流髀

營業中

休息中

今日第一次叫這間的外賣， 相片頗吸引， 就試一誠，這飯叫咗 ‘’突然發現燒腩仔蛋飯加流髀餐‘’， 外賣來到打開個飯盒， 盒內共有5片燒腩仔， 4片都是肥到不坎入口，d皮又唔脆 仲要靭， 食完個飯盒，還有差不多4片原整的腩肉在飯盒內 ！ 一定不會再 order !

古有劉關張桃園結義，今有劉備（流髀）的生炸雞髀，實屬一大樂事！小店門口掛有一大隻雞髀，開宗明義擺到明賣炸雞髀，相當過癮！再看看價位，炸髀才二十八大洋一隻，立即買來探索一下！拿到手的炸雞髀，應該是即炸的，香氣撲鼻，不禁令人口水狂流。一口咬下，雞皮脆到不得了，肉汁竟更是一下子咇出來的！雞肉很是入味，但一定不會過鹹，肉質還是嫩滑的。最利害之處是炸起的雞髀一點都不覺得油膩，絕非邊食邊滴油的劣食，必定滿足到口腹之欲！下次一於試試其他小食！

間店好有特色,  個老闆都幾搞笑間野重點係炸脾, 雖然比起其他專賣炸睥既店係細D , 相對個價都平返D $28 ,    講真係灣仔$28  做到 香脆夠入味 (隻味係第2度食唔到 ) , 唔乾身多汁 ,  食到呢個水準已經抵食 唯獨間店專做外賣無得 舒舒服即場食  (始終炸野 凍左就唔好食)另外個$36 雞脾飯係會另外有蜜汁 好食好多, 但係個飯太少野 (得個飯 + 隻脾 ) , 建議 + 多飯D  or 加隻煎蛋都好      ..............................

行過見到張相好似幾靚仔 完全想像唔到實物咁難食 重點係超核突 炸雞好細隻有雪味 $28 完全唔值 $18 我都未必會食打開個飯 好核突 左邊一個碎肉球 右邊一個飯個飯勁硬 明顯唔夠水 本身鍾意食乾身都頂唔順 個甜酸手撕雞 凍係正常但佢係見到好多黃色雞油 仲要中間未解凍痴埋一舊 成個肉碎球咁 超核突 本身諗住見小店試下 估唔到咁伏如果無心做不如唔好晒租金啦

因懶行去遠啲買外賣，今日就買左佢，手撕雞飯賣相同相片好大差距，實物好核突，如果無見過佢張食物相，我諗我無咁大反應要來寫食評，味道OK 好味，份量真係好細，男人實唔夠飽，會唔會再食下次，要諗諗

I've had the chicken leg a few times since noticing the quirky shop and vendor. It is quite good value for money if you get the rice set ($36), as it comes with a drink and dipping sauce also. The star is the chicken - crispy, seasoned skin (tastes like salt n pepper) and really juicy, soft meat! Wayyy better than anything else similar in the area. Every time I've had it, it's been freshly made. It is worth a try for sure!! The shopkeeper is also very nice, speaks fluent English. Go support this

話說分久必合，合久必分。吃膩燒全雞，來試炸雞髀。髀魔曾想爭天下第一，惜分店紛結業。新店髀加chill無力挽，現在三角鼎立。「偽」、「熟」、「唔」三派，「偽」不是生炸，是奸炸，先奸詐地蒸熟。雖然已稱帝～炸帝帝，通街都是，仍不得人心。「唔」的雞髀不是全熟，咬兩啖便見血，要「赤吐」馬上吐，「唔」得囉。手握著18號「張飛」，向店主「關羽」取得「流髀」，電子付28元完成。少於三十元吃午餐，真是「關平」。 「豬割好明」善用三十六計，以三十六「雞」賣兩餸飯。「流髀」受到啟發，以三十六「雞」賣炸雞髀飯包飲品。 「關羽」力捧「流髀」創業，「張飛」負責網訂購。屠完「三結易」，營運比兩餸飯更簡易。 「流髀」崛起，全靠火攻，火燙的，脆皮的，廉價的，28元炸。體型未大至可掩面，但確保內部近骨部份都全熟。正如店前「尺壁」書上所說，是有老師傅秘訣。 「𡁻雲」食遍全港髀髀，百萬髀髀要正斗，認為咸度是適合，吃完不口乾，每一啖都有咸味。但口感稍乾，雞味欠了醬汁引不出來。如配飯有醬汁拌食。現代食客不只要脆，更要無雪味，有雞味。應如乳鴿，先滷水浸潤，再風乾。吃時先有炸雞脆味，後有滷髀風味。 此店流髀贏在得「經週」，借助經濟下

無乜comment . 有特色=有心機. 唔差. 不過不失. 如果係附近工作. 不防幫襯吓。 Interesting  shop name in Cantonese , is about a Chinese character which I m not familiar about.  Chicken is good , rice is just right . Food is above average.  Chicken isJuicy and tender. But not much option for drink which is a huge disappointment

最近返工附近開咗間專賣炸雞髀既鋪頭跟住見到$36炸髀飯仲有嘢飲😍😍呢間舖頭嘅裝修有啲特別老闆應該好鍾意三國佢嘅裝扮都係非常特別係關羽嘅帽加副超佢仲將㗎單車變成赤兔🐴舖頭個名係流髀，然後每一張外賣單都係張飛舖頭外面每一塊瓷磚都有字，仔細咁睇其實係一個故事👍🏻👍🏻最特別嘅係佢舖頭播嘅歌係雞叫聲🐔🐔🐔之前已經想試好耐，但係我太早放lunch成日都未開舖但係依家正式開業🥳生炸雞髀飯🌟🌟🌟🌟🌟佢有三種口味（南乳、薑蔥、燒烤蜜糖）最好食嘅應該係佢個南乳醬👍🏻雞髀外皮鬆脆，裏面都有滿滿嘅肉汁，絕對拍得上一啲知名嘅生炸雞髀鋪頭三款口味我都是試哂，蜜糖同埋薑蔥都係唔錯嘅，但係飯入邊本身冇醬汁，食起上嚟會有少少dry ，個餐包埋嘢飲（梳打水、紙包飲品）回頭率：100%

下晝經過灣仔見完客，諗住附近搵少少唔太heavy既野食下，係合和正對面見到有間新外賣店，就過去睇下。剛過馬路，剛行到街頭就聽到有雞叫聲😅😅😅係寵物小精靈主題曲，應該80-90後都會好有共鳴。店面有個著綠色關公袍既哥哥係度收銀，店員好有趣。聽店員講因為扔在試業中，所以暫時只有手寫menu。上面有招牌炸雞髀飯，各種小食，有炸餃子，薯條，炸魚皮，最後我叫左個蜜糖雞髀飯，38蚊仲要包野飲冇諗過會係呢個價錢，幾抵wo又真係。落單3分鐘就攞得！有餐具有膠手套，幾好！呢隻雞髀，應該係我近年食過最好食！！！！！仲有彩蛋: 個飯不是白飯，有雞湯味！！！好似油飯咁下次經過灣仔會再試。

每次經過都見店面嘅哥哥著到關公咁落力叫喊，初頭以為只係開鋪初期先會咁做，點知之後無論咩時間經過都係一樣，真係好敬業樂業依兩日終於一試，皮脆不再話下，肉嫩同埋冇炸脾常出現嘅雪味，絕對值得一試。

喺佢地裝修緊我已經留意到佢地, 專賣炸髀,話說喺附近返工咩都食到悶, 要食既都食過,即管比次機會佢😆結果係好好食, 入味, 卜卜脆, 唔會好油!非筆墨可以形容好驚喜一定要試