睦美屋拉麵 (已結業)

睦美屋在一田百貨公司內，每星期都會逛一田但從未來過這間餐廳，今天終於一賞味道。店除很小，只有二十個座位左右。地方當然比較狹窄，又好像沒有冷氣似的。我們一行三人點了不同拉麵。我欣賞這裡的湯底不是很油，但食客亦可挑選少油或走油。但麵質比較硬身，我不喜歡吃淋或硬，適中是最好的。相信亦可向侍應要求麵的軟硬度。我叫了香煎黑味噌拉麵，本人對這湯底很讚。湯底很濃郁有層次感，且帶點微辣，叉燒是一般的貨色。赤味噌拉麵，別意為是辣的，其實一點都不辣。湯底亦夠濃郁，不過沒有黑味噌那麼有層次感。特選醬油拉麵，味道一般，不夠濃郁。另外叫了一份六隻的餃子，餃子皮薄餡靚亦夠熱。總括來說是可以encore的一間餐廳。

相約了舊同事一起外出午餐, 原本想說吃旁途的白熊咖哩好像是同一集團, 不過好可惜的是位置已滿。因此就到了睦美屋吃拉面, 第一次吃, 門面一看就已經看完, 大概只有20個坐位。 在繁忙時段必定要跟別人搭檯的了。 先看看環境, 細小的空間簡潔得來都看得出清潔度挺高的, 待應及收銀大概只有同一個人, 不過因為門面細的關係, 這一名員工已經足夠了。先看一看餐牌, 整間睦美屋都是吃拉面,沒有其他飯類食物的。眼前餐牌其實不少拉面, 不過仔細一看, 其實只是面頭的餸有分別可供選擇, 而原本的整個拉面或湯底基本上全部都一樣,  我見餐牌的味噌牛油粟米拉面挺吸引的就下了單!其實除了拉面還有不少小食的, 不過日本的小食可能都圍繞炸物吧! 由於吃拉面的這一次我有點喉痛,因此就沒有加一整碟的小食, 我就加了一隻"和味蛋", 只需加$5。拉面來了, 先說說整個湯底吧! 原本十分肚子餓的我, 聽見牛油粟米的我已經流下口水了, 可能太大期望吧! 拉面來到的時候沒有牛油的香味, 而且仔細一看才見倒一個像一毫子大的牛油! 不過牛油很快就溶掉了, 原本牛油是放在粟米上面的, 不過自從牛油消失後,都沒有吃到牛油味了, 有點

今日與媽媽到荃灣行街！行到荃灣廣場時諗住食個下午茶，就係係一田入面有間新開既拉麵店！就一於試下呢間啦！佢個湯底好濃豬骨味，但又唔會太油膩太過濃味！拉麵係細身既麵，不過都幾爽口同彈牙！食拉麵試完佢個原汁原味既湯底，可以要求加辣肉醬，加10蚊家！加完辣醬仲好味，夠晒辣，個肉醬仲唔會死實實！加左令我對呢餐大晒分呀！

叫完個二人餐，加埋牛油粟米$149，至發現....有個EPS優惠，差一蚊，於是朋友嗰碗都加多份粟米，再轉個小食，點知就搞到侍應個有啲手忙腳亂。旁邊枱見二人見我哋改又想改。其實我覺得侍應可以主動提出有呢個優惠，咪唔洗咁"呢hea"我叫咗白味噌，上台時係呢個樣。配料牛油粟米係另上，我自己加埋落個碗度(我覺得如果廚房加埋感覺會良好啲)。店來自北海道，小妹都有幸去過北海道食味噌拉麵，但記憶之中唔係咁嗰囉。個湯無味(真係唔加七味粉唔得，好難啃)，個麵質地似即食麵，啲蔥白唔多新鮮無蔥味，粟米偏乾，牛油完全零牛油味，唔夠湯，好似食緊撈麵咁，啲湯珍貴嘅程度係基本唔敢用羹湯匹湯飲。湯底有大條洋蔥絲同叉燒粒，好似食緊茶餐廳洋蔥豬扒嘅感覺，滯到反艇。反而送嗰個漬物幾好味，用嚟配無味嘅拉麵唔錯。小食薯餅好味，外層超香脆，內餡好creamy, creamy到有少少難用筷子夾。溏心蛋好食，夠味，小食選擇呢個都唔錯EPS送嘅

鱆魚小丸子，叫拉麵加$26有一客五粒，幾好食，唔係太多粉白味噌拉麵，好香味噌湯味，叉燒有點肥，拉麵食到底有點鹹特選醬油拉麵，好香麻油味，叉燒都係有點肥，個糖心蛋好好食,不過食到底都係有點鹹

本來想去隔離的魚屋,但正正午飯時候, 己經座滿而且也有不少人在等位, 我和靚仔男友都肚餓了, 記得男友之前説過想試試睦美屋,剛好睦美屋又有空位,這正是好時機拉。男友選了酒粕濃厚味噌拉麵比較特別的湯底,有淡淡的酒味,不會刺鼻,拉麵也算有彈性,但叉燒又厚又鞋, 酒粕濃厚味噌拉麵不包糖心蛋,但可以加$5半粒,食到三份一之時, 男友發現有一小段木筷子在麵中,叫來女職員,只是看了一看,又忙着去別處下單,收銀机旁的兩位男職員在談天風生之際,被我們叫了過來,換來一碗拉麵, 附上一句輕輕的,只有我男友才聽到的不好意思, 在沒有解釋完場了。我選了特撰醬油拉麵,濃濃的醬油味,不會太鹼,但沒有驚喜,叉燒依舊又厚又鞋, 勉強食了一塊。日式餃子我個人覺得煎得不夠火喉,但男友覺得剛剛好, 日式餃子偏乾,没有肉汁,像急涷貨式。山葵雞軟骨山葵即芥末,微微的山葵味,令雞軟骨更惹味, 雞軟骨没有大量滲油, 也没有厚厚的炸粉,咬下去還爽口,可以一試。還有店裏的桌子太矮, 食麵時不方便。 

這間開在一田門外的小日本餐廳，確實有令人驚喜之處。店面很小，座位不多，MENU的選擇也不算太多，可是­卻讓客人會有回頭的機會，就是這裡的拉麵吧。有好幾次在這商場內看電影前的晚飯選擇也是它，因為上菜速度很­快（當然因為選擇也不多，方便一眾選擇困難症的客人吧），喝一口湯，嗯味道濃郁，再加上溶掉了的牛油浸在湯內，加添了一份香味。再吃一口麵，彈牙有嚼勁，一­塊小小的叉燒配著拉麵，份量適中，不會太飽，剛剛好可以讓我看電影時再買個爆谷。要數小食的話，這裡的雞軟­骨也不錯，雖然放食物的盤子不大但份量很足夠，而且亦是剛炸出來的熱度，讓人有走到日本的感覺。

第一次到荃灣一田食野，同男朋揀左依間，因為下午茶時段，所以人較少。點了一個赤味噌拉面。湯底好重大蒜味，但無咩辣味，不過勝在夠熱，而且拉面幾好食，所以就打和啦。反而，男朋友點的醬油拉面，湯底夠濃唔錯，下次可以一試。不過，如果可以多d日式叉燒就更好

中午一心去一田試呢間拉麵，12:30pm去到，可能D人未放lunch，所以餐廳只有3個客人，唔駛等位。因本人鐘意濃厚湯低，又鐘意有酒香的東西，所以好快就揀左個 "酒粕濃厚味噌拉麵"。睇落去，湯低都算夠厚，試落OK，但好似冇酒味喎....可能我了解錯左，酒粕唔係即係有酒咁解.... 呢個真係唔知，不過味道是OK的。另外，呢間舖用的麵質好唔同，係好彈牙的，同一蘭完全係不同風格，個人認為都幾好食，不過食食下好似有D似公仔麵。哈哈! 整體黎講OK, 下次又係唔駛等位的話都會再食。

在北海道起家的睦美屋拉麵，座落荃灣一田，今天路經人少少，不過就來一碗吧。特選鹽味拉面: 話說湯底是以大量蔬菜、豬骨及雞熬成，所以一上枱，二話不說是來一口湯，但…無什鮮甜味，亦不覺岩鹽提鮮的作用。面條尚算合格，不糊不硬。义燒沒有肉味，很有雪藏肉的特色。全碗最好味的是半邊旦。和味旦: 沒改錯名，很好味，入味之餘，旦呈半溶溏心，又香又滑，愛旦者必選。特製餃子: 豬肉和椰菜等作餡，但不夠惹味，而且略為乾身。炸魷魚: 外面炸得鬆鬆的，魷魚保持JUICY，七味粉添點點辣，合格。

今天媽媽拉我出去買點東西，行行逛逛後，還是要吃點東西的，來到睦美屋，尤記得上次經過還是人頭湧湧，門外擠滿了人，可今天已經不用等位了！既然如此，就襯這機會試一試吧！拉麵款式也多，媽媽沒有胃口，但總不想坐下什麼也不點，我建議點一碟半熟蛋，一碟兩只，可以一人一隻，我亦可順道試試半熟蛋的質素，不過媽媽卻點了一碟醬油叉燒。酒粕濃厚味噌拉麵拉麵賣相普通，叉燒呈長型，又沒有半熟蛋，變得沒有太大亮點。湯底味噌味道頗為濃郁，確帶有機分酒粕的味道，湯底算是蠻有特色的，但拉麵吃來基乎就像在一田凍櫃買的來貨，麵質煮得太腍又無彈性，加上帶有鹼水味，實在是雪上加霜。叉燒方面，吃起來質感粗糙，肉味一般，而且無甚油脂，感覺味同嚼蠟，整碗拉麵份量不多，質素亦十分普通！醬油叉燒驟眼看，除了多些青蔥外，我看不出這碟叉燒與我碟中的有什麼分別！同樣薄切，沒什麼油脂，質感與煲湯豬肉同樣的粗糙，兼且沒什麼肉香，同樣是味同嚼蠟。媽媽吃過後也後悔起來了，畢竟用三十多個大洋在外吃煲湯豬肉，對家庭煮婦來說確是「肉痛」的！睦美屋位在一田超市的一層，店子採半開放式設計，裝潢尚算新淨，店子不大，坐位倒是放了不少！侍應服務尚算殷勤有禮。食物方面，

本身我地都鐘意食拉麵~不過部份幫襯開既..味道濃郁中偏重太鹹反正見一田開左間拉麵店..有時經過都見好多人食~所以又試下呢我點個"黑味噌拉麵"先嚐一口湯底~味道非常濃郁..但不偏鹹當中仲加入大蔥及洋蔥粒..令濃郁湯底中又帶點清甜味而麵質好有彈性~軟硬度亦剛好叉燒份量比預期少..因為通常有2片~而依片仲係好薄身但肉質半肥瘦好鬆軟口感另一半點個"酒粕濃厚味噌拉麵"又嗜一口佢既味道~濃郁中又比黑味噌清淡點..但味道好順喉亦不過鹹整體拉麵水準唔錯~服務不過不失

這間位於荃灣一田百貨內的拉麵店, 經過時常常見有人龍, 見當日無人排隊, 於是便一行三人入內光顧, 因我們也很喜歡食拉麵呢! 白味噌感覺與酒粕濃厚之味噌差不多, 只是佢無咁多其他配料在湯底,湯底很濃, 比較合喜歡濃湯底的人味噌(酒粕濃厚) $62/碗 + 溫泉蛋 $8基本湯底很香, 初飲一口很ok, 但食完全碗後, 感覺太咸了特選塩味拉麵 ($64/碗)這碗也是初嘗一口時很ok, 尤其與拉面一起食也很夾味道, 可惜家人食後也說湯底太咸了當日order了3 款不同的湯拉麵, 而溫泉蛋另加是 $8的, 但看外形, 3 碗基本很似, 也很難分別出口味, 入口初嘗都很入味好ok, 但當食完成碗後, 我們3人都感到 碗湯底太咸了, 而且很口喝, 感到並不適合我們口味, 可能喜歡好濃味的人士較為合口味, 另外他們沒有什麼service, 付款要到外面找數, 但竟要收取加一服務費, 所以下次也不會再光顧了

冬天剛剛到，天氣已經跌到10幾度，原本諗住同女朋友去打邊爐後來係荃灣一田百貨行行下見到依間麵店，係角落頭，真係唔太點發現小店裝修簡單，鋪面面積不大，大約只坐到20幾台客，當晚7點去到只見一半座位有顧客侍應帶我去兩座位比我同我女朋友坐，然後好快比Menu同熱茶，招呼同感覺尚算不錯打開Menu有十幾款拉麵，於是只叫一個黑味噌拉麵試下，之後再叫多客日式餃子雖然係日式拉麵店，但店內一直播韓文歌，過左7分鐘就送左碗拉麵黎，店員好細心，知道我同女朋友一碗兩份食，比多個細碗我分。拉麵只得一片叉燒同一塊紫菜，其他要追加，例如粟米，牛油，叉燒，半生蛋…原本諗住冇咩驚喜，賣相一般，而且太少野食(好彩有叫多客餃子)之後飲左啖湯，發覺濃味但唔反感，唔油膩，味道適中而且味香。我女朋友一向食野好挑剔，今次佢話OK，幾好食。叉燒唔肥，有咬口彈牙同唔老，唔錯，但得一塊另外拉麵面有炒過的蒜同洋葱，雖然好表面，但伴隨拉麵吃突出到味道而且拉麵同個湯幾夾，而且個麵吸到個湯味，食落去香濃，但拉麵量只有一個女生的份量拉麵黎左冇幾耐後，餃子就送到而且伴醋，賣相一般，點醋食後發覺雖然係煎，但絕對唔油！OK好食，皮簿唔穿，豬肉餡雖少，

寒風陣陣的沮喪星期一，睡魔整天不斷地召喚我，即使下班仍未回魂。放工，很想去吃個拉麵，荃灣的人氣拉麵店台風要排隊，便轉到來一田的睦美屋。是首次來品嚐。其實早一兩個月已經想來試，只是當時新屎坑，晚晚大排長龍，所以一直拖到今次。選了赤味噌拉麵，份量好像比坊間的拉麵店要少，但我實在沒所謂，太多反而吃不完，好食便是。呷口湯，很普通，麵條亦不夠爽口，叉燒偏瘦，還好沒有很韌，總之就是平隱卻沒驚喜。原來要加一，不過價錢仍算便宜，六十四元落樓。吃過暖身的拉麵，舒服地離開。