王朝潮盛館

營業中

休息中

今日同屋企人去左位於新蒲崗的精品中菜餐廳，交通便利，環境好寬敞舒適。菜式多款，最重要真係好惹味香口，大讚！🌟#蜜汁燒鱔必嚐招牌菜！燒得金黄焦香，肉質鮮嫩多汁，外皮帶有微焦的香氣，蘸上特製的蜜汁醬，甜而不膩，配合鱔魚的鮮美口感，好食。🌟#醉乳鴿經過特殊的醃製，十分入味，鮮嫩中帶有微醉的香氣。酒味唔算重，入口芳芬，不錯。🌟#潮盛小炒皇超惹味小炒菜品，色香味俱全，口感豐富，每一口都能感受到食材的鮮美和獨特的風味。🌟#海鮮什菜煲海鮮份量十足，非常鮮味，配上各種時蔬，以高湯煮熬而成，令湯汁鮮美濃郁，海鮮的鮮味融入其中，非常開胃。潮盛館其精緻的中菜和惹味的口味，都十分出色！日後節日或慶祝又多左一個好地方。

身為潮州人，當然對潮州菜情有獨鍾，朋友帶我來到新蒲崗新開不久的「潮盛館」品嚐新派的潮州菜，帶來一種美味的體驗。店舖裝修新淨，服務員招待殷勤，晚飯時段差不多坐滿客人，很受歡迎。《鵝件拼元蹄》$178潮州菜首選當然是鵝片，但我更喜歡鵝件，骨頭連皮連肉，鵝件和元蹄浸在美味的鹵水汁內，令人回味無窮。《蠔仔粥》$58粥內的蠔仔清洗得很乾淨，沒有腥味，份量也很足夠，很鮮甜、溫和滋養。《椒鹽竹炭豆腐》$118黑媽媽的竹炭皮很香脆，裡面是雪白幼滑的豆腐，上面灑上矜貴的金箔和蒜蓉粒，簡單卻堪稱經典。《南乳粗齋煲》$88拼合了各種蔬菜，加入香氣滿溢的南乳醬汁，營造出濃郁醇厚的風味。《薑蔥生焗大魚泡》$108用超多的薑蔥蒜頭焗的大魚泡，彈牙富口感，滿滿的膠原簡直令人陶醉。《炸BB乳鴿》$58生炸最能保持肉味，但費事，廚師採用生炸的方法烹調，令乳鴿皮脆肉嫩，非常Juicy，每日都充滿甘香。

好耐無去食潮州菜式地點都幾方便 秀越廣場地下mikiki商場隔離由鑽石山站/啟德站行過去都得滷水鵝片（例）潮州名菜一定要試下鵝片肉好嫩 滷水五香味好重例牌份量都幾多放左D豆腐墊底吸晒D汁 非常好食花膠雞煲翅（位）湯以一位份去計一人一煲一位份已經好多好濃郁 幾足料酸菜魚片魚片啖啖肉份量唔小 有芽菜薯粉做配料辣度都幾高唔算酸 青花椒味好出蠔餅蠔餅個蛋味都幾重邊邊特別脆口每一兩啖都有蠔仔個蠔餅本身調味都好重唔點魚露都得王朝潮盛館新蒲崗寧遠街3-23號越秀廣場地下G25-G27號舖

呢間餐廳位於新蒲崗新開張無耐既餐廳，主要食順德菜同潮州菜為主，小編最近都真係幾鐘意食潮州菜見佢新開就梗係要去食下啦～呢度既脆皮炸鮮奶好香脆可口6條甘多仲要配埋練奶醬入面鮮奶軟滑，令人一啖接一啖甘咬，外皮用左麵包脆炸。 鵝肝：必食推介好軟熟，個肝滑溜，份量仲有得揀半份或者全份，半份都已經好夠食，而且都幾飽肚感。 翅煲：呢煲翅真係用足料超抵食黎形容，份量係好大煲，而且入面既翅都好大塊，湯都煲到好入味同香濃。

最近係新蒲崗新開一間潮州菜，新開環境乾淨，仲有 VIP房，唔怪得開左冇耐已經坐滿！絕對可以滿足一班潮州菜愛好者-王朝特色醉鵝肝人氣TOP 1 !!! 有口感，而且花雕味道濃郁；油脂比較豐富，肉質柔軟細嫩，食唔停口 滷水鵝片併盤夠哂大碟，肉質嫩稔，鵝香味十足花膠雞煲翅翅吸收左雞湯嘅精華，淋上芡汁，再配上雞絲提鮮，每啖都係充滿花膠膠質嘅感覺。我自己會建議跟多碗白飯，係送飯佳品蠔餅 即叫即炸，係幾有層次嘅酥脆感，特別香口！必點之選！

新蒲崗有間新開張的潮州餐館，位於越秀廣場附近。店內嘅裝潢乾淨企理，帶奢華時尚中國風 ，仲有一系列的招牌潮州菜， 可以滿足一班潮州菜愛好者王朝特色醉鵝肝由於係凍食嘅關係，肉質新鮮有口感，再加上花雕調味，令人食唔停口 滷水鵝片併盤潮州餐廳嘅招牌菜，鵝香味十足，鵝片咬落嫩口充滿肉汁，可以話係驚喜之作 紅燒雞煲翅幾足料嘅一碗翅湯，鮮味出晒嚟，仲幾夠滋潤 而且勝在性價比高同足秤！有意想不到嘅驚喜 蠔餅 蠔肉份量比想像中多同大粒，有層次嘅酥脆感，特別香口！送飯一流！砵酒桶蠔餐牌上有唔少海鮮選擇，而肥美嘅桶蠔放上洋蔥同蒜頭係會香到食唔停口

・　砂窩鵝肉醬油炒飯 ($128)人們經常說炒飯要夠鑊氣才好吃，這道砂窩鵝肉醬油炒飯就十分合乎大家的標準。炒飯以砂煲上菜，鑊氣十足，每一啖都是香濃的焦香味。配料亦落得毫不吝嗇，每一口都能吃到鵝肉，鮮蝦，菜甫等配料。而且份量十足，足夠四人分量。・　生啫白鱔 ($198)以新鮮的白鱔魚片，搭配大量蔬菜如洋蔥，蒜子，芫荽製成。白鱔外皮香脆，肉質彈牙，配上特別醬料更能突出白鱔的鮮味。用砂窩上菜更加能夠保存食物的溫度，不用怕白鱔冷卻後會變得腥，十分推薦。・　蠔餅 ($98)蠔餅有很多款式，潮式蠔餅比起台式蚵仔煎更加香脆和乾爽。蠔仔加上麵糊後煎至金黃酥脆。蠔的鮮味與麵糊的香氣相互融合，味道相當美味。配上魚露更是把鮮味提升到另一層次。・　 王朝特式醉鵝肝 ($118)一說到鵝肝料理大家都會想到法式香煎鵝肝，但其實潮式醉鵝肝並不比法式的遜色。醉鵝肝以中式花雕酒醃製而成，口感十分香滑，味道除了鵝肝本身的油香味，更有酒香味作調和。不但不會有內臟常見的腥羶味，微甘的花雕酒更帶出鵝肝的鮮香味。・　生菜豆腐鯪球煲 ($98)這道菜以爽口彈牙的鯪魚球為主要食材，搭配生菜，豆腐和香菇煮成。湯底雖然清淡但十分鮮甜，十

同事介紹左間潮州野係新蒲崗蒲，性價比勁高！連平日夜晚都9成滿，真心幾抵食！。🥢方魚肉碎粥 ($48):多料又大碗，粥底煮得好滑順又綿，粥入面加入咗肉碎同方魚，增添咗口感同層次感。。🥢王朝滷水鵝件 ($168):滷水鵝件好大碟！份量勁多！鵝件煮得好入味，滷汁濃郁香濃，鵝件肉質鮮嫩多汁，加上豆腐底索晒啲汁，好👍🏻。🥢椒鹽白飯魚 ($128):呢道椒鹽白飯魚好正啊！魚身炸得香脆，外脆內嫩，每一啖都彷彿咁爆炸喺口中。椒鹽調味剛剛好，帶有微微嘅辣味同椒香。。🥢蠔餅 ($98):呢個蠔餅真係好好味！外皮煎得酥脆金黃，入面有新鮮嘅蠔肉。炸得黎又夠脆，好餸飯。

我今日約同好友去新蒲崗遊玩，順道去位於新蒲崗寧遠街3-23號越秀廣場地下G25-G27號舖的潮盛館食潮州菜，環境舒適開揚，坐得舒服。我點左個醉香鴨舌$88，鵝片拼牛腱（雙拼）$228，好友點左個潮式凍烏頭$168，海鮮什菜煲$118，另加白頭1碗$12。鴨舌軟腍充滿酒香，好味又有咬囗；薄切鹵水鵝片和牛腱賣相吸引，口感豐富好食；凍烏頭是潮州名菜，魚肉鮮嫩好味；海鮮什菜煲的材料新鮮豐富，有新鮮魚肉片、魷魚、菇、白菜.. 等，湯底鮮甜。

好耐冇食潮洲野，滷水可以揀鵝片雙拼或三拼，但鵝肝就至少要order 半個。我地揀左鵝片拼牛腱，鵝片食落唔嚡口，本身滷水都已經夠味，唔點汁都夠味。問佢拎咗個辣椒油亦都好香，更加似係XO醬椒鹽九肚魚，炸得好香脆，麵粉唔會好厚，九肚魚亦都好滑嫩😚椒鹽唔會好鹹，送啤酒一流蜜汁燒鱔，好香蜜汁，表面亦燒得好香口，鱔亦冇泥味，好似食緊蜜汁叉燒本身仲想試埋佢嘅蠔仔粥，但都真係已經好飽😂見隔籬枱嗌咗啲啫啫煲都非常吸引，下次一定要再試吓

大雨滂沱，逛完Mikiki後走到附近的潮州菜館解決晚餐小店提供私房菜服務，並以滷味、燉湯作招徠設計以中西共融手法將傳統地區風味推廣至年輕一族以簡約線條及燈光配合藍色調，結合成一種中式咖啡店風格王朝滷水鵝片大大碟，肉質嫩稔，鵝香味十足前菜川味糖芯皮蛋晶凝通透，爽口開胃的涼拌菜花膠雞煲翅湯鮮味美，香濃雞湯入口有膠質感自選雙拼小食爽脆海蜇及酒香墨魚口感清爽小菜頭抽生煎走地雞上色均勻，件件肉厚富鼓油香潮州白粥米湯中有米花，粒粒滋補，撫胃療癒

新蒲崗地膽朋友話帶我去食潮州菜，佢食過啲滷水大大碟又好食🤩，又話鴨舌食到又停唔到口😋，餐廳仲不收加一及茶錢，呢度都慳唔少🤑；講到咁正，當然要奉陪到底喇😝🥢鵝件拼盤(三拼 )$198配咗鵝掌及鵝翼，滷水汁味香，濃淡適中，鵝件嫩滑鵝味濃，鵝翼肉嫩帶口感，鵝掌質地剛好，啱哂喜歡噒腳趾嘅我哋，仲配上豆味濃香嘅豆腐，無論豆腐及滷水三拼都非常入味又好味🥢醉香鴨舌$88酒味濃郁之餘麻油味又非常突出，味道冇抵觸之餘仲互相平衡，鴨舌既爽且滑，真係食到停唔到口，餸啤酒一流🥢蜜汁燒鱔$198燒鱔爽口彈牙，魚味濃郁，配合甜香嘅蜜汁，夠哂惹味🥄蠔仔粥$58蠔仔鮮甜，粥底味夠濃香，仲有方魚嘅香味🥄方魚肉碎粥$48我朋友唔食蠔仔，呢個粥啱哂佢，粥底嘅方魚味比蠔仔粥更濃郁

食打冷野都可以有氣派😃唔係地痞式打冷店～🌟鵝片雙拼：鹽焗雞🌟▪️鵝片脂肪層好厚，肉質又夠實正🦢▪️意外係墊底既唔係芽菜或花生，係滷水豆腐🧡，勁正❗🌟蠔仔粥🌟蠔仔大小適中，粒粒都脹卜卜；又冇沙，夠新鮮🍚。蠔仔粥材料亦好豐富，用上靚蠔仔外，仲有柴魚，芹菜，芫荽作調味👍👍🌟海鮮什菜煲🌟砂鍋屬淺鍋，放左啲海鮮、雜菜同粉絲後🥦🦐，個砂鍋就裝得滿滿的，擺盤效果很好🍲🌟炸鮮奶🌟💥💥要推介呀💥💥冇食過咁酥脆既炸鮮奶❗▪️炸皮超級酥脆，雖然冇蛋卷個種千層，但有蛋卷既鬆脆；▪️奶餡唔算好甜，亦冇凝固得太硬身，似cream質地熱氣都要食哂佢😂

今日同朋友去開新蒲崗，見到越秀廣場附近有間叫「王朝潮盛館」嘅餐廳幾幾多人排隊，諗起好耐冇食潮州打冷，所以去咗試一試。餐廳地理位置方便，喺Mikiki商場對面，平日夜晚都坐到爆棚，好多街坊客捧場。我哋嗌咗滷水鵝片例牌、砵酒桶蠔、酸菜魚片同XO醬撈麵。滷水鵝片可以揀單項、雙拼同三拼，我哋想食多啲鵝片，所以嗌咗單項，如果想食其他滷水食物，仲可以揀拼雞、鵝腎、牛腱、大腸、元蹄、豬腩肉、墨魚、鵝翼、鵝掌，鵝片肉質細嫩，食落唔嚡口，滷水亦都幾重香料味，而且份量充足，螺片下面仲有幾片好大塊嘅滷水豆腐；砵酒桶圖係即叫即焗，一上枱職員會幫忙剪開錫紙，一陣香氣就會湧出，每隻嘅蠔都幾肥美，一碟大概有七隻，伴隨嘅洋蔥都非常甜；酸菜魚片酸辣度適中，滿滿嘅酸菜非常爽口，適量嘅花椒，亦都令到個湯底有少少麻辣，魚片嘅份量唔少，而且魚生爽口唔霉，亦都冇魚骨；XO醬撈麵係偏濕炒嘅撈麵，XO醬本身有微辣，加埋芽菜同韭菜入去撈亦都好香口，不過整體略嫌太濕。📍新蒲崗寧遠街3-23號越秀廣場地下G25-G27號舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

都有一排冇嚟新蒲崗，星期日去完Airside行到去越秀廣場，見到開咗間新嘅中菜餐館，一於試一試。沙薑豬手（$88）沙薑豬手皮好爽彈。簡簡單單用蒜蓉、蔥、辣椒同豉油做調味，估唔到簡簡單單又幾好味。煎釀虎皮尖椒（$58）釀尖椒煎得好香口，好好食。尖椒完全唔辣，而且魚肉非常新鮮。店家再配上自家製辣椒油，令到味道完全昇華晒。滷水鵝片（例）（$228）黎到潮州鋪點可以唔試滷水鵝。呢個滷水鵝片例牌份量好多，下面仲放滿大大舊滷水豆腐。王朝特色醉鵝肝（半份）（$118）醉鵝肝真係好驚喜，鵝肝煮嘅時間較得岩岩好，裏面仲係粉紅色，口感超嫩滑。配上香醇濃厚花雕酒，令人好食到一口接一口。順德炒米麵（$98）米粉本身好幼而且彈牙，配料有魷魚、雞蛋雅、芽菜、洋蔥、韭黃等食材，廚司將米粉同配料炒到好乾身，勁有鑊氣。