祥發茶餐小廚 (已搬遷) 新店位置

祥寫這篇食評時，祥發在耀華街的店會是最後一天營業，因清拆要搬遷至渣甸坊。新店開張時，那令人看得很眼花繚亂的餐牌不知道會否有所更改。最近往吃了瑞士雞脾和炭燒豬頸肉包，配上一杯凍檸茶。瑞士雞脾很入味，這種甜甜的醬汁很難不好吃。雞脾的肉質腍，不用拿上手撕著吃，就用叉子已可以。豬頸肉包也很不錯。包身鬆軟而帶有烘後的少許脆口感覺，豬頸肉爽口且入味 (不過其中有一條感覺過於乾身)，如果多加點生菜會平衡得更好，配上沙律醬實在很美味。這包加上凍飲只是18蚊，在銅鑼灣來說是抵食的。檸茶的檸檬也有四片，算交足貨了，只是自己忘了要少甜。不過祥發的阿叔面口實在難看，對著每個揚手的要求至落單也一臉不耐煩。另一個最大的致命傷是其衛生情況。卡座很窄小，跟鄰座迫在一邊進食，多點一兩碟也沒位子放，麻煩在不時有大小蒼蠅在頭上飛，邊吃還要邊忙著揮走蒼蠅，還要怕不小心打瀉鄰座的凍飲。現在祥發搬遷，不知道店面那十個八個座位會是如何，但若舊店的情況在新店持續，外賣甚至另覓餐廳光顧也許不是壞事，即使廉宜但衛生欠佳的話確令人很倒胃口。

第一次黎，唔知仲有冇第二次機會喇～要搬遷，雖然都係係附近不遠處，但６月６之後就冇得堂食，只可送外賣／只取。心理作用----始終覺得堂食好味Ｄ.....不過食過一次之後已經中了祥發毒........！平!飽!好味!平----兩個人賣單都係用左$45飽----每人一個餐有三份野食,有粉麵,有甜食,奄列,飲品；食完呢餐我係可以唔食晚餐都得........唔係誇張好味----除左米粉外，其他食物都相當唔錯～茶餐廳來說，算是中上了～兩點有下午茶~好多人啊~~~~迫滿哂成間茶餐廳，掛住食所以影得幾張相咋！招牌瑞士雞脾雞皮先係精華，點捨得唔食！！正米粉出事.....好碎啊....好似米粉渣咁.......蘑菇奄列，好味!吐司冇咩特別～ＯＫ水準豬頸肉米好似蜜糖燒烤味咁～good！但米粉一樣唔得。

闊別2年, 依舊大件夾抵食以前成日放學就黎食番個雞脾下午茶好懷念!瑞士雞脾d汁真係冇得頂,塊雞皮入晒味勁正雖然d肉鞋鞋地但都verygood!咖哩角+春卷就麻麻地冇咩味同唔夠脆下次試下第2樣先勸大家唔好叫米線@@ 同出面果d唔同係粗d大條d同埋可能煮得唔林硬硬地, 好似食緊白色既瀨粉咁男朋友配個黑椒雞絲包出奇地好味!可能佢漏左單又即刻整,個包烘得脆卜卜食1啖都覺得正又多汁好惹味男朋友不消1分中就消滅左佢!其實24蚊咁多野食..真係去邊度搵??間野都坐滿晒人.好多西裝佬添.同埋個雞脾咁特別真係食過番尋味

冇係銅鑼灣做野好耐, 間中去下, 今次同老婆同個囡去以前老地方食野。(唔同左係依家有卡位, 冇咁煙霧迷漫, 禁左煙, 是也!)同其他人一樣, 叫茶餐(x2), 雞脾+豬扒包+沙嗲牛麵&餐肉麵+凍奶茶&凍檸茶。個囡話要好立克。雞脾好juices, 入口即化。估唔到係個囡3歲半可以食得晒一隻!!!!! 同d friend講佢地都唔信, 算吧! Anyway佢杯野飲唔晒, 晒左!個包最欣賞夠軟, d汁ok好味!牛麵, 可以啦!杯茶, 可以啦! 一家三口63蚊, 咁多年都係一樣, 平。(以前成日幫襯佢, 都係因為.., 打工仔呀媽!)同老闆娘吹左幾句, 佢話生意難做, 仲話有人冒佢名, 真係估唔到!Anyway會再去。

第一次寫食評, 梗係比番咁有香港特色既餐廳啦!touchwood如果一個唔該比業主加租, 鬼知邊度仲食到咁大件抵食兼好味既茶餐廳.叫左個夜晚8點仲食到既茶餐, 雞脾+豬扒包+餐肉公仔面+凍飲 雞脾熱辣辣, 又甜又多汁, 入口即化. size就細左D, 不過完全可以接受.豬扒就唔算咩靚野啦, 但係都唔係話乾爭爭, 叫做有D汁有D筋咁, 連埋D醬幾惹味咁.餐肉公仔面就... 大佬你想我寫咩? 好似有D人咁, 食大家樂意粉要"Al Dente"咁呀? 你自己煮都係咁上下啦...咁多野都係26蚊咋!!!!!! 呢個價錢我去上水都食唔到啊!!! 而家係銅鑼灣時代隔離就食到, 抵到爛呀!!!!!!一定會再去!!!!

依家響香港地, 食個tea閒閒地都要廿幾蚊, 仲要細細份今日同學推薦下一於試試祥發究竟有幾抵食我地兩個都係嗌瑞士餐, 瑞士雞脾+豬扒包+沙爹牛麵瑞士雞脾煮得幾"淋", 又入味, 一隻手掌細少少, 大小適中豬扒包雖然面包同豬扒一般, 但勝在夠長! 沙爹牛麵, 麵既用料雖然平, 但浸左一陣都唔會脹開變得難入口沙爹牛有d似牛肉杯麵d牛肉 再加多杯茶走, 煉奶太多, 掩蓋左茶香, 敗筆也~總括冇咩服務但尚算親切, 二點半左右都唔算太多人唔算迫$24咁多野食的確說服到我下次來黎

自己在銅鑼灣上班，但因幾乎每天都pack lunch的關係，對附近的抵食開飯熱點實在所知甚少。識去蘭芳，就以為是全區最抵了（當然，便宜不代表難吃）；直到有一天，同伴跟同事在附近工作，到過祥發醫肚，再介紹給我。失覺晒、失覺晒！這天，特別押後午飯至兩點，為的就是會一會這兒的無敵茶餐。餐廳位處耀華街，車無疑多得很，但街本身並不熱鬧；也許正因如此，才能給祥發這一類上班族天堂有容身之所。門面有點破落了，但一推門 … 嘩，擠擁到！有位的地方都開了枱，坐滿了人；而且多是制服一族，即附近零售店的銷售職員。她（他）們看來都是老饗了，甫坐下就極速點好餐。我一看餐牌，真係霎時眼都花，因為種類多到爆，充分發揮茶記mix and match的優點。自己選的「瑞士雞脾一二三」套餐（$24，連熱飲），玩吓手可配出超過五百款！其他套餐，十八蚊起就有交易，絕對是平絕銅鑼灣！心想：平是平，但家陣百物騰貴，這樣的價錢吃得飽人而賺到錢嗎？我件頭都唔細噃 … 等了五至十分鐘，一號部件 – 瑞士雞脾上場，我放心晒！三文治碟上的雞脾，頭尾剛好是碟的圓周，不算得別大，卻是隻見得人的雞脾！（心想，最近推出「特價」雞脾餐的連鎖店雞佬，用

係新界特登過cwb拎d獎卷..咁岩經過下午茶時段都多人就入去試下..哇..25.5$有以下3款+野飲...雞比-好好味..好易咬..唔嫌軟得際(整耐左 係個煲度我諗所致..因為太多人叫)朱古力窩夫..好正..即叫即整..夠熱夠好味..街邊都未必有呢個水準..沙爹牛麵..一般...肉小..但價錢成個餐先2x無所謂..麵就學下面話齋..脹左..凍檸茶..好有茶味都...真係想30$唔駛找既衝動..咁抵真係..可惜要過海..亦唔係常去cwb..

星期四晚，入大球場支持港甲，欣賞榜首大戰南華對四海流浪，偏偏傍晚時份下起滂沱大雨，唯有先找個地方醫肚，待雨勢減弱再出發，來到時代廣場附近的祥發茶餐小廚，試試食友們讚好的瑞士雞脾。這裡的下午茶餐由兩點半後供應，直至打烊，A + B + C「三重彩」式的組合，連同餐飲，價錢只需 $23.5，十分抵食。點了名為「不可不試的瑞士餐」，除了穩膽的瑞士雞脾外，還有沙爹牛肉公仔麵和魚柳包，相當豐富，作成晚餐也可以的。瑞士雞脾淋上深色的瑞士汁，用叉輕輕一拮，雞皮連肉便輕易與骨分離，入口質地腍滑，醬汁味道帶甜，但又唔會過火，水準確比快餐店吃到的好一點，一試無妨。沙爹牛麵賣相麻麻，梳打牛份量唔多，再加上沙爹醬和辣椒碎，麵質微微發脹，看來配通粉會好一些。魚柳包漏了單，問問阿姐，轉個頭便送來，用上了熱烘烘的長麵包，入口軟熟，內裡的魚柳 size 不大，但勝在炸得夠香口，沾上適量蛋黃醬，簡簡單單，是來自草根的美味。茶餐抵是抵吃，但始終一分錢一分貨，味道只屬普普通通，而且店內環境衛生惡劣，不少烏蠅在頭上亂舞，感覺糟糕，嚴重影響胃口，最後來杯帶點微酸的熱奶茶，再來的機會實在不大！

很多人一直說銅鑼灣的東西很貴, 自己也一樣有這個感覺, 所以一聽到有人介紹銅鑼灣的平民餐廳有很便宜東西吃, 便立刻想去試, 這天放工了特意去到銅鑼灣一試這家店。放工再去到銅鑼灣, 時間已經係晚餐了, 大約是7時半, 去到這家店, 見到了它的下午茶時段分別係2:00pm-8:00pm及2:00pm-8:30opm, 真的太好了。因為我最想吃的就是它的油雞脾。這晚2個人, 所以叫了2個餐:朋友叫的是一個是炒飯配飲品而我的是一個下午茶餐: 有一隻油雞脾, 一個黑椒牛肉包和一個榨菜肉絲面 配飲品我的只是二十多元, 真的便宜很驚人!!!***跟別人推介的一樣, 油雞脾的確非常好吃, 它很入味, 但是它不會很咸, 反而有甜的醬油味, 而且雖然入味, 但雞的肉同時亦不會overcook, 真的是很好的油雞脾。**黑椒牛肉包也是個不錯的選擇, 它的包軟硬適中, 而且味道很夠的。但是它的榨菜肉絲面, 那個連名字都不記得的炒飯和飲品便不太好了。榨菜肉絲面的而太軟了, 而且好像沒有下任何調味的。炒飯也只是普通。飲品…加太多水及冰了, 沒有味道。但這家店是8:30pm關的, 所以要早點去試了。而且必試的是油雞

下午茶時間係多單,,果女人同我講要預7個字,,okay....但係等左成粒中都唔送黎!!打去問佢話追下佢,,再等多4,5個字!!打去佢話追左架啦......!!!!吼真係好炆好炆好炆!!!洗唔洗咁離譜!?咁係咪即係叫人逢下午茶就唔好叫你外賣丫!??!唔該請多d人手啦!

六月上旬．晴原來未交過這裡的食評，真不該！如果細心看看，你會發現這是一間不簡單的茶記。供應的食物很多，也會有自己的變法。如熱狗，除了一般的，也有芝士肉醬的。如「魚翅撈飯系列」（當然不是真翅！），有點誠意的。直接一點說，我喜歡這裡的豬頸肉包。包是軟豬，烘熱了的，吃起來脆口，鬆軟，吃起來輕如無物的。年紀不少，吃東西也不純為「飽肚」，這樣的份量就剛好了。豬頸肉用燒汁煎過，爽脆，夠味，加上不多不少的沙律醬，好吃。生菜是少，但不影響味道。一開二，也方便進食。雖然不能說是「馳名」，但就是我喜歡的食物，尤其是下午茶時段的不二之選。熱咖啡帶點酸味，也幾香，有水準。不過相比之下，喜歡奶茶多一點。豬頸肉包餐全日供應，17元，也經濟抵食，可以一試。

Date back to mid July, my friends brought me to this Cha Chaan Teng before heading to horse racing. I was kind of surprise they will dine before horse racing, which they usually wouldn't. Anyway, I was late after work so they asked me to them in Cheung Fak which located behind Times Square.Getting my way to Yiu Wah Street, I was confused about the location of the Cha Chaan Teng. I called my boyfriend to pick me up. I was surprised when he brought me in front of a FULLY closed gate, and squeezed

之前從我的朋友口中得知 這間茶餐廳有個非常抵食的常餐因此有"超級抵食茶餐廳"的美譽今天終於嘗試了點了可自由配搭的常餐 瑞士雞脾 + 紅豆夾餅 + 牛奶麥皮 + 飲品 = $23.5!!先來瑞士雞脾有點油 不過很好味牛奶麥皮有點甜 但我喜歡吃甜所以覺得味道剛好 吃下去讓人停不了口紅豆夾餅很少紅豆和紅豆味 好像在吃齋夾餅但咬進口有點脆 味道okay吃完很飽很滿足某個餐廳店員很nice下次一定會再吃 he

係人都知係CWB食野貴(除非你係食車仔麵個D)如果唔係閒閒地食個LUNCH都要40啦!邊有成日有甘多錢食野! 好彩!!!!!!!!!!!!!!!! 皇天不負有心人!!!!!!!!!!!就係有一次放學後 我個FD同左我去呢間甘既祥發!真係萬綠叢中一點紅 唔係話佢D野係好好好好味但係對比返佢個價錢 我覺得係好好好好好好好好(都有8個架)味囉!!!$25 可以食到3樣野加凍飲!(我第一次去$20咋!! 著校服減$1 家下貴左 )你話比我知 除左佢仲可以係CWB邊度搵到先???! 雖然佢個環境真係麻麻地 有D逼 但佢D野食我覺得真係唔錯!!同埋落完單好快就黎!!等我講下平時我食D咩啦! 瑞士雞脾: 必叫!!!!! 好入味!! D汁好甜! 好惹味!!! 總之正啦! 瑞士雞翼: 有次想食雞翼就叫左 一定無雞脾甘啖啖肉甘好味 之後無再叫過 韓燒牛肉包: 個包好淋好好味! 入面D牛肉個汁都好味 成個包好MATCH! 西多士: 本人係西多士愛好者 梗係要食下! 但佢呢度D西多士好搞笑 成日都轉樣 以前就係一個大碟上面有兩件(姐係兩塊方包夾埋切一半變左兩份) 跟住有一排係轉左細碟上面得返一件(姐係兩