苑記粉麵 (已結業)

成日都好鍾意黎苑記食下粉麵貪佢夠平又好食而且仲好多唔同嘅餸揀添不過呢而家就越嚟越貴啦冇計啦所有野都係咁架啦話時話呢個牛腩河都真係一絕牛腩十分之鬆化 咬落去好軟淋唔會鞋颯颯起晒根咁牛有牛味哈哈好似講緊廢話但係千真萬確架凍奶茶都係正嘢嚟茶有茶香 奶有奶滑正啦

飲食男女成日都見呢間野D廣告, 尋日行過就決定同朋友一齊食坐低睇下餐牌, 肚腩面37, 貴左D, 平時食開都係30頭左右, 出左名賣廣告肯定貴D, 冇所謂, 碗野黎到, 好似又比平時食開細碗左, 又冇所謂, 問阿姐拿杯水洗筷子, 阿姐好淡定抬手指下牆上面張餐牌, 左上角寫住熱水8元一杯...我都係第一次入去咁地痞餐廳要杯水洗筷子要比錢, 又唔係淨飲水乜都唔食...咁算啦唔洗, 直接食, 好咸, 咸過眼淚, 朋友叫左碗魚旦河, 我以為應該淡D, 點知一樣好咸, 直頭拍得住上海菜果種死咸, 真係焗住叫野飲, 食得出味精多諗返起飲食男女個廣告, 又話呢間野開左好多年又係區內有名氣, 唔食過都唔知咁差, 廣告野真係唔好信, 信下自己把口

今日早上去了葵興間苑記粉麵食早餐，因為呢排都要去果頭做野，同埋呢間的牛什係幾好味的，以前早上打完波後，總會黎呢度食一碗先回家的，一碗牛什河加罐可樂埋單都係30蚊左右，不過價錢算係平。牛什河:牛什味道都唔錯，大腸夠肥夠乾淨，牛肚及牛肺都好腍，衰在份量細碗左d。下次補番圖（唔記得影）

葵涌地區名食店不多, 街坊食品佔的是絕大部分。縱然如此, 就在小小的光輝圍也不經不覺著兩家潮式牛什粉麵老店: 一家是有吃不同古怪牛什的翠苑; 而另一家就是低調老店苑記。苑記牛腩, 其實來頭不少, 老闆在佐敦都有開設分店, 而且已在兩地開檔很久。餐廳有能力取來上盛的牛什用料, 多有固定熟客訂定靚牛腩部分。曾試過因熟客不見踪影, 食到一件美味的崩沙腩角, 一直回味。可是之後也鮮有機會, 所以今次點的都只是肥腩金錢肚米粉。首先米粉可口, 雖未算滑溜, 可是感覺還可。肥腩肥香軟稔, 瘦肉軟稔有嚼勁之質; 肥肉綿細有甘香, 回味也久。只是牛腩切得較細, 入口風味差一點。牛肚, 喜愛吃金錢肚, 喜歡其彈性與質感。毛肚略淋, 欠些質感,入口味道不足。反而金錢肚卻帶有微微甜香, 入口可口一點。加上濃味的五香腩汁, 鹹香中帶鹵水吸引力, 是一吃不錯的日吃街坊粉麵。不過現在的食肆來料甚貴, 牛肉牛腩價格絕不便宜, 相信這樣也有機會與牛腩切得細碎一點有關。特別一提是粉麵檔的特製辣椒油, 火辣度都高, 不過加一點卻有吊起腩汁香味的效果。可是, 一碗牛腩牛肚米粉單吃, 索價HK$30, 感覺還是貴了一點點。

昨天晚上來了這裏食麵,其實之前成日睇雜誌話呢度好出名,好想試下,點知竟然係我公司附近有一間分店,昨天就來了試,叫了一碗牛腩麵,看價錢只要21元,心想好抵喎.等左唔耐就嚟了,原來都幾細碗,但d牛腩個樣都幾靚,好味呀,d湯好甜,好重牛腩味道,牛腩好廋,好味,入味及好淋,d麵都好味,好彈牙的,我見有辣椒醬,還說好出名,於是試左小小,嘩都幾辣不過好香,好味,還有一瓶瓶可供購買的.這裏都幾細,得幾張枱,但是都有電視看,幾好,不過環境及衛生則一般,因有蒼蠅在四處飛.我見其它麵食都算平,20元落下都有,不過份量則少了一些.

** 此 食 肆 的 第 三 個 OK **今日(19-11-2008Wed)放工又冇去醫院睇媽媽,又諗食咩,牛,天氣轉涼,食牛.但唔食得多,就…河粉.好,就o係呢間買啦.我最鍾意食牛筋,牛腩同金錢肚,於是叫金錢肚, 牛筋,牛腩河拎走,亞姐係都話牛什,金錢肚, 牛筋,牛腩3樣,我敷衍艙答係,佢計數就$28.00,嘩!咁貴?而大廚話湯分開另一個碗,因怕河粉索晒啲汁,我答好,亞姐話要加$1.00,即total$29.00.嘩!好貴啫.o係等o既時候睇吓,原來佢o既招牌牛孖筋切腩飯都只不過係$31.00,重好似係餐o黎添,早知叫呢個啦.返到屋企打開影相,啲湯白色o既?飲吓先,咦?!好重蘿蔔味.好喇,食o野喇,河粉好碎同太腍,牛腩好入味,入味到鹹,而碗河有我最唔鐘意食o既肝臟,重有牛肺,亞姐冇留心呀!唯有夾硬食啦,金錢肚同牛筋都夠腍,亦唔鹹,o岩o岩好.不過啲餸加埋都幾多o既.唔覺意掂到附上流出o既辣椒油,好辣呀!不過又幾香口喎.諗返起,對上一次幫襯堂食都已經係四年前o既事喇.

今個星期一同班同事出去食LUNCH~有個同事話想去宛記食咪跟埋去囉~去到鬼死咁多人, 好期待到底有幾好食!我叫咗一碗牛什雲吞河, $25 一來到O咀~超細碗囉~我諗男仔食三碗就會飽~啲雲吞好似5毫子咁細粒~啲牛什無咩o趙口~ 係啲河粉叫做OK~(唔記得影相)我喺紅磡食相同既野都係$15姐~唔通葵涌啲租真係咁貴~一句講晒: 超唔抵!

之前看到報章廣告說自己是牛雜專家令我真的十分好奇,想知道有多「專」!$21一碗我點了牛雜米線,走腸多蒡$21 的份量很少,牛雜寥寥可數,3-4片牛肚,1小塊砍不斷的牛肺,一片0.5CM厚的牛蒡 味道不見有什麼特別原來,只是吹噓罷!通菜一般啦,腐乳還可以的......整間店很小,所以每次有人經過都會給撞到,不過這個價錢還是不要

我經常到苑記食河粉,他們的牛製食品特別出色,每次我都叫牛丸或牛肚河,大家可以不防一試~~一碗價錢都係$15-16蚊,有時遇到某種河炒做特價,仲要更便宜,大概$13蚊碗,一個字:掂!!最好叫埋炸魚皮就perfect!!!不得不提是他們的自製辣椒油,最岩愛辣人士~每次食完必買一瓶回去!!只係價錢略貴($60一瓶),但辣得黎確實香口,都係值得!!

我吃的是牛什河．．首先：份量好夠，好抵食！其次，湯底：唔算係一流，因為較淡，但係又唔算差，可能係新湯，未出味！唔緊要，加ｄ辣椒油就夠味！ｏｋ好！