滿福庭

營業中

休息中

正常日子，假期去飲茶一定好多人排隊。今日不單止毋需等位，而且大量吉枱任揀。這情況在兩年多的反反覆覆疫情及香港政府嚴厲限聚令下，其實相當普遍；但少人至「滿福庭」的入座率，也是罕見。二人一檯防疫法例下，酒樓將一張四人細圓枱及一張二人方枱拼在一起、再加塊膠板，就變成合規格嘅四人枱！正常日子冇機會比較，兩張枱並排放在一起才發現原來大細竟然差不多。點心款式選擇偏少，以一間大眾化港式廣東酒樓來說，很難吸引客人。最奇怪今日竟然沒有任何燒味，理由是師傅冇返工！月半彎水晶蝦餃皇(頂)（$44.8）名字讕係有啲嘢，不過味道一般。蝦肉餡料雖然爽口，但是沒有什麼鮮味。賣相亦不吸引，澄皮同餡料分離，未能緊緊包裹餡料。古法馬拉糕(中)（$31.8）太淺色，似乎黑蔗糖份量太少。糕身太結實，入口唔夠鬆軟。XO醬炒蘿蔔糕（$48）算是較為好吃。味道幾好，但蘿蔔糕太滑溜，粘米粉漿多過蘿蔔絲，缺少了蘿蔔的清甜。鮑汁炆雞腳（$58）最好味，雞腳炆得腍滑。鳳爪排骨盅頭飯（$19.8）勝在夠抵食，熱辣辣、香噴噴，煙霧彌漫。兩款餸菜以豉汁鳳爪較為好味道，排骨就很差，太多軟骨、冇肉食。埋單時才發現原來同樓下「玉桃軒」屬於同一個集團，

原來觀塘有間好抵食嘅酒樓下午茶時段炒粉麵飯每碟只係$58咋，仲要份量一啲都唔少！太白醉香雞花雕酒非常香濃，真係好真材實料每舊雞都係啖啖肉，雖然肉質未算好嫩滑，但每件都充滿花雕香，好好味煎虎皮尖椒厚實嘅鯪魚肉佈滿哂整條尖椒煎得好香口，同埋一啲都唔油膩鮑汁炆鳳爪鳳爪炆得非常入味口感好軟腍，充滿膠質！連啲花生都勁好食鮮蝦菜苗餃水晶皮好透薄軟糯菠菜苗份量一啲都唔少，每一啖都可以食到，仲有蝦隻好爽口彈牙欖菜肉碎炒飯呢個炒飯好有水準炒到粒粒分明，而且味道岩岩好，唔會因為有欖菜而過咸薑汁糕薑味十足，口感煙煙韌韌，係一個好養生嘅甜品

疫情下見少左好多朋友，見慢慢放緩，即刻約好友飲茶🫖就佢在觀塘返工，鱷魚恤中心就岩晒勒，成棟大廈都有不同酒樓選擇，可以逐一慢慢品嚐，今次同好友先來7樓滿福庭環境很寬敞👍🏻每抬都唔會坐得太密，所以空間感很好又坐得舒服😌點心選擇太多，難得同好友飲茶，咁我早到左，點下點下都相當豐富，叫到成抬都係有啲嚇親妹友🤭12:00前有自選孖寶，1款蒸飯+1款點心都只係$3x-$40，好抵食蝦餃皮薄餡靚，仲好晶瑩剔透😍😍每款點心好足料👍🏻而且點心即叫即蒸，所以食果陣要小心燙咀🤭比我發現點心紙有酥炸鯪魚球，即刻點埋來食😝外脆內軟熱辣辣，炸到脹卜卜，好彈牙，配上蜆蚧醬仲好鮮兩個人食左8樣點心都係$2xx，真係好抵呀

重開晚市的第一個週末約埋好耐無見的舅父一齊食晚飯，舅父一家住在藍田但竟然提議去觀塘覓食，因為他說他知道一個好去處食海鮮，環境又唔錯，而且最緊要是舅父好記得我喜歡食蟹 ~ 好野有蟹食，咁就一行四人就齊齊出發囉！燒味拼盆 – 三款拼盆是大家一致推選因可以各取所需，燒鵝唔會太油膩、有我喜歡的燒腩仔皮脆肉鬆、仲有大家的搶食的貴妃雞，雞身好滑又唔肥。海味豆腐茄子煲 – 豆腐煲食得多但豆腐茄子煲就第一次食，豆腐真是外脆內軟仲好滑，茄子好軟糯係我最喜歡的質感又吸收所有海味的鮮味同精華，海味份量和種類都不少。清蒸沙巴仔 – 蒸得剛剛好，蒸魚豉油好香好鮮味，剩係蒸魚豉油撈飯已可以食到一碗飯，咪住 …… 提醒自已要留肚。薑蔥炒蟹 – 嘩 … 我的至愛上檯啦！薑蔥好香，蟹膏好香，不得了D蟹肉頂到尖尖仲有肉，真係超抵食，果然舅父無介紹錯。總括今餐是可以食晚飯以來最好味的一餐, 多謝舅父！

今天在觀塘附近開完會放工，於是約了朋友來到鱷魚恤中心的满福庭吃個中菜晚餐。今晚客人都頗多，但都很快便安排到有座位。餐廳環境寬落舒適，小菜款式很多，而且有不少海鮮菜，職員服務很有禮週到。胡麻醬淮山先叫了一個比較清新的前菜小食，淮山有營健康，煮得剛好熟，爽脆有咬口，味道清甜，沾上胡麻醬吃很配搭。晚市孖寶 清蒸沙巴仔晚市孖寶很超值，有多個組合，我們選了清蒸沙巴仔和脆皮燒雞。沙巴仔很大條，厚肉鮮甜，蒸得嫩滑多汁，魚肉剛好熟，少魚⻣，魚香味香濃，配上蔥條和爆香的蒸魚豉油，十分美味。脆皮燒雞燒雞大隻，外脆內軟，雞肉肥瘦適中，雞肉嫩滑鮮甜，惹味香甜。

呢間野門口知客態度勁衰座位安排完全有問題18/12 當天晚上book了8點 14人我地7點25分 已到達酒樓提早拎位 （因怕多人）一去到位都未比就要求我地掃安心出行 又無华飛安排我地入座等到8點正 竟然安排比遲黎既幾枱客入座因為我地係要6 4 4 咁坐 （問都唔問安排我地坐7 7 2圍）結果問佢佢話因為我地唔打針仲話我地點解唔打針 打唔打針係我地自己問題 個侍應啲口聞係完全怪落我地 佢當自己係政府？不停話我地因為要3圍 所以比其他遲泥既人入 咁都得？等左成個鍾 有位個陣 竟然要拆散我地坐 明明做冬一家人黎食飯 要拆散我地坐係咩野酒樓黎？明明隔離有張枱 又安排第2啲人入去完全無視我地 呢啲咁既服務態度 唔會再去幫襯！

同朋友食晚飯，一行七人，去酒樓就夠方便。見呢間新開就黎試試😁.味道 ★ ★ ★ ☆ ☆我地叫既係例牌，份量ok啦，如果多男人會唔係好夠食😆1️⃣鳳梨金牌咕嚕肉 咕嚕肉好食既，d肉炸得剛好，唔係好厚炸漿，酸甜度適中。2️⃣黑松露蝦仁炒蛋 黑松露蝦仁炒蛋好食😋好多黑松露，好香，蛋又炒得滑，蝦係雪藏蝦但都彈牙。3️⃣豆豉帶子蒸豆腐 豆豉帶子蒸豆腐係健康之選，帶子好食冇雪藏味，豆腐都好滑。4️⃣酥炸一字骨 酥炸一字骨比較一般，冇咩味亦唔多肉。5️⃣欖菜肉碎四季豆 欖菜肉碎四季豆係家常小菜，嫌佢炒得唔夠香口，味道ok6️⃣羅漢齋煲 羅漢齋煲每款齋菜都有，味道good 7️⃣滿福庭叉燒皇叉燒份量好少，但每件都係半肥瘦，燒得好好食8️⃣滿福庭小炒皇 小炒皇中規中矩唔錯整體黎講所有菜味道ok 冇話好咸，味精應該唔多，因為食完冇好口渴，所以唔錯.環境 ★ ★ ★ ☆ ☆.服務 ★ ★ ★ ☆ ☆上菜好快，冇咩點等👍🏼.價錢 ★ ★ ★ ☆ ☆食物質素都對得住價錢，不過CP值唔係好高，始終份量少

踏入12月都仲未感寒冷， 但就好想食禦寒食物營造氣氛😂。 近APM 鱷魚恤中心，有多間中式酒樓。  找到『滿福庭』， 樓底好高， 天花裝修有點科幻～ 座位闊落， 坐得幾舒服！亦有幾款抵食孖寶組合。青瓜海蜇頭$68原來海蜇頭也特別粗，特別爽口， 就像烏冬麵條一樣。 青瓜有極為爽脆， 酸汁調教得啱啱好，非常入味!雙冬羊腩煲(跟唐生菜一碟)$268太好了真係有『雙冬羊腩煲』！ 相信$268嘅份量啱啱好兩個人。 gas爐滾起就食得， 熱辣辣發出誘人香氣， 羊腩煲味道真係無法取替。羊肉部位有肥有瘦， 亦有連著骨頭，腩位， 份量 好多 ，大大件啖啖肉腍身又入味。羊羶味道恰到好處～ 配料也是份量十足， 大量支竹 ，冬笱， 大大隻冬菇， 原個馬蹄， 非常豐富， 湯底濃郁惹味，但係唔會愈煮愈鹹， 食完都唔會口渴～附送的一碟唐生菜， 也是和羊腩煲絕佳配搭！ 腐乳醬 加了酒，調教得唔錯唔會好鹹，其中一碟還放上檸檬葉， 味道獨特！

今晚同觀塘的朋友聚會，晚餐朋友選擇了觀塘一間優雅的餐廳，就是觀塘鱷魚恤中心的滿福庭。見到餐廳的二人套餐都幾抵食，但最後還是自行選擇了一些喜愛食的單點菜式。豉汁涼瓜斑腩煲$138班腩的份量也頗多，滿滿一煲，很香而且汁液豐富，香口又惹味。涼瓜吸收了魚的鮮甜，味道甘甘涼涼中帶點苦，沾滿魚的鮮味，口感腍中帶爽的，好美味的配菜。鳳梨金牌咕嚕肉$118金牌咕嚕肉切得不是很大件，入口已品嚐到酸甜惹味，雖然咕嚕肉外有酸酸甜甜的醬汁，但咕嚕肉咬落外還帶脆，內裡肉汁豐富，是一道惹味香口的小菜，酸酸甜甜很惹味。燒乳鴿$58 燒乳鴿很香口，內多汁，外表燒到啡金，醃得夠入味，入口香，肉質嫩滑又多汁。食完後餐廳送上一個蓮子紅豆糖水，紅豆及蓮子煲得好軟綿，甜度剛剛好， 好清潤！餐廳環境舒適，價錢及質量性價比高，有機會還會再來食。

星期六唔使返工，跑完步就兩口子一齊去飲茶。平日多數會揀港島區嘅食肆，今日就嚟試下鱷魚恤中心 7/F 呢間「滿福庭」。聽講間酒樓已經開左成年，不過入到去見到裝修仍然好新淨，佈置華麗，全場無柱，而且環境光猛，樓底又夠高，坐得十分舒服。點心嘅價錢都好合理，很多都是賣三、四十元，如果 8am – 11am 入座，仲會有一些特價嘅精美早點供應，唔怪得侍應話星期六日經常滿座。酥炸鯪魚球 ($28.8)  一碟有 5 粒，粒粒都好似乒乓波咁大，肉質紮實彈牙，唔腥又無碎骨，入口甘香爽滑，一定要配埋旁邊的蜆芥醬一齊食，能吊出魚肉的鮮香滋味。九製陳皮叉燒酥 ($32.8)  外層嘅酥皮很鬆化，入口有好重牛油香味。入面嘅叉燒切得大小均勻，夾埋面頭嘅粒粒陳皮一齊食，微咸帶酸，可以平衡番叉燒嘅油膩感。蒜香荷塘蓮藕餅 ($32.8)  蓮藕餅用料十足，以豬肉、蓮藕、馬蹄等混合後煎香，入口清甜爽脆，滿口肉香。醬皇荔芋鴨腳扎 ($36.8)  好耐無食過咁懷舊嘅點心，鴨腳用蠔油烹煮過，食落好入味，但又唔會死鹹。芋頭粉糯軟綿，夾埋腐皮、豬肉等一齊食，層次豐富，非常惹味。脆皮腩仔飯 ($55)  腩仔同飯分開盛載，腩仔分

就黎聖誕啦🎄，大家有無諗好去邊度同屋企人食聖誕大餐？😋我屋企人比較傳統，每年聚餐都要選擇中菜，鱷魚恤上面新開左間滿福庭，晚市好似幾抵食咁，順便嚟試下佢哋嘅菜式點樣。晚市有個開心自選套餐，星期一至星期五只需要$398就可以自選四個餸。海皇豆腐羹豆腐羹個份量好大，而且職員非常有禮，會主動過嚟幫手裝湯。味道比較清，唔會太鹹，配料亦都好多，我哋兩個人竟然飲晒咁多湯😂。雙蔥炆龍躉頭腩洋蔥同青蔥爆炒之後，再放入龍躉頭入去炆，所以異常入味，份量適中。北菇蠔皇扣花膠蔬菜揀左北菇蠔皇扣花膠，花膠份量正常，亦都煲到好淋。北菇勁大粒，夠入味。椒鹽焗肉扒肉扒表面炸得酥脆，但內裡不太入味。整體來講味道唔會太鹹，比較健康，老少咸宜，而且環境都唔錯，夠乾淨寬敞，服務態度都好好。👍

見酒樓都做得幾有誠意，比番個好評佢先。開心自選套餐 三餸一湯 $398🥣五指毛桃燉竹絲雞個湯好足料，可以補氣益肺，宜家天涼左，飲個湯補下都很不錯。熱辣辣，三人分享都好足夠。個湯好清甜，啲雞骨都煲到林晒，岀晒味。不過因為有雞嘅關係，所以個湯偏油，飲嘅時候可以隔走啲油先飲更健康。🐟燒汁燜龍躉頭腩原煲上，即叫即整熱辣辣，香氣四溢，已經流晒口水🤤。頭腩經過油炸至表面脆脆地，沾了燒汁，好惹味。龍躉魚皮煙韌有嚼勁，魚肉都幾滑同新鮮，味道不會調得過鹹，剛剛好，啲蔥好爽好脆，正！因今日唔想食肉，所以叫左兩個清啲嘅菜式。🍄北菰蠔皇扣花膠花膠都大塊，爽滑，滿滿骨膠原，冬菇厚肉爽滑，同個蠔油汁好夾。仲有好多翠綠唐生菜係底呢！🍲海味雜菜煲份量好足，擺碟亦好靚，每條菜都鋪得好整齊，有鮮魷，蝦米🦐，雜菌，個上湯好清甜，粉絲同菜索晒個湯，好食😋。啲菜翠綠爽甜，亦淥到好腍，不錯。加埋白飯，今餐真係大滿足

今日放假同男朋友去咗觀塘行apm行街 順便喺附近度食晏 今日時間都幾充裕 所以我哋休選擇咗去飲茶煎釀尖椒 - 尖椒咬落仲有爽脆嘅感覺 加埋魚肉食 又辣辣地 但小食都唔錯豉汁鳳爪 - 鳳爪皮入味得嚟又帶點爽 燒BB鴿 - 即叫即炸 而且食得出係新鮮 所以外皮脆之餘裏面好有肉汁而又肉嫩銀芽肉絲炒麵 - 我最鍾意食脆麵底嘅炒麵 因為啲麵炸到脆卜卜好香口 加埋芽菜炒肉絲夾埋一齊食係個唔錯嘅配搭埋單二百五十蚊左右兩個人 可以休休閑閑咁嘆咗幾個鐘靚茶 係一個唔錯嘅選擇

今日去咗APM行街，順便同埋媽咪去鱷魚恤中心飲茶，見《滿福庭》咁熱鬧，當然要試試啦！花膠瑤柱灌湯餃＄40.8皮薄餡料豐富，湯底又鮮甜，加一點紅醋，連湯都可以飲埋😋！九製陳皮叉燒酥＄31.8外皮金黃酥脆，咬開內裏叉燒半肥瘦又多汁，十分香口，再帶點微微陳皮香，好好味👍🏻👍🏻！活剁生拆韮黃鮮蝦腸＄40.8即叫即蒸，熱辣辣，腸粉皮好薄，鮮蝦嫩滑又彈牙，不錯👍🏻！五式點心拼盆＄30.8翠苗餃、燒賣、粉果和叉燒包乜都有，最出息的是米糕，味道好似白糖糕加點米香感覺，口感好鬆軟，加上剛剛蒸起，暖笠笠好好食👍🏻！而其他點心都係即點即蒸，不錯！

每當佳節，都會和父母食中菜慶祝，這次就選了這酒樓一試。酒樓裝修光鮮，坐得也舒服，加上近地鐵站，適合家人和朋友前來。北京填鴨酒樓的北京田鴨不是間間好味，但這間就非常不錯。他的北京田鴨外皮烤得非常香脆，而且充滿油脂香，一點也不乾身。加上他的包皮非常鬆軟，而且它的配菜也非常新鮮，配上醬料讓人停不了口。海皇雜菜煲湯非常鮮甜，因為它的配菜很多，加上它的味道也不會太鹹，又有米粉又有大蝦，非常適合老人家吃。XO帶子豆腐這一道菜也是非常適合老人家吃的，原本以為會很淡味，但是吃落發覺很野味，XO醬配帶子，又很又鮮，老人家一定喜歡。