滾得棧

營業中

休息中

上星期行過去搵食，朋友拉我去試咗間好舒服嘅煲仔飯店。擺頭先，窗邊嗰個位，悠閒得嚟。叫咗個臘味煲仔飯， 等嗰陣，感覺好似時光倒流返去細細個嗰陣時。煲仔飯送上嚟嗰刻，啲香味已經四溢，撩撥住我嘅鼻，我個胃開始唱歌🎵。蓋開嚟，啲飯粒透亮，每粒都飽滿得嚟。頂層嘅臘肉，瘦肉同埋臘腸，色澤鮮艷，一睇就知味道一流🤤。臘肉嘅油脂透明，煙韌適中；臘腸甘香，肥瘦得宜。混合埋臘味同埋煲仔嘅香氣，就算唔食，聞落都覺得滿足。食嘅時候，千其唔好忘記撈返底部嘅飯焦。脆卜卜嘅聲音，彷彿同你講嗰啲飯焦喺對嗮味嚟嘅;口感絕妙，咬落去有層次，是但搵唔到第二間店可以做到咁好食嘅飯焦。整體嚟講，煲仔飯滋味濃郁，每一啖都充滿咗家庭嘅味道，真心覺得滿足，估唔到平民化嘅食堂都可以出嘅一手好煲仔飯，必定會有下次再嚟👍。

本身想去荃灣打邊爐 朋友揸車一野上橋出左深井 諗住深井燒鵝出名應該要食下 但又唔想放棄打邊爐 見到有間滾得棧就入去食啦。門口見到有幾個套餐覺得幾抵 點知原來冇睇清楚係外賣價。都坐低左就照食啦 價錢都唔睇👻 2個人叫左個大嘅牛頸脊 1碟牛眼根 脆骨腩拼鱔片 手打蝦丸拼牛丸 雜菜拼盤(有娃娃菜 唐生菜 油麥菜 皇帝菜) 3秒響鈴 稻庭烏冬 同1渣竹庶茅根。叫左胡椒豬肚湯底 啲豬肚好厚身 都處理得幾好 好夠胡椒味。牛肉眼看鮮紅 肥瘦比例均勻。牛眼根同肥牛唔同要淥10幾分鐘先食得 本身以為會好韌 但食落牛味香濃 只係比較有咬口。第一次食脆骨腩 爽脆有魚油香 最緊要唔腥。鱔片都夠新鮮爽口 冇魚骨冇泥味。鍾意佢雜菜拼盤依4個組合 $66有晒4款會食嘅菜 都係新鮮翠綠 一啲都冇蟲咬冇黃。蝦丸爽口有啲蝦粒喺度 有口感 都香蝦味。牛丸就正常味道。2個人連加一食左$13XX 價錢唔係好平 但因為真係幾大份。好多年前食過油麻地分店 印象中都幾好食 不過之後要打邊爐都冇再揀佢。今次錯有錯著 走左入深井 再食返又覺得幾好食 不過下次可以嗌多2個人 試下其他野。😌😌😌

邊個話深井淨係得燒鵝？深井仲有間打邊爐，而且唔拍得住城市嘅水準架！📍滾得棧招牌蕃茄蟹湯底 $368 🥘價錢 7/10味道 8.5/10餐廳選用肉蟹，size都有一隻男人手咁大，蟹蓋仲有少量膏痴住，其他滾哂落鍋，肉質鮮甜，但個湯底就唔係好食得出蟹味，可能下次會叫返蕃茄薯仔湯底（平成三舊水呀）。📍招牌手切牛頸脊（大）🥩價錢 7.5/10味道 10/10一上菜，個碟仲大過個煲，牛肉舖到滿哂，個個都爭住影相打卡。一向都話靚嘅牛肉係唔洗6咁耐，呢塊當然都係烚一烚就得啦！食落牛味好濃，好淋得嚟有嚼口，肥瘦分佈齊中，入口嚼兩啖感受下牛肉嘅鮮味就即溶，正。💌總結當日仲有叫好多其他嘢食，例如墨膠釀油條、牛脷托、西班牙黑豚肉等，都好好食好新鮮，但最值得推介嘅都係牛頸脊。

平時好鐘意打邊爐，每個月起碼要打一次先安樂，但係而家都唔係好敢打邊爐住，不過有一間真係好推介 — 滾得棧🥘去到一定要叫花膠響螺雞湯，首先呢個湯底已經有大半隻雞係入面，然後仲有四大塊花膠，靜係飲碗湯再食埋隻雞同花膠已經有少少飽肚感，落足料煲，花膠既膠質味好重🤤另外必試既係牛頸背，肉係鮮紅色代表好新鮮，雪花分佈得好平均，切得比較薄身🥩，容易煲滾兩下就好快食得，口感都好有咬口，如果黎到呢到一定要叫番碟！💕

我呢d邊爐痴聽過呢間有名店火鍋店都好多年，今晚有幸行山到此順便幫襯同一睹為快。大手切牛，大大碟收4舊，牛肉就半碟好淋，半碟麻麻。花甲，新鮮大碟。韭菜餃，應該似自己包，細細隻又皮薄餡靚，好好味。王帝菜，第一次見到咁大碟上枱，如果出面食應該係三倍嘅份量，份量多到食唔晒。鴛鴦鍋，胡椒豬肚好香，嗰個潮州鍋不建意點選。2支大啤加杯涼茶，埋單兩個頭約八舊(人均4舊)總結，聞名不如見面，地點比較隔涉，又唔係抵食，只係份量比較多，若果再來深井，我會揀食燒鵝

疫情下想喺屋企打邊爐，於是點了牛皇$588套餐 (自取減$100)同埋自己去咗街市買海鮮。- 牛：牛係有好多元化嘅部位，兼且份量都幾多，應該係可以三個人食，或者細食地四個人食都OK 👍🏻 牛肉嘅質素係推介嘅- 菜同菇：菜都係mix, 菇的話有冬菇，草菇，金菇，量唔多但係如果兩個人食的話份量就啱啱好 👍🏻 又可以食下唔同嘅種類。- 丸：丸係唔錯嘅，因為有四款，兼且肉質漉得耐都係唔會好硬的。- 餃：餃已經係食唔落啦🤣🤣，所以全部都留返聽日。- 其他配料：有響鈴同埋有魚皮係very good的，因為唔需要買好多，分量剛剛好。仲有配料裏便係有晒辣椒粒，蔥，蒜同埋乾蒜，非常貼心 👏🏻👏🏻👏🏻- 湯底：我哋加錢嗌咗蘆薈椰子雞湯底，湯味唔算太濃，因為雞係分開上的，但係都幾足料。不過下次可以慳返$150, 叫普通的湯底便可。總括來講， $488自取呢個價錢係幾唔錯嘅，如果唔想出街我比多$100當交通費我覺得OK 👌🏻其實下次兩個人食，就唔使買海鮮，因為今日真係太多了。下次四個人食的話，可以買埋海鮮加多啲菜，就Perfect啦 🎉🎉🎉

呢間火鍋店，小弟都食過三四次。今晚難得一見嘅係星期五晚都無乜人，仲要有位泊車，以往去深井食飯最令人頭痛嘅就係無位泊車。湯底方面，點選咗一個沙嗲湯底同蘆薈椰子雞湯底，先講椰子雞，真係可以用兩個字嚟形容，係「垃圾」。垃圾嘅原因，第一，雞肉肉質又鞋又韌，唔講以為食緊擦字膠，初頭以為係因為淥得太耐而導致佢韌，但之後再試過淥得短時間啲，完全唔掂；第二，湯底完全無味，一啲椰子味都無，直頭似滾水烚硬雞。沙嗲湯底叫做不過不失，夠濃郁。慶幸嘅係某啲食材高質同出色，例如牛頸脊、海蝦同牛丸等等，仲有少見嘅皇帝菜可以點選。不過menu上面完全無價錢，真係唔知咩價位，6個人最後食咗$1800，嗌咗兩碟大嘅牛頸脊同埋有新鮮仲識跳嘅海蝦，我覺得價錢係合理，但係個椰子雞真係大打折扣。

今晚同屋企人去屋企樓下打邊爐，去咗滾得棧，唯一一個選擇，先揀湯底。揀咗鹹菜胡椒豬肚湯，跟住再叫咗一jar 竹庶水，好大jar,叫咗個例牌牛脊，雲吞同埋菜肉餃，叫咗炸響鈴，炸芋頭，同埋叫咗個唐生菜，仲有個蝦滑。先講個湯底，好味好胡椒，但豬肚略為硬左啲，個牛係超級好食，必定要叫。雲吞同菜肉餃都好好味，個皮好薄，啲咸又多，所以平時唔識嘅我都食咗兩粒。個炸響鈴好味，最後要讚一讚個蝦滑，粒粒蝦，超級好味。芋頭一般都OK嘅，唐山菜都新鮮。主要係啲料好好味好新鮮。三個人食咗七百幾蚊。個竹庶水係超級大jar,兩個人係飲唔晒。

天氣又變凍最岩打邊爐！🥘（不過其實都唔關天氣事😝）係深井嘅《滾得棧》開左好耐但keep 住好多人，原因係佢嘅質素保持得好！佢有好多湯底俾你揀，之前試過醉雞都幾好，今次就試胡椒豬肚湯，胡椒味夠勁，又多豬肚！配料就一定要叫手切牛頸脊，肉質好嫩又有牛味，例牌都夠三人用。四寶手打丸好彈口，魚餃細細粒但口感好，雞子大粒又新鮮，總括來講食物份量足又幾好味！座位都好寬鬆又唔會催人走，不過星期五六就會好多人，可能要等位。

今日因為有嘢做又要入深井。係openrice睇下除左燒鵝有咩好食😂，結果發現呢間有三間分店既 — 滾得棧。已經有一段時間無打過邊爐既我地決定今日試一試。我地大概傍晚五點到達，暫時無咩人 ，餐廳裝修好一般，食物價格也不平，我地係沖住手切牛頸脊而黎！↺手切牛頸脊ᴴᴷ$228: ☆☆☆☆☆真係無令到我地失望，牛肉油脂分布均勻，肉色鮮紅，厚切但入口鬆化，而且充滿油脂香同牛味，好好好食❤️🥰，雖然價錢唔平，但我覺得絕對值得，例牌其實都有好多片。依家諗返都🤤🤤 。我地立即想問可唔可以加錢轉大，可惜店員話唔得 ，好失望😞。↺🐷面青ᴴᴷ$63 : ☆☆☆☆🐷年當然要捧下場，呢個🐷既面仔肉好爽口，有少少似豬頸肉，但再爽一d 好好味。↺手打象拔蚌丸ᴴᴷ$78 : ☆☆☆☆第一次食用象拔蚌打既丸，好鮮味。↺番茄芫茜豆腐湯底ᴴᴷ$79: ☆☆☆☆雖然湯底材料好普通，但打邊爐一流，材料好足，番茄食落好甜，豆腐滑嘟嘟，微酸好開胃。↺另外仲有：三秒腐皮ᴴᴷ$42 : ☆☆☆ 其實即係響鈴，炸得好脆，真係放入熱湯三秒食得 ，不過$6一舊其實唔平，而且其他地方都有差，不多水準唔算突出。↺皇帝菜ᴴᴷ$38 : ☆☆☆☆同埋

無所事事約左好友去打邊爐，之前在深井試下滾得棧👍🏻蕃茄豆腐鍋（足菜料，豆腐夠滑） 岩哂我不喜歡太肉的感覺 （仲有他們是加湯，唔係加水）值得的！大大隻竹筒蚌 yummy 叫了2隻 ，1分為2 ，有4邊食☺ （由於我們掛住聊天，店員溫馨提示新鮮海鮮盡快食，好nice😄)手打墨魚丸 好爽口有墨魚味 good😋 而且好好我們2口子 ，可以半份半份叫👍🏻 另外半份我叫了 象拔蚌丸 ，好少見到，爽口！值得一試🤭點了芋頭，估唔到咁好食 （注：不要煮太久）牛頸脊， 上碟已吸引😋 食落☺ 正 ！有口感也易入口👍🏻炸魚皮夠 翠口 （但要快食）

捐窿捐隙想搵好火鍋嘆一嘆，上網找到偏遠的深井，立即跳上的士直搗總壇！花了半小時多車程終於到達深井村牌坊，一落車就見到大大個招牌，火鍋店係正路邊容易發現。步入食肆大把位隨便坐，等足十分鐘都無招呼無比 menu，火都黎！超代慢的服務，唔休做的姿態。問左兩次比 menu 都無人理，如果我問第三次再叫我等陣的話，我堅即刻走，得您一間火鍋店咩！兩個大媽媽齊齊走去執枱，後生四眼仔同個大叔齊齊掛住傳菜，係咪帶位後順手比埋 menu 我呢！差不多 15 分鐘，menu 終於準備好，交到我手上，黑面就梗架啦，火火火！Order 紙好似份馬報咁噃。隸屬牛魔皇的我當然第一時間搵下有咩靚牛啦！特別地有金錢腱、牛眼筋，不過由簡單的牛頸脊試起，有機會再嘆其他。生炒臘味糯米飯，喜見有此佳餚供應，從來未沒有火鍋前食個炒飯打底，但我實在太愛了，食左先講！真生炒臘味糯米飯，無欺場無搵笨，不是撈亦不是蒸，師傅有著誠懇態度親手炒出來的。炒功出眾了不起，每粒糯米都沾上醬油，均勻塗抹，嚥韌乾爽香口美味，散發濃郁蝦米臘肉甘甜咸香，混上清新蔥花每口都讚口不絕，實屬難能可貴！忍住口食住半先，再食落去唔洗打邊爐喇。花膠響螺雞湯鍋，即飲半

說到深井，10個朋友有11個都說要吃燒鵝。我不是不喜歡燒鵝喇，只是與之相比，這裡的火鍋更得我歡心😆這裡人流不少，所以我們每次都會先訂檯，以免失望而回。試過幾種湯底，還是最喜歡他們的花膠雞湯，夠味又不會飲完口渴。在放任何食物之前必定先每人一碗湯兼吃點雞和花膠，飲到要加湯才真正開始打邊爐🙈↑面對如此牛肉，實在沒有不吃的理由↑桂花蚌也是必點之一，這次還encore了一碟！😋（在其他食肆不常吃到桂花蚌，而且質素很參差）↑不多吃牛，還可以吃黑豚肉。這次比平時的厚，脂肪也比較少，豬肉味很濃↑其他食物也不錯，另外還點了很多～總之就是一直吃吃吃，吃到後來相都忘了影🤣

Get to know me better through my insta @luna_vonaHot in A Pot is a cozy restaurant that serves dim sum specialties during the day and transforms into a hot pot destination by night. It serves good quality ingredients but is, in my opinion, overpriced.We ordered a small selection of meat and vegetarian dishes and paid 1,080 among three guests. The broth (which for me is the highlight of every hot pot meal) was a let down. I ordered the “Tomato, potato and lobster soup” (the most expensive soup ba

馬路邊的火鍋店，裝修一般，地下坐到35-40人左右，近馬路部份有軟蓬遮蓋，上半截透明，可看到馬路，大堂整體清潔只屬中等，大堂只有兩位女士招呼，服務一般。女厠OK, 但男廁十分細小，由於地方所限，尿兜及洗手盆設計連成一體，廁所內滿地尿水，很髒。食物質素屬於中上，湯底不錯，手切牛脊肉及墨魚滑不錯但價錢頗貴，其他食材普通，兩位（一男一女）埋單$11xx，另代客泊車$30任泊。去到深井咁遠諗住食啲好嘢，結果有點失望！不推薦！