要打開檢查。

夜晚收工想食米線，由於好攰唔想再搭車出去，所以就揀左最近既譚仔。晚餐時段都好多人等位，好彩等左幾分鐘就有位喇。呢間譚仔仲係舊裝修，檯同檯之間好逼，尤其是圓檯，大熱天時要同後面檯既食客背脊貼背脊，坐得好唔舒服而且仲越坐越熱，隔離檯都忍唔住去問呀姐，呀姐話冷氣壞左！冇計，惟有快d食完快d走。今日叫左豬潤，五小辣，一黎到就聞到好大陣辣味！不過豬潤明顯比其他分店少，而且米線太林。凍奶茶少甜，黎到竟然係好甜好甜。由於呢度實在又逼又熱，只係想快d食完即刻走，最後米線食剩1/3，奶茶飲剩半杯。呢間分店無論食物、飲品質素都比其他分店差，仲要坐得唔舒服，又逼又熱，有得揀既話下次唔會再黎喇

之前我post三哥特辣話不外如是 有人留言話三哥特辣=譚仔中辣咁的確同我之前食譚仔大辣差唔多既所以今次黎試譚仔特辣😛可能因為濃味 所以佢一放得已經聞到有分別的確 譚仔特辣係辣過三哥特辣既但都係未到我極限 仲有好多空間😅好輕鬆咋喎 又係水都冇飲過一滴😂

多人去食譚仔可以食多D餸，呢個生腸無得頂，麻辣拌生腸，生腸好脆，好有嚼頭，川辣又好好味呢個過橋米線不得了，好多餸，一次滿足曬你所有口感，刺激味蕾，米線都系甘滑，湯底好濃豬骨味，好正蒜泥白肉才是戲肉，薄薄一片片白肉，啖啖都食到蒜泥加醬油味，好滑好正，好滿足吖