發發快餐

營業中

休息中

是日午餐發發快餐免治牛肉煎蛋飯加粟米忌廉湯，連凍朱古力都只係33蚊，而家可以邊度搵😝半熟既蛋黃香味於免治牛肉攪拌，蛋漿與飯上免治牛肉混合之後，讓香味滲入飯當中，免治牛更溫潤軟嫩，最適合唔多想咀嚼既人食🙊朱古力味香濃，即使有冰粒溶化，都唔會影響其味道。希望發發仲可以係度😯屯門，因為領展不斷將舊式老店「滅絕」，可以食到正宗舊茶餐廳地方少之又少。

平時食得多連鎖酒樓歺廳快歺店，今天朋友帶我試下佢兒時常吃的快歺店，呢種店現在只有響舊式邨才發挖到。店內枱櫈，收銀及廚房都是保留七八十年代格式。店內最出色的有沙嗲牛面，鹵完再炸既肶及炸魚薯條。我地不太餓，所以叫了炸魚薯條同腿蛋奄烈。而則边枱枱都必叫沙爹牛面，牛肉大大塊，加濃列的汁，D餸可見份量不少。魚塊肉不腥，吉列皮少硬，反之薯條肉夠粗夠豐富奄列有蛋香，火腿切粗條，加了茄醬點綴，幾好味。食食下望下抬高頭望望水牌，原來有薄荷賓治，雜果賓治，紅豆冰，雜果冰，還有不同新地揀，價錢寫住$6.5😳，而奶茶咖啡寫$10，朋友說：'呢個價錢一定很久以前啦⋯⋯！' 😌係喎！好笑，走時還見對面枱的男人，吃完碗沙嗲麵，還把沙嗲湯一羹一羮咁飲🤔下次一定要試下！

近年不少公共屋邨商場大改革，當中以友愛邨及安定邨的變化最大。家人居於屯門，雖非在附近，但偶爾也會途經，看著毗連的兩個屋邨從親民商場合併成現在的《H.A.N.D.S》，不得不說句「桃花依舊面目全非」。眼見不少小型商場內的小店逐漸被連鎖店進駐及取締，沒錯連鎖店是有其存在價值，不過處處都是一式一樣的店舖，好像失去了不同地區原有特色呢。從網上看到有關《發發快餐》的報導，得知它是大改建下其中一間幸存小店，於是就趁這天要拿澳門手信給家人、順道到來看看。充滿歲月痕跡、八十年代裝潢的港式快餐店…也許有人覺得很老土，我卻覺得這是其特色…笨笨的我光看這個下午茶餐牌（上圖左邊），原以為（$34）只是其中一款食物配飲品而已，就算聽了店員的「解釋」亦不太相信是「從藍色字那五款中挑一款配公仔麵等麵食，再額外從下面紅色字那七款中多挑一款」。難以想像這份下午茶餐才三十多元而已，取餐後才相信是「事實」，如此份量確足以二人享用（可惜當日只有我一人），很實惠的價錢，這是公共屋邨的「正常」物價指數吧？！雞翼薯條，薯條是波浪紋那種，且現點現炸的，吃時非常熱燙燙。雞翼估計以豉油等等調味，看來是預先弄好一批，所以就只有微溫，勝在是

細個果時屋企人間中會帶我去啲舊式快餐廳食炸雞脾同粗波浪薯條，今時今日呢啲快餐廳已經所餘無幾咯，雖然我唔係屯門長大，但知道呢度就有呢啲懷舊嘢食，趁有機會就嚟回味下啦。呢次叫左炸雞脾飯，個雞脾真心好味，皮係脆同乾身嘅不過內裡係好嫩滑，炸得剛剛好，隻脾有淡淡嘅咸味唔會過份，配埋個洋蔥汁、白飯，兒時感覺返晒嚟！仲有餐湯加飲品，至緊要係果份人情味，希望日後再有機會可以光顧，發發唔好被淘汰。

很多舊式快餐店已經逐漸被淘汰。在發發快餐，會見到懷舊的餐牌懷舊的枱懷舊的垃圾桶。而且價錢很經濟，實屬難得！炸雞脾連薯條盛惠$32，淨雞脾就$26。薯條熱辣辣，不咸！而且沿用茶餐廳常用的波浪紋薯條。雞脾外表睇落一點都不炸，食落似鹵水黑椒汁雞脾！而且份量絕不欺場，大大隻。肉質很嫩之餘還保留到肉汁，一點也不滯！

其實現存還有不少冰室/老式快餐店，但每每都是臨結業~被逼遷等等先會被引起關注，然後突然18區都有懷念小店的人踴躍而至；魚子爸正正就在這屋村長大，十數年前我也想問他，關於這快餐店的評價，他的童年印象老是 煙竇、好多叔伯、試過食到肚痾的回憶 ^_^;; 但人大了，餐廳也禁煙了，然後又慢慢吸納返這群成長了的年青人，這次就第一次帶同魚子醬這個小小朋友來體驗一下真令人懷念，用淺碟來裝餐湯，醬汁湯料，總會在碟邊"Line"著，白雪雪忌廉湯與黑蚊蚊雜扒飯，還有那杯一放飲管，就會浮到就跌就跌ge可樂；價錢也跟著社會節奏而走，但肯定的是，一定吃得你捧腹離去；坐在窄窄的木凳，看著數十年前豐富得很的餐牌，現在超過九成都無再供應，想當年應該是一家要乜有乜的餐廳點了自選配搭的下午茶餐，沙嗲牛與炸魚薯條，幾乎是人人進來的選擇，看著那稠稠的沙嗲汁，跟湯米拌勻後就恰到其位，實在非常喜歡到每間茶記都吃沙嗲牛，在個人而言是最能反映每店性格的出品，發發的，值得一試。炸魚薯條絕對處於無得輸的局面，粗身波浪薯條，每次只炸一兩份，確保新鮮滾燙，這些都是小店的堅持，所以等候需時，魚柳金黃酥脆，內裡肉質非常滑嫩，完全不似是老店用急凍

話說一位多年朋友在fb登了一張吉列朱扒飯配咖哩汁,一問之下,得知地址,就去試下,第一眼看到店舖,有點懷舊,先要到櫃檯叫餐,再到取餐位取,大約10分鐘就整好,兩大片金黃色吉列朱扒,有兩隻手掌大,咖哩汁是分開上,咖哩味道比較甜而不辣,吉列朱香脆,但唔乾,仍有肉汁,40元包飲品真超值,而且收銀也十分好禮貌

說它是倖存者亦不為過，自從商場不斷革新洗刷下，昔日的對手呢？已幾近全無。朋友呢？亦所剩無幾，不斷的變遷，仍未消減街坊對此店的一份情。茶餐快餐，多年不變。點了茶餐，腸仔蛋即煎，那三位換了多次面孔的藍領，調的汁，煮那忌廉湯，灼的公仔麵，縱經歷不同的年代，味道亦一如往昔。落油鍋炸薯條時，望著他們對烹調有點漫不經意，隨意看看那個麵的狀況，又轉頭看看這看看那。看來，時間差不多吧，便一次過的拼拼湊湊，剛好把一份茶餐完成。腸蛋麵，一如以往，腸是先前煎過，到最後麵煮好時再放進去，不夠熱呢，只能混在湯裡找回多少暖意，但吃下去時內裡有點冷冰。蛋就立刻煎，油比較多，麵就弄得更快速，在滾水灼兩灼放上來，全蛋麵但不夠細味，飽肚的可以，說好吃有點太過。雞翼薯條，薯條新炸，算脆，有的差點炸不透。但炸起不夠時間除走油分，要自行多拿餐紙張隔，味道呢？我只能說維持多年的水準，普通不過不失了。說出來的好吃是多少滲透了那回憶的食物裡頭。我一直吃那A餐長大的，店內對話聲此起彼落，他們一路吃，一路說回那童年的味道，感慨萬千。閒話家常，食客跟老闆談弄孫樂，說起家事來……回憶承載了味道，此店一直被區內人士多次守護避過洗劫，除了那32

是咁的，因為工作關係就黎左友愛呢邊，就同事話專登睇下有咩屋村懷舊野，我就叫一於去一間叫發發既老式快餐店，就一於入去買啦因為太多人，無位坐，無奈之下就諗住叫外賣。一睇，大部分都係一D頹飯既款式，不過價錢只係24左右，一於叫左個免治牛肉煎蛋飯。至於野食方面，免治牛肉煎蛋飯真係名乎其實既頹飲，瑞士汁、肉碎夠，份量大，味道都OK既，至於同事叫左個雞脾炸薯條，雞脾肉多，炸得脆，不過薯條就麻麻。其實發發老店來，之前都同領匯爭左一輪，好彩都留番起到，而且價錢亦屬頹飯價，好岩附近既中學生。

我是屯門人.屯門出世.至今36年..但今天是第一次...不過他可以比番童年..和中學時代的回憶比我...............睇下每日快餐...十年如一日我同老婆買兩個餐(炸比飯黑招汁)和(腸仔牛扒飯黑招汁片)炸比飯=快餐...真係好快...5分鐘唔洗....味道同一般炔餐一樣...炸比都幾入味至於腸仔牛扒飯的牛扒是即煎的....正呀...只係加六蚊轉牛扒...都大塊架...呢塊牛扒真的比到我一點兒的驚喜味道中上....快餐店食到如始牛扒..絕對是超值....忌廉湯就不值一提........咖啡奶茶方面就.....有代改善.......呢啲快餐店真的買小見小...希望以後可以一直保留下來

2014/6/21近幾個月的周末課堂前我多數去大力齋廚吃午飯，但這星期餐廳正在裝修，所以今天就轉去其他地方搵食。忽然想起很多人讚的發發快餐，於是就去友愛村。安定商場及友愛商場都正進行改建，我在裡面找了十分鐘，才發現原來發發是在改建商場外的地方。門口小小的，肥大的我要打斜自己從門邊攝進去(這時候又想起食友某篇食文的內容 XD)，如其他食文所形容餐廳的確好細間，店內一半是廚房位置，一半是堂食地方，看來最多只坐到20人。黃色的木枱櫈都是狹窄型，一枱坐滿四人就會較為親近的了，兩邊牆身都裝上鏡子，鏡上貼有人手寫的餐單，最吸引眼球的是頭頂上方的黃膠餐牌，有飽歷風霜的痕跡，當中有不少是我第一次接觸的食物名稱，令我看得津津樂道。來到這些舊店，我就會好想吃炸雞脾﹑炸薯條﹑沙牛麵﹑沙牛包等等，講真，平時我都盡量不接觸它們，但不知道為何人在一些舊店的時候，總會有個魔力令我想吃那些在現今餐廳好少會有的食物。(講來講去都是"為食"姐 XD)除了早餐是供應到11點半之外，粉麵茶餐﹑西多士﹑炸物﹑奄列等等都是全日供應，即是話早上都可以吃到炸雞薯條，勁﹗是日午餐有六款，送湯和小杯汽水/熱飲，不到30元，尚算經濟的，而

住了屯門十多年,近來聽見屯門有間港式快餐挺有名,由於今日要到屯門市中心附近辦點事,那不如順到到快餐店見識下吧,到達快餐店門口,發覺今日唔係好多人,入到去後,見到內部裝修幾有舊式港式快餐店的味道,是次到來,由於想不到有什麼好食,於是點了一個午餐來食,午餐是腸仔雞排飯,栗米忌廉湯,先說說個飯吧,腸仔同雞排一般般,但個汁幾濃,配飯食,唔錯,栗米忌廉湯,這裡飲的忌廉湯比較稠,有些人可能唔喜歡,但合我口味,是次午餐連凍飲都只是30蚊,總括來講,食物方面只是一般,可能我未食到招牌菜掛,但價錢就大眾化,但最重要的是那種舊式港式快餐店味道,我想我下次會再來嘗嘗招牌菜

今朝早一家三口嚟到我兒時常去嘅發發快餐食早餐,  同舊時一樣係大碟夾抵食 每個早餐都係一碟粉配腿治/蛋治，加飲品 (凍飲加$2.00)早餐A $23.00--火腿通粉, 有四塊火腿, 坊間多數比火腿絲, 夾埋都唔知有無呢度一半.早餐B $24.00--雪菜肉絲米, 啲餸勁多囉, 味道又唔錯. 早餐D $26.00--沙爹牛麵, 牛肉無鬆肉粉味 (好怕食到勁多鬆肉粉嘅肉), 沙爹味濃 三個早餐都係配蛋治, 餡料一啲都唔馬虎, 正! 凍OT-檸檬與茶比例剛好. 阿華田亦足料, 唔落糖都OK, 唔似坊間果啲唔落糖就淡如水

長輩在屯門, 經常行過友愛食發發, 價錢超平, 地方夠70-80年代連帶其招牌快餐-今時今日的香港地都沒太多地方供應了每日都一樣的粟米忌廉湯, 第一次去夠傳統第二次又差了, 少了忌廉香味及粟米甜味我點了炸魚柳飯配0加喱汁, 這一種街坊食店炸魚柳當然不會很好但好彩, 可能發發夠平 人客夠多, 食物流轉得快炸魚柳還是很熱又夠脆, 0加喱汁ok啦, 份量夠大另一茶餐夠抵, 一款面食加一碟炸雞翼薯條再加飲品 只要$28但味道平平! 薯條炸耐變硬見師傅使勁大落salt, 好咸!食過三次,都係飲奶茶, ok, 飲得過!環境服務方面, 當然夠"街坊風味"啦,但如此地方, 我怕領匯下- 唔知仲有幾多次食了

我在友愛村已住上三十年以上 ，發發快餐店亦由細細個開始幫襯~眼見近年屋村商場被＂領會＂接管，食肆也被關閉 重新招標，令村內僅有的食店十分＜喜市＞！就在今天我和媽媽到發發快餐店食個早餐，取餐時我只不過叫廚房師父俾一杯暖水我，到頭來居然會換來一句"問候"!!試問道理何來？！？重看很多對發發快餐店的食評 都以平 好食 居多，但如果食客還可以忍受呢啲＂攻擊性的粗言穢語＂ ，請便！