生記飯店

營業中

休息中

生記搬咗嚟三湘大廈之後，來過2次食晏，有一次是新年時一圍12人。兩次都覺得老粵菜做得幾好，服務不嬲都係好一般，都習慣以前生記係咁㗎啦。 復活節假期嘅星期日專登訂位帶屋企人由九龍過嚟灣仔食晏，兩日前訂位（其實嗰日去到只係得五六台客），星期日早上11點再特登打電話過嚟訂豬膶枸杞，當時接電話嘅阿叔叫我”有㗎啦唔使訂，你來就可以啦” 我哋1点去到，蝦多士佢話冇我都算啦，佢竟然話豬膶都冇！我話訂咗，嗰位阿叔就唔理我擰轉身行咗去，跟住另一個侍應指示我去櫃位同另一位阿伯講佢竟然話”豬潤未到”，咁我問佢點解之前應承我，佢都係話”豬潤未到”跟住就擰歪面唔再睬我! 😡一句對唔住或者唔好意思都冇，我哋一家人唯有起身走！🤬可能我唔係豪客，又或者佢哋嘅服務方針係要零尊重先啱！好彩嗰日我唔係請客，如果唔係就尷尬死！😤

生記已經開左接近半個世紀 係老字號嘅中菜館仲榮獲13次米芝蓮推介 證明食物好有水準平日晚未夠7點已全場爆滿 記得一定要訂位呀懷舊金錢雞呢道懷舊手工菜好少地方有得食 梗係要試下啦一層肥一層瘦豬肉夾住雞肝 好神奇地塊肥肉一啲都唔油膩 帶少少爽口加左麥芽糖去燒 成個配搭香甜甘香枸杞浸豬膶一張相話你知乜野係招牌菜 每枱必食第一次食到咁正嘅豬膶 爽脆腍滑冇腥味厚切更加食到外脆內嫩嘅口感 加埋蒜子勁香生煎蓮藕餅豬肉加入蓮藕碎 食落好爽口 煎到金黃香脆古法鹽焗雞同平時喺其他酒樓食到嘅鹽焗雞好唔同呢度嘅雞皮金黃香脆 雞肉嫩滑多汁 難怪係米芝蓮推薦菜懷舊蝦多士超多蝦嘅蝦多士 多士上面有座蝦肉山咁蝦肉鮮甜爽口 多士香脆 加上芝麻 酸甜醬汁 有啲後悔淨係叫左4件咁少 唔夠喉蒜香九肚魚炸粉夠薄夠脆 九肚魚好滑好鮮甜 蒜香突出又冇椒鹽咁鹹 唔錯食完埋單仲送左大大碟白糖糕做甜品清甜得嚟帶d微酸 口感鬆軟 爽滑Q彈絕對會再幫襯呢間懷舊中菜

聽過生記的名字已數十次，但今次才是第一次來。是剛搬到的新店，既被稱為米芝蓮經典粵菜，當然有所期待。朋友指名要黃沙豬潤，我必食义燒、生炒骨，但中午原來是沒有泥鯭弼，於是改了手磨生煎蓮藕餅，古法製鹽焗雞、椒鹽九肚魚。原來新鮮黃沙豬膶，係好搶手難買，要與供應商保持良好關係才可確保優質貨源，所以每日只能限量供應。黃沙豬膶與一般豬膶不同，食落好有質感，不乾身，好有水份，但我不好豬膶，尤其那味道，不過湯及枸杞有鮮味的。生炒骨完全不覺有粉醬，肉嫩，而且汁濃郁，好醒胃。义燒最見真章，見證師傅的功力。朋友之前已食過數次，她說依舊好味，相信師傅依然保持水準。至於炒麵及白糖糕，就不過不失。

生記飯店多年來都是城中食家飯堂，久仰大名，搬到新位置後，今年又成為米芝蓮推介餐廳。這幾天復活節假期，一家人決定留港消費，終於有機會一嚐這家實力派中餐館。椒鹽魷魚鬚，鮮嫩的魷魚鬚，炸至香脆並灑上椒鹽調味。口感酥脆，搭配著濃郁的椒鹽風味，非常美味。是一道不可錯過的開胃菜。上湯枸杞浸厚切豬膶，豬膶當然是主角，浸泡在濃郁的上湯中，並加入了枸杞的香氣。豬膶肉質鮮嫩多汁，與湯汁的滋味完美融合，帶來豐富的口感和營養價值。生煎蓮藕餅，這道傳統的家常菜百吃不厭，蓮藕餅煎至金黃酥脆，下飯佳品。嚐過開胃小吃，生記的燒味同樣精彩，首先是叉燒，嫩滑的叉燒肉質鮮嫩多汁，表面烤至微焦，帶有甜味和獨特的香氣。它的口感豐富，非常美味。經過烤製後的乳豬呈現出金黃色的外皮和嫩滑的肉質。它的味道鮮美，肉質鮮嫩多汁，是一道令人垂涎欲滴的菜品。古法鹽焗雞，鮮嫩的雞肉經過鹽焗後保留了雞肉的原汁原味，口感清爽，搭配著微鹹的風味，非常美味可口。咕嚕肉，外酥內嫩。口感酥脆多汁，帶有甜酸的風味，非常開胃。接著是柚皮，這個時候上一道清新的冷盤，開胃提神，柚皮口感爽脆，帶有淡淡的柚子香氣。我們吃得興起，意猶未盡，還點了杏汁白肺湯、砂鍋菜煲、砂

呢間餐廳入選米芝蓮必比登推介 (2023-2024)，門口既牆上面掛滿左證書，一眼望落去都幾有氣勢架。餐廳地方好大，但午市客人唔多，我地坐果個廳什飯時間就只有2枱客人，但服務員算幾熱心，會主動過黎加茶加水，又會推介菜式比我地。但整體價錢偏貴，而且食物好細碟，性價比唔太高。《$168 椒鹽鮮魷》 ⭐️⭐️⭐️⭐️鮮魷肉質彈牙，食落完全唔韌，另外粉漿好薄，唔會食到成口油淋淋，調味剛剛好，唔係一味勁落椒鹽味粉，咸味唔會蓋過魷魚本身既味道。《$148 菠蘿生炒骨》⭐️⭐️⭐️⭐️有鑤氣，排骨炸到外脆內軟，啖啖肉。個汁都好開胃，唔會太酸唔會膩，亦都唔會話好厚身，加埋青椒同菠蘿，色香味美。《$90 是日燒味 - 叉燒 (午市優惠價)》⭐️⭐️⭐️⭐️午市一份得6-7舊，有蠔油豆做伴碟。雖然切得算厚身，但收$90仍然覺得唔太抵食。半肥瘦既叉燒燒到有少少燶邊，肉質彈牙又唔柴，配蜜汁甜甜地好好食。《$90 馬蹄蒸肉餅》⭐️⭐️⭐️肉餅好厚身，有質感，咬落肉質鬆化，有彈性，而且滑嫩，可惜食唔到馬蹄口感。《$90 韭黃蝦仁炒蛋》⭐️⭐️蝦仁爽彈有蝦味，可惜個蛋炒得有少少老，冇左滑既感覺。味道唔會咸，正正常常既家庭小菜。人均消費：$150環境

公司聚會，居然發現這裏的好好吃豉油皇中虾🦐虾肉色泽金黄、口感鲜嫩，咬起来弹牙鸡油咸肉蒸海马友海马友用鸡油咸肉蒸，肉质爽滑和鲜味即烧BB猪选用是优质的BB猪肉，香味四溢，皮脆肉质鲜嫩多汁。生煎莲藕饼每一口都能品尝到莲藕的鲜甜和饼皮的香脆，必食推七味腰果牛柳粒牛柳粒嫩滑多汁，🥜 腰果的香脆和独特的口感，为这道菜增添了层次感渝味爆肥肠肥肠脆爽入味，口感劲道，伴着一些青辣椒，吃起来有点像虎皮尖椒，我真的太爱❤️这个了👍

今年年初遷往新地址(其實都係灣仔區)，己有多年榮獲米芝蓮推介；咁啱有位外國朋友旅行黎探我，我緊要盡地主之誼，帶佢地試下傳統粵菜，等佢地返到老家，推廣下香港，挀興經濟，夜繽紛一下🌟雖然新裝修，但都保留左傳統舊式中菜館既味道💥蜜汁叉燒應該用左梅頭部位，肥瘦適中，咬落肉質鬆軟，肉汁鮮味；再配上特製蜜汁醬，入口帶有甜味，配合得剛好! 仲帶有微焦香，十分喜歡!💥蒜香九肚魚即叫即炸，外脆內軟，唔會太油膩，肉質好嫩滑好淋，有魚味加上蒜香炒過，更加香口惹味💥薑蔥焗生蠔薑蔥炒得非常好味，生蠔夠大隻而且嫩滑唔無腥味，啖啖肉好味道💥家鄉梅菜扣肉扣肉做到香濃而不膩，入口即化，呢D先係極至；梅菜甜甜的，好好餸飯，水準一流!💥金銀蒜蒸魚雲魚雲肥美，入口鮮甜嫩滑；同時用左新鮮蒜蓉蒸，惹味至極；再用茄子伴底，吸晒魚油香和蒜香既精華，咬落滋味無比!💥乾炒牛河河粉經過特殊烹調保持彈性和口感，配上嫩滑牛肉片簡直係完美搭配；再加入左芽菜、九王等爽口配料，增添豐富度和口感層次!🌟雖然係老字號飯店，但各員工既服務態度非常好! 本想叫馳名既"家鄉缽仔焗魚腸"，可惜己經沽清! 所以請緊記要BOOK定枱同訂埋呢款餸，鋪位係大左，但人都

家人回港，要找一家有水準中菜館；因為家人喜歡吃雞。即時想起生記飯店。甫一進門便見到眾多的米芝連推介。餐廳環境闊落舒適，裝修雅致，店員服務殷勤。粟米魚肚羹湯羹濃度適中，沒有太多的漿粉。味道清淡中帶點魚肚的鮮香，不錯的開胃湯品。菠蘿生炒骨酸酸甜甜，老少咸宜的一度菜；排骨肉多骨少，軟熟之余有彈性，超好味！古法荷葉蒸雞生記一向以雞聞名。半只蒸雞，份量有點喜出望外；荷葉古法調味帶開胃香味，蒸雞鮮味有質感，推介之選。贈送甜品傳統白糖糕久違了的傳統小食，懷舊情懷爆燈！

晚上跟家人去了生記，主要是看一直的食評都很不錯，覺得是家常菜，但不算驚艷。預定了炸子雞，量很足，但是皮做的不夠脆，肉質中規中矩，味道是不錯的，雞身偏肥。雞油蒸馬有，好吃的，但是偏鹹搶了魚的鮮味。菠蘿生炒骨，好吃的。被安排在靠窗邊的位置，枱同枱之間位置比較貼近，比較嘈雜如果要傾偈嘅話唔係太合適。服務態度尚可，但是樓面人手不足，可能需要啲咩就要啲時間啦，但係上菜速度是很不錯的。總體感覺比較專注遊客，老闆熱情地帶遊客周圍參觀餐廳嘅設置和親自上菜。

米芝蓮的名聲就吸引我一試這店,這裡有很多懷舊菜,但一定要預訂,這個需留意。生記招牌古法鹽焗雞,果然名不虛傳,肉質嫩滑,味道鹹香不會只有鹹味,雞皮不可錯過因做到乾而不濕。家傳手磨生煎蓮藕餅,大廚大廚用上了蓮藕粒混合了豬肉及鯪魚肉,口感有蓮藕粒的爽脆及肉餅的濕潤,而且煎得香脆。招牌砵仔焗魚腸,這個完全沒有半點腥味,真的非常難得,可品嚐到魚腸的鮮味,而且上枱時熱度爆燈,簡直是停不了口。蝦籽古法扣柚皮,建議大家試試懷舊菜,這個已經比較少餐廳做的,柚皮夠淋身,大廚處理得不錯使柚皮的澀味清走了,只留下果香的味道。原件煎曹白鹹魚,鹹魚有梅香的味道,鹹中帶鮮,煎得香口。白糖糕,質地綿綿軟軟但有點點咬口,味道不會太甜而且帶點酸味。味道: 試得推介環境: 熱鬧衛生: 整潔服務: 殷勤價錢: 超值

曾經因為菠蘿生炒骨去食飯，今日卻因為飯店再獲米芝蓮推介而食飯。今次冇叫菠蘿生炒骨，反而叫咗其他餸菜。🌸招牌砵仔焗魚腸蛋皮微焦脆，蛋包着魚腸，另有膶和叉燒，口感軟滑冇腥味，食完都冇油膩感。🌸懷舊蝦多士蝦多士鋪滿芝麻，蝦膠大大粒，口感實淨，多士香脆唔油。🌸生記招牌古法鹽焗雞鹽焗雞的皮乾爽，肉質有嚼勁，味道冇過鹹而係帶鹹香。🌸家傳手磨生煎藕餅機乎每枱都會叫呢個餸，藕餅外表煎得香脆唔易散，仲食到粒粒爽脆蓮藕，鯪魚肉和豬腩肉。🌸蝦籽古法扣柚皮柚皮吸曬芡汁的香味，冇澀味，口感柔軟入味。最後侍應仲送上白糖糕做甜品。

好耐冇去生記，突然好想食懷舊菜，就約埋朋友一行四人去食晚飯！估唔到雖然是星期二，卻仍然高朋滿座！懷舊蝦多士 $148蝦多士炸得很酥脆，又不太油膩！家傳手磨生煎蓮藕餅 $128分量十足，一碟有八件，蓮藕餅煎得好香口。蝦子古法扣柚皮 $118呢碟手工菜已經好難有地方可以食到，柚皮炆得好入味，入口即化，鍾意食呢度菜一定不會失望！懷舊金錢雞 $168呢款招牌菜式亦不是常見到的，去生記也是必點的，因為師傅能夠將底層的冰肉，做到口感一點也不像食緊肥豬肉，廚藝一流！雜菌乾燒豆腐 $128這款較普通，雖然豆腐炸至金黃，但內裡仍然好嫩滑，亦吸收了醬汁的味道。馳名肉鬆梅菜蒸菜芯 $118甜甜地的梅菜，加埋肉碎豉油，放在菜芯上，簡直相得益彰！川香辣炒雞 $178鷄肉幾滑，如果唔食得辣，記得講明少辣就夠。順帶一提這裡的茶錢係$15/位，而白飯就$18/碗，要食懷舊菜，生記飯店是不二之選！

位於灣仔生記飯店的，已經連續10年取得米芝蓮推介的食肆，2024年剛出爐的名單也榜上有名。✨是一間滿有歷史的老字號飯店，主打懷舊廣東菜，款式實而不華。雖沒有太多擺盤，但卻以味道取勝。蒜香九肚魚即燒BB豬紅燒妙齡乳鴿BB豬是店員推介，真的不同凡響。烤得香脆可口，不會食到成口油。另外，即燒乳鴿同樣有火候!🔥韭黃瑤柱魚肚羹魚肚羹充滿淡淡的胡椒香味，瑤柱切成絲，提升不少味道的層次。砵酒焗鱔球懷舊蝦多士家傳手藝生煎蓮藕餅蝦籽竹笙豆腐以上的菜式以砵酒焗鱔球最為特色，鱔球已去骨，肉質厚實，而且料頭好有鑊氣！，🦐蝦多士的蝦肉也十分彈牙，啖啖蝦肉一點不欺場。多士炸得香脆，沒有油膩的感覺。生煎蓮藕餅釀入鯪魚肉，也是手工小菜之一，不過有點過咸🤣最後甜品還碰上白糖糕，朋友吃得津津樂道，充滿着懷舊的feel👵🏻已經計畫同屋企人去食多餐，今次要飲埋燉湯！

灣仔|生記飯店 . 最新公佈又再拿到米芝蓮必比登推介 (2023)生記飯店又再得到此殊榮🌟 搬了新址之後第一次再來, 相比舊舖，地方更見寬敞舒適，又將成為朋友聚腳好地方，重點是具質素且經濟實惠的美食餐廳，平日放工來到，客人也不少，氣氛熱鬧💞.主打懷舊手工菜，當然點了幾款精選來品嘗品嘗啦😎.🔺懷舊蝦多士（$148/4件)我選了半份4件，每件都炸得金黃香脆，外脆內嫩，蝦肉鮮美，而且份量頗多，面頭佈滿芝麻，入口新鮮彈牙💞. 🔺砂鍋鮑魚雞粒焗飯 $168飯粒乾爽，入口軟糯，粒粒分明，口應煙煙韌韌，鮑魚及雞肉粒份量頗多，每啖入口盡是滿足💞.🔺生記招牌古法鹽焗雞 半隻 $195來到生記必點之一，超香嫩的鹽焗雞非食不可，色澤金黃，味道帶點鹹香，肉質軟嫩，令人一吃難忘💞. 🔺家傳手磨生煎蓮藕餅(8件) $128口感充滿彈性，蓮藕餅中間帶有蓮藕粒粒，少少爽口感覺又帶點彈性，兩邊煎得微脆，果然是鎮店名菜💞.🔺白糖糕每枱均會送上白糖糕做甜品，味道香甜又帶點微酸味，非常鬆軟可口💞 . 餐廳 : 生記飯店 地址：灣仔駱克道353號三湘大廈3樓

難得跟屋企人出街食飯，今次就來到這間榮獲12屆米芝蓮推介的中菜餐廳食飯!餐廳平日晚上都有不少人用膳，而他們的粵菜菜式非常經典，值得試試!招牌砵仔焗魚腸，平時去一些中式餐廳如果有得選擇這個菜式我都會點來吃!這裡的焗魚腸比平時出面食到的美味，面層焗到脆身，內裡的魚腸份量一點也不少，果皮的味道都好香濃，蒸蛋的味道都好鮮甜，味道濃郁，再加上胡椒粉一齊食特別惹味!順德煎釀鯪魚，這款粵菜現在已經越黎越少見，因為工序較繁複，好多中菜餐廳都已經不會再整!這裡的煎釀鯪魚先整條鯪魚起皮，入面再釀有拌入調味料和魚膠。魚肉入面拌入了蝦米、蔥花等材料，味道十足!而魚皮炸到脆卜卜，食的時候非常有口感!而碟邊亦有醬汁可以點，令鯪魚肉的鮮味更突出!蝦醬豆卜蒸爽肉，這款菜式最岩跟飯一起吃!估唔到豬肉都可以食到咁爽脆，豆卜和爽肉吸收了蝦醬的味道，味道香濃，令人回味!