添好運點心專門店 (已結業)

聽聞有新老闆入股, 奉勸一句, 食物要改善外, 必須整頓服務水平。我是添好運的支持者, 食了多年,常常去將軍澳店, 無異近年水準下滑, 但總算還可以。周六我和家人去了一次, 义燒包又凍又淋、豬潤腸過熟、蝦餃無汁乾淨淨、燒賣好似越來越細粒, 近日他們才加價, 豈料食物又差了。不過, 最難頂是服務態度,侍應黑口黑面唔在講, 叫極沖茶無人理、 追單更加黑上加黑。我見侍應得閒就高談闊論,打情罵俏, 連部長經理亦都如此。我更見過他們對長者粗聲粗氣, 毫無尊重, 我以為回到20年前的廣州茶樓。將軍澳店的環境亦越來越差, 冷氣不夠天花滴水已是常態,衛生情況亦不理想。我奉勸新老闆要想清楚, 亦必須改革服務質素, 否則名店也難逃沒落。

大約晚上六點入座將軍澳添好運， 好好彩唔使等位， 酥皮焗叉燒包就一定要讚， 真係必食，炸兩就真係非常之差， 個腸粉包住嗰個油炸鬼超級硬， 完全唔好食， 晶瑩鮮蝦餃食落啖啖肉，個白灼西生菜啲菜都幾靚，食落好脆口，同埋啲菜葉都好靚仔， 鮮蝦燒賣皇就好足料， 陳皮牛肉球都幾滑，好好食， 蛋白蝦春捲炸到好脆， 熱辣辣， 唔錯幾好食， 啲侍應姐姐嘅招呼唔錯， 好多時想分開上醬汁，都完全冇嫌麻煩， 態度亦都好好之前好多時星期六日晏晝都會嚟買點心外賣， 不過就要等外賣等好耐， 好好彩平日食唔使等位

今日早咗起身就專登去添好運食早餐, 對上一次黎已經係半年前, 等咗一陣間好快就已經有位.望一望個menu,嘩!價錢加咗好多...燒賣蝦餃已經去到三十尾, 其他點心都已經十到尾至二十尾起跳.. 真係食米唔知米貴添好運嘅質素尚算可以,都仲keep到以往水準特別係雪山叉燒包, 依然都好出色

百物騰貴，依然能以平價又保持質素取勝，實在不易，酥皮义燒包吸引如惜，入口鬆軟，义燒和醬汁恰到好處，好味到不嘩嘩聲，金銀蛋瘦肉粥好足料，有啲偏咸，食完有點口乾，大致滿意，保持香港精神，實而不華，大家努力加油！

晶瑩鮮蝦餃 $30蝦餃皮好痴筷子，一夾完個皮就穿左個餡跌左出黎。古法糯米雞 $30蒸得唔夠時間，個心係暖，有啲位凍凍地，個邊仲好硬。豉汁蒸鳳爪 $20好入味，正。陳皮牛肉球 $19有小小陳皮味，如果陣陳皮味重啲會好啲。酥皮焗叉燒包 $22依個係每次黎必叫，個酥皮好脆好好味😋豉汁魚滑釀尖椒 $203隻入面有1隻好辣，面頭啲豉汁味同尖椒好似唔係好夾，食落味道怪怪地。家鄉咸水角 $18個皮好脆，應該係即叫即炸，個心夠曬熱，而且入面唔係淨係得空氣。蜜味叉燒腸 $25皮好薄，餡都ok。

食咗好多年，外賣亦叫唔小次！今次叫外賣馬拉糕同燒賣放在一起，一個咸一個甜仲要互相食物貼住之後叫炸兩，成條油炸鬼淋的外賣路程一D都唔遠無理由可以接近同腸粉一樣淋XO醬芋頭糕又係超淋....燒賣內有蝦殼越做越差質素唔改，好難再令顧客幫襯！..............................

年初四去幫襯，人都唔算多，等咗十分鐘就有位。限聚期間，雖然人唔算多，但可能環境設計問題，感覺上好嘈。兩條友，叫咗6樣嘢。先嚟咗兩碟腸粉，腸粉啲蝦嘅份量非常少，豬潤亦都異常地薄，腸粉皮亦爛爛地。燒賣皇不過不失。腐皮卷咬落好脆口，食得出係新鮮炸出嚟，蝦嘅份量都適中，值得一讚！咸水角裡面近乎冇餡，食落就係一層好厚嘅粉攞去炸。牛肉球個賣樣極之差，好似一團粉咁，咬落完全係冇口感可言。

搬咗嚟將軍澳咁耐終於都輪到食添好運嘩下次唔洗預我見佢兩點鐘都有吉枱都已經覺得中伏裝修好迫夾茶餐廳咁款食物種類唔多不過都叫簡而精杞子桂花糕$12香甜嘅桂花味唔重.........個賣相仲要好核突件糕又崩晒咁樣又用膠叉古法糯米雞$30啲飯硬嘅......都算入面剩係得豬肉，雞，一舊冬菇同埋一舊潤腸.....想點香煎蘿蔔糕$18係得呢個叫好食啲食到一條條蘿蔔煎得幾香同埋佢唔算好多粉嘅入面嘩呢兩樣簡直係大伏首先個腸粉完全係冇味豉油又係冇味發生咩事個蝦餃收我$30又係無味又細粒我好耐都冇食過啲咁差嘅蝦餃.....普通酒樓都好食過佢呢個鮮蝦燒賣王又係$30呢個仲衰勁大陣雪味食落真心有啲想嘔想點整體黎講價錢唔值唔好坐服務唔洗講，全部譚仔姐姐嚟呢幾樣野都唔緊要最重要係難食丫嘛枉我以前成日食我唔會再支持呢間餐廳拜拜

添好運質素雖然比以前低，再不需要排隊便能進店，但有些食物質素仍然幾好。酥皮叉燒包真的很好味。外皮脆，包軟熟，叉燒也足味。皮蛋瘦肉粥味道沒有驚喜。叉燒腸粉皮夠薄，叉燒也足味。馬拉糕不太甜，囗感鬆軟。荔茸軟糕有驚喜，喜歡軟熟的口感。

午餐時份在將軍澳找美食，添好運門外已有客人在等候，原來有些人在等外賣，有些顧客在等入座。今日叫咗幾個點心，一個炒麵和一個燉湯。酥皮焗叉燒包 樣子脹卜卜的，酥皮香脆連包底也有香脆感覺，餡料充足，叉燒帶少少甜，熱辣辣很可口。晶瑩鮮蝦餃 味道不錯，蝦肉爽口彈牙，蝦餃皮真係做到晶瑩通透，好味。黃沙豬潤腸 腸粉滑脫脫，黃沙潤砌成一小塊一小塊，方便食用，今次的豬潤比較硬身但依然好吃。鮑汁鳳爪 好入味，充滿骨膠原，稔中帶爽，越食越想食。豉油王炒麵 炒得好香口，而且還有一碟辣椒醬跟上，加了辣椒醬的炒麵特別可口。燉杏汁白肺湯 就麻麻哋啦，沒有太多杏汁味道 反而好似比較重薑味，不太好飲。

$29 鮮蝦餃大大隻蝦餃，蝦餃皮唔算好薄但比地一般茶樓嚟講都算係咁，個皮亦冇穿，好完整。蝦方面大大隻，而且爽口。味道都唔錯，有蝦嘅鮮味，又唔會太鹹！可以話係中上嘅蝦餃！$29 燒賣皇燒賣皮好薄，入面有原隻蝦。豬肉方面比較肥，食得出好多汁，但汁嘅來源應該就係肥豬肉。不過燒賣就係咁㗎啦！$18 陳皮牛肉球寫到明陳皮牛肉球，陳皮行頭但一啲陳皮都冇，失望。牛肉味方面唔算話好出但我都覺得可以接受。通常牛肉球都會加少少馬蹄，但今次食唔出又或者打得太碎所以唔覺。$21酥香焗叉燒包呢個包係添好運嘅招牌，果然唔係浪得虛名。好鬆軟，麵包表面薄薄嘅似墨西哥包嘅嗰一層脆皮，好香！叉燒唔會太肥，叉燒醬夠甜夠香！好好味！

星期天睡得晚，一起身就煲劇煲到兩點，突然口淡淡好想出去食少少野，想到了添好運，其實倒是第一次來吃點心。雖然只有兩個人但好想試吓不同款式，所以叫到一枱都係。重點推介脆皮叉燒包和馬拉糕脆皮叉燒包 - 熱辣辣新鮮出爐 雪山脆皮很鬆軟又香 裏面的叉燒肥瘦剛剛好 叉燒醬不太甜 好吃。馬拉糕 - 軟硬適宜 很有雞蛋香。鳳爪 - 有陣雪藏味杏汁豬肺湯 - 太淡了豬潤腸粉 - 皮還算滑 但腸粉皮不夠薄鮮竹卷 - 太多獻汁 糯米雞 - 肉很鞋 糯米飯不夠香紅油抄手 - 很普通燒賣 - 冇乜特別但最大的賣點是非常性價比高兩個人叫左咁多嘢都係$260 外賣的話還有八五折

疫情下周日堂食及外賣生意不錯，很久沒有幫襯，改左用茶包更衛生，兼有三款選擇，茶錢亦翻倍；食具如常不乾淨，有食物殘渣及漬；新鮮出爐的叉燒飽如常好吃，開放式廚房，眼見的點心師傅都有將口罩戴好，值得一讚。第一次嘗試齋菜選項中的香辣爽菜腐皮卷，驟眼看似酥炸生蠔，十二分之油膩，碟上及食物上的油份多得可怕，完全不想放入口；因點心紙上沒提及是炸物，與以往煎的鮮蝦腐皮卷有很大的落差，咬下去腐皮咬不斷，味道不香辣，用紙巾索其中一件的油，全張紙巾索滿，仍然很油，希望這點心出品可以改善。

今晚等了25分鐘才拿到外賣，比一般等候時間長，再花10分鐘後回到家中，已經是8點40分了，在極度饑餓的時候，急不及待打開外賣盒，一看之下，換來一臉失望和憤怒。可恨的是招牌酥皮焗义燒包的樣子竟然是暗沈的啡黃色，只有和暖溫度，包底明顯是烘燶又黑又硬，不堪入口，連招牌食物也淪為這樣子，不難想像其他如鮑汁鳳爪，鮮竹卷也比平日的差。今次也點了豉油皇炒麵，是停產了一段時間的食物，價錢就加左$2，可惜分量只有外賣盒的一半，性價比真是跳級下降。雖然外賣自取有85折，短期內都不會再幫襯。

添好運點心🧆雖然好好食😋，但成日都🙈人頭湧湧，我哋一班朋友仔又怕迫又怕人多所以決定外賣🥡返屋企慢慢食🤤。第一次外賣🥡，原來佢哋每一款點心都會分開打包🎁，超級細心，咁就唔會互相影響味道，但就有啲唔環保♻️，下次各位外賣嘅話可以自攜🛍多幾個餐盒🥡。咁就食得🥰開心又♻️環保啦！其實佢哋款款🥢點心都好好食😋，特別係蝦餃🥟大大粒又鮮味🤤，燒賣都好有🐖豬肉香，上邊仲有粒杞子引出佢嘅鮮味👍，不過我哋最鍾意嘅都係😍酥皮焗叉燒包，外皮勁酥脆入邊叉燒餡料又夠多，皮薄餡靚🤩！