煲皇 (已結業)

活魚刺身打邊邊之前，識食既一定係食D頭盤先，煲皇有各色各樣魚生，而我地就選擇左新鮮的活魚刺身，上菜時還看到魚的肌肉在跳動，加上wasabi和日本醬油，肉質爽滑而不腥，真的意想不到在筲箕灣南安街上會有如此高水準的火鍋店。潮式螄蚶第一次食螄蚶的我，一開始有點怕，但吃了一口後就從此愛上了，美味的生醃螄蚶用上特選米酒及上盛魚露醃製，肉質嬌嫩，相當飽滿，鮮味至極，，非其它海鮮可妣美。餐廳會提供特別用來開螄蚶的工具，方便快捷。雞煲入冬過後，雞煲可算是火鍋的不二之選，雞肉的香加上雞油和芫茜的青香，會令任何下鍋的食物味道變得更濃郁，而且雞肉跟雞腳的份量甚多，好像吃極都吃不完，十分化算。牛腋牛可算是煲皇的大熱之一，他們用了上盛的黃牛，黃牛的牛味比其他牛較重，半熟的黃牛味道更特出，而牛腋更是一個肥瘦適中的部位，平日很少食到，比一般肥牛更爽口，很得人心。手切的牛片厚度剛好，放入火鍋內10秒就能有半生熟的效果，一點根都沒有。鵝腸入口彈牙先爽後脆，當中帶有軟糯的脂肪，豐厚甘腴，餘韻悠長，絕對令人再三回味！自家製紫菜響鈴即叫即炸，金燦燦的響鈴外脆內酥，紫菜和腐皮互相融合，層次口感豐富，不油膩，非常香脆。脆肉鯇脆肉

跟同事聚餐，來了同事介紹位於筲箕灣的煲皇。一開始先來幾個前菜，鳳爪、鴨舌都香香辣辣，送酒一流，還有我第一次吃的螄蚶。要吃螄蚶，就需要這個工具，只要一夾就會打開，非常厲害。各式各樣的調味料，不過和連鼓油都不用的我沒有什麼關係。這兒的食材很讚，每一樣都非常美味，鱔切得又薄又滑，牛也要分牛邊、牛胸尖，對於平日就是吃肥牛的我有新的味覺體驗，響鈐卷著紫菜、炸芋頭也很香口，想不到連襯托的生菜都非常新鮮，果然無介紹錯。

椰汁雞腳湯底---清甜，湯底濃，食到尾湯底仍能保持！牛腋---$268/碟(大) 咁嘅油花，咁嘅切工⋯⋯🙀入口即化，軟綿綿嘅開雙飛牛腋片，牛味濃郁，好食到唔捨得吞⋯⋯😭😭價錢未必係最平，但品質、服務絕對物超所值。

呢間嘢打邊爐真係幾正, 主打刷牛肉，唔講唔知原來牛肉分咁多部位，個個部位都唔同口感，所以我最喜歡呢間，haha（因為本人無牛不歡）環境唔錯. 價錢亦尚算OK. 呢晚6個人食1900, 有700係去咗象拔蚌度, 扣除呢個, 其他打邊爐料一人二百零. 食物簡評如下:1) 肥牛新鮮, 嫰. 但有分大細碟，細碟只夠兩人食，所以我通常會叫一碟大牛邊，一碟大牛脊（好多食家就知道外面好多新鮮牛肉其實都只係急凍牛頂充，呢個就係我喜歡呢間原因，牛肉有水準2) 象拔蚌鮮甜. 一個字, 正!。貴啲都食得舒服，好過食水蚌（加州）……3) 炸角夠脆, 冇油味. 4) 其他用料均在水準. 唔錯.食物有好多選擇, 賣相都好整齊好新鮮.丸類細細粒又彈牙.海鮮類又乾淨.有鮮味

昨晚同朋友食飯，見秋風起想打邊爐，家住港島東既我，來到出名多好野食既筲箕灣，試下呢間煲皇。見到個名，諗起以前在西環既煲皇，唔知有無關係。一行三人，叫左個花甲什菌鍋，花甲是另上的，不過細隻到暈，湯底無乜味，越滾越淡，加左水直頭似「有味水」，非常唔掂。$178 一碟手切牛脊，肉味淡薄，好彩夠腍，但以呢個價錢，份量真係少得好離譜。反而$58既花雕滑牛幾好同抵食，滑牛如其名，花雕味幾香。蝦滑、墨魚滑平平無奇。九肚魚尚可，但一d都唔肥美。越食越無癮，無叫海鮮，三個人埋單竟然要$1000，以呢區加食物質素，真係超唔抵，無下次。

住在香港島的人，除了不願去九龍，住在西區的也不願去東區，住東區的又不想去西區，其實香港有幾大，呢度唔去，嗰度唔去，真係邊度都唔駛去。 煲皇由西向東移，落戶筲箕灣，一直未有機會光顧也是這個原因；但每想到打邊爐又只會想到去大坑、銅鑼灣等比較熱門的地區，終於有朋友放低區域的成見，提議去煲皇，立即成行。 新店算寬敞，沒甚麼裝修，星期六晚上大概半滿，以前在山道是經常爆場的。這晚大家想驅驅風，湯底要了川芎魚頭，非常足料，睇吓個魚頭幾新鮮。 煲皇的牛肉有三款，一向覺得牛腋最好，也就點了一碟大，質素算不錯，但有點覺得肉質太腍，牛味淡了些，吃了幾片也沒有甚麼大印象。鐵𩶘夠新鮮，由頭吃到落尾也沒有腥味為之新鮮，＄198算不貴，而我當然知道街市五十蚊買到。 配料樣樣都新鮮，同行友人連墊底的生菜也大讚，也是真的，我們沒有點菜，只是吃光那些墊底的生菜。4個人點了一枱都係，又食得哂。

一行十二人食生日飯！想不到材料新鲜 湯底好味，新鮮手切牛腋x2，牛頸x1-牛味濃田雞,豬潤 -超新鮮廣島蠔，蝦丸，桶蠔-非常好味！而且價錢合理，地方乾淨，服務可以！上菜時間快！好味過很多有名的火锅店，下次一定再去！！