燒烤堂

營業中

休息中

本來同諗住同朋友去食一間新開嘅壽司店，點知勁多人連walk-in都唔得，所以亂咁行去搵嘢食。見到呢間串燒店都幾多人食，所以試吓，點知係出乎意料地好好食最鍾意嘅有：雞皮墨魚滑 - 薄脆嘅雞皮包住彈牙嘅墨魚滑，個口感同味道都勁正鹽燒豬頸肉荔枝 - 塊豬頸肉切得好薄，荔枝好甜，兩個加埋鹹甜味好夾，好有創意同考刀功鹹蛋黃燒大腸 - 呢個有少少肥膩，但兩個加埋勁好食黑毛豬配鵪鶉蛋 - 又係一個外面薄脆，質感好夾嘅配搭其他普通串燒都好食服務好好，員工好熱心Overall 成餐都充滿驚喜，但唯一問題係啲餸細細舊有啲難飽肚，食完可以食多碗糖水就完滿

經過看到打算入去試試，入去見到大約有五六張小檯，地方不大，當時有一張空檯，但我地冇預先book，店員叫我地留低電話，會喺大半個鐘後打比我地，但最後都冇打到。由於👦🏻好想食，於是佢喺等唔到電話ge情況下，又再次入去，今次終於有位串燒味道不錯但不算驚喜，多春魚一份數量有4條，比預期份量多啤酒原價48蚊一杯，但湊巧店內有買一送一優惠，依家48蚊有兩杯，所以當時每檯客人都叫左啤酒蒜蓉焗雜菇：蒜蓉份量過多了，變到有點苦味，食完最好食番香口膠清清口氣，如果唔係陣味真係會last成晚麻辣蒜蓉茄子：味道一般，不會很麻辣，但不夠入味，表層較濃麻辣蒜味食左14樣野，total 337，平均每人160幾蚊，價錢都ok，而且開到兩點，岩哂人小小去食宵夜，晚餐時段食可以打去book左位先咁就慳番等位時間，店外都可以開檯比客坐，但當然入面環境舒服d，岩哂食少少野吹下水

黃埔同一個area入面都有幾間串燒店, 而燒烤堂係主打日式燒烤,係一間居酒屋來既.其實我已經係呢到食過好多次! 首先清酒係必點既~以前我地會揀”李白 - 兩人對酌”鍾意佢清清地.而加我地就會order”獺祭45”, 價錢合理~果味亦都幾重!食物既quality好好, 味道岩岩好,調味得夠,又唔會太重味.幾款必食既包括1.雞泡魚乾2.Wasabi 雞肉3.雞軟骨4.牛肉5.燒茄子每樣都好岩送清酒!最後~呢到既服務都幾好!

經過黃埔突然想食串燒，隨意喺google map揾到燒烤堂。店內得好少位，大約坐到十幾人。後來幾乎無walk-in食客，要book定先有得入。串燒好啱一個人食，每串得少少，可以試到好多嘢食。.食物選擇好多，足足兩版A4紙。例如單係牛舌，就有牛舌腩、牛舌芯同牛舌爽揀。.蒜茸茄子 ($32)份量充足，但底有少少燶。.蒜茸廣蠔 (兩隻) ($42)價錢合理，好多汁~.蒜茸粉絲燒活元貝 (時價).鹽燒豚肉荔枝卷 ($22/串)完全食唔到荔枝味，唔推介~.牛油蒜茸焗雜菌 ($38) 份量充足，濃郁惹味! .牛舌芯 ($22)有肉味同彈牙~.嗌咗六樣嘢食，埋單約$200，價錢合理，夠飽同好滿足! 不過冷氣比較大，要著多件衫。順帶一提，小店唔收卡，記得有撳定現金。

出乎意料地燒雞腎，牛脷好好食！燒雞皮一般。其他海鮮類都ok！都叫新鮮但未有去到超好食不過絕對唔會燒窿！最咪食埋個燒菠蘿做甜品有一杯青檸梅子梳打水都好好飲！晚餐時段去只得一個服務員，有點忙，而且要等位的所以最好預先訂位！

很久没有吃过烧烤啦，香港太多店铺了，不知道怎么选，随便找了一家店就进来坐了。点了好一些，觉得还行吧。其实烧烤的味道都差不多一样，就是调味料和一些火候掌控的区别。

紅磡好多美食，今次就試下呢間日式串燒店！兩個人嗌咗一支細清酒，支酒叫「兩人對酌」，好有詩意。辛苦做完一日嘢，可以同朋友飲酒傾下計，做咗大人之後就明白呢d時刻有幾重要～串燒方面都有好多選擇，有海鮮、肉類⋯⋯我地試咗鮑魚，燒得幾好食。另外仲有d飽肚d既熱食，但我地就無嗌到。另外推介日式免治雞肉棒，有埋蛋黃點，幾正宗～間舖頭好細，好容易就坐滿晒，會有少少逼，但同時氣氛都唔錯。串燒要等得比較耐，店員好似忙到有d做唔切既感覺。總括嚟講，食物都好滿意，啱同朋友嚟relax吓。價錢唔算平，但喺紅磡嚟講差唔多啦！

住紅磡的朋友特別推介，於是去了在紅磡小街裡，店子細細的燒烤堂試一下，果然非常出色。（小街上還有一間皺皮腸粉店和足料靚湯店，吃完熱氣野，可以潤一潤）串燒非常惹味，燒得洽到好處，每一串都做得很好，外脆內juicy，絕對不馬虎。我們二人點了燒茄子、燒雞皮、燒雞翼、燒牛舌、蘆筍豬肉卷和鰻魚炒飯等等。絕對要吃燒雞皮，外面很多串燒店都是用細細片串成的雞皮，一點口感也沒有。而這裏的卻是一整塊完整的大塊雞皮，非常之香脆不油膩。吃幾串串燒，再加個鰻魚炒飯，就非常飽非常滿足了，價錢正常不會太貴。

今日好想食燒烤，在openrice上看中這家，照片中的環境好像比較衛生。食物到的時候很準時。菠蘿是切好的很棒，烤肉串很精瘦，味道很不錯👍。但用了蒜蓉的食物比較讓人失望😞，辣味勝過香味，不知道是技術還是蒜的品種問題。蒜蓉燒蠔一般般，蒜蓉茄子比較失望😞。

之前睇YOUTUBE見SUNNY有介紹過，身為紅磡人點可以唔試下！入到係發現位置唔多，好似得４張台左右，咁我地就揀咗近廚房個張台喇。因為呢到係佢無飯麵類，所以食完都唔係好飽，只係得串燒，所以食完都無咩飽肚感！整體串燒係惹味嘅，食完無話特別口乾。特別係玉子，真係推薦，有小小日本的味道～不過價錢呢～～又真係幾貴，埋單３個人８００幾９００ :<　下次要食定個杯麵來～～

紅磡德美壽司食得多 今次試下佢對面一間唔太起眼既串燒居酒屋 裏面得十幾個座位 午市供應串燒丼 串燒4串加碗飯都唔錯呀😇黑毛豬雜錦串燒丼飯 $58牛小排雜錦串燒丼飯 $58最正係牛小排 嫩口有油香 但得三舊仔唔夠喉😍 除左牛小排之外仲可以揀黑毛五花腩 燒到外面少少脆 肉有咬口唔油膩😋 另外仲有京蔥雞串 翠玉瓜 甜薯 底下仲有件幾滑既玉子😛 飯撈左飯素同淡淡既燒肉汁 但d飯煮得唔夠香綿 所以唔太夾🙈

昨天年初五，行完大運後，肚餓就去搵嘢食，突然好想食串燒，不知不覺見到呢間小店，見到門口已經好想去，因為日式裝修，坐下來，侍應的服務態度超好，當然是食物最重要，好味到一個點，原本低落的心情，立刻好起來，好味的食物都可以治癒心情♥️值得推介的小店，大家都去試下！

朋友T生日，佢揀咗去紅磡呢間燒烤堂食串燒！燒烤堂裝修就好似日本d居酒屋，室內環境比較細，只得幾張枱。我同另外兩個朋友七點已經到咗，點知主角要OT，我坐到七點半就開始叫嘢食。其實呢喥翻枱率唔太高，一來燒烤需要時間，老實講，食量大嘅人應該係前菜，因為真係食極都唔覺有嘢落肚！因為主角未到嘅關係，我哋都係叫咗嘢飲同d餐前小食。柚子醋伴青瓜呢個青瓜配柚子醋又幾夾，青瓜爽脆，配上酸 may may 柚子醋！我地一路食仲keep住個汁，後尾仲好低B咁叫咗個白飯撈汁！但個白飯要20蚊！麻辣炒鴨舌 鴨舌係走過油再炒，助酒一流！大蔥雞肉 燒燶咗舊大蔥～鹽燒牛舌心 好味！鹽燒帶子 唔錯！鮮雞皮 超邪惡！燒墨魚咀 細粒咗d~黑豚肉韭菜花卷 唔錯嘅配撘！日本尖椒仔 少少辣！免治雞肉釀冬菇 好味！西班牙黑毛豬 麻麻地美國露筍 正！秋葵 好多人唔鐘意食，其實可以試下食燒秋葵，容易接受好多！海苔豚肉鵪鶉蛋 好攪笑～紫蘇梅雞串 喺日本試過紫蘇配豬肉，今次試配雞肉，好似麻麻地。芥茉豬頸肉 朋友T話呢個好好味，係都要叫4串，但我就覺得一般。鹽燒多春魚 我勁like嘅魚但勁熱氣。鹽燒雞亦 正常水準鰻魚芝士玉子 朋友話好味，我

食過幾次呢間燒烤店，紅磡同筲箕灣兩間都食過，所以試過好多野食，但係次次十幾樣野食基本走唔甩🤤。👉🏻特別推薦佢地嘅海鮮，大致上都新鮮，調味都幾好食。❗️更多食評👉🏻ig @hkfoodtaster😚好食程度(由上至下)：1 鹽燒#白鱔 $48/串肉質鮮甜同嫩滑🤤，岩岩好熟，唔會口感粗糙。層皮燒到幾脆。2 冰凍#鮑魚 $48/隻調味幾好，甜甜地，肉質幾爽，色澤幾靚🤩。3 蒜茸茄子 $32/條蒜茸同調味非常好食，茄子燒得通透，香軟可口😋。4 韓式#牛仔骨 $118/份牛仔骨嘅肉質同部位質量參差，有時會較韌，有時會嫩口一d，但醬汁味道同燒嘅方法總體都好食，甜甜地嘅味道。不過其中有一次冇配生菜。5 沖繩#黑糖菠蘿 $22/份菠蘿上有一層燒到脆口嘅黑糖，又甜又有少少酸😋，適合開胃同飯後食6 台灣#雞泡魚乾 $38/份香甜微脆，係好食嘅雞泡魚乾，非常抵食👍🏻但係今次燒到有少少燶咗。7 燒#元貝 $48/隻新鮮清甜，但蒜茸帶苦，有粉絲會更好食。8 麻辣白鱔 $42/串同鹽燒白鱔燒得一樣，只係麻辣嘅醬料辣但唔惹味，扣咗分。9 泰式鹽燒馬友魚 $148/條鮮甜嘅，裹面塞咗幾多配料，配嘅泰式醬有少少怪。10

小小的串燒店，座位也不多，迫迫哋約坐18-20人。見午市有串燒丼飯，幾特別喎！餐牌每個雜錦串燒丼飯都有甜薯、玉子、翠玉瓜、京蔥雞肉、黃蘿白。然後選你自己喜歡的主要肉類，如牛排、牛舌、鯖魚等，亦有單一鰻魚丼飯。其實第一印象會覺得只有幾串串燒，會唔會唔夠飽呢？黑毛豬雜錦串燒丼飯，碗飯送到，有些令人改觀，是大大條串燒蓋住碗飯。黑毛豬串燒是五花腩位，燒得外皮脆卜卜，灑上黑胡椒和調味料，肉都很爽脆，唔覺肥膩。京葱雞肉串燒，兩種食材隔住串起，怕吃葱的人一定要試京葱，燒烤後，變得軟淋，好似吃著蔬菜一様，一啲辣都無。而雞肉塊屬瘦的，無唔油，但肉仍很嫰。翠玉瓜串燒，外就燒得乾身些，沒有了青澀味，但內裏仍保持juice。一口甜薯，有些似是飯後甜點，連皮烤，香脆軟滑微甜。這店燒烤和醃製功夫都掌握得很到位。拿起串燒後，飯面有黃蘿白片、玉子，而白飯上灑有飯素，與紫菜、芝麻、脆粒混在一起吃，令人吃唔停。而且隨飯送水一支。雖只是一碗飯，但配搭很有心思，包含了前菜、主菜配飯、甜品等。