牧羊少年咖啡館 (雅蘭中心)

營業中

休息中

有事要去旺角雅蘭中心，因為時間尚早，見不用排隊等位，所以入內吃午飯，點了一客全日早餐。全日早餐有：芝士腸： 味道可以炒蛋： 炒得很滑煙三文魚： 充滿油香，味道很好乳酪： 表面鋪滿榖物，很香口還有菜、蕃茄、菇、麵包整體味道很好。

早幾晚我同幾個朋友去咗旺角E出口附近嘅牧羊少年咖啡廳食晚餐。我哋一入去就點咗三樣野:拉差醬法國雞翼、龍蝦汁鳳尾蝦意粉同薯條。拉差醬法國雞翼真係超好食架!雞皮好脆啊,肉質又鮮嫩,個醬都好惹味。龍蝦汁鳳尾蝦意粉嘅份量都多,一啖下肚真係好飽肚。而且薯條酥脆香口,完全唔會油膩。整體來講,今晚嘅用餐體驗真係幾愉快。呢度環境舒適,裝潢都四正, 下次再黎

牧羊少年一直都係打工仔嘅午餐或者晚餐之選價錢一直都好抵 份量都好足我就咁啱係星期六嘅晏晝繁忙時段就同朋友三個一齊去食但係等位都等咗成半個鐘以上啊 不過呢雅蘭中心如果可以坐到窗邊位其實都OK成個地方乾淨 地下好好 唔會濕粒粒燈光嘅氣氛做得OK 啲職員都好有禮貌會即刻有水飲同埋會大概講一講俾我哋聽仲要等幾耐先有得食辛苦晒佢哋喺繁忙時段都咁好服務講返嘢食 的確百幾蚊就大大兜 ！！我揀咗個全日早餐 真係超好味 但係佢整嘅過程都要啲時間 大家俾啲耐性吧

相信牧羊少年係唔少朋友或者家庭聚會都會諗起嘅餐廳🤓今次同朋友簡單嗌咗個口味幾新穎嘅香芒雞肉Pizza & 牛油果Nachos都已經好滿足👍🏻雖然未去到好驚艷嘅好味，但可以一試！仲有一樣重要嘅係餐廳嘅裝修同氣氛都令人幾放鬆✨好適合有三五知己嘅飯局

📍牧羊少年咖啡館唔係第一次嚟食，因為地方就腳方便，食物質素亦都唔差，而且餐廳環境坐得舒服，如果冇人喺出面等候，即使過咗用餐時間，都會俾你繼續坐，所以都係朋友聚會傾偈好地方～～🍕日式大阪燒風味三文魚薄批Pizza即叫即制 新鮮出爐，熱辣辣，配上煙三文魚及芝士，令到口感更加豐富，薄批邊亦都好脆口。🔺拉差醬法國雞翼雞翼超脆口，肉質嫩滑，個醬汁好好味😋🔺龍蝦汁鳳尾蝦意大利麵意麵略為硬身(適合鍾意食煙韌D嘅食客)本人口味鍾意軟身少少（如果有得選擇軟硬度就更加好）但整體味道OK，鳳尾蝦大隻爽囗，好新鮮。

I had a wonderful dining experience at this restaurant. The service was polite and attentive, with waiters actively refilling my water without me having to ask. The staff was decently polite and made me feel welcomed throughout my meal. The dishes served were hearty and delicious, leaving me pleasantly surprised by the portion sizes. Despite being a big eater, I couldn't finish everything on my plate this time (finally a meal that made me feel full!). The quality of the food actually matched its

旺角多野食多野揀，雅蘭係旺角市中心呢度都有幾間餐廳或火鍋可以選擇，今次食牧羊少年其實都食過幾次，質素味道都係ok既，而且坐sofa位就更加舒服。呢度既食物味道普遍都比較濃一點，岩唔岩就視乎個人口感喜好。份量就真係算細份，所以2個人可能叫3至4款食物先會足夠。pizza 都未算大份，2個人食再加多3款食物都算是足夠。長通粉口感還算ok 唔係林之之既口感不過汁比較多所以會比較濃郁。反而呢度既飲品就真係比較一般沒有太特別。總結黎講，呢間食物質素不過不失，因為唔算大份相比黎講價錢就會有啲貴。

呢間cafe平時成日聽今次同朋友黎試下叫左幾樣嘢意粉幾好食，不過份量偏少小食拼盤好豐富炸得好香脆，調味又啱啱好配埋醬都好好食😋海鮮pizza批皮幾脆厚底適中，海鮮份量都唔少最後覺得最好食就係甜品waffle熱辣辣外脆內軟配埋水果食超好味

📍牧羊少年咖啡館 (雅蘭中心)旺角彌敦道625 & 639號雅蘭中心1樓103號舖幫襯過幾間牧羊少年咖啡館，除了食物有水準，餐廳環境都好舒適。兩個人叫咗兩個意粉，一份炸雞，好飽肚啊。墨魚汁香煎日本帆立貝三文魚子意大利粉($128-HKD)，味道剛好，唔太咸太甜，夠惹味。拿破崙意式肉丸意大利粉($118-HKD)，賣相已經相當吸引，雖然只有三粒肉丸，但意粉份量都不少，足夠二人享用。意粉個汁整得好好味，本來以為好漏，但食落有洋蔥粒，蕃茄，磨菇片，唔漏。😋日式唐揚一口炸雞配芥末蛋黃醬($88-HKD)，個芥末蛋黃醬令到個炸雞食起來更加惹味。

同朋友食lunch, 大家都叫左個lunch set 鯷魚意粉，個意粉望落唔差，但食食下覺得唔對路，點解我地兩個都完全見唔到又食唔到鯷魚，朋友問個waiter, 佢話鯷魚唔係成件上而係溶入左意粉裏面，唔係掛，除咗橄欖油味及微辣之外，完全食唔出，連粒鯷魚碎都見唔到，朋友向waiter表示不滿，waiter就話可以換其他食物，但lunch menu選擇根本唔多，main menu 散叫又要5:30pm後先供應，最後焗住勉強食完走人！

🥢 韓式泡菜西班牙豚肉長通粉 💰$108🥣 跟餐湯（南瓜湯）☕️ 跟餐茶（熱檸水）泡菜辣度唔算好辣，大概少辣程度，長通粉整得有啲韌，西班牙豚肉係薄薄地細細片，好易入口🍔 蒲燒鰻魚炒蛋漢堡包拼海鹽薯條 💰$128🥣 跟餐湯（南瓜湯）☕️ 跟餐茶（橙汁）鰻魚整得有啲乾，唔夠肥，但夠長，蛋既份量好多，麵包皮🥯係有少少脆，個薯條🍟炸得乾左啲最欣賞係入座話用餐100分鐘，但過時都無催，可以坐多一陣，當時用餐係2:20-4:45pm

明明朝早無咩人，我同朋友同個waitress （ 啡紅頭髮扎辮） 講 「2位唔該」，個waitress 扮睇唔到向到㩒電腦，我再講「唔該2位」，佢繼續扮聽唔到，我第三次勁大聲講「2位」 ，佢先施施然背向我，用d 勁差嘅態度，答「我知」，仲要轉個身嚟啤住我。我好驚訝😦我幫襯過甘多間，旺角呢間服務真係超級差，其實打開門做生意，用d 甘嘅態度，不如唔好做。

與同事食brunch，一開門便入座，環境開揚，光線充足，限時108分鐘，有加一服務費，水都要叫才會有😔是日餐湯：南瓜蓉湯🫕外觀好靚，令我期待之後的午餐🍱紅酒燴牛肋條，藜麥香米飯🍚配 烤澳洲西蘭花拿破崙意式肉丸意大利粉🍝大大粒肉丸+香濃茄醬汁，加上多種菇菌，口感豐富、意粉🍝軟硬適中。慢煮 BBQ 醬美國豬肋骨🐖拼海鹽薯條，普羅旺斯燉菜bbq醬滿佈豬肋骨，外間約10cm長度，呢度的豬肋骨約15cm，4節骨，超多肉汁。

牧羊少年牛油果香芒烤雞沙律配日式胡麻醬日式大阪燒風味煙三文魚薄餅難清度：易因為份量唔算多同埋今日我肚餓(又押左個韻)整體滿意度：86.49/100個沙律所有料都係鍾意食既食物，樣樣蔬果都好新鮮，雞扒好滑薄餅岩岩新鮮出爐，又脆又唔薄，煙三文魚好重味有乜up：平時行過呢間都好多人等，今日早無人就入左黎職員企係我格黎，見我一食完就想收我隻碟，好有速度感😆

-//位於旺角，文青咖啡店，都有意粉、飯等暫有8間分店，餐廳裝修設計舒服 環境幾靚成日都見到都好多人排隊😂 記得book位先個人覺得食物選擇唔多，反正飲品咖啡就多📍三文魚子和風蜆肉意大利粉 $118個意粉食落好creamy，除咗好多汁仲好淋身賣相唔錯，食落好多菇😂但三文魚子就勁少女士份量啱啱好，如果男士可能就差啲喇🤣食物全部只有單點，沒有套餐的🙏🏻得6款揀有冬蔭公海鮮長通粉、豆腐素肉醬意粉等等📍蜜糖芥末蕃薯條 $68平時都係食開薯條😜好少會見到有番薯條揀但原來熱辣辣番薯條特別吸引，香脆唔油膩同埋蕃薯味好出🍠沾埋蜜糖芥茉醬食唔停口但係價錢方面都唔平，同埋份量唔算好多🙈📍自家調製薄荷Lemonade $42呢間餐廳飲品好多選擇，咖啡、凍茶、抹茶呢杯味道清新，但就有啲酸🤣酸到合埋眼餐牌