翠華餐廳 (欣榮商場)

營業中

休息中

朋友推介「翠華餐廳」叉燒飯，我又不妨一試！神之叉燒飯~叉燒飯是本土名物，也是極受香港人歡迎的美味燒味，眼前的叉燒肉味鮮香，瘦的部份腍滑，肥的部份爽脆，叉燒邊位還有微微的焦香，配搭香濃滑蛋與自家醬油下飯，的確色、香、味俱全。我選擇神之叉燒飯套餐，除了招牌忌廉咖啡和腍甜菜心苗，我們還加配炸薯條和椒鹽腐乳唐生菜。法式黑椒牛柳（ 8oz）配意粉與黑椒汁~牛柳嫩滑無比，鮮味濃郁且有彈力，黑椒汁令味覺如錦上添花。粟米雜菌忌廉湯~幼滑綿密可口。牛油豬仔包~脆卜卜又添牛油香，極之吸引！樽仔奶茶~原本的樽仔奶茶，改用杯，不失香滑回甘。沙爹牛腩麵~冶味沙爹牛腩麵，我喜歡加配牛筋，雙重美味！細心的安排~小朋友座位。

好耐冇食翠華啦！今次帶來男朋友嚟食，睇睇台灣人對翠華有咩評價～神之叉燒飯 $80呢個叉燒飯由飯到叉燒都好perfect！叉燒大大塊肥瘦適中蜜汁香甜，仲有焦脆嘅燶邊。叉燒底下嘅滑蛋有淡淡奶香。米飯粒粒分明，軟硬適中。揚州炒飯 $68揚州炒飯份量多而且鑊氣十足，飯粒同樣粒粒分明，配料都好豐富，幾抵食！脆嘩奶油豬 $22奶油豬面頭脆卜卜，內裏幾香軟。煉奶簡直就係靈魂！炒滑蛋餐肉三文治 $35餐蛋治係我中學回憶，以前返學每日都去小賣部買一個做早餐，今次見好耐冇食，所以就叫返份過口癮！滑蛋係偏熟，但依然彈滑，午餐肉焦脆，夾埋烘過底嘅麵包一齊食真係好滋味！

翠華餐廳 🇭🇰 土瓜灣馬頭角道33號欣榮商場地下8-10號舖 🇭🇰冠軍焗豬扒飯 $75叫得冠軍果然出色，厚厚的豬扒沾上蛋漿煎過再焗，金黃鬆化有濃厚蛋香。焗飯炒得乾身有蛋絲，仲有蔬菜粒充滿蕃茄味酸酸甜甜鹹牛肉炒蛋潛艇 $45超長潛艇包沾滿芝麻好香脆，喊牛肉炒滑蛋唔會太鹹，充滿蛋汁，係茶記必食之選冬陰功豬軟骨拼雙蝦球河粉 $72米線轉河粉唔使加錢，河粉一絲絲好幼滑，冬陰功酸辣開胃，豬軟骨又夠林夠入味，同冬陰功係天作之合白灼菜心苗 配 海鮮豉油 加$25平時出街食飯多肉小菜，呢度有得配菜心一定要健康下，佢個海鮮豉油幾香唔會太重味，菜心苗真係幾嫩生磨蛋白杏仁茶 加$10主菜加配只需$10好抵飲，慳返下場糖水！杏仁霜好香，入面有好滑嘅蛋白香滑奶茶 加$12茶記必飲，好香滑

翠華餐廳 (欣榮商場)📍土瓜灣馬頭角道33號欣榮商場地下8-10號舖今日到訪朋友響欣榮花園嘅家中作客，朋友提議到樓下這間翠華餐廳醫肚。呢間翠華餐廳幾大間，門口同招牌好顯眼，店内裝修有點工業風格，坐位以卡位為主，坐位之間闊落，客人坐得舒服。店員推介他们的鐵板牛柳，上枱嘅時候，蒜蓉汁系另上嘅，客人可自行倒入鐵板上面，食鐵板最有趣相信就系呢個倒汁動作。牛柳軟嫩多汁，配上濃郁的蒜蓉醬汁及蒜蓉，香氣四溢十分下飯。羅宋湯湯底濃郁,酸度剛好，開胃又不會過於油膩。神之窩蛋叉燒飯，色香味俱全，叉燒肉質嫩滑，蜜汁包住整件叉燒，叉燒邊位微微燒焦，配搭滑溜嘅窝蛋，蛋汁流溢，令人回味。。脆"嘩"奶油豬雖然分量好大一個（2件）,外層酥脆，內裡軟熟，沾點煉奶，非常好味。

香港茶餐廳周街都系，至於連鎖茶餐廳#翠華餐廳  ，卻是多年嘅老字號，除食物種類多，有常餐、有焗飯、又有鐵板食，價錢合理又足料～我哋今次叫左鐵板同晚餐一試，全部改以碟上，免得系鐵板落汁時彈到我成身都系!!羅宋湯牛油豬仔包凍朱古力美國機的牛肩扒（蒜蓉汁）粟米雜菌忌廉湯牛油豬仔包凍檸檬茶鐵板薄西冷牛扒配意粉（黑椒汁）餐湯味道濃郁，配上脆脆嘅豬仔包，無敵嘅組合。至於牛扒叫左七成熟，肉質唔韌，配黑椒汁更加惹味。整個晚餐歷時約一小時內，有茶記要求嘅上菜速度同埋食物水準。

土瓜灣保存舊區特色，有不少具備香港情懷的街道和景點，而對我來說，土瓜灣是日常購物的地方，餸菜、生果、麵包等都比其它區價廉物美。採購完就到欣榮花團地下的翠華食飯。這間翠華非常寬闊，不像其它茶餐廳擠迫，坐得舒服。我最愛喝它的羅宋湯，所以叫了一份羅宋湯配牛油豬。隻豬好迷你，不過碗羅宋湯很大碗，是午餐那一碗的雙倍有多，非常滿足。瑞士汁雞翼是香港地道美食，香甜帶咸香，不可不吃。冠軍焗豬扒飯用上厚肉帶骨豬扒，又軟又腍，配合新鮮番茄蓉和馬蘇里拉芝士，非常開胃。這個焗飯的飯底略濕，好像吸收了羅宋湯的精華一樣，特別濃郁。先生喜歡鐵板，而這個鐵板牛扒午餐相當抵食，他選了黑椒汁和薯菜，此外還有炒薯、湯及飲品，非常豐富呢。羅宋湯+牛油豬仔（$32）瑞士汁雞翼（$65）冠軍焗豬扒飯（$75）午餐鐵板薄西冷牛扒配炒薯+薯菜+羅宋湯+奶茶（$73）

最近經過紅磡果頭，晚飯想算算單食個菜餐廳，見到翠華新出咗唔少野食好吸引，打開餐牌已經覺得好吸引，有好多款式選擇，扒餐定粉面飯都有，快靚正!套餐仲配埋餐包、餐湯同飲品，抵食._.🐖| 神之叉燒飯 |🐖見到呢個叉燒飯咁有名堂緊係要點黎試下啦，叉燒配上金黃色嘅滑蛋已經好吸引，叉燒好足料，大大舊肉質腍身，燒到好香，肥瘦適中，果然係神之叉燒。滑蛋充滿牛油香味，同啲叉燒好夾.🐂| 美國機的牛肩扒 |🐂係茶餐廳据扒另有一番風味，快上枱，牛扒肉質好腍身，一啲都唔鞋口，配薯菜食，我叫咗係黑椒汁，勁惹味，唔會好辣。.🤎| 瀘州奶茶 （隨身瓶）| 🤎 呢個係新推出夠曬特別，含有少量白酒成份，奶茶味香濃，仲放咗係膠樽，飲唔曬都方便拎走._.

茶餐廳裡面坐得最舒服嘅選擇，星期一至日都有多款午餐、下午茶餐選擇，每次都必點佢地招牌嘅#熱奶茶 🎈 神之叉燒飯 平時好少見咁厚切嘅叉燒，係半肥瘦嘅，整得好入味而且肉汁豐富，加上叉燒醬汁味道更香濃炒滑蛋加咗蔥花好惹味，質感嫩滑配白飯最適合不過🎈鐵板薄西冷牛扒（蒜蓉汁）午餐嘅價錢只係$73食到鐵板牛扒，好抵食西冷扒有兩大塊，雖然話係薄切，口感依然幾好，肉質軟腍，配燒汁及薯菜好滿足🎈芝士焗西蘭花即叫即焗🥦西蘭花加香濃芝士🧀基本上見到都會點嚟食，特別在加咗白汁，味道更豐富🎈 濃情奶茶 香滑奶茶配瀘州老窖，飲落有淡淡白酒香甜味，易入口得嚟唔會好重酒精味，估唔到佢地係咁夾

翠華餐廳 Tsui Wah Restaurant(欣榮商場)餐廳位於九龍土瓜灣碼頭角道33號欣榮商場地下,餐廳裝修設計摩登新穎帶有工業風元素,餐廳主打地道港式茶餐廳,服務員招呼到位。神之叉燒飯叉燒厚切,肥瘦均勻,食落香口,炒蛋配有蔥花,炒蛋入口帶有奶味。XO醬海蝦球撈麵配有葱粒胡椒湯,海蝦食落爽口彈牙,撈麵乾身,入口爽彈,每條麵身沾滿xo醬,非常惹味。玫瑰荔枝梳打玫瑰荔枝梳打飲落清新,微甜,冰涼口感。濃情奶茶(隨身瓶)餐廳特色必試飲品,帶有酒味的奶茶,順喉幾特別,好飲。#翠華 #翠華餐廳 #叉燒飯 #瀘州老窖 #白酒 香港味道 #香港茶餐廳 #茶餐廳 #港式奶茶 #香港美食 #香港打卡 #香港必吃 #香港美食攻略

有朋友係深圳落嚟搵我玩，一定要帶佢食🇭🇰香港名物啦～😂講起🇭🇰香港最有代表性嘅茶餐廳，必定係屹立多年嘅翠華 ✨～😏翠華燒味一向都有水準，見到竟然有自稱「神之叉燒飯」，一定要試吓有咩咁巴閉啦。😂🌟推薦❗️神之叉燒飯（$80）識食一定食燶邊叉燒，焦糖化嘅外皮香脆可口，厚切半肥瘦叉燒甘香鬆軟，蔥花炒蛋半熟軟滑，蛋香十足，配上秘製甜豉油，絕配！😎神之叉燒飯係午市套餐，可以配埋時菜或飲品～飲品梗係要叫港式茶餐廳名物——「茶走」，即奶茶中不加糖，用煉奶來代替，港式風味！👍🏻星洲炒米（$80）炒得幾乾爽，配料都幾多，有蝦仁、青紅椒絲、火腿蛋絲等，配上辣椒醬就更惹味！☺️不過最驚喜嘅係，見到「瀘州老窖」 X 翠華聯名推出「醉Fun Fun濃情奶茶｣系列，酒鬼me梗係要試吓啦！有凍飲、熱飲及隨身瓶，隨時隨地都飲得！😂香滑奶茶配上百年傳承濃香白酒，味道真係好嶄新！😳我就覺得味道唔錯！奶茶嘅味道冇被白酒掩蓋，白酒嘅味道繼續係好突出！就好似飲緊奶茶味Cocktail，絕對值得一試！🤩

畢業之後都沒吃過翠華，好像倒閉了很多分店，再來試試他們家的紅豆菠羅包。如果你想要品嚐正宗的港式茶餐廳食物，這家餐廳絕對不容錯過！他們的奶茶、燒腩肉飯、菠蘿包等都是經典美食。價格合理，分量足夠，絕對是一個讓人滿足的地方。

路過土瓜灣的欣榮花園，見到久違了的翠華招牌，搶眼奪目；一於試試知名港式茶餐廳如今質素如何。餐廳裝修帶點cyber punk味道，土瓜灣只此一家。芝士焗西蘭花🥦西蘭花新鮮爽脆，芝士香濃，心水推介⭐️⭐️⭐️⭐️神之叉燒飯叉燒肥瘦適中，配以香滑炒蛋及香噴噴白飯，十分美味。⭐️⭐️⭐️⭐️⭐️咸牛蛋潛艇三文治麵包鬆軟，跟咸牛炒蛋可謂絕佳配搭。瀘州老窖醉fun fun 濃情奶茶香醇易入口，中式白酒及港式奶茶味道超級夾，喜出望外，可入選港式創意cocktail。⭐️⭐️⭐️⭐️⭐️凍檸茶；港式茶記永恆之選，能匹配任何食物。⭐️⭐️⭐️⭐️

好耐無食翠華，原來而家翠華好食左，價錢又同一般茶記差唔多，最搞笑係佢呢排同瀘州老窖一齊研發左隻「醉Fun Fun濃情奶茶」真心好飲😂估唔到茶記都咁有心思。。🥢 濃情奶茶（隨身瓶）$88配搭好有新意得黎又好好飲！。奶茶帶有濃厚嘅茶香同滑順嘅口感，加上酒味好香又純，味道岩岩好。隨身瓶裝嘅設計仲可以方便攜帶。岩晒酒鬼既我。。🥢神之叉燒飯$90另配時菜及飲品。呢個叉燒經過炭燒，五花腩既表皮烤得金黃酥脆，肉質鮮嫩多汁。唔錯之選。。🥢生炸豬排麵，配太陽雙蛋及牛油豬仔包，$68常餐價錢都ok, 豬排經過生炸，外脆內嫩，配上彈牙嘅麵條同太陽雙蛋，加埋牛油豬仔包，算大大份。

茶餐廳都可以飲到白酒？ 奶茶x瀘洲老窖白酒係咩味道？ 最近連鎖港式茶餐廳推出～醉FUN FUN 濃情奶茶系列，今次在港式奶茶，加入瀘洲老窖白酒，有冷熱選擇！我點咗隨身瓶裝，無加冰，酒味特別香濃，奶茶順滑，唔太甜易入口。 神之叉燒飯茶餐廳必食叉燒飯，叉燒肥瘦均勻，烤至濃邊，醬汁豐富香甜，炒蛋半生熟，夠滑溜，加入醬油，拌飯更佳鐵板脆皮雞扒熱騰騰鐵板上，倒入醬汁，發出滋滋聲，令人垂涎🤤雞扒厚身，肉嫩多汁最後就係我最愛港式豬仔包，外層脆口，塗滿牛奶及練奶，香甜美味

連鎖茶餐廳嚟講呢間都係數一數二出名😛好耐無黎食過 見到個叉燒飯勁想試♥︎神之叉燒飯 $70上網見到呢度有叉燒滑蛋飯 賣相十分之吸引叉燒肥瘦均勻 一層瘦肉一層肥肉淋埋甜豉油 撈啖飯 真係好食喎滑蛋炒得勁滑溜 加入蔥花更香醉FunFun濃情奶茶(隨身瓶) $88呢度既奶茶不嬲都係出名 奶茶Crossover白酒就真係未試過用上蘆州老窖既紫砂大麯 真係好創新既配搭一扭開就聞到酒香 但飲落又唔會特別濃 仲甜甜地鐵板西冷牛扒配野菜蔥炒薯 $83配牛油豬仔包 餐湯同飲品朋友唔想食得咁油膩就嗌左走鐵板🤣估唔到塊扒都幾大塊又幾厚身切開都係呈粉色 熟度剛好 入口唔韌仲有油脂香餐包係熱烘的豬仔包 搽滿牛油 口感滿分