泉章居 (已結業)

一行N個人，有搞手，所以叫左咩都唔係好知，係禁倚講幾樣啦，（以下提及之食物名稱，純粹靠估）一黎有兩個湯羮，我揀左個好似碗仔翅既，足料好味生炒骨，大大舊，啖啖肉，唔會好似其他禁又一係成舊粉，一係肥炒豬大腸，街多數一片片，佢係一條條開邊，可能禁樣清得乾淨啲，不過無左肥美同香口既感覺，覺得只係食左塊炸野落口，配個酸甜汁ok既!雞有兩款，薑葱個款，有啲咸，沙薑既不過兩款都好滑!西檸雞一上台有人講左句“禁螢光既”禁就濟消左半碟啦另外仲有個老火湯清蒸石班食到個身，發現唔熟，同佢講，即刻羅走，重新整過條!服務員話因為煎耐左，所以蒸唔透臨食飽有人話要叫客家茶果，茶果係要等20分鐘既，印象中唔洗等20分鐘，不過真心唔值得等，因為唔好食，先唔好理唔係心目中白色有片葉，個心有涵個種茶果！一上台，禁似扁左既馬拉糕既，一切開，實得黎無涵，大獲!叫左都要照食既，甜甜地無咩味，口感仲要似壓實左，個底整濕左既馬拉糕，oh no，客家茶果，唔識欣賞

踏入5月份，又到慶祝媽媽節嘅時間，父母都係鍾意中式的食肆，泉章居就係其中一個選擇啦。脆皮炸大腸--我的至愛，皮炸得夠脆。椒鹽鮮魷--夠晒惹味，送飯一流。父親至愛呢度嘅霸王雞，啖啖肉，但價錢同身型一樣咁巨，$298一隻，夠我食到一次放題了荔蓉香酥鴨--鬆化香酥， 多吃幾件也不覺膩。梅菜蒸鯇魚--魚身夠大條，但卻蒸得夠熟，但又唔會蒸過龍，好功夫總結:味道其實不錯，但價錢唔算平，連荼錢加一都成千幾蚊了

黎至順得餐館炸鮮奶係必叫既餸菜金黃色脆皮既外殻奶白色既鬆軟既奶漿真係好正今次同2個女仔去食得唔多 只係只左一個炸鮮奶同菜員工都冇表現不耐煩所以服務質素都不錯一定有下次

今晚我們去咗旺角奶路臣街嘅「泉章居」食晚飯！我們叫咗4位用套餐：老火例湯：粉葛煲豬𦟌湯真係火候十足，湯底嘅味道好鮮甜濃郁，老火例湯係我們嚟「泉章居」除咗招牌霸王鷄之外，另一樣必食㗎！霸王鷄真係相當肥美，肉質超鮮嫩軟滑，而舖面嘅薑蔥絲係爹哋媽咪最鍾意㗎，因可以令到鷄肉嘅鮮味更加提升！由於我們比較鍾意食魚，同埋唔係好想食太多肉嘅關係，所以我們叫咗幾款都係魚！油浸笋殼魚炸得好金黃香脆，肉質好嫩滑！豉汁蒸大鱔嘅肉質好爽滑彈牙，而且相當肥美！梅菜蒸鯇魚真係蒸得極之鮮味嫩滑，梅菜嘅香甜味滲透晒入魚肉入面，令到味道更加鮮甜！

吾知系咪因為婆婆是惠州人，媽咪同舅父超級like 客家菜。今次叫左個4⃣️人餐，4送一湯:胡椒豬肚湯，多白果，多豬肚，可惜湯底稀，不夠味，套餐叫呢個湯要加錢，$70，其實不低食。鹽焗雞:好咸香，雞肉嫩滑，可惜太咸，食完我們要即去吃雪糕😂梅菜蒸鯇魚:驚喜，甜梅菜加新鮮鯇魚，真的好好味，不鯹釀豆腐:豬肉加左小小章魚，好口感，好味，加左黃豆炆，幾好味。喜歡沒有肥豬。雜菜煲，有菜，有海鮮，有粉絲，味道好一般，好一般的出品。成體太咸，太重味。如果喜歡濃味的話，呢到低食。八百元有找，份糧夠。

試過銅鑼灣舖底食夾大件，今日試吓旺角舖。照例點套餐，4人套餐$298, 鹽焗雞/霸王雞/蒸魚選一 加兩小菜，額外加廚師推介$140酥炸蝦球。霸王雞- 勁多薑蔥、雞味醃得略淡口，但加上鹽焗雞醬同薑蔥一齊食味道剛好椒鹽魷魚 - 香脆熱，好味！齋食唔點椒鹽/喼汁都可以酥炸蝦球 - 比相細粒，雖然皮脆，但冇乜蝦味兼淡口，有啲失望炸鮮奶 - 明顯用舊油炸，脆槳厚，奶唔夠滑，公平啲講唔難食但唔會推介。大大碟價錢合理，值得一讚啲茶冇茶葉噏味，好多茶樓雖收高茶介但茶葉少兼用廉價茶葉飲落有噏味，今次飮普洱，濃滑，$5茶介可飲到可見店主俾其他集團式茶樓有良心。

三個人食叫左個二人set加個客家炒飯。叫左個梅菜扣肉。個set跟個例湯,三個人飲一人都有兩碗,幾好味。佢一層肥一層無咁肥,幾正宗,唔錯。仲有鹽焗雞,好滑,唔會太重味。不過可惜個客家炒飯太咸啦......成餐飯D野都偏咸,特別係個客家炒飯。不過佢勝在夠大碟,鍾意食咸D既朋友可以試下~~~

已經有2年沒食過泉章居. 今晚約齊一家人出來食，一直好期待食泉章居的著名菜式 - 霸王雞，嫩滑好味！連鋪在雞面上的葱都特別香. 水準保持到. 下一個菜係客家名菜 - 梅菜扣肉，好大碟啖啖肉，好滿足！初初仲擔心扣肉比較肥膩，但食落一點都不肥膩，送飯一絕. 四人套餐包的菜式 - 西芹蝦仁花姿片，食完扣肉再食它好清新. 份量比較少咗D.'海鮮什菜煲 就比較一般. 還有 例湯泉章居仲係咁正水準保持到，特別名菜 - 霸王雞，又滑又香，正！！！

好耐之前，泉章居都係我經常食既其中一間中餐但都相隔左好多年無去lu..今日就同家人一行6人 去左旺角店食飯我地就叫左個6人餐我發現 價錢好似比起以前貴左6人餐 有2款雞及一款魚 比我地三選一之後係幾十款小菜中 簡4款 咁就$738有例湯送..送完即止..味道.. 不過不失啦~我地就簡左薑蔥雞..呢個雞...佢每件都切得好大舊..味道偏喊..... 呢個菜亦係係普通..咕嚕肉.. 上枱唔夠熱...肉質... 硬左D枝竹火腩淡而無味蒸蛋..正正常常...加埋飯..同加一..埋單9XX... 我覺得真係又唔抵...又唔好食唔會有下次喇

在三間泉章居之中，旺角分店一定是我的首選，食物出品質素最有保證，保持水準。要食雞，一定想起泉章居，無論是霸王雞或鹽焗雞，都好好味。二人套餐只是$298，包括例湯一鍋，鹽焗雞/霸王雞，再加兩個小菜，份量足夠三人吃。是日例湯今天的例湯是青紅蘿蔔老火湯，清甜潤喉。霸王雞充滿雞油香味的薑葱令雞更香，更惹味。雞皮爽脆，雞肉嫩滑。時菜鮮魷鮮魷火候剛剛好，不太硬，配上蝦醬，味道更上一層樓。油浸荀殼魚魚是炸好後再配上豉油，皮脆肉嫩。

本來因為食過銅鑼灣分店，認為食物ok,就去旺角分店食，方便不同住處的朋友。我們共14人訂了1張大枱慶祝友人生日飯，點知去到時佢要我們分2張枱坐。我們提議等別人大枱食完比張枱我們，又提議合併佢比我們嗰2張枱，好讓我們14人1起坐，又見到有張13人大枱，但只坐了1家人約9人，佢地已經食咗大半。但佢什麼都唔肯，仲要屈我們話已電話通知我們改了分2張枱，睇死我地人多唔會走。錯曬啦！旺角大把酒樓，我地憤而離開，去了另一酒樓，人地等了3分鐘就執好張大枱比我們，服務也很好。所以日後杯葛全線泉章居，有錢都唔會比佢賺！

今晚我們去咗旺角奶路臣街嘅「泉章居」食晚飯！去到嗰陣有好多人喺度排隊等位，而我們亦無一早訂位，所以我們差唔多等咗半個鐘以上先有位！我們叫咗個4位用套餐：老火例湯：鱆魚蓮藕煲豬肉真係好夠火候，湯底嘅味道好鮮甜濃郁，而且有芳香嘅鱆魚鮮味！蟹肉扒豆苗嘅豆苗相當幼嫩，而蟹肉嘅味道就比較淡！梅菜蒸鯇魚蒸嘅時間火候控制得恰到好處，肉質超鮮甜嫩滑，梅菜嘅味道非常香甜！豉汁蒸大鱔嘅肉質相當肥美肉厚，豉汁嘅味道唔會好鹹！霸王鷄非常肥美，肉質極之嫩滑，舖面嘅薑蔥絲係爆香過，所以味道更加芳香惹味，同更加帶出鷄肉嘅鮮味！

今晚我們去咗旺角奶路臣街嘅「泉章居」食晚飯！我們叫咗個4位用套餐：老火例湯：鱆魚蓮藕煲豬肉煲得火候十足，湯底嘅味道相當鮮味濃郁，有香濃嘅鱆魚芳香味！金牌鹽焗鷄「半隻」嘅肉質非常嫩滑，味道好鮮味，而且唔會過鹹！蟹肉扒豆苗嘅豆苗好青嫩，蟹肉嘅份量唔算太多，但味道都幾好！黑椒牛仔骨嘅肉質相當鬆軟，牛肉味好濃郁，洋蔥炒過已經係好香甜，再加上香辣嘅黑椒一齊炒，令到味道更加惹味！豉汁蒸大鱔嘅好肥美厚身，肉質相當爽滑彈牙，味道好鮮味！

今日因爲屋企老人家生日，所以嚟泉章居食飯。坐低唔夠5分鐘，大家一致認為只此一次下不為例。呢間泉章居啲人嘅服務極差，好似同你嘈交，咩都唔願做咁！算啦，講下啲嘢食先... ...鹽焗雞係好食嘅，啲肉質好滑，好夠味，點沙薑食都好香。鮑翅羹食生粉羹咁，一啲都唔好食，唔知點解加少少浙醋都好酸。牛柳粒估唔到呢個牛柳粒係最好食，夠淋夠香夠入味，連老人家都食到，得呀雙菇豆苗呢個都唔錯，幾好食，個豆苗無渣，夠嫩炸豆腐真係無必要食，炸到乾到無哂水，好似食渣咁，呢個豆腐真係好差黃金蝦球說好的蝦球呢？啲蝦係凍而且有啲梅，個咸魚黃醬除咗咸之後真係無其他味道清蒸沙巴龍躉夠滑嘅，無蒸過火，都有鮮味帶子蒸豆腐反而呢個蒸豆腐好食，夠滑口，老人家食都啱啱好，個蒜味好入口，配埋個帶子就有啲口感，但粒帶子就薄咗少少，如果大返啲啲就好啦總括嚟講，食物嘅質素係可以嘅，但啲服務就真係好差，生日流流仲要受氣，都覺得好唔開心，如果改到個服務質素咁會好好多

男家提早造冬，奶奶又選上泉章居～造節不能小的霸皇大肥雞，雖然好食，但$298好貴😑雜菜煲，要多吃蔬菜豉汁蒸大鱔是長者最愛客家紅紋豬肉每次必叫的炸大腸食物質素0K，都迎合上一輩的口味，但坐位有點迫，每次bk了枱都要等一段時間才能入座