27
17
28
以上資料只供參考, 請與餐廳確認詳情
食家推介
位置有點窄.................可能多人的關係............點好餐後便上配菜...............醬油蟹...........賣相相當吸引...........!!另外會幫你蟹膏撈飯...........用蟹蓋裝......還會餵你吃..............服務也太好了吧......!燒肉質地不錯....!要包菜吃..........!更有風味..............! 唯一要改善的是通風系統......
繼續閱讀
696 瀏覽
近幾年韓流大熱，回想一下，其實這股韓流應該始自 1998年亞洲金融風暴之後。當年韓國為挽救經濟，必須作出突破及轉型，並力求打入世界市場。首先大力推廣韓國品牌三星及 LG，經過多年努力，成功地由當年被韓國以外人士視為日本品牌以外的二線牌子，到今時今日已經與日本品牌平起平坐，三星智能手機甚至穩佔世界前三位置。硬實力之後就到軟實力，韓國電影及 K-pop 不單止全面攻佔亞洲市場，甚至打入美國、歐洲及南美市場，一眾 K-pop 索爆女團及型仔男團瘋魔全亞洲，Wonder Girls 甚至曾經熱爆美國，即使上世紀 70～90年代的日本經濟神話時期也做不到這一點。藉着這些當紅明星的帶動，其他商品如化妝品、韓國料理也跟着紅起來，近兩三年的韓式炸雞店及新派韓式燒烤在香港開到成行成市，就是一個最好的證明。在這股韓風入侵香港之前，其實香港已有一個小韓國，地點就在尖沙咀的金巴利街。由街頭到街尾差不多全部都是韓國超級市場、或旅居香港韓國人所開設的家庭式餐廳，直到今天這個特色依舊不變，部份商舖及餐廳甚至已經開業超過20年；當然，招牌可以不變，但背後是否已經轉了多手就不得而知了。無巧不成話，金巴利街歷史最悠久的兩家韓國餐廳都是韓式烤肉，之前分別幫襯了幾次；今晚好想食烤肉，又碰巧在尖沙咀，就隨便揀了「清溪川」。已經有20年冇去過韓國，當年也不知道傳統韓式烤肉為何物，所以一直沒有機會在韓國品嚐正宗韓式烤肉。以香港的韓式烤肉餐廳做個比較，可以分為三個類別：裝修較靚的高級韓式烤肉如「伽倻」、裝修年輕時尚兼配上強勁節拍 K-pop 的新派韓式烤肉如「喜來稀肉」、以及裝修簡陋家庭式經營如「清溪川」。這三種不同類型的韓式烤肉店都曾經光顧，唔知道什麼原因，總覺得家庭式經營的烤肉店最有風味 ⋯⋯ 雖然裝修環境有點簡陋、服務態度同街坊港式茶餐廳差不多、烤肉質素又未必最好！食韓式烤肉，豬、牛、羊、雞、蔬菜全部都可以揀。但一家三口都鍾意食牛，而且韓式烤肉以牛為賣點，所以叫了三個全部與牛有關係的菜式。未食烤肉之前，必定會有例牌的韓國泡菜，共有八款口味。是否很奇怪為什麼沒有最經典的辣椒大津菜？原因很簡單，因為不鍾意食這一款泡菜，所以要求侍應換上另一款。特級西冷牛扒（冇醃）（$190）應該採用美國西冷，甚麼級數單睇外表無法區分，餐牌也沒有交待；但望落去應該唔會差。在這種傳統家庭式韓式烤肉店，雖然服務麻麻；並不是態度差或不理會客人，應該形容為唔夠熱心、不拘小節；但總會保留代客人燒烤的基本服務。將整塊西冷扒放在明火加熱的烤爐上面，之後走開；隔一段時間再回來，反轉牛扒、剪䦕細件，然後話俾客人知道再過一會就可以食。同時建議客人食沒有醃過的西冷牛扒可以連同一塊烤熟的洋蔥、再蘸烤肉汁。食落去肉質非常軟腍、無渣，充滿牛肉味及燒烤香氣，肉汁豐盛，估計是美國 USDA Prime 級牛肉才會有這樣的質素；配合半熟洋蔥的獨特香氣的爽脆，忍不住口食完一塊又一塊。食韓國燒烤又怎可缺少燒牛肋骨（醃）（$180）？平時食開的牛仔骨，一定切成厚件，除了多了一小截骨頭之外，其實同食一件細牛扒沒有太大分別。韓式燒牛肋骨其中一個特別之處就是裁斬方法：先斬出一大段牛肋骨，然後將牛肋骨片開成為一條長長的牛肋骨肉，再用利刃輕輕𠝹上花紋；由於整條牛肉仍然連著一段肋骨，賣相吸引。唔好睇少呢個𠝹花工序，牛肋骨肉雖然同樣軟腍，但肉質比較有咬口，如果唔𠝹花可能會要咀嚼耐一些。當然，牛肋肉優勝之處在於比西冷或肉眼更有濃厚肉味，加上燒烤的焦香更加突顯了肉味。醃制了的牛肋骨肉已經非常夠味，不用再蘸任何烤肉汁。另一個至愛韓國菜就是韓式石頭飯（$140），尤其是上菜一刻、整齊地舖在飯面的色彩繽紛兼切幼絲的新鮮蔬菜最為吸引。只可惜店員的服務態度實在太過不拘小節，在今時今日相機食先嘅現代，竟然未讓客人拍照就已經將石頭鍋飯拌亂了。石頭鍋飯其實都幾健康，除了牛肉碎粒之外，還混入了大量不同顏色的蔬菜，愛吃的人都知道，蔬菜的不同顏色正代表含有各種不同的維生素。每吃一口石頭鍋飯，都同時包含了碳水化合物（米飯）、蔬菜及蛋白質（肉類及雞蛋），健康之餘還非常好味，打破了蔬菜味淡、較能引起食慾的弊端。好味道原因在於加了韓式辣椒醬、及略為焦香的飯粒。由於石鍋細細個，但存熱及保溫效能直逼中國瓦煲，既做到煲仔飯的焦香、又肯定不會因為受熱不均（廚師功夫未到家）而引致飯粒過度焦燶。一鍋飯可以分成四小碗，小公主的媽媽只食了一碗，小公主的爸爸食到最後一碗的時候，仍然保持熱辣辣！有啲網友話「清溪川」已經換了老闆，是否事實不得而知。因為來了幾次「清溪川」，室內環境及裝修皆完全沒有改變，至於老闆及侍應是否同一批人實在沒有印象，唯一不變的就是貌似老闆的那位一定是韓國人！至於餐牌似乎也沒有什麼改變，即使近一年開始有部份韓式烤肉店輸入高價韓牛，「清溪川」依然故我、繼續採用美國牛肉，沒有韓牛供消費者選擇。同街的另一家韓式烤肉店都是採用家庭式經營模式、裝修同樣簡陋，但印象之中無論泡菜以及烤肉質素皆較為優勝，怪不得排隊等候的人也是另一間店子較多。
繼續閱讀
曾經去過好幾間韓國餐廳食醬油蟹，依間係最好味，又膏又鮮甜而且飯好夠熱，加起來好有化學作用！服務員仲親手幫我地放紫菜連飯加入蟹蓋真係十個讚👍🏻海鮮豆腐湯都好夠味道燒腩肉和燒梅頭肉都好香口，另外店內提供自家製麵豉醬，煑熱醬汁至上枱包生菜，絕對係好有誠意嘅餐廳
繼續閱讀
正宗的韓燒真是很美味！這裏的老闆娘會推介什麼比較好味，怎樣食會更好味！生菜+千層塔+燒肉+特製醬料包住一起食，有專人負責燒，懶人更愛！回味無窮！有幸福的感覺！！！
繼續閱讀
今晚食乜？ 不如韓國野？雞 全部都係雞❔❔食韓國野好自然令人瞬刻諗起炸雞啤酒成日食, 好唔健康ja...都會有厭嘅一日掛❔所以我一口拒絕左朋友嘅提意但係...為左就腳又諗唔到食乜之下, 中左入黎。一推開門, 煙霧離漫咁...啊！原來食韓燒！大肚婆朋友衝左入去借洗手間, 咁都反正入打黎, 燒烤就燒烤喇一坐低比枝啤酒自私飲先OB 韓啤麥味幾香 甜甜地 好易入口就算放得耐左 都唔會太苦之後店員放低左八小碟腌製小食 (懷舊韓風番晒黎)辣豆腐湯朋友覺得好辣 我就覺得還可以有兩三件大豆腐 有啲蜆 但湯太少 蜆肉有點老水冷麵加了醋 好醒胃 麵質煙靱但如果加啲辣就勁過癮生菜配肉碎麵鼓醬肉醬在熱辣辣嘅器皿上 繼續翻騰 好香牛肋骨肉質好嫩 店員幫我地燒 燒得岩岩好好香肉汁味 配白飯 無得輸同安格斯有得揮!!!!!!!再用生菜同芝麻葉加蒜及肉醬一齊食芝麻葉好香疊住無味但爽嘅生菜 好新奇有趣加埋肋骨一齊食 減輕油膩感燒魷魚 唔好比個色呃左 係唔辣又無乜味不過燒得又係岩岩好熟 完全唔靭炆牛肋骨牛肋骨得四件 但每件都非常入味 甜甜地嘅肉質非常淋 一下就甩骨最後就係個石頭鍋飯 不過一黎就比店員幫我地撈好 仲分埋比大家所以影唔切個飯飯粒濕度適中 有牛肉亦已加左辣醬 但不太辣最後我地叫店員幫我地影張即影即有店員叫我地嗌"Kim-chi"😬📸原來各地叫人影相時笑嘅說話都唔同 so funny兩百幾一個人 合理啦
繼續閱讀