影片
港鐵旺角站 D2 出口, 步行約2分鐘
繼續閱讀
開飯介紹
全港第一間星座塔羅占卜主題cafe, 本店特色首推十二星座特飲, 設占卜服務, 包場可享用PS4遊戲機及唱k系統
繼續閱讀
特色
包場派對
營業時間
星期一至二
15:00 - 00:00
星期三
全日休息
星期四至日
15:00 - 00:00
以上資料只供參考, 請與餐廳確認詳情
一路都對呢間餐廳好好奇，因為有得玩塔羅牌 (雖然最後我同朋友都冇玩)。我地4個女仔，因為大家都唔算係大食既人，所以諗住叫三個主菜同一個小食拼盤一齊開心share (外加三杯野飲)，但冇諗到最後4個都唔飽，因為啲份量真係唔多，加上小食拼盤每雖然有4樣野食，但每樣得3件，結果我地要share咁食😓而且食物選擇唔多，亦冇甜品，想話不如叫甜品食可能會飽，但原來我地諗多左。。。雖然可以坐好耐 (有可能因為係平日，冇咩人)，但食唔飽，每個人又百幾蚊，其實唔抵食😥
繼續閱讀
友人對占卜星座命理有興趣，上網搵到呢間cafe有「駐場」占卜師坐陣，見咁盞鬼就孖兩個friend黎試下，沒想到這是惡夢的開始我地首先叫左個小食拼盤平心而論，我相信呢啲食物都並不是自製，只是炸熱啲半製成品，所以並沒有很難食，炸蠔仲幾好味添之後我叫左杯玫瑰草莓茶，好難飲，藥水味，都唔怪得佢，佢只係用個現成茶沖姐；之後我地叫左個白汁煙三文魚意粉同香蒜蝦炒意粉，我對意粉不嬲都好執著，但我又唔會對普通cafe咁高要求嘅，不過起碼...做到基本野先，個扁意粉淋都算，個白汁甜到好似用煉奶煮咁，極難食；香蒜蝦意粉，係咪橄欖油用曬？碟意粉乾真真，炒意粉點可能無橄欖油炒意粉嘅意大利文係Spaghetti aglio e olio，即係用油同蒜黎整嘅意粉，無油點炒？我覺得難食都算，結果係我同兩個friend三個食完都肚痛，我仲肚痾左兩日添，大家去食之前要諗下自己嘅腸胃頂唔頂到。希望貴店可以改善食物質素，難食唔緊要，至少要乾乾淨淨吧
繼續閱讀
地方雖然可以令人放鬆，但真係接受唔到張櫈好多塵☹️，係有一層塵埃係面😵另外食物方面，樣係幾好，氣味也不錯，但口感認真麻麻😐唔介意口感方面都可以去試下到占卜方面，問左個店員，佢話要80蚊一次，到最後我地都無試到，唔係我地唔想試，係等左好幾個鐘都未到我地（我地到既時候有2枱客，一枱已經係同占卜師傾緊）等左成3.5個鐘😭😭😭!唉!最後同朋友去左廟街占🙄其實都係為咗可以同時占卜加食野，先選擇喱間多人讚既cafe，但真係令我大失所望
繼續閱讀
同朋友一齊諗住去試試呢間cafe,因為見佢係好多地方都打曬廣告咁。咁我地一去到就點咗野食同野飲。啲野食好一般，野飲都正常。服務黎講，都唔好指意有咩服務，都係想搵個地方坐低傾下計。最後見佢有塔羅占卜，我就試咗，因為本人對塔羅好有興趣。準唔準就唔評論，簡單兩三句就收咗幾十蚊，錢都幾易賺。不過對以上野我完全冇想打評論寫衰佢，但係第二日我同朋友都好肚痛好唔舒服，肚痾咗兩日。唔想再有其他客人好似我地咁... 所以好希望大家去之前三思，除非你有鐵胃！我諗我以後都唔會再想去樓上cafe........ 翻閱之前食評，發現都有相似情況。希望衛生情況盡快改善，唔好再諗住落錢買廣告，畢竟一個劣評嘅客已經可以影響曬你所有openrice嘅打手食評🤨
繼續閱讀
最近運氣唔係咁好，朋友介紹旺角有間樓上Cafe，可以一路食嘢一路占卜，咁今日出嚟食飯，就一於去算下最近運程啦。一去到，見到呢度雖然冇華麗嘅裝修，但係就有一種舒服同relax嘅感覺，好似喺屋企咁。咁我哋肚餓就梗係叫咗嘢食先啦，我就叫咗個煙三文魚意粉，一上枱見到佢擺得好靚，咁就梗係要相機食先啦。食落都好好味喎，估唔到賣相同味道都可以做得咁好呀。而朋友就叫咗個小食拼盤，有雞翼，炸蠔，炸魚柳，薯條等等。食落外脆內軟，好明顯係啱啱炸起㗎啦，而且蠔同魚都好新鮮，點埋個沙律醬簡直一百分呀。而呢嘅特飲都係好特別嘅，就有唔同嘅星座主題，咁我就叫咗個天秤座，朋友就叫咗個天蠍座。我呢杯天秤座係奶蓋朱古力味，飲落唔會太甜，朱古力味啱啱好，好推薦大家飲呀。呢間Cafe又好味又特別，價錢又唔貴，好似幫襯$200就可以玩一次塔羅牌，平平哋黎玩吓都好呀。
繼續閱讀