影片
開飯介紹
品牌主打多款日式丼飯，有牛肉、豚肉和雞肉為主料，配搭不同口味和日式小食，為你快速準備豐富的一餐。
繼續閱讀
營業時間
今日營業
11:30 - 21:00
星期一至日
11:30 - 21:00
以上資料只供參考, 請與餐廳確認詳情
食家推介
相關文章
喺太古坊返工 食lunch嘅選擇好多～ 當然豐儉由人啦～ 貴嘅唔一定好好食 平嘅都唔一定係差～ 而呢一間日式丼飯就係我外賣嘅首選😍😍😍選擇多之餘價錢合理又好味 🤩性價比超高啊👍🏻👍🏻👍🏻 用app落訂單再自取😎落到去唔使等即刻有得攞😎 我今日叫咗滑蛋鰻魚 超足料😍 個蛋真係好滑 條鰻魚個份量都唔少 😎 好好味 仲熱辣辣 🔥🔥🔥 誠意推介💕有時真係諗唔到食乜嘢 但又唔想出去同人迫 呢間確實係一個好好嘅選擇～
繼續閱讀
記住嗌飯要早少少預備，咁你就可以安安樂樂行去攞。跟住我就撲去食我嘅意式茄汁雞扒蛋蓋飯——茄汁由幼滑變身做咗精彩嘅甜酸，雞扒煎到啪啪聲，外層脆得嚟又維持咗嫩滑中心，嗱，一啖落去豐富多汁！味道正到飛起，還有一簇粟米，隨雞扒嘅香氣蒸發上嚟，真心滿意。講轉啲小食，我點咗日式炸餃子，外脆內軟，嘩，簡直係屋企煮嘅都未必咁正。再加上啲醬汁，微微地酸，好正！唐揚雞件件都炸得啱啱好，外面金黃，入口就係瞬間融化，肉質鮮嫩得黎汁都飛出泥，非常惹味。朋友叫咗壽喜燒牛肉湯烏冬，肥牛片片厚實，游泳喺自家調製嘅甘甜醬汁中，湯底優雅，烏冬Q彈，一個字—正！啲配料仲一應俱全，都係每一啖都感覺得到思家味嗰種層次分明。Post完食評，又食晒啲好嘢，心情實在唔錯！下次記得要試埋其他味道，撐唔住再嚟轉轉！👍🍣🍜
繼續閱讀
喺OpenRice睇到呢間日式丼飯外賣店，價錢相宜幾吸引，於是就決定試試日式咖哩吉列豬扒飯🍛$50吉列豬扒同咖哩飯分開放，唔會令到豬扒淋晒，而且拎到返去先開始食，啲豬扒仲係脆口嘅🤤咖哩嘅份量亦唔少，配飯一流，整體性價比高👍
繼續閱讀
要去鰂魚涌搵午餐食，大多數都會遇到好多人排隊嘅問題，但係呢間舖頭專做外賣，所以速度會比較快餐牌上面有唔少選擇，價錢都算係喺鰂魚涌比較相宜今次我揀咗食Wasabi手撕雞飯，本身諗住同石門一間名牌大排檔嘅味道差唔多，所以就揀咗呢款飯嘅份量唔算太多，手撕雞肉都唔會嚡熠熠，但係味道就唔會真係好似大排檔一樣我會建議餐廳俾多番少少菜，因為呢一餐好明顯得碳水化合物同埋蛋白質，就少咗少少纖維，但係整體賣相都算唔錯
繼續閱讀
【鰂魚涌。性價比爆燈外賣丼飯便當】 #胡麻醬手撕雞飯大驚喜。胡麻醬手撕雞飯 $50滑蛋吉列豬扒丼 $52鰻魚串 $40/2條七味脆辣雞中翼 $42鰂魚涌返工嘅朋友可能都好熟呢間日式丼飯外賣店，選擇多，價錢親民，仲要好食！胡麻醬手撕雞真心高質！醬汁夠香濃，雞肉又夠嫩滑，食落去又過癮又好味；個吉列豬扒煎得啱啱好，外脆內嫩，層薄薄嘅金黃色吉列皮係幾出色，而滑蛋係好滑身，值得一試小食方面燒鰻魚串，味道鮮美，燒到有微焦，恰到好處！鰻魚肉質鮮嫩，大推介！七味雞翼小小辣多多脆，好開胃
繼續閱讀