添好運點心專門店

營業中

休息中

想喺中環食平平哋食有質素嘅點心就一定要你添好運啦佢係喺ifc地庫嘅 平時都好多人排隊所以有陣時我都係買外賣 今日突然間淨係想食呢個酥皮焗叉燒包價錢貴 佢仲要係即焗嘅咁嗰啲餡料都好新鮮個包暖暖哋咁好鬆化 仲要細細個有三個咁多所以都幾精緻嘅 外賣嘅速度都好快唔使排隊畀錢 建議可以唔喺中午繁忙時間你就會有多啲位坐囉 其他推介食物下次再同你介紹啦 本人覺得佢最好食都係呢個 包好掛住 我行過都要買嚟食呀 其實佢堂食個價錢都唔係貴嘅 不過係人多咗啲人多數都係外賣

IFC嘅食物出名貴，當然唔好計麥當勞啦，但係自從添好運開咗之後，就有一間我個人覺得好味又唔算貴嘅餐廳。添好運最出名嘅就自然係佢嘅菠蘿叉燒包，我個人覺得鬆軟又好味，自己一個隊三個都完全冇問題，所以如果多個一個人食嘅話，我一定會叫多個一碟。至於佢嘅其他點心，都算唔錯，山竹牛肉係比較便宜而性價比高，我都成日食，不過今次唔記得咗影相。

之前外國朋友嚟香港玩，我就專登帶佢哋食添好運，呢間分店位置方便，香港站一出就係，不過座位就坐得比較迫夾，唔係特別舒服嗰一隻。餐牌幾好有英文，方便外國人點菜，其中見到好多食客都係外國人或者遊客。必食一定係酥皮焗叉燒包$23有三小個，熱辣辣，皮係類似墨西哥包咁樣嘅，超美味！蝦餃燒賣腐皮卷都好食！腸粉都唔錯啲皮幾滑！

今個月已係第二次幫襯，繼續失望因為廚房不值得原諒及很離譜既疏忽，第一碟上枱是原籠生蝦餃，我老公由於太肚餓一到入口即食咬開一半唔熱吞左仲覺得腥腥地原來係完全未蒸熟生嘅蝦餃，他立即告知職員換過，我真的很不快啊亦擔心老公吞了生的食物是否有事，因為8月9日曾經幫襯一籠燒賣竟然墊住一條繩，不過那次當他們無心之失就不了了之，又因為太喜歡它們的焗叉燒包.現在疫情嚴重令我好擔心尤其是蝦是海鮮類食物！我之前未曾在OpenRice寫食評都要寫一次啊！我們以後絕對不會再幫襯這間店舖

當年開張嘅時候的確有驚喜，之後水準不斷下降，先前經常出現嘅人龍，已絕跡多時。疫情下早上九點半，堂食只得三五個客，即管再一次光顧。點咗三個點心，感覺良好。蝦餃皮薄喊靚，煎蘿蔔糕有口感，食到一粒粒蘿蔔，煎得有心機，黃沙豬潤腸就麻麻哋，雖然腸粉夠滑，但得好少豬潤，仲切得好細粒，又韌又完全無粉嫩嘅感覺。因為人少，所以可以慢慢嘆，一啲都唔趕，仲可以嘆多幾杯茶。見廚房入面啲師傅都好得閒，唔知係咪心理作用，覺得啲點心做得特別有心機。整體經驗唔錯，希望將來能夠繼續保持落去啦！　

雖然夏日熱辣辣，但係極度肚餓嘅時候都係想食熱野。朝早11點幾係咁行，行到四點幾終於做完嘢我都就快暈。咁啱完成工作嘅位置喺IFC，就走落去睇吓香港站嗰間添好運存唔存在。第一驚喜仲喺度，第二驚喜係冇人！直入就得，正吖！勁攰，勁口渴，有成個茶壺擺喺度俾你飲已經好開心。因為人少落單同埋補茶水嘅速度都勁快，上菜速度都唔差。係依個四點幾嘅時間，買咗三個點心， 燒賣，牛肉球同埋叉燒腸。添好運嘅點心質素一向都唔錯。最緊要係熱辣辣，新鮮送上。 個牛肉球唔係用咗濾鏡，係真係咁大煙搞到朦朦地。唔使講咁多，總之就係好食。買單八十零蚊搞掂。利申: 我嗰一刻真係極度肚餓，唔知有冇影響。講完

燒賣蝦餃係點心既表表姐，都差唔多係必叫，但唔知係咪蒸得太耐， 燒賣真係好一般， 可能七仔叮叮仲好食過佢就咁睇落顏色都知佢超濃郁， 平時食開既桂花色澤淡黃D,而且超多桂花， 平時用魚膠粉整桂花糕，口感會實的的，但依個唔會，正！牛腩乾肥膏較少， 好入味而且有啖啖八角味，應應該都煮咗好耐，不過就冇好乾柴既感覺 ， 唔鍾意食肥膏既人可以試下招牌酥皮叉燒包， 一定要叫， 食過咁多次仍然覺得佢好好食我知排骨係有骨既（癈話）， 但個人黎講覺得骨既部分真係偏多左

I am just a tourist, so of course I go to Tim Ho Wan. This place is absolutely the best place for Dim Sum and yes, I tried a lot of different restaurants. But the traditional and simple way is the secret at Tim Ho Wan. And the custard bun is the best custard bun in Hong Kong! Make sure to try the custard bun, the rice rolls, the crystal dumplings and of course the other dim sum dishes. The BBQ Pork Buns are a little overrated in my eyes but still good!

品味米芝蓮 Taste of Michelin聽過呢間野好耐，但就未真係食過，今日去Apple store 整電腦，順利係等既時候，得閒飲個茶咁！個點心紙有曬所有菜色，另外有一張中英對照既我叫左四個點心同埋茶：普洱茶 （Pu’er tea) ☕️蝦餃 （Shrimp dumplings) 🦐🥟 皮薄，蝦都幾鮮美發財大利鍾意個發菜，令到個燒賣好入味，個蠔油唔太咸，岩岩好咸水角 （country salty dough with pork and dry shrimp)即叫即炸，口感好鬆脆枸子桂花糕 (Osmanthus jelly with goji berries) 💕☺️整體感覺都唔錯，最鍾意個桂花糕，有桂花既香味，又有杞子味！

2019年12月30日下午一時左右同9位同事及朋友在IFC 添好運飲茶。本人就在同日晚上11時左右出現肚瀉肚痛及發燒等症狀。其後發現有5位朋友亦出現肚瀉肚痛及發燒等症狀。本人懷疑及很大程度上認為進食添好運後食物中毒。另外本人已經在翌日去醫務診所求診並由醫生診斷為腸胃炎，而且其他同行朋友有去診所求診亦診斷為腸胃炎。食物嘅品質同衛生係作為一間食肆嘅最基本要求。如果一間食肆連最基本嘅要求都做不了請不要繼續開業。本人甚少寫食評但希望添好運看此食評後改善其食物品質及衛生問題。

喺香港名噪一時嘅添好運， 係各大旅遊書推薦香港必到嘅餐廳 ，身為香港人嘅我，冇特別去幫襯過。直到今日送朋友機，經過香港站，竟然見到一間分店，朋友有啲肚餓，就去幫襯下啦！酥皮焗叉燒包 ～出名既其中一個點心， 的確係外脆內軟，而且一涵係爆多， 叉燒包裏面嘅叉燒，竟然係有咬口嘅！！！唔似得一般坊間嘅涵，係一pat pat！！ 呢個的確係好食！！！章魚馬蹄肉餅飯～ 睇Menu見到有馬蹄，以為佢會有爽口嘅感覺 ，但上面嘅肉餅確係非常之唔討好，亦都無將食材本身嘅味道好好發揮出嚟， 反而豉油蓋過哂食材應有嘅鮮味。鳳爪排骨飯～ 呢個就一般冇咩特別，但餸菜算係量多嘅。

週末得閒叫埋朋友過來飲茶傾計，嗌咗幾款點心，酥皮焗叉燒包、蝦餃、古法糯米雞、鳳爪、叉燒腸，酥皮叉燒包層酥皮好脆，裡面叉燒餡味道唔錯，蝦餃大大粒餡料好足，糯米雞料好多，而且好入味，軟糯得好食，叉燒腸薄身嫩滑，裡面餡料叉燒都唔少，總體食物水準算可以。

星期日晨早流流約了朋友食brunch. 我哋通常去深水埗original branch, SSP影印象良好, 但今日打算入迪廸尼所以嚟中環.到步, 因朋友未到, 要等齊人, OK. 第二位到, 知道第三/最後嗰位會極遲, 打算坐落邊食邊等, 被白衫似經理人物話唔得. 我哋想改兩位, 都話唔得？？？最後友人終於到. 坐落, 叫嘢. 食完一round, 因大家超大食未夠喉, 加單. 白衫呀生(語氣超差地)話：“真係夠㗎係咪, 只可加一次單！” 吓？乜嘢policy? 牆上未寫, 深水埗次次都無限加單, 唔通有錢唔想賺？食飽飽, 攞行裝起行, 離座時聽到白衫呀生自言自語：“唉, 終於走.” 駛唔駛咁呀？大家都係去返深水埗啦！

食物質素尚可……也夠熱！和以前吃没大分别！我一家人來吃！味道OK!服務也不錯哦！可能不是繁忙時間！安排坐位也合理……員工友善也算合格吧！如地方大一点更好！會再來！真心食客！！

3人過嚟食飯，服務態度差到爆，嘢食又凍，同出邊嗰幾間比差太多！簡直係貼錢買難受！要去食嘅話都係去返深水埗，奧運！😭😭😭😭😭 強烈建議你地唔好去呢間食！！差到！