棠記士多

營業中

休息中

___________🏖餐廳簡介🏖___________超級傳統的舊式士多，位於大浪灣沙灘附近，本地客人跟外國客人數量不相伯仲，除食物飲品外，棠記士多還有售賣游泳及沙灘產品，方便到附近沙灘玩樂的朋友仔😊- _____________🍽食物🍽_____________🥥椰青 $35推介指數 ■■■■□超級清甜多汁，椰青肉滑溜溜的，是炎日下最好的選擇，價錢亦不算貴，所以受到不少客人的喜愛❤。-🍋檸檬利賓立(凍) $ 28推介指數 ■■■□□很久沒有喝利賓立了，是兒時的味道！比例剛剛好🍇並無太過份甜，但略嫌不是太夠凍，待冰溶化後，味道又變得淡味了。- _________🌶辣椒紙總結📝__________整體：🌶🌶🌶環境：🌶🌶🌶🌶員工：🌶🌶🌶食物：🌶🌶🌶🌶(滿分為五隻🌶) - 在炎炎夏日下，有個冰冰凍凍的椰青實在是人生一大樂事，價錢亦算合理。除了消暑飲品，餐廳還有不同的粉麵/小食，大人小孩都能照顧到。👍🏻👍🏻-______________________________ 📍 棠記士多石澳大浪灣-______________________________ #椰青 #爆檸 #利賓立 #消暑聖品

成日行小西灣至大浪灣，之後肚餓嘅話都會嚟呢度食嘅，又或者掛住呢度嘅西多士都會行呢條短山路。西多士好重蛋味，切開裏面都好「蛋」，軟綿綿，唔係度度都食到，當然要加晒成嚿牛油啦。雖然好邪惡，但呢個真係要試！泰式炒粉絲：如果你鍾意食芹菜，呢個就啱你，味道係特別嘅，不過我唔係特別鍾意食芹菜，所以覺得一般。另外，肉係雞肉。菠蘿炒飯：炒飯都算乾身，香口嘅，不過感覺上比以前細碟咗，同埋少咗啲材料。好彩平日佢都開！唔使驚冇西多食

放假之日常，朝早安排完小朋友返學🎒後，與另一個小朋友🐶行山⛰️。由柴灣行去大浪灣，然後食個早餐。落嚟大浪灣不外乎喺可樂士多或者棠記士多食。今次係棠記，閒日的關係只有我一枱客。老闆娘好招呼，閒話家常。叫了一個叉燒蛋面，Diet coke, 食物正正常常。價錢$56偏貴。補充完體力又上山，兜個圈行返小西灣。

It was nice to have refreshments after a morning of hiking. The location of the shop is also near the beach. You should pass by when you go to Big Wave Bay. They also offer different rental needs. I love the young coconut and club sandwich! Nothing fancy just yummy!

行完龍脊，落山搵野食醫肚，入左第一眼見到嘅棠記，多客就諗住冇死。入到黎，行完山例牌叫西多紅豆冰，補番失去左嘅卡路里。誰不知西多無花生醬，入面是蛋漿，可能有人好鐘意，但我真係唔得，花生醬先係靈魂黎架嘛；紅豆冰太淡，水太多掛，總之奶味已經唔重，啲紅豆同甜味消失左咁。太surprise，早知出番筲箕灣先食。男朋友好醒，食味道不變嘅餐蛋麵檸檬茶，安全。廁所乾淨又有露台位，不過唔是望海。服務唔差，都好有禮貌而且好helpful，見你裝裝下都會問你係咪搵廁所。各方面都好，就係西多紅豆冰唔啱我。咁就多謝101$

疫情期間無得去旅行，想放鬆下就多咗去行山。今次行咗一條容易的大浪灣路線，揀大浪灣做終點其中一個原因係呢度有好幾間士多的野都幾好食。今日呢間仲有椰青飲，勁青甜！嗌多個泰式菠蘿炒飯，我當自己去咗泰國旅行架啦。估唔倒海灘傍的士多可以炒倒咁高質素的炒飯，仲勁足料！好夠鑊氣！星州炒米都唔錯。不過食食下覺得星州炒米同菠蘿炒飯有d似味道。我們問了職員有咩推介，他强烈推介西多士，所以我們就嗌咗個試下。西多士勁香蛋味，有別於傳統香口的西多士，呢個西多士竟然口感好滑！但我又覺得幾好食！好難形容，值得一試。

一早 P牌的我開車入大浪灣食早餐，第一次去棠記吃東西。開揚，坐得舒服，又清涼。簡單點了一份油多，凍檸茶走甜，茶底不錯，油多夠料！稱心一餐！坐在這樣的環境，視覺味覺都享受？

大浪灣行得多，次次都係行完出返東大街食，今次試下留喺大浪灣食。呢度次次都幾多日所以入左黎喇。菠蘿炒飯：好足料（菠蘿太多😅），夠鑊氣，有少少辣幾惹味，比想像中好好多喎。50蚊抵啦。星州炒米（少辣）：多材料，$50估唔到都有兩隻蝦。但以椰菜代芽菜好「港式」🤣。可能我叫左少辣，冇一般星州米咁濃，但都OK嘅。椰青：青甜解渴，正常。$32堂食環境都幾乾淨，唔駛搭檯，上菜幾快。仲有我見到廚房跌晒啲類似紅腸嘅食材落地佢地即deu 👍🏼（雖然係正常，但唔係必然的）。滿足，下次行完大浪灣又黎，唔駛出筲箕灣先食。

行完山肚餓，就入咗第一間士多餐廳以為會好貴，點知都係50蚊一個炒飯，分分鐘仲平過出面食主打泰式野，最好食係泰式菠蘿炒飯，性價比極高食咗好多野，仲有冬陰功湯勁好味，勁正宗我地都懷疑個廚係泰國人，薯條係連皮粗薯條，最鍾意食呢隻值得推介

今日天氣好好，所以同男朋友去左行山，由小西灣開始行去大浪灣。行到中途已經覺得好肚餓，不過都堅持行到去大浪灣～到左之後第一件事梗係食左嘢先玩la所以去到即刻睇下有咩好嘢食先～然後去到棠記士多門口～有個姨姨已經問我地肚唔肚餓～口唔口渴～椰青好好飲～見佢講到咁吸引～就入左去食lu 我地叫左個炸魚薯條加個椰青哇！個椰青真係好好飲～好清甜好解渴～即刻涼晒～再食個炸魚薯條～d薯條好大條好脆卜卜～炸魚又好正唔油一試難忘～下次再行又食過

行完龍脊去到大浪灣，呢度有幾間士多，我哋揀咗呢間坐低休息下，士多鐵皮頂，大圓枱膠櫈，好平實，地方唔迫，已經有好多滑浪客同叫行山客，店內有埋滑浪板同泳衣賣，餐牌食物選擇多，大部分簡單小食，我哋只係叫飲品清心涼粉冰（$25）高身透明膠杯，涼粉粒幾多，彈牙滑溜，椰汁唔算濃，比較淡，又唔夠甜（無叫少甜）ok朋友飲：椰青（$30）忌廉汽水（$8）店員姨姨有笑容，不過罐汽水就被忘記了！要追先攞來！悠悠閒閒休息時間

秋風起又係行山嘅好時候，今日行龍脊，由土地灣出發，大浪灣完結。到咗大浪灣，就見到棠記已經有好多行完山，準備醫肚嘅行山人士。可能太忙人手不足，食完嘅枱面都未有人清理。坐低望咗陣menu，職完清潔完枱面，我哋就決定食個下午茶餐！餐蛋麵，男朋友話味道都OK薯條雞翼，薯條剛剛炸起好香好脆好味，雞翼夠惹味涼粉紅豆冰，無乜紅豆冰味，有點失望總結嚟講，都算抵食，行完山攰攰地都係一個醫肚好去處。埋單$85蚊，都算幾抵！

過去的星期六和朋友行龍脊，終點回到石澳，見到棠記有露天茶座，很開心入去食個Tea!一行六人叫了2個Pizza 和小食併盤地方企理，戶外空氣通爽，陽光下吃得很舒服！Pizza 是crisp thin type 很普通，可能是超市貨用焗爐翻熱！那個鮮茄水牛芝士，餐廳應該後加切片番茄的，可算有心做！泰式小食併盤也很普通，份量不多。最后見到隔離抬的西多和炸薯條好像幾靚仔，果然全日最好的二個dish ，西多士用全蛋浸方飽再煎炸如有咖咉或花生醬更好！薯條粗幼適中，兩者都好香口！飲品- 紅豆冰一般，奶多豆少！奶茶涼粉幾好！服務很好，很貼心，不過我地試的pizza和小食併盤就沒有驚喜囉！

是日行龍脊，終點到大浪灣，立即就看見棠記的天台用餐位置。我們選了泰式炒芥蘭、金邊粉、串燒、椰青。芥蘭略鹹但口感很好，金邊粉也夠味，只是沒有放青檸。串燒很好吃，但鷄肉有點乾，可能烤太耐了。整體係吃得很飽很滿足。

昨天放假，天氣也不錯，男朋友帶我到大浪灣吃個中式brunch 😂「你一定要食餐蛋出前一丁！」期待已久的一丁終於出現，係好食0既。有無人好似我一樣，定時定候就要搵個一丁0黎食下，就好似好多人鍾意食譚仔一樣，一段時間沒有食就會好掛住呢？心癮啊！再0黎 肉丁墨演一丁那，有比較就出事啦！ 肉丁同一丁這個組合，總是沒有那麼適合，無論是味道還是賣相。肉丁的味道太強烈，搶了一丁的湯底味。 一丁的soulmate 還是餐蛋呢！不過肉丁大大粒，好有咬口啊！🙈🙈熱辣辣的天氣，當然要order兩杯凍飲啦！椰汁紅豆冰，凍咖啡咖啡有點似鴛鴦椰汁紅豆冰之前飲的紅豆冰都很甜，每飲一啖都似在飲糖漿。這裡的紅豆冰甜度剛剛好，入口有濃濃的椰香，大大粒紅豆，找回兒時的感覺啊⋯⋯吃飽飽到沙灘逛逛，好像在拍廣告喔這是小妹第一次寫食評，希望大家喜歡