潮樓 (已結業)

睇完清明上河圖，在青衣落腳搵嘢食。想起很久沒去食潮州菜就選擇了潮樓。先講環境，張檯好大好闊落不過啲座椅靠背太低而且仲幾硬，坐得唔係咁舒服。四個人叫四餸一湯再加兩個甜品，埋單只是三百幾，認真超值。滷水拼盤 - 潮州菜又點會少得滷水拼盤。不過沒有滷水腩肉和大腸略為失色。鵝片、滷水蛋、豆腐等味道OK。份量一般，八十幾唔算好抵食。XO醬炒象拔蚌 - 很失望的一道菜，象拔蚌牙力少啲都咬唔開，味道偏辣，愛吃辣就會覺得唔錯。茄子斑球煲 - 好香好惹味！斑球又多，好好食。蟲草花燉烏雞湯: 燉湯很清甜，足料夠味，十分好喝。全晚最buy呢個湯。炸子雞: 皮幾脆，味道OK。椰汁桂花榚: $8特價甜品，有桂花香味不過唔覺有椰汁味，不太甜幾好。雙色水晶包: 奶黃夠香，味道可以。

去完迪士尼, 出青衣城, 事先訂咗枱, 去到都好快有枱因為9時後食物半價, 叫咗:蠔仔粥--足料但味道一般, 蠔餅--比較乾身, 唔算多蠔, 一般鹵水拼盤--多款式, 平均每款都好味咸茶豬肚湯--咸菜煮到過火, 爛晒, 豬肚ok, 胡椒味不重馬拉箋芥蘭--我無食, 家人食晒話好味糖醋骨--酸甜香脆可ロ, 好味糖醋煎麵--香脆可ロ, 好味油 鹽水菜心--蔥菜好咸, 菜心有部份幾老又叫咗甜品:馬蹄片綠豆爽--不多料, 好稀, 味道ok雷沙湯丸--最差呢樣, 係我見過最醜樣嘅, 見到個樣都唔想食, 啲皮濕令雷沙粉漿到一團, 味道一般桂花椰汁榚--好味, 不太甜鴛鴦水晶包--一般服務方面, 待應都勤快有禮係上咸茶豬肚湯無比湯殼, 叫咗兩次最後都無拎比我哋埋單$391.5, 8個人真係好抵食

因為知道今天有一段長時間無堂上所以早一日已經相議好去飲茶由於早左少少落堂,所以我地都早d去去到人唔算多,一入去就有位之前已經食過一次,今次叫野食都快左大約都同上次叫d野差唔多今次就介紹返d特別好食或者上次無叫的野啦皮蛋瘦肉粥:料唔多,米都唔多粒,只係一大碗粥水叉燒包:今次終於食到了,包鬆軟,甜甜的,叉燒係瘦叉,整體黎講唔錯時菜牛肉球:上次食過好正,今次再叫,一樣咁好食,實淨得黎幾彈牙三式手工餃:唔係好記得叫咩名,一籠有蝦餃,粉果,蔬菜餃,淨係分到粒粉果,粉果又細粒,皮又厚,麻麻地食完一堆點心之後,坐左一陣又有d肚餓,叫多兩碟炒麵炒飯蒜子雞粒炒飯:上次食過一致覺得好食,所以特登叫返,不過好野真係一次就夠了,今次真係差左,飯炒得太乾,硬到差d吞唔到,而且無上次咁香時菜牛腩炒麵:所謂的時菜就係碟邊果兩條菜心...牛腩好細舊,汁又整得太杰,味道有點過鹹,結果又係乾爭爭咁...今次比上次黎的確差左,不過又唔可以話難食可能係一時失手啦...今次只能算ok啦

由於一早就上完堂走得...就同幾個同學去青衣城食野見其他野都成日食,所以就去飲荼黎到的時間早又唔早,晏又唔係晏所以黎到都係食返早茶d野我地叫左幾個$17兩款的點心,$78兩款的炒飯炒麵$17兩款d野都幾抵食,又有飯又有點心因為另外有叫飯,所以淨係要點心我地叫左:時菜牛肉球x2,蠔皇蒸鴨掌,叉燒包,鮮竹卷,南乳蒸豬手x2,叉燒腸併牛腸時菜牛肉球好好味,唔似出面果d成口梳打粉味蠔皇蒸鴨掌好入味,底下仲有幾舊柚皮,兩樣都好好味,正!鮮竹卷普普通通,未算最好,不過又唔可以話佢差南乳蒸豬手味道就幾好,不過d豬手就無咩肉食,舊舊都係骨+少少皮叉燒腸甜甜地,幾香叉燒味牛腸,叉燒包唔夠分,所以無食另外我地叫左:蠔皇肉絲炒麵,蒜子芥蘭炒飯蠔皇肉絲炒麵除左有肉絲之外仲有幾款菇,味道就幾好,不過太過油蒜子雞粒炒飯炒得好乾身,食落口又唔會好硬,而且好香蒜味總括黎講呢餐好滿意,價錢唔貴,又唔收茶錢加一而且d野樣樣都大大碟,果兩樣炒飯炒麵可以分到5碗滿晒的但茶係飲茶包的,不過無收茶錢就算啦下次有時間的話一定會再黎

睇完唐山大地震就同一家人飛的趕黎dinna~因為睇完都10點..驚呢度好快last order..幾點last就唔知.不過去到見好多人都係洗緊碗岩岩坐低..宵夜好抵呀打冷野就半價呀好似..餐牌都7折..叫左老水拼盤,9菜豬紅,明爐燒魚,炒飯,龍眼咕嚕肉..拼盤ok啦.都幾大碗..最鍾意就係拼盤入面既豆腐.入哂味..豬紅又係大大碗..半價左都係20蚊左右..魚就好有味好鬼正..大大條,有水準..其他都好好味..又抵食..宵夜真係抵食呀..呢度係好選擇..唔會因為平就求求其其..抵讚!一家人最後快快樂樂地回家嚕!飽哂~

今日媽媽生日，訂了檯，放了自備的壽包去訂位時已叮囑因為是給家人驚喜的不能再她面前提起!!!晚上我們準時到達我地點了竹笙瑤柱玉子豆腐，炒通菜茄子斑球煲，鹽香炸子雞，鹵水拼盤有待進步炒通菜---酒樓應有的水準竹笙瑤柱玉子豆腐--太濃味 略鹹茄子斑球煲--太油了 還有很多過剩的油鹵水拼盤--也是很鹹，鵝片是幾好味的 其他都一般但佢地好足料，咩都有值得一讚炸子雞--很體貼在我們完成了晚飯後幫我地上皮很脆 雞又唔太肥 幾滑身跟住個經理走過黎問我上得壽包未!!!!激死我喇，因我家人唔太吃蛋糕同包餡所以訂了包店的壽包，但要收半打壽包錢幫我地蒸大家睇唔睇到有一個係唔同呢冇葉就是潮樓出品，口感冇咁，有點硬反而自備就好軟身，幾好的值得一讚--員工主動問我地野食有咩改善可能其實他們做個樣 未必把意見帶去廚房但我地也會告訴你們 因為以往只是部長或經環先會做估唔到連侍應們也會行出呢1步，十分驚喜總結其實都唔差的,只是略重鹽味輕手少少 可能吸引更多愛健康的人!!

叫了一個12人套餐, 但我們有15人而且當上甜品 (桂花紅荳糕)時,主動將份量加多夠我們食 ; 而甜品不會過甜,有桂花味服務殷勤可惜味道偏咸 :而最咸的是冇上到鏡的翅,搞到一定要加醋才食得落,其次就是家鄉炒麵炒飯夠乾身珊瑚蚌份量少些D香酥鴨的鴨肉硬左少少但面那層酥皮是得的同一碟龍蝦伊麵同台友人各有不同意見, 有些新鮮但有些是霉的鵝皇拼盆的卥水夠味 ; 鹽香燒雞的皮硬,雞冇乜味, 但又未至於入唔到口

公司食飯，一圍枱10人，叫左好多野食：蝦餃－－皮有少少厚，但蝦肉夠新鮮燒賣－－普通涵料，不太特別咸水角－－食落幾香口，又唔肥膩蝦腸－－係我最鐘意食，蝦好新鮮，腸粉又夠滑主菜我地食左燒雞、蒸魚同埋甜酸排骨，燒雞好咸＆唔知係咪炸得耐左，感覺好乾；蒸魚就幾有水準，魚肉好滑，所以食左好多，希望下次有機會再去過。

今日同幾個同學黎呢間飲茶，其實可以去稻香既。不過十個人以上先有折，就上黎呢度飲。免茶錢同加一，都唔會太貴既。點心呢個要諗一諗有咩野食過，鬼叫自已腦殘。燒賣就大大粒，好好味。奶皇包就一定食既，奶皇"必"哂出黎，好正呀。蒜蓉鮮魷都唔差，個汁好好味。蒜蓉蝦春卷都唔夠熱，死罪黎架。春卷唔熱，就算d料點好都無得傾。牛肉腸好滑好好食，不過就細份左。睇下仲有無點心未講，要講既都可以講。不過就無乜特別，都係唔好講。仲有個炆伊麵，呢個就唔錯既。不過我覺得最多既係冬菇絲，呢個都整得唔錯。野食好多都唔夠熱，唔係即叫即整。好彩既係，呢度唔收茶錢同加一，唔係一定無下次。

兩條友在青衣城搵食，有人魚癮起，建議去潮樓，我是冇所謂的。俱不太肚餓，沒有叫太多餸，簡單一條蒸魚、叫個肉、每人一碗雞燉翅便可。點菜後看看四周環境，樓底高，裝修簡約，挺舒適的，最不舒服反而是那張古靈精怪的椅子，換了它吧！雞燉翅先到，幾足料，起碼見到有少許翅、有瘦肉同埋雞件，湯底清甜，$18/碗的出品有如此水準，交足功課了。再來的是川椒雞，做得香口，雞肉嫩滑，啖啖肉最岩我。更喜歡的是炸過的珍珠葉，香脆味道好，又不太油，好吃。蒸魚需時，所以也是最遲來。那條海斑，兩斤重都唔止，正合朋友心水。魚肉鮮甜，只可惜稍稍蒸老了，肉質有點兒韌，浪費了咁靚既魚。若然蒸少一至兩分鐘，會是完美。服務生勤力，卻並不專業，是稻香集團的一貫水準吧！

伯娘請飲茶，通常都係黎青衣城潮樓。點心質素幾好喎！好過海港同迎囍嗰d。豉汁蒸鳳爪：好味，豉汁惹味帶少少甜；鳳爪肥美多肉豉汁蒸鴨腳：一樣好味；鴨腳無雪味，好爽口鴛鴦腸粉：即牛肉拼蝦腸。我食咗蝦腸，隻蝦好爽口，腸粉皮不算好薄，但得滑叉燒腸：叉燒中間還夾了脆玉瓜，幾新鮮的combination蝦餃：皮唔薄，不過蝦好爽口，沒有太多肥肉燒賣：肥肉不多，蝦新鮮，豬肉未係切得好碎，食到一粒粟米肉丁咁大嘅豬肉牛肉球：質地好，不會太削；但落得太多芫茜，芫茜味太搶蘿蔔糕：煎得香脆；不過粉太多，蘿蔔絲同料都好少海鮮瓜粒湯飯清清地，好好味。用上魚湯，鮮甜無味精。有冬瓜粒同絲瓜粒，仍有咬口。海鮮只有蝦同魷魚絲，可再加多d料。飯不會太淋，恰到好處，配埋魚湯很好味。特色炒麵線咸得好厲害！每條麵都好咸。麵線屬手打，所以粗幼不一。配料有腩肉絲，有d係淨肥嘅肥膏，有d就較瘦。

雖然價錢貴了少許﹐但點心質素不錯。 是日要了娃娃菜鯪魚球﹐蝦餃﹐黑椒金錢肚﹐叉燒包。娃娃菜鯪魚球 – 一共三粒﹐ 粉少﹐魚肉多。魚肉內亦撈了蝦米﹐肉粒和陳皮﹐吃落味道很好﹐甘甘的陳皮令這點心很新鮮。蝦餃 – 可說皮薄餡靚,蝦餃皮以雲吞外表的摺法一樣﹐所以皮與皮的黏貼位不會很厚。餡料亦用了差不多一整隻蝦﹐蝦肉爽口﹐味道新鮮。黑椒金錢肚 – 牛肚爽口﹐但因濃濃杰杰的醬汁﹐所以味道鹹了一點。叉燒包 – 餡料做得不錯﹐沒有太多肥豬肉﹐味道甜甜﹐最不好的是出菜速度比較慢一點

星期一同o左女友同兩個fan去o左呢間店到試試,叫o左五個菜,一大碗蠔仔粥(四人分量),一定要試老水鵝,超正,好強老水味但冇蓋過鵝味.蠔仔粥都好好味,又大碗,仲有一定要叫一蚊雞,雖然真係賣一蚊,但真係成隻上,亦做得唔錯,超值.賣單一人都係$60,真係超平!!

同男朋友睇戲前搵野食，決定去從來都未試過0既潮館食晚飯~叫咗3樣野，川椒牛肉，椒鹽白飯魚同蠔仔粥~川椒牛肉:賣相一般，無伴碟無裝飾，單講外型唔吸引，但食落又好香口，微辣，牛肉切得大小適中，一啖一塊，軟滑十足，唔0係牛肉乾。整體炒得不錯，夠乾身唔油，而且牛肉份量充足。椒鹽白飯魚:上枱時一片金黃色，半點燶都無，加上份量十足，成座金山咁~白飯魚條條都又粗又長，唔會碎濕濕，可以逐條夾起慢慢食，炸粉亦上得不俗，薄薄一層，食到魚肉又食到脆皮，喊味剛好，食完唔會好頸渴。美中不足係上碟時唔夠熱，微暖，雖然保持到脆皮，但始終熱辣辣好d。蠔仔粥:份量分為一窩或一碗，二人關係所以要左一碗，不過其實"一碗"已經有四至五個白飯碗咁多。d蠔仔都算大隻，粒粒肥嘟嘟，之但係當然無d名牌潮州酒樓咁肥美啦~材料仲有芹菜同柴魚，芹菜切得好細粒，食咗都唔覺，但d粥又吸收到d香氣噃~柴魚煲得夠淋，唔會咬唔到或者0趙唔到。碗粥本身已經夠香夠味，想惹味d可以加些少胡椒粉。環境方面略嫌擠迫，要搭枱不特止，同隔離枱仲超近，只有大約一呎左右，真係人地傾咩都一清二楚，而且環境都幾嘈雜，幸好呢度服務幾好，自動fill水，一舉手無耐就有人應，

一行三人去青衣城開餐，度度都人山人海，見潮樓只係等幾張檯，所以等左一陣七點幾就入去坐。留意到一D小菜有折，比主餐牌平20%度，應該係經濟差左，谷下生意啦！叫左兩個有折小菜: 1) 方魚肉碎粥($48一窩) 2) 香炸子雞半隻 ($68)。方魚肉碎粥冇乜特別，但D方魚好硬，炸子雞唔錯，層皮炸得好脆好香，D肉又幾滑。另外叫左鹵水豬耳($55)，超油!要用水過一油先食得，味道仲差過百佳個D!! 仲有一碟咸肉煮紹菜($50)，紹菜切得過幼，冇趙口!最正係十蚊三枝可樂!! 下次如果其他地方有位，就唔黎啦!