影片
港鐵寶琳站 B2 出口, 步行約3分鐘
繼續閱讀
營業時間
星期一至四
11:30 - 22:30
星期五至六
11:30 - 23:00
星期日
11:30 - 22:30
以上資料只供參考, 請與餐廳確認詳情
小編差唔多有2年幾無去過將軍澳一帶😲，而天氣咁凍加上約左位朋友係嗰邊食飯，終於畀到籍口自己係嗰區食飯喇🥳。而小編們就去到寶琳站附近既一個商場食飯👀，行左一段時間都未諗到食乜好，最後決定一間性價比高少少既餐廳，仲要係食日本野既🇯🇵，啱哂小編既朋友呀。而呢間餐廳就係係香港好多分店既「甘味讚岐手打烏冬」。✦✦✦✦✦✦✦✦✦✦✦✦✦✦🎈牛肉壽喜燒 配溫泉蛋飯 $60日本壽喜燒咸中帶甜，將湯底加入飯內🍚，香濃又美味，更可暖胃😋。而且餐廳既壽喜燒偏大碗🍲，有牛肉、豆腐、豆角、菜、金菇、紅蘿蔔，最重點就係有溫泉蛋🥚，呢樣真係畫龍點睛。牛肉可能煮得太耐比較煙韌，份量亦不多不少，足夠🙏。不過如果壽喜燒最正既地方就係一路燒住一路慢慢食當中既食材，如果唔係放得太耐時間🧐，壽喜燒既質素同味道亦下降，所以如果能夠有一個小型爐燒住鐵鍋咁食🤭，絕對係冬天食物首選✨。✦✦✦✦✦✦✦✦✦✦✦✦✦✦🎈加小食 炸餃子 $8午餐可以加錢換小食，而小編們就加$8 有三件炸餃子🥟，質素嚟講較為普通，但以$8有三件嚟講，性價比高，外脆內餡肉多💦，亦不錯加嚟試一試，豐富自己既午餐🍽。✦✦✦✦✦✦✦✦✦✦✦✦✦✦今日小編難得去到將軍澳寶琳搵野食，不過呢一區絕對仲有好多美食發掘👀，希望小編能夠多啲嚟到呢區再為大家介紹美食。而今次呢間「甘味讚岐手打烏冬」亦可以簡簡單單去食到壽喜燒🍲，同朋友襯住午市仲可以堂食，慢慢享受係堂食享用美食既滋味😳。✦✦✦✦✦✦✦✦✦✦✦✦✦✦
繼續閱讀
第四波疫情仍未受到控制，限聚令，食肆每張枱不可超過兩人，六點後不能堂食等防疫設施一再延長，我哋一行三人一齊食午餐都唯有分枱食。新都城一期呢間日式餐廳，枱上有擺放防疫板，枱距亦比到舒服感。職員帶我哋分別坐喺兩張枱，枱同枱之間亦相隔住一啲空間。我哋揀咗三個午餐追加一啲小食，食物味道唔錯，堂食午巿定食有九折，小食無。精美小食：+$8炸餃子(3件)。+$8天婦羅蕃薯(2件)，蕃薯唔甜，普通。+$14一口炸雞(2件)，外脆內嫩。+$18紫心香芋丸(4粒)。午巿定食：汁燒豬柳丼，豬柳唔鞋又帶有肉質感，唔會醃到無晒肉味，蛋同汁一齊撈飯入口唔會乾，整體幾好。壽司拼盤稱讚岐手打烏冬，有8件壽司，太耐無食可以過吓口癮。鰻魚柳川鍋燒讚岐手打烏冬，鰻魚太薄，喺湯度浸住一夾就散開，味道可以。凍飲+$3
繼續閱讀
這間餐廳我只食過早餐。我還記得那次因為身體不適，所以睇完醫生就食點東西才回家。但我最記得那次係佢哋最後一天做早市。之後佢哋停咗早市一排。我聽那些姐姐講停的原因好似係唔夠客。其實都唔難理解。佢哋的早市和普通茶餐廳無分別。那為什麼要選擇這間要收加一的餐廳呢？你話如果做法比較日式，都還好呀。不過這都是之前的事了。最近睇返好似做返早市了。今次唔知係咩原因了。雖然未必會光顧，但多個選擇都係一件好事。講返正題我今次其實唔係來這裡食早餐的。我是選擇午餐，因為家人想試佢哋嘅原隻魷魚。據知係新都城只有呢間有。所以就去試一次了。那去到才知做功課唔夠。原來這菜式暫停供應。本來都想問吓職員會唔會再有，但睇返個價錢都係決定放棄。原條魷魚要買$80，就算有都未必捨得試。但既然選擇左呢一間食店就即管試吓佢哋的午餐。以下是今日我和家人的午餐：刺身丼選用日本米。口感幾好，飯的份量夠兩個人細食人享用。刺身係冇得選擇嘅。一早定好份量和款式。但都幾好質。份量都幾充足。我哋都好滿意。如果選擇午餐還會包一杯熱飲。我們選擇了咖啡。家人都滿意杯咖啡。我就沒有選擇飲品。因為佢哋提供嘅茶都幾有味道。職員表現積極。不停加水和介紹特價食物。之後我哋發現令一個特價食物。佢哋都話可以加單。那就可以再試多幾款小食。這個餃子$9有三件。即炸所以都幾熱。其實里面的材料就唔係太食得出係咩。最後我點了沙律。因為唔想食太多。天氣太熱根本無咩胃口。本來都想食壽司🍣但其實想食的壽司價錢都唔平。那不如去大型日本餐廳。那邊選擇多、價錢便宜。講返這個沙律。我只可以講我唔會再食。原因有幾個：1）沙律醬很鹹2）虾餅口感唔夠彈牙3）份量太細這裡的沙律選擇都唔多。總括今次體驗都算好。因為都唔係太貴就可以食到新鮮日本料理。但我下次應該唔會再選擇這間。因為這附近都有其他烏冬專門店
繼續閱讀
約左朋友喺寶琳食飯，見唔多人，幾啱傾偈就入左去，坐足一晚間餐廳都依然得半滿既人，似乎唔多人幫襯！不過亦因爲唔多人，所以坐得都舒服，3人坐6人枱，又唔會趕人走，食物都快上枱！我叫左個蕃茄牛肉烏冬，我覺得湯底有d酸，烏冬同牛肉軟硬度適中，味道合格！如果想坐得耐，呢度係唔錯既選擇，食物整體合格，不過不失！
繼續閱讀
烏冬專門店係香港唔算特別多，出名既更係十隻手指數得哂。日式烏冬講求麵煙韌度、口感、粗幼等等，而同時烏冬既最好拍檔個人認為一定係出色既湯底。是日晚上收工後與友人來到新都城中心一期，天氣炎熱下來到「甘味」，欣賞既係甘味經典既番茄牛肉粒烏冬🍅🍅🍅，酸酸甜甜，更為醒胃🥰🥰🥰1. 鐵板牛柳粒番茄湯烏冬🍅🍅🍅牛柳粒尺寸夠大，而且以高溫預先放於鐵板煎熟，再放入番茄湯當中，同時加入大量炸香蒜粒增加口感。甘味經典推介主打產品，絕對無令人失望😍😍😍2. 3色炸蝦丸🍡蝦丸分為紫菜、原味而及芝麻調味，每一粒都入口煙韌，佐酒一流😎😎3. 豪華刺身飯🍱🍱甘味除左烏冬外，刺身丼飯選擇亦算多，豪華刺身飯有三文魚、北寄貝、吞拿魚及蝦，選料較豐富。😋😋4. 八爪魚沙律🥗🥗🥗每次幫襯甘味都會必點呢款沙律。對比其他餐廳，甘味提供既沙律款式相對特別，八爪魚餅肉質煙韌，而且配上最夾海鮮既千島醬汁，更見出色。😍😍埋單最後兩位300蚊多，非常底食，以新都城中心來說真的超值😍😍😍
繼續閱讀