維多利食品公司 (已結業)

呢間店開左好耐...的雪榚唔算太貴....食落都唔係好甜....食到一口口果肉.好真材實料...唔錯

小妹本身極愛芋頭味的雪糕, 不知是否因為紫色呢? 可是市面上供應的純粹有色而無味, 只得很人工的芋頭精油香, 自然不夠傳神。早已得知元朗一間菲律賓雜貨店代理的雪糕內含果肉, 而且夠天然。 直至上周日到元朗來個美食遊時, 特意到小店尋寶, 就在貿易中心轉入去再轉入壽富街就見到。雪糕分幾種size, 單球$20, 細罐$38/473ml, 中罐$58/945ml和大罐$100/1.89l。 不用多想已決意芋頭味, 只是買細還是中呢? 最後都選擇後者。店員會問還有多久才回去, 耐的話會附送乾冰包再用報紙包好。 雪糕味道接近廿種, 椰子、芒果、牛油果、芝士、粟米、開心果等, 真的有排試呢! 飯後急不及待拿出來與家人同享, 未知是何問題, 質感未算軟滑, 反而吃到雪粒, 像吃雪葩, 要等稍為軟化才吃, 但芋頭味真是濃得很, 來得自然,每啖都有芋頭粒, 很有咬口, 奶味也不淡, 大家都異口同聲說句:「好芋頭啊!」 聽說大坑也有代理這個品牌的雪糕, 價錢比元朗略貴。下次再去或會試班蘭和焦糖口味呢!

遊蕩期間,忽然記起忘記去試薰衣草雪糕,幸好還有同是心水之一的菲律賓雪糕在附近,這才沒有令想吃甜的月巴人遺憾。小店門口不大,很容易走漏眼,店前雪糕櫃那一罐罐的雪糕,看得人眼花撩亂也令人心花怒放,真的每款也想一試,只是大熱天時,自問沒辦法拿著幾個雪糕筒在街上同時地咬,最後只選了最著名的芋頭雪糕試試好了。女店員用力地舀的紫色雪糕球顏色煞是漂亮!圓鼓鼓大大球的非常像樣!拍完照即時咬它一口,很實在的感覺!!個人認為奶味不算重但的確香滑,雪糕有著香芋味,很本土出品的味道是有分別,質感也很滑溜, 甜度又不太高,吃後不會喉嚨不舒服,這款菲律賓雪糕真的名不虛傳,好味道!!不過最意外是那雪糕筒也是另一佳品,有蛋香又香脆不已, 另一個好吃!!!

在八度的氣溫下~還要小比吃雪糕~絕對是一大挑戰~縱使一眾好友早就試過在零下溫度中吃雪糕~真是激~~~在吃過數站咸點後~就得用一些有趣的甜點來間一間胃~就來了全港只有一有二的菲律賓雪糕售賣點吃過夠的大盒盒雪糕五顏六色就放在門口的凍櫃內~口味層出不窮~由簡單的曲奇~芒果~Vanilla等~也有特別的椰青~牛油果~蕃鬼荔枝~粟米粒~芝士粒和螢光藍的藍莓等~~盒裝價錢相宜得很~但我們不是就現在打道回府了吧!?!? 就只好每人一球吃過痛快~在眾多口味中~老闆道出最受歡迎的是菲律賓至尊芋頭~椰青等~而小比卻看著口味表呆了呆也流著口水~因為竟然竟然竟然在這裡會有黑焦糖的口味啊~!但總覺得菲律賓這熱帶地方與椰青芋頭等相當匹配~最後我們就要了五球不同口味的來試一試~小比棄焦糖而要頭號受歡迎的芋頭味~而友人也因為知道我想吃焦糖而要了一球~還有熱帶風情~Vanilla and Chocolate Crunch~最大機會接觸到芋頭雪糕就是吃雪米慈的時候~但著實小比是addicted to Taro味的東東的~這個很很粉感的芋頭口味已經很久沒有試過了~而友人的焦糖口味當然小比也不會放過~哈哈~~這個帶點微苦的焦

食完lunch同tea... 幾經辛苦搵路o黎依度由於太飽... so... 決定買走!! {其實原先都係咁plan ga la!!}企o左o向冰櫃之前, 諗o左好耐決定買盒細o既芋頭味試o下先~老闆娘好好人咁用冰&報紙&膠袋幫我pack好好讓我可以將雪糕平安帶回家!! {thanks a lot!!}由於星期六晚約o左中同飲o野so... 無緣開o黎食住... ...星期日, 放o左工返o黎屋企沖完涼, 打開雪櫃, 原想一個人"獨食難肥"點知一打開... 先知屋企人趁我唔覺, 已經開o左o黎食了~估唔到依盒細細o既雪糕有咁大o既吸引力!!!! 我當然唔執輸, 即刻拎隻spoon o黎吃o左幾啖~嗯~ 真係好滑~ 奶味亦濃~ 辛辛苦苦去元朗買返o黎食係明智ga!!!!下次去o既時候要再去幫襯先得!!!!

入開元朗，梗係要黎食下雪糕，試下喇！果真好好味，好清既椰青味，有椰肉食下添哩．個cone好爽脆，下次再試過第二種味道．

喜歡食芋頭雪糕, 每次入開元朗都會買罐中雪糕走人.口感質素樓下已經介紹左老闆知你買出九龍, 會同你包得好好, 另送兩塊化學冰, 坐西鐵返到美孚, 依然凍冰冰. 有時會缺貨的, 所以有啱食味道, 路過要快手.

又是small jj介紹，才知道這家雜貨店會供應菲律賓雪糕。　雪糕分罐裝(細$38．中$55．大$85)與單球裝出售($15@)，由於不設試食，所以我們要了兩球試味：　Durian-還以為與實淨的印度雪糕相似，原來菲律賓雪糕的質感頗鬆散的，而奶味與果味均不算濃烈，與想像中頗有出入。雖然如此，榴槤味對我還是難頂，當然成了龍的甜品。　Dark Caramel-雪糕質地不太好，只勝在口味選擇不俗。龍欣賞榴槤味，我就對這球黑焦糖甜中帶苦的滋味鍾情。另外，我們都覺得那超級鬆脆的甜筒也為雪糕加分。　同場還有約20款口味，口痕的話再試其他吧~

jan 02, 08,嚟呢度食埋個雪糕作結今次元朗之旅 - 叫咗1球藍莓味,個顏色真喺幾怪吓,入口好重奶味,但藍莓味唔多食得出..........."煽"稿話有藍莓肉,但我就唔多覺,除非佢"畢"錯比我啦...............又唔喺得別滑,just ok............同xtx嘅blu味比,差好遠-但唯1要讚喺個waffle cone好脆身.............呢個就good!!

呢種雪糕基本上較其他品牌更好味得多。