盛記粉麵專家 (已結業)

以往去旅行，為怕機場的食肆較貴，多數先吃了才去機場。現時機場多了食肆，收費也不會特別偏高。機場地方大，盛記佔的地方也不少，店內只是簡單的只是放滿枱椅而已。近在上機前吃了這間的即叫即蒸：豉汁蒸排骨配飯，蒸排骨是像酒樓點心那種蒸法，味道容易接受。配熱飲品：熱檸水。$60一份套餐。皇牌四寶飯：义燒，肉質鬆軟，邊有些肥肉，吃起來更滑些。紅腸，大大件，燒鴨，是鴨腿，肉多但不及义燒好吃。咸蛋起沙的，混飯吃不錯。仲可配咸檸檬7up，相當滿足。$50 算幾抵的。

我跟朋友每人各叫一個歺，當時下午四時沒叉燒沒沙律歺牌裏面很多也沒貨,最後朋友叫了魚餃加丸檬，魚餃臭了，湯没味！加7元要可樂但等了半小時！我叫了奶荼加豬扒包配薯條. 奶茶没味我覺得他忘了放奶我加兩包糖也只有水味！豬扒包真的只有包加豬扒裡面什麼真的也没有！薯條是凍的！另外說說服務非常差，比較年紀大的老太老是黑面好像不應进入歺廳等叫歺，等送歺，但收錢时特別快。若趕时间飛你情願走終結上述種種切勿进入此歺廳你会后悔！

今日去旅行，原本抱住興奮又期待嘅心情出發，可惜就俾呢間態度非常惡劣嘅茶餐廳破壞我嘅心情今早9點係二號客運大樓check in後，諗住食個早餐先入閘，見呢間近近地又平，就入咗嚟試我同朋友拖住個7kg嘅size嘅細行李箱，準備行去一張近牆嘅枱坐低，諗住方便放行李，亦唔會阻到人，男店員見我地準備坐低，就大聲咁講 ‘行李箱放出面呀小姐’，我地表示 ‘我地坐埋邊，個行李箱放入面’，店員再次大聲重複 ‘行李箱放出面呀小姐’，我地為免同嗰位侍應嘈，於是勉為其難出去放低，可惜我地出去見到佢放行李嘅位置就決定不了餐廳放行李嘅地方，係店鋪出面，無人看管，加上坐咗係餐廳入面，好難望到放行李嘅位置，俾人拖走咗都唔會察覺，非常唔安全總括來說，野食一般，係出面任何一間餐廳都食到嘅質素，奉勸大家一句，何必比錢買難受！

食物味道正常，茶餐廳食物一般不會有特別期望。叫了一客肉碎通粉，餐肉炒蛋多士，及鹹牛肉芝士三文治。幾十蚊嘅質素係咁上下。。。但服務態度實在惡劣。。。該女侍應不但呼喝顧客，打錯單、收錯錢但卻怪責顧客！對著另外一個顧客問問題，卻將該顧客的答案當為我的回覆。未搞清楚事情便先呼喝顧客！這樣的服務態度有損香港形象，尤其是餐廳主要服務遊客呢。。。難怪其他餐廳人流遠比這餐廳多。。。以後去旅行不會再來這餐廳！！！！

餐廳位於機場二號客運大樓一樓foodcourt 對面。 見到餐廳門口有下午茶餐牌，而且價錢不算貴，所以選擇在這裡用餐。餐廳裝飾以舊香港主題， 門口有一對舊式鐵閘， 牆壁也有香港特色的繪畫。 餐廳不算多人，不用等位。下午茶時間由兩點半至六點。點了兩份簡單的下午茶餐。菠蘿油配煎蛋($28)菠蘿包是個吃過最差的一間， 賣相不像菠蘿包， 而且面層的脆皮是腍的。包有點硬，味道不似平常的菠蘿包，好伏。煎蛋正常。炸雞髀薯條($39)薯條仍暖，夠脆，粗身，份量頗多，味道正常。炸雞髀好脆，味道算不錯，但邊位有點硬。熱奶茶 (跟餐)茶不夠濃，奶不夠滑，味道有點淡，不太好喝。凍奶茶 (跟餐凍飲加$3)同樣是不夠茶味，而且太甜，不推介。總結，餐廳環境可以，食物味道不算太好，服務一般。下次去機場我會選擇其他餐廳或出番市區先食！

<<生在美食天堂，點可以唔識食>> <<I born in Paradise of Food，why not explore deeper?>>第一次試食的機場內午餐總評價係失望要美食無美食要服務無服務要衛生無衛生，（無抹枱，筷子唔乾淨）其實對出個foodcourt好食過佢其實午餐選擇不少有粉麵，燒味，客飯等等選擇是日鮮魚係吸引我入去既原因負評～煎封𩶘魚（聲稱），先唔講機場資源貧乏，條魚細細地，但係處理手法變左炸魚，魚肉梅梅地，懷疑唔新鮮。唯一個豉油不錯。另外，有聽過佢地牛腩同燒味都做得唔錯，咁我就無緣試下了總結/其他裝修：坐位大至舒適，燈光一般，有大枱服務：除左落單好聲好氣之外，落菜落飲品時候並無說明該飲品名（咖啡，奶茶，茶走，定鴛鴦都講聲好嗎？）

下午茶黎左食哩一間冰室，哩一間以舊式香港冰室作為裝修藍圖嘅餐廳雖然係有啲特色。但係就坐得唔係咁舒服叫咗個燒味米粉食。但係唔知係咪太晏嘅關係，好多燒味都冇晒，最後只係得返燒肉同埋油雞。但係食落個燒肉都幾好味，只可惜份量細咗啲。至於油雞一樣質素唔錯，只可惜雞骨多雞肉。食完好似冇食過咁樣😂至於朋友食嗰個番茄牛肉意粉，意粉一樣好早就賣晒，侍應提議我哋轉通粉。我試咗幾啖，個湯底好似羅宋湯咁濃。但係下午茶食通粉就好似怪怪地咁樣。總括來講，呢間餐廳就好普通。我諗機場會有更多其他更好嘅選擇。

臨上飛機之前，去食個早餐，見到佢價錢都唔算貴，諗住搏一搏。我份人食早餐，真係要有啲熱湯，有個面先至舒服，所以就諗住嗌最大路嘅沙嗲牛肉出前一丁。送到上嚟嘅時候，一般茶餐廳都會連埋一包出前一丁嘅麻油，但係佢連一包味粉上，我已經覺得古古怪怪⋯⋯唔理咁多開始食，一食落口，已經發脹到粉晒⋯⋯從來冇食過咁難食嘅即食麵！我極度失望，因為真係好難食⋯⋯切記切記，千祈唔好去食！我好少喺OpenRice寫負評，今次真係忍唔住！

麵一黎到，已經漲哂，得兩包所謂出前一丁的味粉同麻油。老實講，除左味粉係出前一丁外，我完全唔覺得佢係一個正常的出前一丁，我成年食過最難食的麵。我男朋友碗麵一上，已經無哂湯，要即刻叫佢加先撈到個味粉。入到間餐廳食$43早餐，連最基本的麵都搞成咁，望落都唔想食😡😔

私人理由經常搭飛機，廉航便成了我的習慣。T2入閘後2xx登機範圍又貴又沒選擇。在時間與金錢的考慮，（廉航不包食），盛記是我不二之選。價錢：便宜，比food court 更便宜。一個燒味套餐不用50元。服務：有人招呼，不是自助。地方：比food court 更清靜寬闊。質素：用價錢，絶對是超值的，味道本身也是過得去的。留意到open rice,有很多負評，依我很多次的經驗，不但沒有服務差，反而是很好。例如我叫一薑䓤油，店員會對我說：「唔夠再出聲拿多碟。」可能有改善吧。總之我未在T2未找到我第二個飯堂。

十一長週末與家中細細到童夢城做月餅，整杯麵。活動完畢差不多是下午茶時間，順道在同層的餐廳吃飯。 「盛記粉麵專家」屬港式茶記，店內以大排檔格局作佈排。入座時約 14:15，知悉要等夠鐘 (14:30) 才可下單點下午茶。比預期提早數分鐘下單，原來又得喎？！早知不用乾等那十數分鐘...這份「香脆豬扒包拼什果沙律」的沙律份量實在少得不合理。香脆豬扒包包厚豬扒薄，豬扒鬆軟感不俗，整體味道評價不俗。相比之下，「香脆豬扒包拼薯條」的感覺充實多了，至少薯條即叫即炸，熱辣燙嘴。在機場吃一份茶餐三四十元大體上定價合理。「盛記」以粉麵專家自居，今次未嚐任何粉麵較難為餐廳客觀評價，暫給一個「OK」評級喇！

今日飛1500，因為搭廉航冇飛機餐，而且4個鐘機，所以上機前一定要醫飽個肚仔，一心諗住食X仔米線既，但撞正左中午時間，勁多職員等位，所以逼於無奈轉戰場，咁岩見到呢間茶餐廳，門口二奶架話叫招牌四寶飯送道地解茶細支裝，諗到可以飲完再用返個膠樽拎上機都幾好，唔使入閘再買水，於是就入左去。招牌四寶飯 $47四寶飯有油雞，叉燒，鹼蛋半隻同埋紅腸，附送菜心一條。我開頭以為個四寶飯會好HEA，但又唔係喎，仲比左隻雞鎚我!!XD 仲要啲飲好軟好熱!! 汁既份量剛好。野飲可以揀解茶或者解綠茶，我揀左解茶，去油解脂!!YEAH!!XD盛記魚旦河 $38朋友既魚旦河，冇咩特別，有兩款魚旦，有白魚旦同埋魚片頭，份量都算多，清清地，搭飛機一定唔會肚痛系列。XD

未試過食飯食得甘受氣垃圾！完全無服務，入座之後叫左一幾廿次先有人黎落單，仲要反哂我地白眼勁唔耐煩本身都諗住算數，因為午餐繁忙時間無服務態度我都體諒我叫左個牛筋牛腩飯，黎到食左一陣發現左條毛，我都覺得可能係一時唔小心，但愈食愈多條，唔對路，就甘保守搵到有5條出黎叫個店員過黎同佢講，佢完全一句道歉都無，直接同我講「呢d係牛根毛黎，甘你想點？」Are you kidding me? 附上相比你地睇 你話我知呢幾條係咪真係牛根毛？然後我叫佢幫我void左我個飯佢 佢話ok 我都已經好好無叫佢void成張單過左陣有個店員過黎比張單我地 無void到個飯 同行一個朋友杯野飲無黎佢仲走返黎鬧我地🙄🙄成間野根本不知所謂 無服務 無態度 無質素 根本唔知開黎為咩

服務態度差都算，但係豬扒肉丁面可以煮到咁難食真係未撞過………令到我呢個食肉獸都頂唔順嘅又柴又奇怪味嘅豬扒，硬到似肉乾粒嘅肉丁…再加半熟一丁，食左六啖，每款食兩次，真係唔掂，賣單走人，好野👍🏻可以煮到咁難食，令到我人生第一遍食評誕生。

我因在機場工作嘅關係時常喺機場四處覓食，而選擇亦很多，咁我今早就去左二號客運大樓盛記粉麵專家食早餐，我入到見座位都幾寬敞，而座位亦都唔算窄，咁就坐低就叫左個C餐，雞扒麵配煙肉炒蛋加牛油多士🤔，配一杯凍齋啡(可以提下神)，其實佢呢度餐廳職員較少，所以等左一陣先可以落到柯打😣，咁個雞扒麵嚟到我就見到佢地用個麵底係出前一丁嚟，雞扒係炸出嚟，而麵底煮得太林😣，之後煙肉炒蛋嚟到，我見煙肉煎出嚟放在碟上太多油😣，牛油多士就完全凍哂，我覺得一個$44早餐太唔值啦，需然我知道機場價錢係會高啲，但係呢間餐廳嘅食物質素差左啲，總體嚟講下次唔會再叫呢個早餐呢