自家烏冬 (已結業)

自家烏冬開左咁耐都未去試過,就去會一會佢~叫左個豬頸肉掛烏冬,鹿兒島六白黑豚什菌汁掛烏冬(名真長..)吉列和牛小丸子and原味自家珍珠奶茶豬頸肉掛烏冬~普普通通啦鹿兒島六白黑豚什菌汁掛烏冬個汁幾濃甜甜地咁,ok啦吉列和牛小丸子,都幾有創意架~小丸子+和牛唔知個化學反應系點呢?答案系~~麻麻地架!可能系吉列關係,有d油同有d膩~原味自家珍珠奶茶….就系普遍珍珠奶茶~只系個名唔同總的來說就是不過不失,有好野食介紹比人唔會立即想起佢囉~

下午茶時段路過，見裝修 ok 又唔算好貴，又唔使等位，就入去試下。無 tea，但唔知點解仲有特價午餐，於是叫左個咖哩牛肉烏冬，跟餐有埋吉烈魚柳。野食好快上，等左都唔知有無五分鐘。咖哩味道 OK，似醬汁多過似湯，唔知算唔算正宗。牛肉食得出無乜味，一般急凍火鍋用肥牛。烏冬正常，但唔算多。炸魚柳無味，就算點埋汁都係無乜味。真係要讚既話就只有話無腥味。快黎快去，極速埋單。收 $51 ... 原來有加一。總結 要讚 :包頭既男服務員有禮貌，有 d 意料之外。唔使等位，裝修 OK。營業到凌晨三點。要彈 野唔算好食，特別係塊魚柳。價錢唔平 (雖然入去前都預左)。應該係 manager 既西裝女士口黑面黑。路過又無野食既話可以一試 ... 不過隔離大把野食，有需要食佢嗎？

妹子很義氣地成為朋友的化妝專用model，開開眼界都好，況且妹子這麼大以來都未試過化濃妝，還是晚妝呢~卒之在化妝枱加上大光燈下，塗塗抹抹合共3個小時有多，還有set頭，噢！都幾浪費精力的噢~加上因嘴上塗了唇彩而不敢張口喝水和吃東西，結果等待完結後才一同吃飯！時間不知不覺已到了十一時多了，附近除了酒吧等外，大部份食市都閉門了，幸而這間自家烏冬還亮著燈呢~人客雖少，3行人找了卡位坐下..分別有多種烏冬選擇，掛烏冬~湯烏冬~冷烏冬等..而餸菜款式則分別不大~Ki因放工過來看看妹子而已，所以早已填飽肚子了，但都點了一份掛烏冬陪妹子食，而Fiona則點了海鮮湯烏冬，我呢~試了炸蝦野菜餅掛烏冬($34)，上枱時都被那巨型圓筒嚇了一跳，堆到如同一座小山丘，切條的芋頭~蘿蔔~薯仔等，好奇那炸蝦去了哪？原來最頂那幾顆小蝦仁便是了！粉漿算是挺厚，油膩感十足，妹子已分了些給2位友人，但也吃不完，比妹子想像中有點差，幸而那掛烏冬佔了不少分數，烏冬彈牙，配少許醬汁和蔥花一同食，正！記著不可倒得太多醬汁，否則會過咸！Fiona的海鮮湯烏冬($42)，面頭鋪了幾片蘿蔔片，散開了的蟹柳條和2小隻青口，妹子對於海鮮麻麻

一心諗住係去搵新既日本食店..見間店裝修唔錯...又唔駛等位...咪入去試下見間店叫自家烏冬...咁當然要叫個烏冬黎食啦..我同個frd一齊叫一個冷烏冬一個熱烏冬d 野食黎到...熱烏冬唔夠熱, d 湯底好淡...冷烏冬又唔夠涷..醬汁又唔夠....d 烏冬仲要唔夠煙靱...再加上d services 又差...我唔會再食第2次呀!

因為從來都未試過既關係,今日約左3位朋友黎試下。我同一個朋友都叫左葡萄汁煙三文魚掛鳥冬(冷),但我覺得似沙律醬撈烏冬多D, 搞到幾"漏"呀,唔知點解好似好孤寒咁, D葡萄汁少得離譜,煙三文魚又少, 所以都令我幾失望。另一個朋友食吉列豬扒烏冬,佢就話D豬扒麻麻, 因為我唔食炸野, 所以我唔知係唔係,但佢個咖哩烏冬我覺得可以接受, D咖哩湯甜甜地幾香咁。另一個朋友食既炸天婦羅蝦餅烏冬(微暖)我覺得係3個之中最好食,佢用一D醬油去撈烏冬, 個炸天婦羅蝦餅都幾好食,有蕃薯, 茄子個D, 幾好~總括我會覺得唔會令我有再次去食既衝動,因為平過佢又好食過佢既大把。

老婆做完facial 去食飯, 試新野, 自家鳥冬, 環境裝修都幾好, 不過野食真係唔得, 只可以話係好難食, 熱食不夠熱, 冷烏冬不夠凍連小食麻醬豆腐都唔得, 失望!

晚餐去打邊爐。兩人。內容：黑豚火鍋＋廣島蠔x6。入門時候發現店面冷清，客人不多。便已覺不妙。。一開始電磁爐是坏的，幾個服務生手忙腳亂。。。食物方面，黑豚肉太厚，肥肉居多，失敗 湯底太鹹，吃到口干，失敗一盆蔬菜中規中矩，另外，廣島蠔味道很鮮，是唯一亮點總而言之，食物馬馬虎虎，但是性價比不敢恭維，口味未必好過吉野家的48元牛肉火鍋。。。

同朋友仔行街街拎住一大袋戰利品實在要搵個又平又好坐的地方開餐友人點了吉列朱扒udon我要雞肉沙律冷udon雞肉沙律冷udon先到我地用碗仔share食住等good~ 所有food都夠凍 我最怕食d又凍又熱既野portion都幾大, 食極都仲有隔離枱同我地差不多時間下單又係一個來了, 另一個等好耐最終佢等到發脾氣叫埋單就當呢個時侯, 我同佢一樣等咁耐既朱扒udon來了佢見到更憫 我同個fd都認為其實佢同gf都跟我們一樣share食姐, 何必咁動氣呢?我地反而好enjoy一必傾計, 一必慢慢食不過如果lunch time時間發生就不可容忍了

今日本黎好開心，老公今日放假黎接我收工。老公見我唔係咁舒服, 建議不如食烏冬, 我諗起之前經過尼間野, 好似唔使等位咁, 咪話去呢間囉, 點知........其實之前都覺得有d奇怪, 見佢d價錢又唔係貴, 但好以無咩人食咁 (尖沙咀度度都排一餐架嘛)環境呢度都算唔錯, 個樓底幾高, 張枱都ok大, 同人搭枱都唔會覺得好迫不過唔明點解d工作枱會放係咁當眼既地方~坐低叫左一隻溫泉蛋,一個腸，一個芝士年糕, 老公叫左一個黑豚肉窩飯, 我叫左個蝦野菜天婦羅烏冬溫泉蛋~勁熟, d蛋白已經熟到九成, 似溏心蛋多d腸：全晚最好味, 熱辣辣，不過d腸有d油, 吸下會好d芝士年糕：芝士味不錯, 但年糕完全無咬口, 一咬即斷, 無哂年糕既依un感蝦野菜天婦羅烏冬： 個天婦羅賣相幾特別, 但一入口成層粉, 又痴到實一實, 可以掉得死人。 天婦羅但無天婦羅汁跟？ 好奇怪, 問佢攞, 佢話有。點知個汁甜到嘔, 完全唔知咩黎, 呢舊野我放棄左

賣晒廣告話開到凌晨 3am, 特登搭車出去食, 點知去到門口, 只不過 11pm, 有個男職員就話閂門啦. 個男職員講完就行左出街 (唔知係咪趕住去食煙), 一臉疑惑之下, 入面個女職員又出黎講 "閂左門", 跟住就調頭返入去.明明出面寫住開到 3am, 11pm 會閂門?! 叫返個走都走唔切既女職員出黎問, 先知道有人包場唔開.OK, 包左場唔緊要, 山長水遠由新界搭車出來食你, 你就連續兩個職員都毫無禮貌黑口黑面掉低句 "閂左門" 就算, 零解釋, 一句道歉或唔好意思的說話都冇. 我是來俾錢你賺的, 不是來乞食的, 無論點也用不著這種態度對客吧?生意係咁做的嗎? 你喜歡宴請你曾志偉那班藝人熟客, 一係就開個私家場, 一係就訂明 11pm 關門吧. 不要一面宣傳開到凌晨, 一面隨自己喜歡包場趕客.好揀唔揀, 今晚揀左自家烏冬, 真係後悔.

自家烏冬我食過好多次，一向都幾鐘意，冬烏好有"口感"(用口感依個字總比彈牙真實)但一直覺得個湯無乜味。上次睇road show Ricky老闆話個湯用幾種魚同唔知加d乜去煮的，我又食唔出有魚味，不過算啦我都依然會去食既因為食冬烏都幾健康啊今次都係叫我最鐘意既虎蝦烏冬，女朋友叫左木桶(其實係膠桶)冬烏，原來個湯唔同已前了真係魚湯 虎蝦勁大隻兩隻手指咁長，茄子天婦羅就一般因為吸晒d油我唔太鐘意，但蝦就好好味都幾新鮮。

今次係第3次來依家店食烏冬. 星期六大約12點50分左右入左自家烏冬食個lunch, 因為未係放工時間, 所以唔使等位.叫左一份 雜錦天婦羅湯烏冬 + 吉列廣島蠔...吉列廣島蠔先上, 一般貨色. 有5件, 因為當中有一只蠔好細. 炸到好乾...雜錦天婦羅有: 2x蝦, 1x茄子, 1x蕃薯, 1x南瓜, 1x冬菇...蝦係雪蝦, 沒有味道, 無咬肉既感覺...我諗佢有用粉'拿'過... 其他的蔬菜類都可以.湯烏冬 - 正常味道埋單時跟收錢果位女經理講佢地d蝦一d味都無, (我講明只是比個意見), 佢只係哦左一聲走去收銀機找錢比我... 正常反應應該係 - ' 唔好意思! 我會同廚房/公司反映下. 多謝晒你既意見!' 各位同意嗎?

今晚終於試到呢間自家烏冬, 好彩唔駛等位, 但係要搭檯 .玉子燒: 味道OK, 唔會太甜.吉列廣島蠔: 炸得好脆! 十分鮮味!虎蝦天婦羅掛烏冬: 虎蝦 , 鮮冬菇, 茄子, 蕃薯各一件 . 烏冬唔夠彈牙!蕃茄濃湯雞肉烏冬: 蕃茄湯好濃~ 雞肉唔夠滑~ 服務一般, 有少少趕客感覺.

見冇人, 又未食過, 於是選擇佢來食下, 話哂自己都鐘意食日本烏冬的看完menu, 價錢ok, 日本野及在尖沙咀來說不貴.2個人都是叫 掛鳥冬 (即是 撈烏冬) 分別為 "蝦．竹輪天婦羅掛烏冬" 同 "明太子掛烏冬"等左一陣, 來左2碗, 碗極大, 但烏冬少少的 掛鳥冬, 由於個碗真的好大, 因此錯覺下個烏冬好少 (其實應同平時食的份量差不多)明太子掛烏冬:真的好好好........dry, 因真的只有明太子同烏冬 冇其他配料, 要好鐘意食明太子同烏冬的人才叫為妙. 味道方面: 少少spicy 的, 感覺不錯鳥冬方面: 有d 硬左d, 不是煙靭那一種, 可能是凍烏冬影響左蝦．竹輪天婦羅掛烏冬:這個有 蝦天婦羅 及 竹輪天婦羅 做配料, 但.............蝦是很細隻的蝦仔, 同menu中/門口的sample 比冇得平 更細是也味道方面: 味道以天婦羅汁為主, 冇其他特別味道. 一般鳥冬方面: 這個是暖鳥冬來的, 比 明太子掛烏冬 為好, 不會咁硬, 有返煙靭感整體評價:個人意見來說, 它只是一間一般的烏冬店, 價錢中等 味道一般, 可以在配料方面再作改良. 自己未必會

友人帶我到寶勒巷開飯, 地點係自家烏冬 --- 一間都幾多人等位的餐廳, 詢問友人之下, 先知原來另一間位於重慶大夏的分店仲多人餐牌上的選擇唔多, 主要都係烏冬同小食, 烏冬有好多種, 湯烏冬, 鍋烏冬, 燒, 炒, 可算係一間日式烏冬專門店我吃了一碗海鮮湯烏冬, 印象最深刻係烏冬的質地比較煙靭, 比較難咬斷, 但又未至於咬唔斷, 湯的味道唔錯, 清清地少少日式醬油風味, 海鮮有魚, 青口, 蝦, 帶子, 全都大大隻, 最重要係, 一點雪味都無, 所以幾好食友人叫了一隻溫泉雞蛋食, 試了一小啖, 極重清酒味, 幸好我無叫, 因為我唔鍾意食