根記粥麵店

營業中

休息中

今日到長洲，平時食開的那間粥店沒有開門，走到來這間我想試一試。一看餐牌，發現有很多特色食物：豬膶粥、蠔仔粥、泥鯭粥……我最喜歡吃海鮮，所以就點了這個泥鯭粥。跟老闆傾談，老闆話魚片粥是淡水魚，泥鯭是海魚，會比較鮮甜。我問他你的魚片粥是不是沖的，還是煮的，老闆說他的粥全部都是生滾粥，生滾粥的意思就是煮到熟。粥送到來，一入口，果然十分鮮甜。另外有點了一份油炸鬼，這裏的油炸鬼不是特別硬的鬆脆，但是一點也沒有明礬的味道。大部份的油炸鬼都為了鬆脆一點就有明汎加了進去，我比較敏感，很容易吃得出。這一餐好充實，油炸鬼$11 ，泥鯭粥$38。一共$49。吃完滿口只需要喝一杯檸檬茶才清除這種鮮味。

年初五，一家大小一同去離島放鬆下，點知放鬆唔到，食個飯都比人鬧！見有腸粉有粥打算坐低係入面食，一坐落去就比個啊伯狂鬧我地咁快坐低，because 佢未汁好檯wor，見到上手留低個口罩竟然問我地唔係你ge做咩你唔dum？omg左啦已經，老公話搵人落單叫聲唔該落單，個啊伯又鬧我地：你地啱啱坐低姐下話！坐低就要叫野黎食？佢個態度差到我直接想拖佢出去午門，唔知以為佢d野食唔洗錢ga！最後佢汁好檯我地直接走人，你d格咁樣都唔知你煮d乜出黎比人食

晚上在長洲想吃一個清淡一點的晚餐，就找到這粥麵店看看，看到餐牌上有腸粉及粥，腸粉更有蔥花雞蛋，二話不說就點了這個。蔥花雞蛋腸粉+皮蛋鹹瘦肉粥$48腸粉頗特別，很少地方可以吃到蔥花雞蛋腸粉，而且很久沒吃有甜醬麻醬及灑上芝麻的腸粉，份量亦頗多，好味到唔停得口😋皮蛋鹹瘦肉粥亦很足料，瘦肉也醃得入味。下次再入長洲一定要encore

想食腸粉竟然有，不過可惜冇豆漿，泥猛粥原來要落埋胡椒粉，冇落到味道好淡咗啲。蠔仔鮑魚粥好鮮甜好好味，啲蠔仔同埋鮑魚絲都好入味。炸兩新鮮唔會好大件啱啱好，外脆內軟好食，不過啲腸粉皮太黏，好容易夾爛。蠔仔腸粉太黏，好難夾好容易夾難。

天氣凍食粥最好，所以今日試咗呢間在長洲大牌檔的粥店，一入去第一檔，經過見到佢喺度炸緊油炸鬼，所以就坐低試一試。簡簡單單，叫咗一碗菜乾豬骨粥同埋一碟炸兩，好耐冇試過炸兩嘅油炸鬼係脆嘅，果然有新鮮炸嘅油炸鬼係唔同啲嘅，撈埋甜醬同麻醬就真係無敵啦。至於碗菜乾豬骨粥都幾好食，有燒豬骨嗰種鹹香，搭住炸兩食別有一番風味，天氣凍冰冰食完就成個人暖晒。

想唔到入嚟長洲竟然搵到一間粥麵店，粥底有果皮、白果、腐竹⋯⋯天寒地凍叫咗一碗艇仔粥帶返酒店，美味不得了，叫一碗大嘅兩人分好似都唔夠喉…..第二朝瞓醒就落去買返兩碗粥，今次叫咗花生豬骨粥、encore 碗艇仔粥再叫多個牛肉腸粉⋯⋯嘩個腸粉好滑牛肉足料好好味😋⋯⋯下次入長洲會再嚟探老闆，每一碗粥都會加入粥底同材料再滾一次先上碗，真係用心之作👍

就係為咗一句「傳說中的即叫即炸油炸鬼」於是一直都想去長洲會一會佢，不過次次入親長洲天氣都比較熱，要去無冷氣嘅大牌檔食粥真係一項太大嘅挑戰。不過今日機會終於黎喇飛雲，無啦啦天氣轉涼忽然低過20度，又咁啱我要入長洲，所以終於試到，不過聽講原來長洲係有兩間粥店都係喺大牌檔而且都係有即叫即炸嘅油炸鬼的，Anyway，另一間已收工，所以試咗呢一間。一心要試嘅就係呢條即叫即炸嘅油炸鬼，咁就梗係好食啦，所以野食都係新鮮最好食架啦。試咗碗艇仔粥，叫了碗細嘅，幾多料，粥底都唔錯。呢碟係蝦米腸加蛋，即叫即蒸，非常有誠意，腸粉都夠滑，幾好味。

七月份，夏日炎炎，無阻我入長洲食根記粥麵店的決心❤️想提一提各位呢間餐廳真係冇冷氣㗎，入得嚟食就預咗係得風扇吹到，如果頂唔順太熱就請你夏天冬天先來啦🤧🤧🤧🤧又或者自己做足準備例如帶多幾把風扇同埋貼退熱貼啦🫣🫣每一次嚟長洲我都會食呢間舖頭嘅腸粉，因為喺市區你真係食唔到呢個質素嘅即叫即蒸腸粉，佢唔單止皮薄！而且入面好足料😆😆建議大家要腸粉嘅時候可以加多兩蚊叫佢加蛋喺入面，因為真係香口好多㗎💕💕要邊款味道都冇所謂嘅，睇大家鍾意食咩啦，我自己就鍾意食蠔仔腸粉同埋芫荽皮蛋腸粉❤️‍🔥❤️‍🔥佢啲豉油好香口，真係好好味，我而家已經好掛住好想再食啦🥲🥲🥲🥲

皮蛋瘦肉粥，都話走蔥咯！耐心地自己續粒挑走。估不到粥底香濃甜美，厚身綿綿滾熱辣。生滾粥食得到瘦肉甜味，靚粥盛著彈彈皮蛋及嚥韌瘦肉齊齊嘆，無比幸福！魚腩肉片粥，我要碎牛肉，點解變成肉片呢？姐姐回應因疫情關係影響供貨，所以無蠔食無碎牛食。魚腩鮮味非凡啖啖嫩肉厚厚滋味！粥底泛著肉甜魚鮮極之和味。炒麵，姐姐提醒幾次小心隻碟好熱啊！我皮厚無緊要。炒麵質地似米粉，蒸蒸翻熱比微波爐翻熱好食百倍！跟叉燒一齊炒堅惹味香甜。讓麵條拖著滾粥大啖大啖吸啜，我最鍾意的食法，百味交錯無得頂！齋腸粉，早已落豉油芝麻甜醬及麻醬端上，麻醬浸腸粉？辣醬就要自己處理。綿滑腸粉跟混醬撈得透徹均勻，香辣甜共冶一爐，熱燙燙滑滑腸粉格外美味。

喂呀，啲長洲必食/美食post點解冇佢份！係陳通記定通記格離。容易搵，一次試個腸粉同埋沙爹牛通已經可以搞掂lunch，食咩海鮮呀！佢係我唯一掛住長洲嘅嘢食～環境係差啲，夏天真係滴住汗食，啲蠔大大利點會係蠔仔！先30蚊兩個人食兩碟已經會飽。蠔鮮又大嚟又多，去幾多次長洲我就會食幾多次😗我諗粥都應該好味，因為有對夫婦34度都係到食粥🤣有次入去長洲，佢竟然冇開，好似禮拜一，期待成日竟然食唔到，好似成日都有個遺憾咁。究竟要打幾多字先可以俾個好評佢……………….

Was here for one thing because there were so many things to eat at Cheung Chau, so Steamed Oyster Cheung Fun was the focus.Presentation = None. Hygiene = Minimal. Taste = Pretty Good.The oysters were chubby and sizable. No gooey starch around them. The rice rolls were soft and freshly steamed. Highly recommend to sprinkle some magic dust, the white peppers, all over the dish which brings out the “umami taste” from the oysters.

好耐冇去過長洲啦！入到去當然要食好西啦🤩🤩好懷念入邊嘅嘢食🤪😝帶朋友去食一間我覺得好食嘅粥店😬😬好彩都冇令佢失望☺️粥鋪嘅環境其實好一般，冇冷氣架，不過而家天氣涼涼地，間中有風吹吹下都幾正😉😉今次叫咗碎牛肉粥，油炸鬼，肉片腸粉碎牛肉粥🐮碎牛夠多，粥底夠綿，仲有淡淡的腐竹味👍🏽油炸鬼🥖炸得夠透，但今次就油左啲🙈肉片腸粉🐷唔好睇佢個樣咁樣衰😝但又出奇地好食🤪肉片同腸粉都好滑，個豉油唔係出邊食到嘅，應該係鋪頭自己整😋雖然佢唔係話平，甚至可以話有啲貴🙈不過一分錢一分貨😜我真係覺得佢係好味過依家出邊食嘅粥譜好多😋😋所以如果你哋未食過都可以一試啊😉😉

4月27日 去到見到有滷味就去試下， 見斬滷味的店員 ，完全冇戴口罩及手套， 收完錢後就繼續斬路未， 遞上食物的店員都没有。疫情下絕不推介了。叫了一碗艇仔粥，一碟叉燒腸，滷味

見好多食評話呢間炸兩好好味😀但因為要留肚食其他嘢，所以兩個人只係叫左一份炸兩冇試佢地嘅粥😅雖然疑似運吉🍊，但店員都好好服務👍🏻炸兩上檯時忍唔住「嘩」左一聲，因為好多醬呀🤣🤣腸粉真係好滑👍🏻👍🏻😋但油炸鬼就唔係好夠熱同脆身😅同埋雖然好欣賞食店不計工本俾咁多醬我地，但有半碟炸兩浸住咁多醬，食時唔撇走都幾重味下😅

本身星期日心情好好 咪同屋企人去長洲行下點知食左第一間中伏嘅粥麵店 真係喊左出黎😭😭😭😭😭 落單呀姐先正 問佢個樣 佢就淨係話你知餐牌上最貴個樣先有 問多幾句 又話其他都有得叫我同屋企人叫左2碗艇仔粥 一碗炒麵 一碗蠔仔腸粉蠔仔腸粉 蠔同腸分開 蠔仔唔新鮮 最慘係一路食一路有蠔殼 好大塊蠔殼炒麵 影靚左佢 濕炒咁 問佢拎甜醬 好似欠佢咁 隔左陣 佢唔知佢邊度拎支有甜醬嘅匙羹 一下 “劈”左落去炒麵度 然後話 支匙羹好乾淨😏😏😏艇仔粥 好水 入面無嘜餸 $21 好細碗 不吃也罷真心 唔會幫襯🤢🤢🤢