發發快餐

營業中

休息中

屯馬線開通前已經知道有呢間老牌快餐店，記得係推介佢哋嘅煎蛋免牛飯。今日三父子入屯門行山，決定去發發醫肚先。11:15左右，仲有早餐食，哥哥之前已經試過佢地牛扒煎蛋餐，今次決定都係食呢個，唔洗解釋啦！細佬第一次嚟，選擇了雞扒煎雙蛋，同嗰D連鎖店冇得比，因為所有嘢都係即叫即做，亦不用等太耐，好味道！我就決定食快餐，猶豫咗一陣食黑椒牛扒飯好定食煎蛋免牛好呢？大家都係$46，牛扒好似抵啲。跟餐有碟忌廉粟米湯同一杯飲品。粟米湯味道正常，牛扒亦好味，黑椒汁唔太辣，反而我覺得飯比得太多，食唔晒有D浪費。兩次用餐經歷都十分愉快，不枉長途跋涉入嚟幫襯！

今天早上媽媽擺烏龍，以為是身體檢查，她叫我起床陪她檢查，結果去到診所時，登記人員說後天才對，星期三要再來過。趁著早起的空閒，當然要吃過醒神早餐，媽媽提議吃連鎖快餐店，我才不要，我要去發發快餐吃早餐。原來媽媽完全不知發發快餐的存在，我說我偶爾也來光顧這裡的炸雞腿，免治牛肉飯，大碟兼抵食。發發快餐可是其中一間香港碩果僅存的舊港式快餐店，之前曾被領展逼遷，幸好最後不成功，現在才能繼續品嚐這舊情懷快餐。在發發快餐用餐與一般快餐店無異，都是先購票，後取餐，我問好媽媽想吃甚麼後，便去購買。當我把早餐拿到媽媽眼前，她驚訝份量如此多，且價錢比連鎖快餐店便宜，我真的沒推介錯。媽媽點了雞扒多士煎雙蛋配凍奶茶，雞扒比手掌還要大，雖沒有醬汁，不過雞扒裡有黑椒提味，雞肉外脆內嫩滑。凍奶茶的茶和奶比例掌握得非常好，喝到奶的滑溜，亦嚐到茶的郁香，妙不可言。至於我就吃雪菜肉絲米，蛋治配凍朱古力，雪菜肉絲米同樣是重量級，滿滿的一碟，米粉軟硬度恰恰好，爽口彈牙，媽媽嚐了幾口雪菜肉絲米，大讚雪菜鹹得開胃，不像平日所吃的雪菜淡而無味，之後她也會來這裡買早餐上班吃。繼凍奶茶後，凍朱古力是我另一喜愛的飲品，朱古力極度濃厚，即使冰

今次又搵到西好食，中哂平靚正嘅要求呀，就係 v city 行過少少就有得食，一入去係好懷舊嘅港式漢堡包店，都係上左年紀嘅公公婆婆打理，富有呢個人情味，例牌叫左個其一港式招牌 #炸雞脾薯條餐 $34，唔洗岳母比都有得食 😛 可惜隻雞脾就唔爭氣，外皮唔脆兼炸得太耐，啲肉質都較硬，不過個粗薯條就正啦，啖啖熱薯好正，淨叫薯條餐就 $22，包埋野飲 ✌🏿 一定要食嘅係呢個 #煎蛋免治牛肉飯餐 $34，個份量真係大到痴左線，先唔講個餐已經包左杯餐飲同埋一大兜粟米忌廉湯，個飯真係巨兜到，兜過你塊面嘅 double，實測應該有 3 碗滿嘅白飯，兩隻煎蛋，海量免治牛肉醬，最中意汁撈飯，個肉醬足料又好味，深水埗果間係西式最窮靚正嘅代表，呢間就係港西式嘅窮靚正代表 🤤❤️-發發快餐屯門 H.A.N.D.S S 區 2 樓 S-208 號舖

細細個係友愛返學，屋企人好鍾意帶我黎發發食煎蛋免治牛肉飯，不過大個畢左業就無再去，過左十幾年都有，以為已經執左，但同屋企人傾開先發現原來發發仲係度！！於是專登去重拾兒時的滋味。本身同自己講唔好抱太大期望喇，都過左十幾年，味道應該唔同架喇…不過食落口既第一啖，兒時既感覺出返哂黎…好感動呀…汁夠多！隻蛋仲係流流地心！最重要係味道…味道水準仍然如舊，呀…好懷舊既感覺，食完好有衝動返母校走一圈。依度叫快餐，所以落單買飛之後，好似大快活同大家樂咁要自己去比飛，跟住等…然後自拎餐具，嘻！好鍾意依種懷舊既感覺！三十幾蚊有飯有湯有餐像，重點係有懷舊氣息既餐廳…大家經過，又或者去開屯門去試下呀！誠意推薦兒時回憶：煎蛋免治牛肉飯！不過都見好多人食扒飯，下次試下先！

平民式快餐已經買少見少，如果在屯門區 遊玩，一定要幫襯這間發發快餐，因為這間快餐店歷史悠久，之前仲上過雜誌，出曬名沒有服務，最緊要快靚正，超級港式地道， 老闆請釋囚做夥記， 千祈唔好期望佢哋會對住你笑，但係佢地做嘢就快手、乾淨、俐落(好鍾意睇住佢地整野食)，正宗快餐店就是如此，味道說不上很出色，但一試難忘，因為他的味道會深深的印在你的腦海裏，絕對是街坊之選。平民得來又好味，推介炸薯條，因為係即叫即炸，保證一定熱辣辣。

中學lunch當發發係飯堂，平靚正見網上有報道介紹個老闆，就諗起好耐冇食，要去回味下全店最好食仍然係免治牛加煎蛋免治牛個汁好多，每一啖都食到d汁，幾乎汁多過飯！味道仍然調得好好~真係有細肉粒，食落香濃，又唔會濟！上面嘅煎蛋都係重點，見佢即煎幾下就上枱，滑得嚟又有蛋汁，仲好香蛋味配埋個飯真係無敵朋友叫咗個雜扒飯配洋蔥汁加雞肶~雞牛腸仔都係普通餐廳個d雪藏扒，食落幾淋，正正常常咁。朋友就覺得d飯太濕，加埋滿瀉嘅汁整體都太濕喇！我就對飯冇乜要求嘅，覺得可接受雞肶唔好食！d肉又實又咸，好似煮咗好耐先賣得出咁餐湯就罐頭湯，濃但味道麻麻真係得免治牛煎蛋冇變過！

周六同家人去發發食個lunch,真係好多年無食過，2點左右都幾多人。細個最鐘意食呢度既黑椒牛扒意粉，所以睇左一陣餐牌都係決定食返呢個。堂食跟餐有個餐湯，粟米忌廉湯，咁多年都係呢個味道，大大碗結結地好多粟米，懷念😌黑椒牛扒腸仔意粉，廚房哥哥問我地8成o唔ok😂不過對我來講我分唔到。而家來講，呢度相比附近餐廳算係大大碟，而價錢又合理。牛扒仍然係個種味道，係個黑椒汁無以前咁辣，反而甜味重左，易入口左🤔意粉就少少碎，但係應該炒過，有口感既意粉來的。

呢日舊地重遊，番到以前校園時代嘅聚腳點：屯門友愛小區。呢個小社區近幾年變化巨大，以往特色本土小店、餐廳，甚至街市林立，自從領匯集團收購後黎左個大翻新，將街市改建為商場，各式小店自然被踢出局，換來大商家進駐。幸運的是，呢間本土懷舊快餐店坐立嘅位置尚未被領匯侵蝕，得以延續，同時亦有一班老街坊、熟客仔、學生哥默默支持住小店經營。呢幾年上左大學少左走黎呢個小區，今日再黎幫襯發現以前嘅特色依然保存得好好，懷舊嘅裝潢，手寫嘅每日特色快餐，自助形式嘅服務，每一吋都充滿住香港人嘅誠意同拼搏精神。點左一個普通不過嘅常餐，價錢依然十分便宜。食入口嘅係濃濃嘅懷舊風、人情味。

今日小編又開始偏遠地區計畫尋找他鄉的沙爹麵，今日黎到呢間超過30年～黎幫襯既多數都係附近既街坊或者已經搬走左既舊街坊返黎懷舊一下呢間快餐店之前都有上過電視接受訪問，快餐廳老闆退休就比個仔繼續接手搞落去，雖然由新派人接手但內部既裝修係完全冇變，係舊d但真係好有feel呀小編叫左沙爹牛肉麵、母親大人就食豬扒麵，包埋野飲都只係56元，真心抵呀！價錢好似一樣都係懷舊價～係非常有良心既小店以為佢價錢平d野食唔慌好味啦，就錯啦！食物水準超過好多所謂有名茶餐廳、沙爹麵真心唔錯、當然沙爹唔係極度濃厚啦但整體係好味既，沙爹汁夠多、牛肉小編唔食所以唔知啦（目測應該👌🏽）d麵真係100分！唔硬唔軟剛剛好，口感唔錯另外佢地既豬扒真係大塊過你塊面、母親大人都話好正！2個人食個午餐都只係56元，真心好抵食呀！又唔係hea飯！真心推薦

發發曾經係我嘅童年回憶，我一心打算去回味一下。點知去到，員工態度極度惡劣，我嘅童年回憶一下被打破晒。喺非繁忙時間，我叫咗個雞脾飯少飯。好快五分鐘後廚房師傅做好我個餐。我一睇飯分量大大舊，汁只有半湯匙咁多。明顯師傅搞錯我張order，由少飯，搞錯成少汁。我一心同師傅講翻，希望佢知道自己搞錯order同幫我加翻啲汁。去到廚房嗰邊，我企喺師傅面前，好心好氣咁同師傅講佢整錯我張order，點知師傅掛住睇佢放喺出餐枱嘅電話，望都冇望過我， 何況係理我。過咗半分鐘後，隔離水巴師傅先問我咩野事。睇緊電話嘅師傅終於望翻我個飯，態度輕佻不突止，仲理直氣壯話我個飯已經係少飯，正常汁。我相信食開發發都知，汁嘅分量可以包覆成個白飯，但我個飯啲汁只係平時嘅三分之一。事實擺在眼前，我個飯明顯係比正常少。因為我好確定師傅係俾少咗汁我，所以我再叫師傅睇清楚先再確認我。但態度回覆依然不變。擾攘左幾分鐘後，第三個師傅出現，佢睇翻我張單，先俾翻啲汁我，我都再冇心機追究誰是誰非，死死氣拎走個飯。點知翻埋位，我聽到師傅嬉皮笑臉話我態度洗乜咁激動。自問我態度好過佢。三個男人圍威喂笑我激動，我嗰下真係㥛度覺得唔合理同生氣。老實講本

住了這一區很多年了，一直沒有吃過這間在友愛的老字號快餐，所以我並沒有其他屯門友所謂的「集體回憶」，一直都想去試一試此店的懷舊風味。這天趁著有空，加上最近想試多一點自己區內不同的美食，特地走了半小時來一試它的真偽。其實雖然身為一個屯門友，但對於友愛安定這一區因為比較少來的關係而不算太熟，找了5分鐘才找到它的位置，可能區外人來的話要花多一點時間找。店舖門口跟照片上的一模一樣，紅底黃字，開業三十多年不變，店內的桌椅還是保留著舊式快餐店的鮮黃色，有種舊區的味道。在屯門可說是難得一見，屹立三十年以上的廳沒幾間，光是這點已經很值得去光顧一次。來之前有看過其他食家的食評，很多人都推介吃這裏的必點招牌煎蛋免治牛肉飯，剛好這個出現在當天常餐餐牌中。跟一般的快餐店一樣，都是採用先付款後取餐的方式，買完餐拿單給師傅，蛋是即叫即煎的，不消一分鐘便做好了。跟餐有忌廉湯和飲品，湯的糊度週中，是預期中的罐頭貨色，對得住價錢。至於飯方面，這裏的茄汁肉醬調味非常不錯，不會過鹹或過甜，用來送飯一流，而肉醬有咬口，明顯能咬到牛肉碎，飯跟汁的比例亦剛好，雖然我個人偏好多汁但這裏的肉汁很夠味，拌勻吃不會吃到一口淡口的飯。飯上面

喺屯門住得耐都差不多會知道的舊式快餐店，發發快餐店屹立不倒三十幾載，不變的是依舊有賣豬牛雞扒飯，4款醬汁(黑椒，咖哩，茄汁，洋蔥汁)，還有雞批炸薯條。價錢依舊快靚正。店內環境非常舊式，但別有一番風味。今天要了快餐E煎蛋免治牛肉飯 加凍飲才36蚊，還有粟米忌廉湯，餐湯味道非常舊式，係回憶嘅味道免治牛肉飯的煎蛋一篤，蛋漿溢出與醬汁混合，酸甜適中，非常好味。其實除咗免治牛肉飯外，他們的沙爹牛肉都非常出色。希望發發快餐店還會繼續經營

嚟到屯門搵食！緊係要食發發快餐😝係門口都覺得好有特色，入面既枱枱登登都好有feel，保留左80年代既裝修，有種回到過去既感覺🤣太鐘情舊事物喇🤫👉🏿✨快餐 煎蛋免治牛肉飯 Hkd 34 💸📌呢個餐會包埋餐湯同野飲，咁既價錢好抵喎！當然食物質素都好好！佢既肉醬係多到食晒啲粉仲有啲醬係到，咁就唔會食到乾真真啦！加埋煎蛋啲蛋準一流呀🤫而我最中意就係佢個餐湯，做到好入味又濃郁，仲要個底有粒粒甜栗米，正喔☺️👉🏿✨炸雞脾薯條 Hkd 34 💸📌聽聞又係必食！不過呢個就普普通通啦，個人覺得雞脾會有小小乾，不過入面啲雞肉就好嫩滑既！而且薯條係超超超大份呀🤫包埋杯野飲，都ok wo ~

一間由細食到大既光速快餐店，基本上我係獨孤一味只叫煎蛋免治牛肉意粉。30年黎不變只得一款用碟上既粟米忌廉湯，飲極都唔厭，加上美味份量又充足既肉醬，超平既套餐價錢(30年前廿零蚊到依家套餐連湯，凍飲$35) ，因為發發我重來都不會再係其他地方食免牛飯，基本一定唔會夠發發咁好食同抵食。而叫佢做光速既原因係，只要不是太繁忙，佢地可以係30秒做起一個餐俾你，一個沖嘢飲，一個煎蛋同畢湯，一個畢意粉同肉醬，我最快試過28 秒就做起俾我了(我真係有計時，由俾單佢開始計)。唯一唔好既係有時佢地d飯會太淋太濕，所以近年黎我只會食意粉，而且特別鐘意食依種港式茶餐廳特有既粗身意粉。其他既款式可以一試既係沙爹牛肉飯同雞球飯，依類多汁同重味既碟頭飯，只要嗰汁ok就唔會點死錯人，不過我覺得都係偏鹹了些，始終免治牛肉既味道係最啱啱好慶幸咁多年發發都無受到領展太大既影響保持到食物水準之餘價錢亦維持係屋村平民既水平，希望依種真正既小店可以繼續生存落去

小時候在屯門居住和讀書，時常會到發發快餐吃午飯，因為很抵食。到了三十多年後的今日，仍然很抵食，現在多了一個賣點，就是賦有傳統風味，在現今香港已經愈來愈少有了。上星期五提早放工，特意坐輕鐵到安定站，與屯門舊友重拾回憶。下車便是友愛商場，店鋪處於商場的外圍，如非屯門人，可能需要問一問路，但不算太難找。點了我最喜歡的黑椒雞扒腸仔飯，朋友點了茄汁雞肶飯、雞肶薯條餐。33元一個快餐，凍飲不需加錢。一個快餐非常飽，而且味濃！下次光顧要試試出名的免治牛肉飯。注意：快餐汽水可以轉加大，但會少了粟米忌廉湯，如果又想加大又想有湯，只需加1元，十分超值！老闆娘話，租約還有一年多到期，未知會否續約，要吃就要快。