影片
營業時間
今日營業
11:30 - 20:30
星期一至日
11:30 - 20:30
公眾假期
11:30 - 20:30
公眾假期前夕
11:30 - 20:30
以上資料只供參考, 請與餐廳確認詳情
今日去試過，其實唔係唔好食，不過冇其他網路紅人講到咁誇張，蝦湯係ok可以再濃d，蝦餅我覺得好juicy好入味！最後一提係店員態度，答你問題語氣好似同你有仇咁。。。我試過一次就夠，唔怪得咁多人會北上消費食野
繼續閱讀
係度掙扎緊食咩好嘅時候，路經此店，再望吓隻錶距離完結下午茶時段仲有十分鐘🤣問職員仲可唔可以落order,點知好好咁同我哋講，佢幫我哋落比較快👍🏻 選擇都多，而且價錢相宜☺️☺️ 係網上評台望過吓，佢嘅蝦湯底出名同多人介紹😋🌱辣味蝦湯底蝦肉肉片摻摻: 未食已經聞到陣陣蝦味，湯底濃，蝦味重，肉片數量正常，肉質偏瘦。有幾塊蝦肉，但口感較腍。麵質爽口，邊食邊拌湯，幾乎飲晒成碗湯🤣🤣🤣🌱辣味蝦湯底蝦肉四寶摻摻: 有魚蛋，貢丸，墨魚丸，腐角。呢個配料沒有太特別，正常丸一粒對於小女子嚟講，$50幾蚊一碗麵兼飲品係咁上下。話晒份量同味道都ok，個湯底唔係hea 你果隻，所以大家都可以一試無妨。👉🏻溫馨提示: 蝦湯底係辣嘅，如果好似小女子唔係好食得辣嘅話，可以要求微辣少辣😌
繼續閱讀
社交平台上面都幾多人推薦既小店，主力係做馬來西亞菜，牆身有一隻好大隻既蝦做壁畫，都幾有趣。餐廳係QR code落單，上菜速度都算快。《$73 馬來咖哩慢煮雞胸飯》 ⭐️⭐️⭐️⭐️一上枱就聞到好香咖哩味，雞胸肉上面抹上左厚厚既醬料，食落類似花生/咖哩醬，都幾入味，可惜雞肉太乾，就算點左咖哩食都冇太大改善。馬來咖哩汁係另外分開上，比客人自由控制份量，咖哩汁入面仲有幾舊薯仔附送，薯仔炆得好淋，一咬就爛。飯就質素正常，除此之外，飯仲有跟少量菜同半隻糖心蛋，今次糖心蛋個蛋黃就差少少，唔夠靚仔。，整體黎講仍然係好食。《+$12 馬來咖哩雞肉串(2串)》⭐️⭐️⭐️⭐️$12係跟餐價，雞肉唔會燒到好乾好柴，醬汁花生味都幾重，唔會太咸，仲有少少花生粒係上面增加左口感，性價比都幾高。《$74 蝦肉肉骨麵》⭐️⭐️⭐️⭐️今次呢個係豬骨雞湯底，配油麵。望落雖然平平無奇，但個湯好重胡椒味，就好似飲緊一個胡椒豬肚湯咁。餐廳提供左幾款麵比客人選擇，油麵就正常發揮，份量唔多，男仔可能會唔夠飽，女仔食就剛剛好。麵入面仲配左兩舊好大舊既一字排骨，同切成薄片既蝦仁。排骨煮得好淋，又唔會太肥，唔洗用力咬已經成舊肉甩出黎，蝦仁就普普通通，切到咁薄都談不上有咩口感。人均消費：$80環境：7/10食物：8/10服務：8/10性價比：7.5/10整體：8/10 馬來蝦麵#香港 #美食 #香港美食 #foodie #食評 #蝦麵店 #灣仔美食 #灣仔 #香港 #馬來菜 #肉骨茶 #咖哩飯 #雞胸 #沙嗲 #咖哩雞肉串 #蝦肉肉骨麵
繼續閱讀
左朋友去食，掙扎緊辣味蝦湯底定係豬骨雞湯底，最後因為想食清啲，所以叫左豬骨雞湯底。我叫果個係檳城路邊攤一人套餐冬菇手撕雞麵加魷魚翼小食簡左沙嗲雞脾肉串兩串個湯的確比蝦湯清好多，湯頭相對淡，唔係特別甜，料嘅份量算多。最抵讚係個魷魚翼，絕對要叫，唔韌，有口感，好好味，一定要追加魷魚翼。同埋好欣賞碗粉入邊都算多菜，同埋加點菜都唔貴，健康人士可加通菜。沙嗲雞髀肉每粒都算大嚿，同埋都好夠香。overall都唔錯，但係店舖附近其實仲有好多選擇，我下次未必encore
繼續閱讀
今日同太太及小朋友係附近做身體檢查，跟住去左蘭杜街食晏，見餐廳都光鮮清潔就入去食，大約$80+人均消費，食物質素唔錯但職員態度好差。例子一：我地第一次食，點野食既時候想問野，一想問職員就話「掃QR code啦」😅我其實想問下果樣食物辣唔辣啫例子二：跟住另一枱客有個男士話上錯食物，個職員話佢地跟QR點單做野，唔會換，但又話話今次就換俾你，下次唔得，個男士繼續話多佢兩句，佢就話「抱歉囉，唔好意思囉」例子三： 餐廳好擠迫，本身大家都接近背貼背咁坐，佢上菜時夾硬係兩個人背脊穿入去，好冇禮貌咁叫「唔該」，有少少喝狗嘅感覺，我寧願佢好似啲中氣十足既阿叔/阿姐咁叫，起碼大家知道，佢咁樣細細聲喝人，夾硬行入去，倒瀉好易令人受傷例子四：本身我想起身行去埋單，點知佢係我起身前走過來同我講話食晏限45分鐘，我望一望張單，我點單到而家都係坐左30分鐘，最後我決定坐多10分鐘先走明白做飲食都困難，但今日既體驗，都明白點解越嚟越難，我情願去啲地踎啲嘅茶餐廳，態度仲好少少
繼續閱讀