譚仔三哥米線 (已搬遷) 新店位置

.............牛丸清湯米線$27👍👍👍 (5分滿分).............#譚仔三哥#米線 應該無人未食過吧一大碗既米線配一送 只係索價27蚊 掋到大叫媽咪 米線的配菜有 #芽菜 #九菜 等等芽菜分量都幾多嫁 好似好健康咁 而送我只選#牛丸 因為個排食得太多打邊爐 樣樣都吾多想食牛丸共6粒，牛味不足，而且有好多根，全部粒粒痴晒牙但有6粒係夠多既 湯我選#清湯 清湯係奶白色飲落清甜，我飲晒咁仔，但都吾太口渴湯底不錯 可以一早打去落單。但沉水沉到淋晒 

於圓方睇完戲，由於商場餐廳價錢太貴，就打算行落佐敦食個平民晚餐。第一次去譚仔三哥吃米線，才發現真的不錯。米線配料十分足，湯底也好喝。我點了豬腩肉，豬潤，及魚旦的酸辣米線。豬腩肉和豬潤也鮮嫩十足，滿分。但魚旦不夠彈牙。米線不會太軟，值得讚賞。最後還order了一客尖椒皮蛋，香味濃郁，十分好吃。下次到圓方睇戲，看來落佐熟尋找地道美食，也是不錯的選擇。

本人於2015年5月16日下午7點幾在九龍佐敦道分店外賣了一碗牛肉米線「5小麻辣」，等了數分鐘後就拿了外賣回家，由該分店回到我家只需3-4分鐘時間，但一打開進食時，米線己「林」晒，湯己經「索水」得返一小半，再加上我點的是5小辣，但嗰碗只係10小辣到，所以本人肯定我點的那碗米線係之前己經整好，而且放置左不少時間，還要係可能之前分店整錯左碗米線出黎冇人要，然後擺左好耐，到我點嗰時就比我，等我返到去食等同食垃圾般，我平時1星期食兩三次，本人一食就知根本同之前剛剛整出黎的米線好大對比，而家你地確實減少損耗，但同時損失一個長期顧客

呢度啲姐姐真係要讚!!! 有笑容，有耐性，有禮貌!令我食都食得好開心。皮蛋好好味!心同肉無分開!不過唔食蒜蓉既朋友就千祈唔好叫，好重味架😂我同朋友叫左2杯凍0茶，一杯少甜。少甜個杯先係正常。正常個杯超甜!面就無咩問題，間間差唔多😂👍

一個人的晚餐今晚叫咗雞肉三酸米線外賣，雞肉份量剛好,三酸湯底係三哥才有而譚仔無既湯底,有麻有酸味而唔太辣. 每次必食之選.唔知係咪佐敦道呢間分店開得耐?定係佢嘅衛生唔係太好?入到店內總是係聞到一股感覺唔係太衛生的氣味，去過唔同三哥分店都冇呢個問題，唯有係佐敦道嘅時候只好叫外賣返屋企食。

今日係第二次食三哥譚仔,第一次係沙田食叫左個過橋米線-三人分，友人叫左個酸辣米線-過橋米線$44，分量都算多,每樣餸有兩三件，比較淡味-酸辣米線$28，正常分量，叫小辣，酸味較多，要自己加辣，先中和到環境幾乾淨，地下冇積水，坐位都算充足，一張圓枱都坐到7-8人服務員服務算周到,有立即清潔餐桌予下一批顧客

作為一個米線愛好者，總會有一鋪米線癮。每到午飯時間，想到頭都大埋的時候，最後選擇一定是米線。今天工作關係到旺角去，正值午飯時間，我的米線癮又起了。米線店近年開到成行成市，實行總有一間在你左近。特別是譚仔，現在還有譚仔三哥呢! 好，就試一下吧。等位都等了好一會兒，店有兩層，我們在樓上的位置。原本坐了一張小圓枱，但因有六人的食客等待中，我和同事們都願意轉坐一張較小的枱讓給人家。我坐在外面的位置，在食碗米線的短短時間內，讓位側身子起碼超過了十次，這樣的環境實在令我吃不安心吃不自在。我點了酸菜腩肉米線（小辣多麻），吃下第一口，很失望。米線煮得太腍身了，我喜歡吃較韌的米線。重點是，整碗米線完全不麻也不辣啊!平日吃譚仔，小辣已經足夠了呢。同事們的也不惶多讓，通通都吃不完。本著不浪費食物的精神，我下了滿滿一匙的xo醬辣椒油，把它吃光光。另外,還點了土匪雞翼，保持一般的水準。可惜最愛的米線實在令人大失所望。

起得晏，行过有嘀饿，都超过11点，就随便食翻餐当早午餐啦。呢个时间人唔算多，环境都干净企理，服务都几周到。就要左两碗辣嘎米线，上菜都几快，汤底应该系鱼熬嘎，几鲜甜，辣就唔够正宗，好明显系只放辣椒，香料唔够，嘀米线几弹牙。不过，可能因为以前系云南食过好多正宗米线挂，系香港就明显变左种，首先系嘀肉太熟，云南米线特点系嘀肉比较生，所以好嫩口，可能香港人食唔惯或者系法律唔允许吧。其次系米线比较粗，比较耐煮，不过就觉得味道同云南噶有唔同。不过唔同地方有唔同口味，无所谓好坏。

腩肉配冬菇米線$29一直傳聞譚仔三哥較正宗。這個無從稽考，不過米線真係非常有咬口，有嚼勁！配料方面，腩肉共有8塊之多，肥瘦參半，冬菇也有5塊之多。真正抵食。湯底5小辣中帶麻辣，吃完咀唇感到少許麻痺了。吃畢一碗，飽肚了。。。

係佐敦見完客有些少肚餓，是但食Ｄ嘢，結果又中招埋單 $35個大洋、一碗米線加一礶可樂。問可否比個冰杯 (不是要檸底)、答案係要加錢先有 (唔記得 $3 定 $5)叫咗個中辣米線但個湯底只得酸又唔辣、而且完全沒有麻的味道。推介又話酸香、麻香、辣番 (小心:好容易上癮!!) ...我就覺得 (小心: 食完無返頭!!)Ｄ米線仲衰過湯底、超級 over cook、食落去直情食緊糊仔一樣 (最後食咗三分一就放棄，因為真係好難食)想試吓新口味...又出事選擇比一般同類型店鋪少、而且除咗清湯之外、各式湯底要加 $1至$2...揾笨

譚仔的酸辣米線是我的最愛,但每次都食有D悶,今次就試胡辣湯底其實我唔知咩叫胡辣,不過湯底無想像中咁辣,都OK啦,但下次一定要番酸辣今次的炸醬好多油食食下發現有2粒好細ge雞肉,即刻有D唔好ge聯想.........我叫胡辣炸醬,照計唔會有雞肉.......我食左好多次酸辣湯底都無雞肉粒,請問有無人知道胡辣湯底有無雞肉粒?譚仔雖然好食,但每次食完都口乾,一定落好多味精,加上我有心理陰影啦,以後都係食少D

其實間中都會同男朋友去食呢間譚仔仲要叫套餐但係今次真係唔係好得粒魚蛋同埋墨魚丸真係唔多得勁散~~勁唔得啲米線又煮到過晒火'林"得好過份其他料都縮晒水勁少~~連湯底都好似淡味咗今次真係好失望

獨欠三哥！話說本少爺吃過多次「譚仔米線」，都是「非三哥」的品牌，不知它是一哥二嫂四姑丈還是五姨婆開的，其實食味也不賴。久聞「三哥」的大名，説味道比「非三哥」的更勝一籌云云，是日終於有機會潮拜一下「三哥」。米線的餸料大同小異，也不必多提啦，倒是湯底值得比較一下。「煳辣湯底」這湯底好像是「三哥」獨有，並聲稱「集鮮、香、濃，兼具補益功效」。這湯底微辣得來有種令舌頭麻痹的胡椒味道，湯鮮得來亦不太覺味精；對比起「非三哥」譚仔湯底的死辣的感覺，的確是較出色。不錯！「酸辣湯底」配上酸菜及豬潤，湯底被形容為「酸中帶微辣，搶口又醒胃」。平心而論，這個味道同樣比「非三哥」的更搶喉出眾；尤其這裡的酸菜是更濕潤爽脆及有咬口，質素明顯較高，非常容易就分出高下！「土匪雞翼」始終都係爲佢而來。比起「非三哥」，「三哥」的味道就差不多；雞翼皮同樣又脆又香口，雞肉嫩滑入味，同樣美味。這名物真係第二度食唔到這種風味。「三哥 (都流) 口水雞翼」純粹被海報吸引再加點。雞中翼全部已被一分為二，可惜味道不夠麻又不夠辣，而且又有很多碎骨 (雞翼曾被拍打的緣故)，吃得狼狽又不過癮。這個不推薦！雞翼，還是土匪的好。總結，「三哥」的湯底

譚仔雲南米線(三哥) is always my first choice for a quick meal.Their Rice Noodle - extra spicy with bamboo pith, bean curd sheet, bean curd puff and fish ball is the best in town.The place is always full of customers, but food service is reasonably fast.If you cant take spicy food, you can always choose, clear soup and it is just as nice

上次同家姐行行下街 見肚餓 於是就去咗譚仔試下入到去就即有位 我地叫咗一碗牛肉魚蛋酸辣湯底 加$5仲有杯凍檸蜜添!一食就覺得好正 酸辣湯底超正 牛肉又幾好真係一試就愛上咗佢啲米線 好想去再食多次：）