海港酒家

營業中

休息中

服務態度奇差，魚冇味又奀好明顯蒸過頭，長腳蟹外貌可以用非常樣衰黎形容又淡而冇味，套餐其他餸都不堪入目，因幫屋企人慶祝生日，叫個職員拎蛋糕兼上糖水，最後竟然超過半個鐘先拎到出黎，追問時職員仲要態度囂張地話係要時間拎出黎，仲有分蛋糕嘅碟係冇洗過，有大量污漬，仲要有張人地用完嘅濕紙巾袋貼住響隻碟，免費都唔會再去食

近排經常幫襯海港，因為有外購平台，點餐方便之外，價錢亦十分合理，當然味道都十分可口。今日就試吓荃灣呢間，以為會冇乜人，點知要等成十幾張枱。可能酒樓本身都幾大，所以流量快，等了大約15-20分鐘就有枱。點了幾個點心，雪山叉燒包，牛肉，藜麥糯米雞，燒賣，炸芋丸子，鳳爪等。雪山叉燒包及燒賣較出色。而藜麥糯米雞就未見藜麥影子。之後叫了假日孖寶，酸菜魚肉魚腐米粉及浸時蔬。孖寶份量驚人，一大碗米粉及一大碗菜，酸菜魚湯中的配菜多及爽口，魚腐有咬口之餘亦有魚味。最後埋單每人唔駛一百，真驚喜。

一早book左枱 唸住試下佢個蒸鍋套餐點知食到成肚氣個侍應過黎話無晒蝦 椒鹽蝦變椒鹽鮮魷????我個餐都無椒鹽蝦我地食蒸鍋喎然後佢哋話冇晒蝦叫我哋揀另一樣嘢個賣魚嗰個話轉刀貝俾我地我地唔想食刀貝寧願轉雞算佢一份蝦散叫$78 半隻雞$65我叫平d既都算啦佢地竟然好大反應咁話唔得搞左勁耐 個阿姐又話佢話唔到事話到事既經理就龜縮唔肯行埋黎 最後我都係叫個經理過黎 問佢轉雞得唔得 佢就話得 然後走咗 (????) .......搞咗好耐終於有嘢食D 鮑魚好似無洗過咁用紙巾輕輕一抹 張紙巾都會變黑色的再抹成隻鮑魚都係泥 根本無洗過同個阿姐投訴 佢竟然俾兩張濕紙巾我 .......無言=_=‘’其他食物OK 鱔係好食的但服務超差唔會有人service 你佢地放低d食物之後 你就自己黎自己蒸 同無人換碟既 不過我唔介意 我費事要再洗過d碟呢間酒樓既服務真係超差衛生更差D碗碟係油笠笠的海鮮又污糟 個蒸鍋海鮮餐係平但都唔會再幫襯服務同衛生都太差勁了👎🏻

慶祝母親的生日要有心思，不能太隨便，最後選擇海港海鮮酒家。首次幫襯，環境舒適寬敞。食物質素可與高級餐廳相比，十分豪華。服務態度友善。疫情期間沒有降低質素，值得再次光臨。

前日打電話去問，長腳蟹幾錢斤，佢話$188蚊，堂食同外賣一樣價錢，問佢咁到時點選擇？佢話到時上黎選就可以！點知今日上到去，首先成個場無人理你，之後問個經理佢話無哂蟹，你尋日有無訂到？係唔係咁痴線呀尋日打黎問你幾錢斤你報完價錢叫我上黎自己選蟹，今日你同我講你無訂無哂d蟹，之後收銀果邊阿姐又話供應商今日黎少左蟹，你地點做生意架？我專程係第二道過黎買蟹，黎到你同我講無預定無貨，問你果時就叫我上黎選就ok，浪費哂我時間，大佬我家人生日，諗住買隻蟹慶祝，比你貴公司攪到失哂預算，海港估唔到差左咁多

等咗好耐終於可以約個朋友食個晚飯，慢慢享受不用趕着走，所以我哋嚟到這間酒樓因為可以多坐久一點，因為我們真的很久沒有相聚了會有滔滔不絕的話題，當然佳餚是很重要的，秋風是食螃蟹的好時間，我們叫了一隻相當肥美的肉蟹，一上枱時已感覺很濃郁的香味，還有這段時間的蟹肉質非常之豐厚，鮮甜無比，當然要多謝廚師抄得夠晒鑊氣，另外一個也是我非常喜愛的豉汁蒸鱔魚，我覺得配上豆豉蒜蓉蒸是非常非常好的配搭可以帶出鮮魚的肥美嫩滑，真的可以食多2碗米飯，還有我喜愛的炒芥蘭外皮非常之鬆脆又有燒酒的香味，今日的菜式真的好味道。

一家人食飯最主要就是坐得舒服，今次決定食海港酒樓，好處就是可以簡左你想要的海鮮，然後佢會幫你加工，今次簡左兩隻長腳蟹再加幾款菜，加左燒鵝，咕嚕肉，仲有炒飯😘其實食完兩隻蟹已經好滿足啦海港唯一嘅好處就係你揀好你想要嘅海鮮然之後佢幫你加工，咁佢嘅長腳蟹我諗佢大概要等30分鐘，長腳蟹就咁清蒸都好好食，唔使點任何醬汁都非常之鮮味，佢嘅燒鵝都好好食㗎咁一家人食飯最緊要就係坐得舒服同埋中菜館好啱爸爸媽媽食👍

婆婆生日飯，這次選了到海港，點了長腳蟹，非常大隻，輪流拍照過後就開始吃，甚少吃蟹的我也忍不住要試試，蟹肉鮮嫩好味，可惜這隻蟹的蟹膏不多，所以沒有另加$100做蟹膏炒飯。另外點了黑松露醬桶蠔，日式什菜煲，瑤柱扒豆苗，咕嚕肉，南瓜芋頭煲，黑豚肉炒蓮藕片，清蒸海班，壽桃🍑，等等桶蠔飽滿多汁，蘸上非常大碗的黑松露醬汁更為滿足南瓜芋頭煲的南瓜是連皮的，肉的顏色像哈蜜瓜肉，還有鮮淮山蓮藕片非常爽口惹味魚肉嫩滑其他餸菜也足料好味

今晚屋企人生日食飯, 諗住食長腳蟹, 來到荃灣海港酒家, 八點鐘到, 唔使等位我哋一行九人有大有細, 大約8時06分揀好蟹差不多六斤, 188蚊一斤不算大特價但也不算便宜,之後影咗張相留念（照片有時間紀錄） , 等咗一陣點知8時30分蟹已經到, 即係時間上只蒸咗24分鐘已包括運送, 清洗及劏蟹的時間, 來到隻蟹一啲都唔熱, 是暖的, 物理上已經冇乜可能剛剛蒸起點會暖, 跟住食落去冇以前經驗咁鮮甜, 啲蟹膏都有問題, 極度懷疑系偷龍轉鳳, 或者換咗啲死蟹比客, 仲叫咗其他餸都係唔熱, 埋單二千三百幾, 絕對冇下次! 雖然疫情影響生意唔好, 但係都唔可以呃人!

話說我全家都好為食😂😂我地最愛海港酒家的長腳蟹，因為十幾個戈，分2枱坐，所以今日留左2隻8斤幾，嘩.....上枱唔叫唔得，隻腳勁粗，名副其實真蟹棒，大人細佬一人一條👍🏻我地叫左一個係花花雕蛋白蒸，一個係就噤清蒸，2個都好好食，不過花雕蛋白嗰個啲蛋白好好味，個蟹蓋可以另加$100 炒飯食，不過食唔出蟹味🧐除左長腳蟹燒鵝都出名架，其他餸就普普通通啦，我地主打都係食長腳蟹😋😋😋😋#長腳蟹

一行12人大年初一到海港酒家飲茶，共$1020我們大約11:30到達等位，等了大約15分鐘就有位了。 櫻花蝦鮑魚燴飯 - 香口好味菜遠蝦球帶子生麵 - 蝦肉彈牙，帶子新鮮得有點吃刺身感覺，麵的質感很好。另外點心有藥膳雞腳，原隻鮮蝦燒賣王，手拉白布腸，雪山叉燒包丶四喜烤夫丶濃湯浸菜心丶濃湯浸唐生菜丶香煎蘿蔔糕丶翡翠筍蝦餃王。甜品紙上有多款甜品已經沒有了，只有焦糖燉蛋及咖啡千層糕，咖啡千層糕的賣相非常吸引。

平安夜同一班長輩食飯，長輩們只愛吃中餐，所以只好去酒樓食，其實酒樓來來去去都係食果d套餐，但沒有辦法他們開心就可以了。壽包@@我們選擇奶黃和蓮蓉兩款口味，後生覺得奶黃好食，長輩就覺得蓮蓉好食d。臘味 糯米飯@@好多臘味同埋蝦米粒，所以個飯嘅好食。龍躉 @@用欖角豆豉蒸好滑。 金菇乾瑤柱炒豆苗@@菜幾入味ok好食。 臘味炒芥蘭@@入面有潤腸臘肉臘腸都唔錯。 帶子炒西蘭花@@覺得帶子好爽而 西蘭花ok。 今次個套餐竟然有燒鵝半隻，因以前多數跟炸雞。 大蝦燴伊麵@@ 普通乳豬@@ 唔好食唔夠脆

今日下午，同家人一起去宜家傢俬行街，下午茶時間，原先想去宜家傢俬食嘢，想到去行咗一個圈，老人家不太喜歡食西餐，所以轉場去樓上的中式酒家海港，其實海港係近年越開越多分店，印象之中係唔差嘅，的確如此，我去是下午茶時間，好彩地冇乜人等位，亦都可能是荃灣太多酒樓，咁樣其實大家都見到個餐牌，下午茶時間大中小點一律當小點計，咁我哋當然主要都是叫大點多好快就到了食物，我哋叫咗蘿蔔糕，鳳爪，牛肉腸，仲有個口水雞，其中口水雞我覺得係最好味嘅，價錢$40左右，味道一流，仲要辣汁非常正，配合腸粉簡直一流，至於服務方面就一般般啦！服務員都是同傳統酒樓一樣，所以唔好有太大期望，值得推介。

今晚同家人去荃灣海港酒樓食慶生飯，原本都擔心交通配套好唔方便點知去到原來有一個超大嘅停車場跟住整餐飯嘅質素亦都非常有水準，12人一個套餐3500元絕對物超所值值得推介清蒸海斑夠鮮味，本身不太愛吃魚都食咗好多花茹好厚，鮑魚夠大隻炸蟹鉗慶生飯當然唔少得壽包

踏入11月，就係食蟹嘅日子。除咗嚟自上海嘅大閘蟹，我個人比較喜歡嚟自日本嘅長腳蟹。今晚3個人，叫咗一隻4斤幾，加埋其他餸，飽到上心口！絕對會再encore ! 仲可以用d膏炒埋飯。