甘味讚岐手打烏冬 (已結業)

小編差唔多有2年幾無去過將軍澳一帶😲，而天氣咁凍加上約左位朋友係嗰邊食飯，終於畀到籍口自己係嗰區食飯喇🥳。而小編們就去到寶琳站附近既一個商場食飯👀，行左一段時間都未諗到食乜好，最後決定一間性價比高少少既餐廳，仲要係食日本野既🇯🇵，啱哂小編既朋友呀。而呢間餐廳就係係香港好多分店既「甘味讚岐手打烏冬」。✦✦✦✦✦✦✦✦✦✦✦✦✦✦🎈牛肉壽喜燒 配溫泉蛋飯 $60日本壽喜燒咸中帶甜，將湯底加入飯內🍚，香濃又美味，更可暖胃😋。而且餐廳既壽喜燒偏大碗🍲，有牛肉、豆腐、豆角、菜、金菇、紅蘿蔔，最重點就係有溫泉蛋🥚，呢樣真係畫龍點睛。牛肉可能煮得太耐比較煙韌，份量亦不多不少，足夠🙏。不過如果壽喜燒最正既地方就係一路燒住一路慢慢食當中既食材，如果唔係放得太耐時間🧐，壽喜燒既質素同味道亦下降，所以如果能夠有一個小型爐燒住鐵鍋咁食🤭，絕對係冬天食物首選✨。✦✦✦✦✦✦✦✦✦✦✦✦✦✦🎈加小食 炸餃子 $8午餐可以加錢換小食，而小編們就加$8 有三件炸餃子🥟，質素嚟講較為普通，但以$8有三件嚟講，性價比高，外脆內餡肉多💦，亦不錯加嚟試一試，豐富自己既午餐🍽。✦✦✦✦✦✦✦✦✦✦✦✦✦✦今日小編難得去到將軍澳

第四波疫情仍未受到控制，限聚令，食肆每張枱不可超過兩人，六點後不能堂食等防疫設施一再延長，我哋一行三人一齊食午餐都唯有分枱食。新都城一期呢間日式餐廳，枱上有擺放防疫板，枱距亦比到舒服感。職員帶我哋分別坐喺兩張枱，枱同枱之間亦相隔住一啲空間。我哋揀咗三個午餐追加一啲小食，食物味道唔錯，堂食午巿定食有九折，小食無。精美小食：+$8炸餃子(3件)。+$8天婦羅蕃薯(2件)，蕃薯唔甜，普通。+$14一口炸雞(2件)，外脆內嫩。+$18紫心香芋丸(4粒)。午巿定食：汁燒豬柳丼，豬柳唔鞋又帶有肉質感，唔會醃到無晒肉味，蛋同汁一齊撈飯入口唔會乾，整體幾好。壽司拼盤稱讚岐手打烏冬，有8件壽司，太耐無食可以過吓口癮。鰻魚柳川鍋燒讚岐手打烏冬，鰻魚太薄，喺湯度浸住一夾就散開，味道可以。凍飲+$3

這間餐廳我只食過早餐。我還記得那次因為身體不適，所以睇完醫生就食點東西才回家。但我最記得那次係佢哋最後一天做早市。之後佢哋停咗早市一排。我聽那些姐姐講停的原因好似係唔夠客。其實都唔難理解。佢哋的早市和普通茶餐廳無分別。那為什麼要選擇這間要收加一的餐廳呢？你話如果做法比較日式，都還好呀。不過這都是之前的事了。最近睇返好似做返早市了。今次唔知係咩原因了。雖然未必會光顧，但多個選擇都係一件好事。講返正題我今次其實唔係來這裡食早餐的。我是選擇午餐，因為家人想試佢哋嘅原隻魷魚。據知係新都城只有呢間有。所以就去試一次了。那去到才知做功課唔夠。原來這菜式暫停供應。本來都想問吓職員會唔會再有，但睇返個價錢都係決定放棄。原條魷魚要買$80，就算有都未必捨得試。但既然選擇左呢一間食店就即管試吓佢哋的午餐。以下是今日我和家人的午餐：刺身丼選用日本米。口感幾好，飯的份量夠兩個人細食人享用。刺身係冇得選擇嘅。一早定好份量和款式。但都幾好質。份量都幾充足。我哋都好滿意。如果選擇午餐還會包一杯熱飲。我們選擇了咖啡。家人都滿意杯咖啡。我就沒有選擇飲品。因為佢哋提供嘅茶都幾有味道。職員表現積極。不停加水和介紹特價食物。

約左朋友喺寶琳食飯，見唔多人，幾啱傾偈就入左去，坐足一晚間餐廳都依然得半滿既人，似乎唔多人幫襯！不過亦因爲唔多人，所以坐得都舒服，3人坐6人枱，又唔會趕人走，食物都快上枱！我叫左個蕃茄牛肉烏冬，我覺得湯底有d酸，烏冬同牛肉軟硬度適中，味道合格！如果想坐得耐，呢度係唔錯既選擇，食物整體合格，不過不失！

烏冬專門店係香港唔算特別多，出名既更係十隻手指數得哂。日式烏冬講求麵煙韌度、口感、粗幼等等，而同時烏冬既最好拍檔個人認為一定係出色既湯底。是日晚上收工後與友人來到新都城中心一期，天氣炎熱下來到「甘味」，欣賞既係甘味經典既番茄牛肉粒烏冬🍅🍅🍅，酸酸甜甜，更為醒胃🥰🥰🥰1. 鐵板牛柳粒番茄湯烏冬🍅🍅🍅牛柳粒尺寸夠大，而且以高溫預先放於鐵板煎熟，再放入番茄湯當中，同時加入大量炸香蒜粒增加口感。甘味經典推介主打產品，絕對無令人失望😍😍😍2. 3色炸蝦丸🍡蝦丸分為紫菜、原味而及芝麻調味，每一粒都入口煙韌，佐酒一流😎😎3. 豪華刺身飯🍱🍱甘味除左烏冬外，刺身丼飯選擇亦算多，豪華刺身飯有三文魚、北寄貝、吞拿魚及蝦，選料較豐富。😋😋4. 八爪魚沙律🥗🥗🥗每次幫襯甘味都會必點呢款沙律。對比其他餐廳，甘味提供既沙律款式相對特別，八爪魚餅肉質煙韌，而且配上最夾海鮮既千島醬汁，更見出色。😍😍埋單最後兩位300蚊多，非常底食，以新都城中心來說真的超值😍😍😍

🔎甘味讚岐手打烏冬📍將軍澳貿業路8號新都城中心1期2樓256-258號舖🔷炙燒豬頸肉烏冬$60醬油湯底，湯底好濃，烏冬份量夠多，而家唔會太幼身，非常彈牙，豬頸肉易咬，上面有埋燒汁，十分入味🔷麵豉燒雞排蕃茄湯烏冬$64泡菜湯+$10原本係蕃茄湯底，但若果唔喜歡都可以轉湯底需加$10，泡菜湯底非常好食，湯底唔會好辣，入面仲有好多泡菜添，雞排煎得好香，完全唔會太油，好重麵豉味，十分滋味🔷黑椒炸雞軟骨$40份量好多，熱辣辣，加上有黑椒味既襯托，令到更加入味，而且粒粒雞軟骨都十分脆🔷日式煎餃子$38一份有5件餃子，入面既豬肉好多，皮夠薄，而且價錢都非常平🔷凍檸檬茶 $15🔷7up $18烏冬質素高，而且環境好舒服，夠大坐得舒服

喺新都城中心很完街，好鬼攰，想坐低食啲嘢再繼續😎😎😎一於來個快食，呢間甘味讚岐手打烏冬，之前都食過覺得唔錯👍👍燒牛肉丼飯牛肉肥瘦適中, 好香牛味, 個汁好正, 成碗食哂😍😍雜錦烏冬鍋烏冬好彈牙, 好好食，而且份量都好多有唔同嘅餸，連湯都飲埋🤗🤗紫薯米紙卷外脆內軟，很香甜！波菜芝士小丸子芝士濃郁， 好香芝士味, 仲有淡淡既波菜香，又幾夾喎👍巨峰提子梳打好適合夏天飲，唔會太甜！價錢合理環境又好錯服務周到會再嚟☺️☺️

約左個妹係將軍澳食野，寶琳呢邊有大型商場，餐廳選擇多，最終我們選擇了甘味開餐。一出港鐵站，就見到對面商場甘味的招牌，望到餐廳有落地玻璃，環境不錯。入到去就安排左我地坐窗邊卡位，望住街景幾舒服。食過其他分店，覺得食物不俗，比起其他日本餐廳價錢幾實惠。因為都幾肚餓，所以叫左d飽肚菜式，鰻魚飯、豬軟骨烏冬、三文魚手卷、蟹子沙律、牛油蕃薯及炸墨魚嘴。鰻魚飯上有d鰻魚碎同滑蛋，撈飯食幾正。另外，我一向來好喜歡甘味的烏冬，好彈滑。最後，更點了個豆腐雪芭，濃濃的豆乳味，有少少似飲緊豆漿，作為晚餐後的甜品很不錯。仲想讚下呢度服務幾好，會主動問洗唔洗碗仔之類，店員態度親切，加茶加得好密呢。

今日我哋去咗位於將軍澳新都城中心的甘味讚岐烏冬專門店，呢度有一個期間限定的海膽刺身盛配冷蕎麥面$138 ，仲有一杯原粒紅豆冰跟埋，於是就決定叫呢一個套餐！呢個蕎麥面非常特別，蕎麥面上鋪滿蟹子、牛油果、紫菜碎、青瓜絲等等，只要淋上冷麵汁，拌一拌就食得，感覺十分清新，而且呢一個套餐仲有海膽刺身盛，海膽鮮甜唔苦澀味，仲要一板上，好creamy， 我仲有三文魚、甜蝦、北寄貝、玉子、蟹柳等！呢個餐嘅紅豆冰非常多紅豆，唔使加錢就有得飲，好抵！另外仲叫咗一個烏麻淮山便當，便當雖然冇嘢飲，但係有麵豉湯，麵豉湯內有海帶，呢個便當分成四部份，一格係蟹子沙律，一格係壽司四盛，一格係刺身，一格係主菜豚肉芽菜蘿蔔絲，另外仲會跟一個湯烏冬，可以將個主菜放上烏冬上面食！

今日off, 相約朋友到將軍澳的一間日本餐廳晚餐😊剛剛去到時候, 時間尚早, 職員有禮貌地提議坐window seats, 及主動加熱茶 由於今日兩點幾先食完lunch, 唔太餓, 所以我地叫一個烏冬同主攻小食 鐵板牛柳蕃茄湯烏冬: 大大個蕃茄分成兩份上碟, 令整個烏冬都非常入味, 蕃茄味夠濃, 帶點酸甜, 非常清新的感覺, 烏冬口感彈牙, 牛柳粒份量又足 (有成7, 8小塊),牛柳仔先煎香過才放入蕃茄烏冬, 軟硬適中,咬落還有肉汁, 果然名不虛傳! 芝士年糕: 芝士味濃, 軟軟的, 外面炸到金黃色, 又creamy, 又香口 大阪風燒餅: 新菜色黎既, 燒餅上放滿沙律醬, 再加少許蟹籽, 燒得熱烘烘, 同傳統的有所不同, 薄薄的長方型燒餅, 有新鮮感 清酒煮蜆: 一黎到已經有陣陣既清酒香味, 酒味較平日食開的濃, 令蜆肉非常入味 雪糕: 竟然有開心果味, 正開心果味濃, 綠茶味的雪糕都好重綠茶味, 茶味濃, 不甜, good點烏冬式丼飯可以加$18配梳打特飲及$9食雪糕

將軍澳📍#烏冬 同 #拉麵 永遠都係我嘅至愛啊💜 估唔到你間連鎖餐廳都唔錯喔🥢~*~*~*~*~*~*~*~*~*~*~*🌟黑蒜頭豬手鍋燒讚岐手打烏冬🍴賣相不錯，湯底有啲似出前一定黑蒜油味🙊好食嘅！好香濃！🐷手啖啖肉💪🏻~*~*~*~*~*~*~*~*~*~*~*🌟咖喱雞扒二十穀米釜飯🍚如果唔鍾意食咁咪可以免費轉番珍珠米🥄~*~*~*~*~*~*~*~*~*~*~*小食方面就食咗呢幾樣🍽 🌟日式糖心蛋 🌟雞軟骨餃子棒🌟日式炒椰菜 overall scores: 7/10

今日相約閏蜜食飯，當然要搵個坐得舒服既地方密密食密密傾，朋友推介呢度，覺得d野食好味，環境又唔錯。薄切肥牛蕃茄湯讚岐手打烏冬:先講肥牛，肥瘦適中，唔會太肥，而且份量好多，好食！湯底係我最愛既蕃茄湯，湯頭濃郁鮮甜，配上手打烏冬，Perfect match!生薑豚肉燒廿穀米飯 :朋友order左呢個，以為呢個餐係有飯連餸，點知原來仲有個前菜同湯，好豐富，我地仲散叫佢d小食添，不過朋友話好好食，K.O.晒！勁 ！紅豆涼粉冰:天氣熱，我地都揀左紅豆涼粉冰飲，紅豆起沙又唔太甜，加左涼粉，好消暑八爪魚餅沙律菜配千島汁:八爪魚餅彈牙好食，配上新鮮沙律菜，蕃茄，感覺清新又健康！最後有三文魚籽同千島醬調味，鮮香味濃吉列甘栗餅:外層炸得脆卜卜，內裏紫色既應該係紫薯，仲有粒粒甘栗，甜甜地，有驚喜！日式煎餃子:樣子同平常食到既日式煎餃子無乜分別，但係肉餡好豐富多汁，而且煎得好香口，點上醋食，好開胃。

主打手打烏冬(｡･ω･｡)ﾉ老實說，我很喜歡吃烏冬，不過在普通街市內買的烏冬，很難會有手打烏冬的口感！這間的手打烏冬，價錢真的平民，高質素份量又足夠價錢又不貴而且環境舒服！我和友人兩位一人一個主食，我選擇了黑蒜油豬手鍋烏冬，友人選擇了咖喱雞扒飯！等候的時間不長，很快就可以吃了！而且碗熱烏冬保溫度很高，快吃完的時候，鍋也是熱的，烏冬的煙韌度實在令我滿意，果然手打烏冬的口感就是非一般好吃，這個湯底很濃郁，奶白色的湯底加上黑蒜油味道，真的很合襯，吃的時候沒有味精的感覺，相信是真的真材實料！友人的咖喱雞扒飯選擇了健康米(免費轉的，不用另外加錢(⁎⁍̴̛ᴗ⁍̴̛⁎))，起初看起來只有小小一鍋，怎料鍋底那麼深，份量比我想像中的多很多，雞扒份量足夠，٩(˃̶͈̀௰˂̶͈́)و日式咖哩真的很好吃呢！

今日去左食甘味讚岐手打烏冬🍜，呢間餐廳，我好多年前已經有食喇🤭，每次黎都會叫鐵板牛柳粒🐂番茄湯🍅讚岐手打烏冬🍜，因為佢個番茄湯真係好好味😋，好濃郁鮮甜🤤，好似落左好多隻番茄煲成咁，仲有幾舊番茄，牛柳粒就切到bite size，一口一啖👍🏻另外仲叫左個清酒煮蜆🥘，蜆肉新鮮冇沙，用個熱鍋上，可以一路保持溫度，慢慢食都得🤗仲叫左個芝士年糕🧀，年糕十分鬆軟，芝士半溶，但係食落又唔會太溜，煙韌控同芝士控必叫呀😙

下午3:00去.....只係開靠窗口一面的卡位,但又放左架執碗車係到又唔清理...冇人食好多蚊仔,連雀仔都飛入來....只係食D平常叫開的簡單野.....無論份量和味道都和以前差好遠....依家個商場開左好多新食店....我以後都唔會再幫襯....好明顯冇心機做