譚仔三哥米線

營業中

休息中

之前都食過 感覺沒任何特別但真系 系咪人紅就自然__ d?!d米線縮水 肉又少仲要同朋友分別叫左雞肉糊辣 腩肉糊辣但竟然系可以唔同味既!之前系其他地方食過 未擺上台已經聞到好香既味但哩次完全冇味仲要味道好淡!完全唔系個回事! 好似d湯溝左水沖出泥咁!服務態度又唔好應該話唔理三哥定任何一間譚仔 全部既服務態度都令人唔滿意以前都冇乜特別覺得 可以忍受既程度但真系越泥越衰!抹台又求其!成台都系水叫佢抹多次先乾淨返!

分別喺apr 04 & 26, 11嚟試........共叫咗 : 1) 雲南米線-3餸 (hk$29)-自己知自己事,所以叫咗唔辣嘅清湯底-第1次嚟唔知碗米線本身就會跟咗少少芽菜同腐皮-on居居咁,叫咗貢丸,芽菜同腐皮-先飲1啖湯,有些微胡椒味,味道自然,唔會好濃味-而個腐皮沒有煮到腍軟,帶點韌性同口感,好有豆味-米線都ok,唔會腍晒-但越食越覺得太清淡,可能同我自己選嘅配搭問題啦,芽菜同腐皮味道好清,+上個湯底又唔喺濃/惹味-見到有客人叫3小辣嘅湯底,所以諗住下次嚟嘅話,試吓5小辣,咁到時會有點辣味刺激吓味蕾 2) 雲南米線-2餸 (hk$26)-今次揀咗腩肉同墨魚丸+5小辣(最微辣級數)-來到時見到湯底嘅顏色無嘜點變,只喺偶然見到橙紅色嘅粉末,心諗嘜咁流咋-入口就已食到個嗰陣花椒辣味,條脷已經有點微"興"-越食覺得越辣-腩肉相當好味,肉同脂肪層相間,有點甘香,亦有豬肉味-米線好似比上次煮得更有彈性同口感,不錯-咁我就知道自己'高不成,低不就'........辣又食唔到,唔辣又嫌佢清淡..........hahahaha..........無福消受-如果食得辣,這裡應是唔錯的* 時

譚仔三哥我去過好多間，間味道都有差別，真是莫名其妙！ 深水步分店最差要算是服務，張四人檯好多時坐五六個，最好笑有次我係第四個，個阿姐仲叫兩公婆打算坐埋來，小弟抗議後才轉陣，唉！！！ ，另外，小弟覺得最差的是元朗西菁街的分店，一般來說飯市時段人多很正常，但輪候30分鐘以上你試過未？ 到底′三哥′有無正視問題？ 班員工真係 '倒米"!!!!!!!

昨晚閒遊深水埗, 見福榮街食肆林立, 中間仲見到久違了的譚仔米線. 鬍鬚仔三哥的米線我在永隆街的年代已定期幫襯, 仲介紹不少老友捧場. 雖然知道佢舖生意經歷不少風雨, 但據聞已穩定下來, 還大肆擴張, 這晚當然要再嚐大辣風味.晚上7點半當然人多,在舖外等不多久便叫我倆進內, 咦!但無位喎? 原來叫我站在準備埋單兩客背後, 兩客嘴也未抹便起身要走了. 這是一張四人小圓枱, 兩客走後還有三人(兩組) 在進食. 小小枱面已放滿碗筷、餐牌架. 我倆還未坐定, 樓面阿姐已問食乜嘢, 我們說先看一看餐牌可以嘛, 她望也不望就行開了, 我倆在商量米線配搭期間, 她與另外一個收銀阿姐已三次查問, 我也不用考慮就點了麻辣米線, 大辣配柏葉`肉醬及酸菜. 阿姐話 「無呀! 你睇餐牌叫啦!」我問:「無邊樣呀?」佢話:「我哋唔賣柏葉,柏葉唔衛生.」吓! 我喺永隆街年代最多係一早賣晒,佢喱個理由我都係第一次聽到. 咁我睇下個餐牌,又真係無柏葉喎. 我正考慮其他配搭時,同枱單一食客埋單鬆人, 我將背囊放在空櫈上稍移近牆以免阻碍通道, 阿姐即時干涉: 「你坐番出嚟留番果一個位吖」喂! 無嘢嘛, 呢張擺明係四人枱,

真係好難食，之前食隔離街大果間都好味，今日食番同樣既胡辣湯底，竟然咸到苦口，啲米線又淋過頭，成碗粉根本擺唔哂入口，真係差到無人有，以後無點都唔幫襯呢一間，啲品質真係參差！！！

吃過三哥的糊辣湯後 一直愛不釋手這湯底真的好味到不行~ 讚 ! 40蚊一個套餐 以份量同味道來說 是超值了~原本諗住帶老婆去試下維記, 點知維記收左檔見到隔離就係三哥~~二話不說 等我再回味回味一下糊辣湯這分店湯底 相對 通菜街那邊的, 好像稍微 辣了不過對我來說沒差, 一樣咁好味原本好愉快既一餐飯, 到差不多食完時就出事了我碗麵食剩1/3 左右, 杯野都未飲過咁濟其實鋪入面 仲有位, 我坐緊張細圓台 已經坐左總共五個人其中一個樓面員工編號 『 309 』 見我地差不多食完, 就開始係我地隔離不停話 呢兩個就食完架喇, 2位入黎坐住先, 令一張台本身五人增加至七人本身都由佢架喇, 跟住好快果兩個客人見到另一張台有位就過左去果位309號 既員工 依然不停係我地隔離係咁叫 話 呢兩個食完架喇 快d 入黎坐住先一直來來回回左3次, 試問有邊個客人唔想好好地咁品嚐食物呢?服務質素對飲食業黎講係好重要架嘛, 就算個客真係就黎走, 都唔洗不停係人地隔離係咁講原來諗住食完唔夠飽既可能會再叫多個雞翼俾老婆食既念頭都打消左直接去附近食糖水好過~~~第一次係三哥度食到咁谷氣 !! 下次一定唔會再去福榮街呢

餸嘅選擇希望可以多些新品種啦另外清湯都好好味的平時食得辣多試下轉清湯都好正炸醬係必食之選但是有些配料就越來越低水準好像墨魚丸 味道淡 不彈牙 唔好食 之前試過都唔錯的 不知是否轉了供應商定係其他原因

這不是一篇食評，因為食的祇是一肚氣，落了Order後等了二十分鐘也沒有食物送到，而兩個女侍應明知也沒有理會！事緣昨晚去黃金電腦廣場買了東西後便找附近的特色食肆醫肚，選擇了維記旁邊的那間譚仔米線，坐下來傾了一會電話，傾完後正想點食物，一個女侍應便對我說：「你，你過去那張吧，有三個人來呢張坐！」我心有點不快，唔該，唔好意思都唔講！我也算了，便坐去另一張。看了一會餐牌，向女侍應點了皮蛋、細土匪雞翼和汽水。之後一路等，祇見食物不停送出，但是沒我的食物。我已故意面向大堂坐，讓兩個女侍應和一個女負責人看到我還未有食物，我還看到那女負責人說點解佢仲未有，但這說話祇是對自己喃喃自語！跟住和我同的一對男女已食完走了，一個女侍應祇顧抹，明知我等了很久也不問，還說了甚麼我聽不清楚，說完對著我笑！我火滾，忍不住叫另一個替我落單的女侍應投訴，這樣她才入廚房問，期間仍然沒有對我有任何交代！我見這樣不知所謂的服務，怒氣沖沖地走了！好肯定，我和我的所有朋友以後不會光顧這間譚仔米線！

今日菜單:加上兩杯凍檸樂。一直很想試試看新推出的糊辣口味,一吃發現裡面有放孜然,這是新疆米線嗎?當然不是啦,因為新疆人是不吃米線的。我是覺得有放孜然的話要標明一下比較好,因為有很多人是不喜歡孜然味的,其實我個人是還蠻喜歡孜然的味道,但可惜我剛從新疆回來沒幾個月,一連15天沒有一天不吃到孜然的味道,所以目前對它十分有壓力,儘管只有放一點點我都會覺得"唉!又是這個味道"!但口味來說它還是比酸辣好吃很多,酸辣這個口味並不好吃,一小撮的酸菜並沒有辦法改變一大碗米線的湯頭,倒是配料金菇,九菜,豬肉新鮮又多,也許吃清湯會更好一點。而糊辣口味是用各式香料製成的香辣湯頭,讓不易入味的米線,吃起來更有味道。給不愛吃清湯米線的人一個很不錯的選擇。加上材料新鮮,不論雞肉,豬肉或豬肝都不腥不硬,所以一大碗的"過橋米線",還是讓我全都吃完了,這家店是真的好抵食,大碗料多,吃完不口渴,是優點。過橋米線真的太大碗了,點菜的人是不是應該提醒一下量。雖然上菜時為我們準備了兩個小碗要給我們分食用,但我們已經兩人點各點一碗了。真的是還好我食力雄厚!

真好笑自己出入深水涉無數次，都冇去呢間名店！所以特地去試吓:免人多，一支公2:30後去，人都不少，有台空即坐下，新店裝修好整潔光明，待應招呼好，坐下即叫『脯肉雞絲清湯米線』，電腦打飛！哈！不到2分鍾就爆！要等10分鍾才到，豬肉脯都爽口，雞肉絲味清，湯底可以說高水準！米線唔錯，好大碗，唔駛叫其他野試咯！食完成頭汗！ 唔好左人，拿單到casher 一scan就俾銀！自己評為抵食又乾淨，管理完善好食舖！雖然食品唔講得一流水準！

吃了譚仔數回 都不是三哥的 聽說三哥特別好吃 於是滿懷希望來到此店點了鮮冬菇糊辣米線 $20基本的糊辣是十小辣的 吃起來其實沒有什麼辣的感覺 湯底有一股說不出的特別味道 可惜....不覺得特別好吃我個人認為麻辣(四小辣)更為出色另外 米線的份量很多 最後幾經努力還是吃剩1/3 尖椒皮蛋 $13十分令我失望的一道小吃...曾在葵芳譚仔(非三哥)吃過 當時覺得驚為天人 但這次的...為什麼多了一股酸味之餘 連辣味也失去了???一點也不香口/惹味.. 凍好立克 $4味道還算濃 合格整體來說 水準令我失望 我想我還是光顧非三哥算了...

開始我以為吃的是雲南口味的米線，哪知道是四川口味的米線。覺得有被騙的感覺叫了酸菜炸醬腐皮竹笙米線，米線放太久的原故失去了口感，再叫好評度特高的土匪雞翼，除了雞翼比較肥一點，其他的我就嘗不出甚么味道了。再看上墻上那個超大的自吹自檑的招牌，有點覺得太倒胃口，1996年就有譚仔?據我所知就應該不是。真不明白怎么這么多人愛戴，難道香港人對吃是越來越沒有所謂了?

每逄星期日都會黎到深水埗呢頭，基本上，十次有八次都係食譚仔～～何解？因為好食又抵食lor！！！米奇米妮2個人食，如果本身唔係好肚餓ge，叫一碗”套餐”就ok la～～貪佢多料又唔駛諗揀乜野餸嘛～～～做緊promotion，煳辣湯底唔駛加錢，咁就試下la～～個煳辣湯底仲可以加辣，但係米妮唔係好偏好食辣，所以加個10小就夠la好濃郁ge味！但係味道偏鹹，如果本身食好重口味ge就好正米線煙煙韌韌，因為煳辣湯底好濃，所以係入味過其他湯底～d米線撈出黎係有湯底ge色ga！！唯一敗筆之處就係......點解我ge腐皮得半塊ge？？？偷工減料wor！！！

闊別一年，終於有機會再黎總店啦。總店果然係總店，開左門一陣就已經坐左一半人到。或者，可能呢個時候放飯啦。雖然係總店，但係坐得無咁舒服，可能間舖唔算太大既緣故。雞肉腩肉米線首先評一評個米線，食落都算幾煙韌爽口。唔會話食極都咬唔開既，但個份量真係幾多，食完都幾滿足。之後，配料方面都唔錯既。雞肉嫩而不實，味道也不錯。而腩肉就幾好食，肥瘦均勻。而且唔會太韌，都算幾好啦。整體上都ok，食完真係幾飽架。差講漏左個湯底，我真係俾麻辣湯底深深吸引住。食到個口有種麻痹既感覺，真係爽爆。凍奶茶一向都覺得呢度既凍奶茶好飲，茶味真係幾濃。入口無苦澀既感覺，而且真係好滑。聽人講，佢地係用豆奶，所以會有呢種感覺。麻辣雞翼都係有fd先會食既，雞翼既size都幾大隻。我最鍾意就係香脆既雞翼皮配上適量既香料，真係有料到。此外，肉質唔會太鞋。食落真係好有非筆墨可形容既快感。只係20幾蚊5隻就貴左小小。整體上都幾好，因為真係食得好滿足。期望下次再來總店朝聖。

當日約埋同學諗住去維記食, 不過因為太多人, 所以我地冇等, 改去LEE間試下我地叫左一碗魚蛋+雞肉米線 , 牛肉米線, 墨丸米線~就我食果碗魚蛋+雞肉米線評價一下~米線口感不錯, 而湯OK清, 不過D料就中規中矩, 無咩特別......而員工方面, 冇咩問題, 唔會冇禮貌, 但又不會話特別好~所以比分方面都係全部中間分..