西貢松記車仔麵

一早入到西貢，做戶外活動前，先食過早餐醫肚叉足電。港式早餐，坊間茶餐廳要有嘅嘢都有得揀。但突然好想食豬扒，所以要咗出前一丁自選餐（$42），除咗煎豬扒（另加$5），雙拼芝士腸，餐飲要咗熱奶茶。熱奶茶好快上枱，茶底味可以，而且都滑，合格以上。大概六七分鐘後，豬扒芝士腸出前一丁上枱。豬扒尚算大塊，厚度適中，煎得幾香口。已預先剪開，方便食用。豬扒味道微微帶甜，肉質普普通通，唔算軟嫩亦唔嚡口。芝士腸有四小條，味道正常。出前一丁煮得不錯，唔會太過淋身，麵仲帶有少少咬口。…查看更多

好幾年前食過覺得唔錯，所以今日同太太二人再黎食松記。我就叫左尤魚，牛柏葉豬紅同幼麵。太太就叫左冬菇，豬紅，豬皮同羅白。都一齊叫左普通辣。上菜色湯頭色水夠，以為好濃香。點知飲落淡如清水，每個餸都食得出過左清水再放落湯度，所以個湯完全被開稀釋左。以一碗合格既車仔麵黎講，連基本要既湯頭濃香，各餸菜帶有自己味道呢點都做唔到。再甚麻煩左幾次員工比杯水，都有意無意唔應唔理。最後比完92蚊就走左。呢92蚊後，松記唔會再賺到我任何1蚊。見到香港餐飲業走到如斯田地，真係北上外遊既錯咩？我唔覺…查看更多

難得來到西貢區，小妹係絕對唔會錯過任何覓食機會，當然緊係要周圍掃街食埋宵夜啦🤣。尋尋覓覓，發現了間人氣車仔麵店，於是來個3餸車仔麵，咖哩魚蛋、豬紅、墨魚條配油麵，湯底選擇了腩汁，濃郁嘅湯底，魚蛋彈牙，豬紅滑，黑魚條有黑魚粒，有口感，美味😋。…查看更多

西貢食野多選擇，但唔想下午茶下下食海鮮，茶記，西餐或泰菜，可以選擇近小巴站既車仔麵，既方面又唔洗排隊，坐低落單，味道中規中矩，但算偏咸，濃味，食後頗口喝，從其他食客中聽聞依間車仔麵以前係門口排哂隊落單，再坐入去食，現在係先坐低再有姐姐落單，出名好似豬手，但我少食，主要怕𦧲骨，所以食得簡單，最基本既豬紅豬皮蘿蔔油麵，味道之前都講了，都冇贊冇彈，41蚊3餸加油麵同市區差唔多，跟飲品加10蚊。我諗佢同其他車仔麵舖最大分別佢比較乾淨同埋整齊，食物就冇乜特別。…查看更多

幾年前食過呢間車仔麵，明明好出色，估唔到而家已經變到咁唔好食:(豬紅牛柏葉河粉 湯底顏色明明好深色，但唔知點解勁淡味:(牛柏葉爽口，但完全吸唔到任何湯底嘅味道，有點失望。同埋想叫個侍應拎辣椒油，叫咗幾次都冇人理我😢最後都係自己去拎…查看更多