澳門街水蟹粥雞湯米 (已結業)

天氣開始轉涼，一去到元朗就自不然諗起呢個酒雞米。真材實料！$59碗好足料。好多雞件、芫荽、姜、紅棗、木耳、冬瓜件加米粉。感覺好大碗，食落你就發現唔夠喉，湯都會飲晒，甜甜帶點酒味，食完好補、好暖胃！呢個菜式基本上好適合女士，唔清冇味精，我個人感覺食完唔會口乾。其實傳統客家人會煮這個雞酒湯做為坐月補身的食物，不過在天冷的日子，也可以做暖身湯水。客家人傳統會自釀糯米黃酒來煮，用帶甜身的客家黃酒來做，當酒精揮發後，便是甜甜的酒雞湯，所以我覺得呢一個一定係客家菜。美中不足的是餐廳不是很新、很乾淨，而且冇乜伙記，基本上都算係自己顧自己，如果有要求者，請勿考慮。

除左小菜、蟹粥,今晚試下任飲任食兩小時嘅打邊爐。普通邊爐,每位$108, 以呢個價食物質素同服務算好ok。蔬菜、菇、丸類、鵝腸、豬肚、魚滑、肥牛、雞件、蜆、蠔仔、蝦、腸仔、午餐肉同粉麫放雪櫃,汽水啤酒自取。呢個抵價,食物服務又ok, 唔怪得室內外坐滿喇！

水蟹粥、雞湯米是澳門的地道口味，記得常去澳門的那些年，每次必不會錯過，有次更因吃到藥材味濃厚的天麻川穹魚頭湯米而迷上了！不過時移世易，現在對澳門的情感退色了，幾乎也忘卻了那些可口的味兒！星期天的晚上，老公和我也想吃一些湯粉，可能是疫情關係，商場內大多的食肆也提早收市！於是走到雞地，想起很久沒嚐的雞粥店，那裡有澳門的老味兒！「澳門街水蟹粥雞湯米」打正旗號是主理澳門的名物，我們坐到舖外的座位，吹著微風，享受舒暢的街頭風味！侍應姐姐很親切，一坐下便建議我們食蟹粥，帶著微笑的她：「今天的蟹好靚！」，其實我也在想念蟹粥！翻開餐牌，至尊推介套餐非常實惠，任擇四選一的自選粥品一鍋，加上乳鴿一隻和自選灼菜或豉油皇炒麵一碟，最基本的才HK$196，而粥品也設加大的選擇！我們就挑了最基本的 HK$196 組合 — 蟹粥、乳鴿和豉油皇炒麵，蟹癡差點被大粥有兩蟹而迷惑，幸好瞬即回復理智，大與小雖只差 HK$77，但吃不完便等於浪費了，不行、不行！炒麵第一時間送上，份量也不少！我喜歡豉油皇炒麵的咬口感，鑊氣雖欠奉，但嚼感的麵質加上帶有細香、鹹甜勻稱的豉油，感覺還不差！至於炒麵油量不算少，但絕對是我能接受的程度！

依排凍番d, 特登黎食上次中午食唔到既蟹粥我地兩個叫左一個細蟹粥share其實都好大碗，總共分到五小碗架！粥底清清地，都有少少鮮味但隻蟹肉真係好鮮甜，真係好食，有八成似澳門水準兩個人食碗粥梗係唔夠，我地仲叫左半隻醉雞鍋本身menu 有雞煲。。點知落order, 阿姐先話未出。。。因為雞煲係$168 半隻 加$10 有bb 鴿半隻架，抵食d依家醉雞鍋半隻要$188, 加$10 可以揀肥牛或者魚腐，肥牛見到人地叫真係好肥下，所以地叫魚腐，份量都好多呀，菜係會送埋既雞鍋都好大，雞件份量係足半隻，雞肉都算嫩同埋有雞味同lunch 食既醉雞米係差唔多味道，滿滿藥材味但凍凍地食就夠暖身冬天實要黎encore

某一晚經過雞地見到依間店坐到出哂黎再上黎一SEARCH, 估唔到甘多人讚星期日lunch 一於試下雞湯米水蟹粥黎到先知原來lunch 無粥食。。。。唯有叫魚湯米同雞湯米，再加個牛腩飯牛腩飯先上，係牛筋溝牛腩，牛腩唔淋，d 肉好柴，咖哩汁味道正常之後就上魚湯米魚湯米藥材味比較勁，無乜肉食，得個魚頭但個米線淋左d,無乜咬口， 如果聞唔慣藥材味，應該唔鐘意雞湯米一上，就搶哂風頭滿滿既雞，而且有雞味，唔算鞋，我地兩女一男整係分依碗雞湯米都食得飽最後我地仲筆埋魚湯d 米黎雞湯依邊，因為真係好味太多下次一定會再黎夜晚試埋粥同乳鴿

今日約左勁耐無見嘅舊同事食飯，每次見面都係婚禮先會，以前細過聽得人講多，但大個先知先感受到真係。今日甘arm係觀塘開會，個friend又係觀塘番工，所以一齊搭車去拒屋企樓下食飯，即係入元朗，因為終極目標係要上拒屋企撚貓子。呢間好似好出名，聽個friend講勁好食，有乳鴿，有蟹粥，有雞粥等等。結果嗌左以上嘅再加個炒麵，wow,結果真心勁好食，首先個炒麵，加左辣醬無得lost, 之後個雞米粉，醉雞湯底好出食，之後個蟹粥好入味，食左三，四碗，仲有最後隻乳鴿，勁好食。最重要係價錢好合理，去元朗一定要食！！！

想食水蟹粥 所以搵到呢間餐廳兩個人叫左一個蟹粥+雞湯米線套餐另加一隻乳鴿白粥底+蟹都有幾多蟹膏，不過應該唔當造食得出蟹似好梅，或者係唔新鮮殼硬，好難食用啲蟹肉粥底有味精，不過可以接受番到屋企都無勁口渴整體都甜，好大碗，熱辣辣雞米就好重酒味，米線係好滑個隻細細碗唔多米線，雞肉滑又醃得夠味！個湯都飲埋，不過受唔到咁補就唔好飲咁多啦乳鴿炸得好好食，又香好食過好多舖頭，必食食完呢餐一肚水呀我就唔夠飽既，後尾出去又再搵野食

自從屋企人帶我去過呢間食醉雞米。食過返尋味。連老公食完都成日念念不忘。入親元朗都會去食。醉雞米係即叫即煮，所以每次都要等10至15分鐘。但每次我都覺得值得等嘅。本身個醉雞係一個湯，跟米粉或者米線🍜，飯要加$5。我每次都叫醉雞米好老土要講一句，雞有雞味，醉雞有酒味。同埋啲雞係唔會鞋颯颯。食到有雞味，同酒香味。PS. 係雞件上，有骨個隻。感覺好真材實料另外，本身個湯係跟咗啲配菜，木耳，冬瓜，紅棗，薑絲，芫茜。除咗紅棗，其他都係我杯茶。唔會成碗齋肉又有啲伴菜。正呀。個湯底都好正，次次我都飲哂佢d 湯。最重要嘅係，食完係唔會口渴嘅。冇記錯好似係$58一碗，我覺得好抵。原因係個雞滑，個湯底好夠味， 而唔似係用味精粉開。誠意推介

元朗出名多嘢食就真係係人都知，今次直係推介依間餐廳比大家，值得試下裝修就真係好一般喇，不過唔緊要，食物出色就得啦，而且仲有得坐街邊食，啱曬吸煙一族炸乳鴿非常出色，即叫即炸，每次食都係皮脆肉嫩，送啤酒一流今次叫咗一碗黑豆塘虱魚湯，好重藥材味，聽店員話，最適合女士冬天飲，可以補身，又暖身，而且碗湯好鮮甜，仲有原條魚，叫多碗白飯就夠曬飽我老公鐘意食香口嘢，一定會叫黃金蝦，炸到脆卜卜，外面包住一層咸蛋黃，真係頂瓜瓜

平時好少見餐廳有提供川芎白芷魚頭湯，之前係網上見到有人推薦呢間，有機會就黎試下啦。.黎到發現呢度座位有分室內室外，天氣甘熱當然揀室內啦，加上室外多數人在吸煙，空氣會比較差。在兩點多既時間黎到，不用等位，只坐了兩枱人。.🔶川芎白芷魚頭湯米線魚湯奶白色，夠鮮甜，配上川芎白芷的藥材，味道好濃郁，但又不會過分嗆，好好飲！一碗有兩大舊魚頭，算足料，但米線有點碎，好難夾！.🔶雲吞雞湯米線意外地發現呢度的雞幾好食，有彈性，但就有點少，雲吞超級大粒，但係就好咸！$77蚊黎講偏貴！.以上既都係湯再加$5配米線，仲可以配米粉或者飯。沒有跟餐，所以無配飲品，不過可以有半價優惠叫飲品。

知道元朗好多特別野食，見到樓下間水蟹粥長期爆滿，好想試下～終於前幾日落雨無咩人，就有機會一試😆佢最出名就係個水蟹粥，一定叫返碗試啦😛之後仲有雞湯米都出名，再叫多隻燒乳鴿😍同魚湯👍一上菜，嘩，樣樣都勁足料大大碗，夠曬四個人分，水蟹粥果然名不虛傳，超香蟹味，粥入口即化😋😋雞湯米超滾，不過有啲油，但都好新鮮好惹味👍燒乳鴿更加不得了，脆皮嫩肉，食完再encore多兩隻😆魚湯足料到😋鮮味十足，仲好多渣💕💕有機會一定再食多次！

2018 年食過兩次 都覺得好食 主要食佢個水蟹粥套餐琴日四人行食第三次 餐牌改咗 食物水準欠佳琴日叫咗水蟹粥（加大） 乳鴿二至三人餐套餐加價 份量細咗一倍加大水蟹粥 有兩隻蟹嘅料 多肉嘅 但個粥底唔夠水 味精落多咗。乳鴿皮 keep住脆 一人也可完成一隻乳鴿 四人食必定要另加多隻先夠食個餐包埋豉油炒麵 份量比上次細一倍 問下侍應有冇甜醬 係冇嘅另外點咗個乾炒牛河 碟餸賣相欠色水 唔夠鍋氣食落去 啲牛被梳打粉醃到冇味 河粉只有味精嘅味道失望😔下次不會再光顧。。

是日晚餐，又黎幫襯魚頭湯！6點半去到，唔洗等，有位坐！川芎白芷魚頭湯: 必叫！飲落有酒味，好重藥材味，初時會飲唔慣，但越飲越想飲，會上癮🤣！飲完會大爆汗，成個人有番元氣咁！乳鴿: 炸得啱好，肉質新鮮唔鞋，但過鹹！薑蔥蟹：今次d蟹夠肥，幾多肉，薑蔥蒜都多，夠味！蠔仔肉碎粥：蠔仔好多，食到最尾見碗底都仲有好多蠔！調味啱好，唔會過鹹，份量十足，一大兜，幾個人share, 啱好！總括黎講，澳門街唔會令人失望！嘢食質素一如往常！

小弟今次帶大家嚟到元朗雞地嘅澳門街... 水蟹粥雞湯米試下佢哋出名嘅,蟹, 湯, 乳鴿... 其實就咁經過呢間嘢唔算大間, 雖然有兩個舖位, 但係每個舖位各只大約放到五張枱, 室外亦會擺幾張枱, 店舖唔介意寵物佔用室外嘅枱. 至於食物方便今次就點了紅燒乳鴿呢隻乳鴿應該係油炸, 但係覺得十分香口, 好juicy, 食完一隻會想叫多隻食另一個好味嘅食品就係薑蔥炒蟹, 佢哋搵個係通常都係肉蟹, 師傅先走一走油, 令蟹殼脆脆地, 再用薑蔥炒, 好嘢味至於呢個澳門醉雞湯, 酒味重, 配料有紅棗雲耳芫茜薑蔥... 出面好少飲到

此店出名雞湯米，還有幾款藥膳湯，仲有各種小炒。晚飯時間來到已有不少食客，剛好仲有一張卡位，唔駛等，即刻有位👏🏻👏🏻食店裝潢像茶餐廳格局，沒什麼特別。叫咗一個孖寶餐：一個粥加一個湯🥣，兩個人都夠食，加一份米線，埋單$138🐔雞湯🥣材料有雞件、冬瓜、破邊紅棗、木耳、杞子及羗絲，酒香撲鼻，飲落有酒味好鮮甜，紅棗破了邊但仍然好大粒及甜，雞湯不肥膩，雞件有咬口好滑，不知是否用上新鮮🐔呢😉。若單點只要$49就有，加$5 可配飯/米線/米粉/河粉🦀蟹粥一碗有一隻粥，全部破開小份，粥底軟綿，食到蟹肉原有嘅鮮味。有機會再來試其它藥膳湯😛