茗館小廚燒味皇 (已結業)

買叉燒飯外賣，特價$22蚊，我比$100蚊，收銀個x婆問有冇兩蚊，我禮貌回應"唔好意思，我冇散銀"，跟著個x婆就變面，開始比說話我聽，"邊有咁多散銀找，個個都冇兩蚊，下次自己攞兩蚊嚟買啦，個個都冇兩蚊........"當時感覺好似乞兒咁，雖然買咗盒飯，但都冇胃口食，我做錯乜要受呢啲氣呢.................我唔喺冇錢，只喺冇散銀啫，亦唔喺貪特價飯，買之前我都唔知叉燒飯特價，愈想愈X嬲,x佢老味

一子錯滿盤皆落索，餐廳出品僅僅合格，再來一樣不接受的菜，外加”出色”的服務，就會有負評這個落索的局面。一坐下就點了這個白切雞米線，價錢和分量都不錯，湯頭味道可以，米線也爽滑。雞肉有一點點咸，肉就霉散了。在等的期間，也加了個例湯，和兩個點心。等久了問一問，才發現沒下單，也沒關係。先上了個例湯，味道正常，不濃不淡。再來了個燒賣，脂肪的味道很重，肉味也就不明顯，調味是適中的。然後放下一籠蝦餃，我們說沒點，當然要取消了，還說得像是我們的問題，態度又不好。最後來的排骨，先吃了口墊底的南瓜，怎麼一口大閘蟹毛的味道？以為味覺失靈，吃口那跟燒賣差不多大小的排骨，咬不開，味道也就麻麻。再多吃一口南瓜，天呀，這大閘蟹水的味道真的怎麼來的。埋單的時候，櫃檯小姐說沒取消，然後幫我們取消的人又叫另一個員工，問他怎麼沒取消，搞東搞西。櫃檯小姐還說慢慢來，不用急，我想說本來就不急的，是你們一錯再錯再錯，擔誤了我們的時間。

估計是新開業幾年，去嘅時候夜晚10點，基本上只有我一台客，服務員招呼不錯的，款式亦較多，食物等候時間不會太耐，晚餐有精選套餐及孖寶亦都幾抵。最不推介的：蒜蓉粉絲蒸貴妃褘蚌口感很Un ,咬不開好處係比較夜都有得食

平常也會到茗館購買燒味為晚飯加料。他們的貴妃雞，燒肉和义燒的價錢合理，水準也不差，整體上很是滿意。今天在燒味部看到他們的燒鵝外表不庸，燒鵝也比較大，就打算嘗試下一。他們的燒鵝不以重量計算，而是以全隻，半隻，上庄或下庄售賣，我就下單購買燒鵝下庄外賣。當我把單據交給燒味部廚師時，看到他們拿出一個比較大的外賣盒子，心想燒鵝的份量應該不少。但看到廚師從桌下拿出半隻燒鵝時，第一個感覺就是個頭好小啊，感覺跟鴨沒兩樣，就在想是不是錯覺。但當廚房把燒鵝切好後，我真的看呆了。我覺得他們如果沒把握拿到個頭大小穩定的鵝貨源，就不應該以燒鵝部位來售賣，以斤來算更實際。而桌下的燒鵝明顯比吊在廚房牆的來得小，收到這樣的燒鵝心情實在好不起來。

今日又八號風球，已經係呢個星期第二次。好感激風雨之下都要返工嘅司機、食肆店員，所有人，謝謝你。由於家中沒有多餘的材料煮飯，就約了媽媽到我們的飯堂茗館進餐。每次嚟我哋都會叫孖寶套餐，今次揀咗蜜汁叉燒同魚香茄子煲。（$108）蜜汁叉燒肥瘦適中，肉質鬆軟，叉燒汁甜甜哋，好好送飯。油雞半隻（$38），你無睇錯，我無打錯。雞肉嫩滑，又夠鮮味。我以前一路都懷疑茗館點樣賺錢，外賣飯盒廿零蚊大大盒，裝滿晒仲送枝水。我而家都唔明，不過見到佢開咗兩年幾，晚晚都滿座，都無咁擔心。魚香茄子煲，大大煲，我哋兩個大人都食唔晒。啲汁好夠，用嚟配白飯或者麵都好正。順帶一提，員工個個都好親切，唔會催你快啲食完交檯，每餐飯都超值。

上星期五朋友邀請我和外子到西灣河文娛中心觀看音樂劇「路得記」，她有份演出，雖然不是主角。我們本打算先到太古城吃雲南菜，但找來找去找不到心目中的餐廳，結果放棄，轉乘一站地鐵到西灣河太安樓附近覓食，沿大路行，看來看去也沒心儀，天氣熱，時間無多，結果就在文娛中心旁邊的茗館落腳。這是一間晚飯小菜餐廳，裝修簡潔，中西合璧。小菜可散叫，也可選套餐。餐牌上分四區，各有近十款小菜，顧客可根據所選套餐種類於各區揀選一定數量小菜，自由度很高。我們選一個孖寶套餐C，另加一個特價蝦球及一盅佛跳牆。孖寶包括一碟肉質及味道都不錯的燒鵝、一條很鹹沒鮮味的豉汁蒸黃鱲䱽，蝦球是以酸甜柚子作汁，外脆內鮮，很好吃！佛跳牆用料一般，將貨就價，買$38，剗算！吃完送西米露糖水。值得一讚的是這裏的老伙記，招呼好，服務態度極佳！

今日在西灣河試下搵下新野食下行過地鐵站就入去茗館試一試入到去叫左以下幾樣野义燒,茄子炆鯇魚腩,油雞义燒,茄子炆鯇魚腩係一個優惠組合,义燒係膽再選一樣就選左茄子炆鯇魚腩油雞特惠價38蚊半隻义燒唔算大碟,肉質都林味都夠,不過好似太林,硬身返D會好D茄子炆鯇魚腩--個味幾好,魚都好多,如果個汁無咁杰就會好一點油雞--隻雞幾好食,唔鞋口,好滑如果多個薑蔥蓉就一流了仕應態度都好好,好有禮貌,食完野後問可唔可糖水今日糖水係綠豆沙綠豆沙--正常口味,如果多少少豆有少少臭草就正晒...不過送既唔要求咁多啦

有日兩老話落街食，試下地鐵站附近間新新地的餐廳，叫茗館。我地四個人都係第一次去食，叫左四餸一炒飯，埋單計$414，ok啦，因為我地都好滿意食品質素。小菜上菜速度都幾快，而且都係熱騰騰上檯，擺幾個字慢慢食都得!先講個芝麻蒜香骨，好似剛剛炸起，好香口，又入味，剛剛好!!!不過略為細碟左少少，食到唔夠喉啊。之後雞煲，估唔到d肉唔會過老，又滑又好食。豆苗夠多，又入味，清炒當中蒜味好夠。至於燒鵝我睇落肥瘦好ok!!可惜之前濕疹，為免復發要戒一戒口喇。福建炒飯，等左一輪先有得食，估唔到係蛋炒飯底，有誠意! 而且唔會過濕!我同屋企人都話，呢家間可以列為ENCORE之選!

爸爸下班回家突然說今天晚上找長輩們吃飯，因此星期天的晚上便展開這大長征之旅。之前爸爸曾到茗館吃午餐，說食物質素不錯，所以便推介再到茗館吃飯。去到時長輩已幫我們找了位置和點菜，辛苦了。 茗館主打燒味，格局比較像茶餐廳，地方不大，座位偏少，座上有不少二至四人一桌的食客，相信是以同行人數較少的食客作目標顧客群。我們一行六人當然被安排到較大的圓桌，不過仍然覺得很窄狹，而且店內光度不足，影響對餐廳整體觀感，希望可以作改善。去到時已經點了脆皮燒腩仔（＄８８）。茗館以燒味作主打，當然不得不嘗呢！燒腩仔已經切小塊，方便食用，外皮尚算硬脆，肉質略嫌不夠鬆化香口，水準不俗，但如果以招牌燒味來說有所失色。之後才知道竟然收費＄８８，感覺不值。 姑姐叫了大龍躉兩味。分別是翡翠炒龍躉球和清蒸頭腩。翡翠炒龍躉球，份量都是偏少，龍躉魚肉不夠鮮嫩，加入不同的蔬菜如西芹、菇和荷蘭豆，增添健康感，但賣相真的很麻麻。清蒸頭腩的賣相都不太佳，而且只有魚肉數片，不過蒸得幾嫩滑夠味，意料之外。然後是久違的翠塘豆腐，姑姐在還未送到時向我們先作說明，但仍然不太有印象，到上菜後才驚然勾起兒時回憶，最近越來越覺得兒時的一些經典小菜漸漸

秋高氣爽, 星期天的早上, 到美麗的郊野公園行吓, 林蔭處處, 又有蝴蝶, 蜘蛛等小昆蟲, 舒展身心.行完便坐巴士出返市區, 唔駛半小時便到了西灣河, 見到這餐廳便入去試試.一入門口冷氣好凍, 服務員立即為我們安排温度較適中的位置, 態度友善, 做事勤快.兩個人叫咗:湯:  +10蚊的, 青紅蘿蔔湯, 清甜, 但太油, 不太健康.叉燒飯:  叉燒是半肥瘦的 好吃.皮蛋番茜魚米: 味道清清地,魚有少少骨, 多D番茜會更香.份量好大窩, 立即攞個外賣盒打包.吃東西, 除了味道外, 懂得咀嚼生活中的人情味和回憶, 才更滋味.

今日打完波, 三個人行經西灣河, 見到呢間裝修得幾新潮既中式餐廳, 決定入去一試一坐底伙記問我地飲咩茶, 原來雖然鋪頭設計比較新式, 但同係茶樓飲茶一樣我地叫左木桶排骨雞飯, 蜜汁叉燒王拼雞飯, 鮑魚福建炒飯首先黎到既係 鮑魚福建炒飯, 飯身彈牙, 足料, 汁唔會太鹹蓋過, 算係近期最好既福建炒飯跟住係蜜汁叉燒王拼雞飯, 如圖示,雞同叉燒份量幾乎同飯一樣多,比起係各大快餐店的所謂燒味飯多唔止一倍, 叉燒肥瘦適中, 睇得出係有揀過, 而切雞亦夠滑, 亦都係近半年最好既燒味飯木桶排骨雞飯, 我無份食, 但賣相相當不俗, 下次有機會再試總結, 食物質素高,坐位亦OK, 不過價格就比茶餐廳略高, 但感覺物有所值!

之前見這間新食肆在裝修中，今日去完教會後，去睇睇....已開業!!茗館是茗苑集團旗下的新成員。主打燒味。先開茶，茶介每位$5。"茗"即是茶的意思--一如其名，這裡的茶葉選擇都講究。分別有4款布安溪鐵觀音，醇舊雲南普洱，銀針白毫壽眉及上等菊花。選了菊花。花香撲鼻，味道不錯。最近去新式的中式酒樓發覺茶壺的咀比舊式的更有流線型，可惜好睇唔好用，茶葉好容易阻塞咀口，令倒水倒到成枱都係........有時傳統都係好用D店內裝修簡單中帶點時尚。地方不太大，主要是四人枱，另有兩張大枱。午餐Menu 簡單，只有12款小茶$52 (有湯、白飯及免茶介$5)另有14款炒粉麵飯及燒味飯 咕嚕肉午市套餐 $52酸味味，幾開胃!咕嚕肉肉質彈牙有咬感。合格!西洋菜湯足料，味道濃，而且味精不太多。蟹肉金菇伊麵 $50 賣相不吸引，茨汁好"結"身，味道都好清淡........而且料不太多，只食到小小蟹肉及金菇........燒腩仔$38賣相唔錯，肉跟脂肪比例剛好，咬下去，皮脆肉嫩，肉味香。$38的小食有這份量真係交足貨。如果叫$88的燒腩仔.....兩個人真係食不完。主打燒味。下次跟父母試下其他燒味。

平日上班工時長，甚少時間陪太座，難得一天放假，約她行街睇戲，買了戲票，便找個地方開飯。來到西灣河文娛中心傍的不知名街道，見有一新店，人頭湧湧，也想入內襯熱鬧。店內地方不大，只得三數張大圓檯，有些少卡座，其餘都是細檯，檯與檯之間非常貼近，而檯的設計也效法茶餐廳，在傍邊可趟開抽屜，有紙巾和牙籤。看名字叫「茗館」，還以為品茗的地方，必有一盅兩件，原來無點心供應，主打燒味，今天放假不想吃燒味飯咁單調，點了一個客飯，珍珠石斑，配白飯和例湯，另點一個木盆排骨雞飯。茶葉的選擇卻有些名堂：安溪鐵觀音，醇舊雲南普洱，銀針白毫壽眉，上等菊花等。約等了十分鐘，珍珠石斑送來，跟一碗白飯和例湯，是紅蘿蔔粟米豬骨湯，味道很濃郁，想必是落足材料所致，珍珠石斑的珍珠其實是粟米汁，魚柳做得不錯，魚肉雪白，沒腥味，質素好，上粉炸後，淋上粟米茨，顏色吸引，客飯連茶，$52，收費合理。木盆排骨雞飯，金屬碟外用木盆盛著，裝飾的作用較大，炒底的飯面，放有蒸雞和排骨，嚐一口，肉放了五香粉和玫瑰露酒調味，也對口胃，炒飯只得黃色，缺乏蛋香。我們踢完「館」，飽餐後，執子之手，往睇影畫戲，看梁朝偉踢館。