海匯粥品

營業中

休息中

👉🏼鮮味瑤柱冬菇滑雞粥👉🏼南瓜杞子豬潤粥冇味精生滾粥粥底綿滑大大碗配料份量足真係有粒粒瑤柱架😎飽肚感十足👉🏼生滾湯飯（豬潤 魚腩 菜心）豬潤魚腩都好好食👉🏼炸兩麻麻地油炸鬼淋過毛巾好多隔離枱都叫蒸魚下次想試埋其他粥味道：🌕🌕🌕🌗🌑CP：🌕🌕🌕🌗🌑--------------------

❤️鰂魚涌·海匯粥品❤️🌈皮蛋瘦肉粥/皮蛋瘦肉豬紅粥兩款粥都非常綿密 米粒煮得非常軟熟口感十分滑順 大大碗都係～$30-$50裡面配料份量非常足 肉絲切得夠幼又多皮蛋都有唔少 啖啖都食到👌🏻👌🏻豬血質地柔軟 唔會好腥又夾到啲粥🌈叉燒腸粉腸粉外表口感爽滑 但略嫌厚咗🥲配上叉燒+甜醬油一齊食 味道剛剛好 唔會太鹹太甜🌈牛俐酥外皮酥脆 內部質感豐富介乎於麵包/蛋糕之間 又有啲咬口乜醬都唔洗點已經好好食 唔怪得咁多叫專登叫嚟當早餐食🤓P.S.除咗皮蛋瘦肉和豬紅粥外 仲有好多其他種類嘅粥選擇👍🏻價錢親民唔貴 想食美味早餐又不想食咁貴有時又唔想食得太heavy 想清下腸胃推薦到粥店去試下啦🙏🏻😉

🥣皮蛋魚片粥 $27超足料，大大碗，皮蛋魚片勁多，而且皮蛋同魚片系大大塊唔系切到好細粒，魚片有骨要小心，薑絲唔多，粥夠綿，稀稠適中👍🏻冬天食暖笠笠🥰🥟香煎白菜冬菇豬肉餃 $40推介！煎得好脆，即叫即煎要預啲時見，冬菇味好香，白菜脆口感好似韭菜咁🥬，大約有8粒😝🍤即煎蒸鮮蝦腸粉 $29腸粉滑，大粒蝦，正常發揮👍🏻🥖香脆油條 $11食粥點少得油條，油條夠脆😝會剪開一塊塊容易夾👍🏻.✨地點隱蔽系鰂魚涌街市對面，做街坊生意，鋪頭細，座位唔多，大碗抵食，款式多，粥可以任配，三併都得，除左粥仲有餃子🥟、麵、粽、腸粉等等，食到好飽

聽人講呢度嘅餃子好好食所以就放飯嘅時候嚟食食第一啖已經覺得超正炸兩都好好味食過返尋味下次一定會再幫襯加油呀 支持你地我下次再嚟要試下你地嘅粥我擺埋最新嘅menu 先

往時住係呢區，都好少行過來鰂魚涌市政大厦，今日行完山落柏架山道，轉入鰂魚涌道近市政大厦旁，有間不起眼的粥舖，入去坐低叫咗個艇仔粥、豬潤腸粉和炒麵。店内不很大，放了六張雙人枱，一張4人圓枱，地方尚算乾净整潔。🌟艇仔粥$24粥底綿滑，味道似家庭式沒有味精的甜味，粥料有水鱿魚絲，豬皮絲、碎牛和花生，總括味道偏淡，不過至少食下肚子舒服。🌟豬潤腸粉$26豬潤淋滑，有些少生生地見少許紅色，腸粉綿滑，豉油不太醎，吊起少少味也不錯的。🌟豉油皇炒麵$13加些甜酱、麻酱和少許辣醬，味道唔錯，又炒得不油脷。海滙已不是第一次來食，今次好像有少許失準，味道和新鮮度不及從前。

天氣凍，好想食暖野暖下個胃。鰂魚涌粥鋪不多，在四處亂打亂撞之下碰到這家粥鋪。這家粥店應該是家庭式經營，工作人員不多，男主人超 nice 又爽快。當天我叫了皮蛋艇仔粥，粥底超濃超綿，皮蛋和艇仔料勁多，魚肚滑。現在外邊的粥店很少以這麼足料了。由於非常足料，我整個下午都十分飽。28 蚊一個粥今時今日在鰂魚涌已很買少見少。另外我叫了炸兩，油炸鬼是剛炸好，勁脆。腸粉不散又滑，𣺉上甜醬豉油芝麻來吃，簡直 perfect!香港其實很需要這種小店，人情味濃，因為我會多多支持！

無意之中係鰂魚涌市政大廈對面發現有間門面幾企理既粥店，同太太去試試.裝修有別於一般粥店 ，很特別的藍色花磚牆，👍🏾細看menu ,竟然有艇仔粥呢d傳統粥品😍試左個及第粥，炒麵，煎堆及第粥配料新鮮 ，粥店綿滑，值得一讚豬潤同手打肉丸 ，大片切法 彈牙唔柴皮，手打肉丸超正仲加左馬蹄 ，9件配料既生滾及第粥只係收32 蚊老闆還推介手打鯪魚球粥 ，可惜黎之前食左少少野，下次會再黎試！呢間小店人情味濃 ，老闆兩夫婦很有禮貌，對老人家很有耐心，同街坊有說有笑的 ，氛圍不錯.值得再黎

這天朋友相約一同吃午餐，朋友工作的地點位於鰂魚涌附近，所以 我們相約的地點也在他的公司附近， 朋友安排了的餐廳 位於地鐵站附近，距離七分鐘左右， 地理上十分方便。餐廳地方不算大，坐位舒適和寬闊，還不錯， 加上冷氣充足， 已經是水準之作。餐廳主打的就是粥品，但我最欣賞的除了粥， 還有他的油炸物。粥底米味香濃， 加上新鮮製成，每一碗也熱辣辣送到枱上， 現在的季節正好適合享用。 另外炸物方面我點選的就是牛利酥， 鹹鹹香香，最重要外脆內軟，完全不帶油膩。

鰂魚涌雖然有唔少餐廳，但想搵抵食又健康嘅美食都唔係咁易架，今日捐窿捐罅搵到呢間位於鰂魚涌圖書館附近嘅粥店。餐廳店面唔算大，大約有20個坐位，勝在坐落唔會太逼夾。望望餐牌，粥品選擇繁多。鮮蝦粥 $38鮮蝦大大隻，一碗粥入面起碼加入10隻8隻，份量很足，蝦肉以胡椒醃過，肉質唔韌唔軟，保持爽口。粥底質感濃稠綿密，調味唔會太重。即蒸鮮魚片腸粉$25叉燒腸蝦米腸就食得多，用上新鮮魚片製作嘅腸粉我都係第一次食，魚片蒸起嫩滑鮮味，裹在滑一滑嘅腸粉內，口感很不錯。

因為今日整完牙，只能進食軟身食物，食粥就最好不過了，但鰂魚涌粥品店不多，而且都比較早收的。 在沒有頭緒的情況下，決定Openrice search 下，發現原來屋企樓下開左間新既粥品店，由於近街市，我平時都比較少行去。鋪頭細細，充滿懷舊色彩，粥品店有不少傳統粥品/油器賣，好似牛脷酥、白糖/黃糖糕。窩心肉片粥 $31粥大大碗，又綿又細滑，肉片軟腍不得不提，粥底加入羗絲，提升粥香味。生菜鯪魚球粥 $31鯪魚球彈牙爽口，必食之選即蒸鮮蝦腸粉 $28 腸粉皮夠薄，蝦大大隻，但胡椒粉味重左少少

呢日同呀媽去鰂魚涌怪獸大廈打卡，順便搵啲嘢食，由於早餐食得多，所以唔想食咁飽。見到東匯中心個水牌有間粥店，就一於去試下，個位置喺堆住宅後方，市政大廈街市對面。一入到去就有寧靜社區小店嘅感覺，環境算幾乾淨企理，坐位唔多，但不斷都有街坊入嚟食碗粥🥣或買外賣，我偷聽街坊同店員嘅對話，覺得應該係由一對母子經營，媽媽就負責煮，仔就樓面，佢地都好好禮貌好親切。我哋一人要咗一碗粥，分別係自製豬肉丸粥($31)同蠔豉皮蛋瘦肉粥($38)。兩碗粥都有少量蔥同薑絲，粥底夠綿，好多料，味道就唔係好濃，落少少胡椒粉🧂會好啲，不過可以肯定嘅係佢無落味精。而有兩樣嘢好抵讚，第一係蠔豉好大隻好鮮，第二係豬肉丸好好味，口感夠彈牙，入面仲好似有啲馬蹄粒令到佢好爽，肉丸有成6粒唔會唔夠喉👍。我哋加咗$10要咗條油炸鬼，ok啦啱配粥嘛，佢幫我哋剪開咗一嚿嚿。本身其實想要牛脷酥，不過賣晒，可能已經係晏晝啦。另外仲要咗碟叉燒腸粉$16🥢，有3條，味道唔錯，熱辣辣送上，唔係好滑嗰種，但都幾薄幾有米香，又有唔少叉燒粒。總括嚟講，呢到真係充滿街坊小店嘅味道，成個感覺無平日連鎖店咁公式化，粥品雖稱不上非常驚艷，但都好食，價錢亦屬大眾化

Since my colleague and I need to work OT tonight, we decided to go nearby for a quick dinner before going back to office. We went to 海匯粥品, in between of Quarry Bay and Tai Koo MTR .They served local Hong Kong breakfast, such as congee, noodle soup or fried noodle, rice roll and drinks etc. Iced soya drink - The staff said it was hand made by themselves, and it was grind till smooth and sweet, with strong soya bean taste. Fried dough in rice roll - Fried dough was crispy and rice roll was made on

都吾知幾耐無認認真真咁坐系間粥店到食粥，比好多中式、西式、自助餐等控制哂日常其實得閒食反碗粥都系吾錯既選擇。首先講下間粥店既感覺，系充斥住「人間有愛」既食肆，留意到老闆娘有好多熟客尤其是老人家，同連鎖式經營既餐廳相比下呢一點真系好難能可貴。店鋪裝修吾算華麗但勝在做到好一致，一致在牆磚既花紋同碗碟做到好Match。🔷滑牛粥粥底煲得好錦而且吾稀水，用料十足，因應個人超好再落埋胡椒粉會更上一層樓。到滑牛部分，都有為數吾少既分量，滑牛大細切到岩岩好，系煮熟果到除左方便店家煮熟作為食客都食得吾驚狼狽。🔷生菜粟米肉片粥肉片系用左豬肉片但一啲都吾覺得乾同難咬粹，配埋粟米同菜絕對能夠加多左一層口感，原來系粟米爽口同帶甜，做到錦上添花既效果。🔷即蒸雞蛋腸粉 💰25都幾新鮮既嘗試，呢一碟系純雞蛋腸粉，無任何餡料系入邊所以食到好純粹既味道都吾錯。同普通腸粉相比佢會相對上容易吸入左豉油個味，配合反雞蛋啊。咬落五去都系淋淋地易進口，好岩老人家同小朋友食。.🔷香脆油條 💰10油條配粥簡直系藍天與白雲既感覺，雖然系炸但流出黎既油流吾會成到成口油，十分脆口。🔷蛋花馬蹄爽 💰18今日第一日推出既菜式都比卡比遇到，真系吾

最近係openrice見到公司附近有呢間新嘅粥店，環境睇落都唔錯，衛生幾好咁，就決定拉埋同事lunch去試下.1點去到唔洗等位，可能因為位置有啲隱蔽，後街冇乜人留意.試咗魚片粥 $30左右 - 都多骨仔，不過可以接受嘅，啲粥底煲得好棉，唔錯！今日仲試咗叉燒腸粉 - 即刻叫就拿到出黎，所以唔係好熱，不過味道都唔錯嘅，如果熱啲會好啲.同埋叫咗炸兩，呢個就等耐啲，味道都唔錯，不過條油炸鬼有啲淋，個人比較鐘意脆口返少少.腸粉同炸兩都係大概$16,幾大份, 好抵食.會再幫襯

今日放工去咗鰂魚涌海匯粥品試佢哋啲生滾粥，去到我哋叫咗皮蛋芫茜腸粉，一個生滾湯飯揀咗三樣料，有魚頭，墨魚丸，同埋皮蛋，粥我哋叫咗鮮蝦滑雞肉丸粥，同埋要咗一份牛脷酥，先講芫茜皮蛋腸粉，可以話係店舖招牌菜之一，如果 食芫茜嘅朋友一定要嚟試，因為芫茜皮蛋同腸粉原來真係好夾好味，點埋佢哋嘅特製豉油冇得彈 。生滾湯飯嗰份量亦都好足，材料亦都好新鮮 ，個湯底就非常有魚湯鮮味，牛脷酥就鬆香可口， 粥就好綿，果然係招牌菜，入面嘅料亦都好豐富。最後想提，性價比真係好高，因為我哋叫咗四樣嘢加兩杯飲品 都係百幾蚊埋單 如果下次嚟鰂魚涌我一定會再試多次佢哋嘅生滾粥!